ARYNews.tv | Urdu – Har Lamha Bakhabar

Tag: نیو جرسی

  • ویڈیو: امریکا میں دھماکا خیز کیمیکل لے جانے والے ٹریلر میں ہولناک دھماکے، ڈرائیور ہلاک

    ویڈیو: امریکا میں دھماکا خیز کیمیکل لے جانے والے ٹریلر میں ہولناک دھماکے، ڈرائیور ہلاک

    نیو جرسی: امریکا میں دھماکا خیز کیمیکل لے جانے والے ٹریکٹر ٹریلر میں حادثے کے بعد ہولناک دھماکے ہوئے، جس میں ڈرائیور ہلاک ہو گیا۔

    امریکی میڈیا رپورٹس کے مطابق امریکی ریاست نیو جرسی میں حادثے کے بعد دھماکا خیز کیمیکل لے جانے والے ٹریکٹر ٹریلر میں متعدد دھماکے ہوئے، جس کی ویڈیو بھی سامنے آ گئی ہے۔

    حادثے کی وجہ سے قریبی گھر کو نقصان پہنچا، فائر بریگیڈ کی آگ بجھانے کی کوششوں کے دوران بھی دھماکا ہوا، جس میں عملہ تو بچ گیا لیکن ٹریلر ڈرائیور ہلاک ہو گیا، ریسکیو ٹیم نے قریبی گھر خالی کرائے۔

    یہ حادثہ پیر کی صبح نیو جرسی کے علاقے کلفٹن کے روٹ 3 پر پیش آیا، جس میں خطرناک مواد سے لدا ٹریلر ایک گھر کی دیوار سے ٹکرایا اور پھٹ گیا، جس سے قریبی گھر کے صحن میں دیوار اور سامان پگھل گیا۔

    حکام کا کہنا تھا کہ ٹریلر صبح 9 بجے کے قریب شاہراہ کے مشرق کی جانب پہلے ایک بس سے ٹکرایا، اور پھر ویلی روڈ ایگزٹ کے قریب دیوار سے ٹکرا گیا۔ عینی شاہدین نے فضا میں آگ کے بڑے مرغولے اٹھتے دیکھے۔

  • جنگل میں میلوں دور تک پکا ہوا پاستہ کس نے پھینکا؟

    جنگل میں میلوں دور تک پکا ہوا پاستہ کس نے پھینکا؟

    امریکی ریاست نیو جرسی کے ایک جنگل میں اچانک میلوں تک پاستہ پھیلا ہوا پایا گیا، حکام یہ حرکت کرنے والے شخص کو ڈھونڈنے کی سر توڑ کوششیں کر رہے ہیں۔

    نیو جرسی کی اولڈ برج نامی کاؤنٹی کے شہری ایک صبح جاگے تو جنگل کے قریب میلوں دور تک پکا ہوا پاستہ اور اسپیگٹی وغیرہ پھیلا ہوا گیا جس اس کی تصاویر جلد ہی سوشل میڈیا پر وائرل ہوگئیں۔

    تقریباً 500 پاؤنڈز پاستہ جنگل میں پھینک دیا گیا تھا جو میلوں تک پھیلا ہوا تھا۔

    انتظامیہ نے مقامی افراد کے ساتھ مل کر جلد ہی اس کی صفائی کردی تاہم یہ علم نہ ہوسکا کہ یہ حرکت کس کی تھی۔

    تصاویر سوشل میڈیا پر وائرل ہونے کے بعد لوگوں نے اس پر مزاحیہ تبصرے بھی شروع کردیے، کسی نے کہا کہ یہ پاستہ ایکسپائر ہوگیا ہوگا تبھی اسے پھینک دیا گیا۔

    کسی نے کہا کہ کسی کی دعوت آخری لمحے میں منسوخ ہوگئی ہوگی تو اس نے مہمانوں کے لیے پکا ہوا کھانا پھینک دیا۔

  • والد نے بیٹے کو عمارت کی کھڑکی سے نیچے پھینک دیا، دل دہلا دینے والی ویڈیو

    والد نے بیٹے کو عمارت کی کھڑکی سے نیچے پھینک دیا، دل دہلا دینے والی ویڈیو

    نیو جرسی: امریکی ریاست نیو جرسی میں‌ ایک والد نے بیٹے کی جان بچانے کے لیے دل پر پتھر رکھ کر جلتی عمارت کی کھڑکی سے باہر پھینک دیا۔

    تفصیلات کے مطابق نیو جرسی میں پیر کے روز ایک 3 سالہ بچے کو آگ سے بچانے کے لیے والد نے اپارٹمنٹ کی دوسری منزل کی کھڑکی سے باہر پھینک دیا۔

    دل دھڑکانے والی اس ویڈیو میں دیکھا جا سکتا ہے کہ ریسکیو اہل کار بازو پھیلا کر پہلے ایک 3 سالہ لڑکے اور اس کے بعد اس کے والد کو اپارٹمنٹ میں لگنے والی آگ سے بچانے کی کوشش کر رہے ہیں۔

    رپورٹ کے مطابق ایک باپ اور اس کا تین سالہ بیٹا نیو جرسی کے ساؤتھ برنسوِک میں ساؤتھ رج ووڈز کامپلیکس میں دو منزلہ اپارٹمنٹ کی اوپری منزل پر اس وقت پھنس گئے جب ان کی عمارت میں آگ لگ گئی۔

    اطلاع ملتے ہی فائر فائٹرز وہاں پہنچے تو باپ نے کھڑکی توڑ کر اپنے تین سالہ بچے کو ایک امید پر نیچے پھینک دیا۔

    والد کے اعتماد کے عین مطابق نیچے کھڑے فائر فائٹرز نے اس بچے کو کامیابی سے کیچ کر لیا، یہ سارا منظر فائر فائٹر کے لباس میں لگے کیمرے میں قید ہو گیا، بچہ محفوظ ہونے کے بعد اس کے والد بھی کھڑکی سے باہر کودے اور ریسکیو اہل کاروں نے انھیں بھی چوٹ لگنے سے بچا لیا۔

  • برف کا گولہ چھت توڑتا ہوا گھر کے اندر آگرا

    برف کا گولہ چھت توڑتا ہوا گھر کے اندر آگرا

    امریکا کی مختلف ریاستوں میں برفباری کا سلسلہ جاری ہے، ریاست نیو جرسی میں ایک خاندان کے ساتھ برفباری کے دوران انوکھا واقعہ پیش آیا۔

    امریکی میڈیا کے مطابق نیو جرسی میں ایک گھر میں اچانک برف کا ایک گولہ چھت توڑتا ہوا گھر کے اندر آگرا جس سے گھر والے خوفزدہ ہوگئے۔

    گھر میں رہائشی کم نامی خاتون کا کہنا ہے کہ وہ اپنے بیمار بیٹے کو دوا کھلا رہی تھیں جب انہوں نے دوسرے کمرے سے ایک زوردار آواز سنی۔

    انہوں نے کچن میں جا کر دیکھا تو برف کے ٹکڑے پڑے ہوئے تھے جبکہ چھت میں ایک بڑا سا سوراخ تھا۔

    کم کا کہنا ہے کہ وہ نہیں جانتیں کہ یہ برف کیسے گری، اب ان کے گھر کے باہر اور چھت پر تو برف موجود ہی ہے، لیکن گھر کے اندر بھی ہے۔

    انہوں نے بتایا کہ واقعے میں خوش قسمتی سے گھر کا کوئی شخص زخمی نہیں ہوا۔

  • ایک شخص کے قتل کے جرم میں گرفتار ملزم نے 16 کا اعتراف کر کے حیران کر دیا

    ایک شخص کے قتل کے جرم میں گرفتار ملزم نے 16 کا اعتراف کر کے حیران کر دیا

    نیو جرسی: امریکا میں ایک شخص کے قتل میں گرفتار ملزم نے 16 قتل کا اعتراف کر کے پولیس کو حیران کر دیا ہے، تاہم پولیس حکام کو قاتل کے اعتراف کو ماننے میں تامل ہو رہا ہے۔

    امریکی میڈیا کے مطابق ریاست نیو جرسی میں ایک شخص 47 سالہ شہری شان لینن نے ایک شخص کو اس لیے قتل کر دیا تھا کیوں کہ اس نے بچپن میں اسے جنسی زیادتی کا نشانہ بنایا تھا، اس قتل کے الزام کا سامنا کرنے والے ملزم شان لینن نے اب پولیس کے سامنے 16 افراد کے قتل کا اعتراف کر لیا ہے۔

    شان لینن کا کہنا تھا اس نے جو قتل کیے ان میں اس کی بیوی بھی شامل تھی۔ تاہم حکام نے ابھی تک اس کے دعوے کی تصدیق نہیں کی ہے۔

    اسسٹنٹ پراسیکیوٹر ایلیک گوتی ایریز نے بتایا کہ ملزم کے بیان کے مطابق پہلے اس نے 4 افراد کو مارا، ان افراد کی لاشیں ایک ہفتہ قبل ایک گاڑی سے ملی تھیں، اور پھر 11 دیگر افراد کو مارا جن کی لاشیں نیو میکسیکو سے ملی تھیں۔ بیان کے مطابق وہ بہلا پھسلا کر ان افراد کو نیو میکسیکو کے ایک گھر میں لایا اور پھر ان میں کچھ کے ٹکڑے ٹکڑے کر دیے۔

    ایک عدالتی دستاویز میں کہا گیا ہے کہ شان لینن نے اپنے ایک رشتہ دار کو فون کر کے قتل کا اعتراف اور پچھتاوے کا اظہار کیا، اب حکام چار افراد کے قتل کے حوالے سے اس پر شبہ ظاہر کر رہے ہیں، تاہم شان لینن پر صرف نیو جرسی میں قتل کا مقدمہ درج ہے اور اس کے وکیل کا کہنا ہے کہ اس کے مؤکل کو اکسایا گیا ہے۔

    دوسری طرف پولیس افسر ڈیوڈ شاویز کا کہنا ہے کہ اس شخص کے دعوؤں کے برعکس حکام کو ایسے کوئی شواہد نہیں ملے جس سے ثابت ہوتا ہو کہ باقی 11 کو بھی اس نے قتل کیا ہے، پولیس کے پاس کسی کے لاپتا ہونے یا قتل ہونے کی کوئی اطلاع بھی نہیں ہے، جس کی وجہ سے اس کی بات مان لی جائے۔

  • آدھی رات کو بھاگنے والی گائے نے پولیس کی دوڑیں لگوا دیں

    آدھی رات کو بھاگنے والی گائے نے پولیس کی دوڑیں لگوا دیں

    امریکا میں رات کے وقت مذبح خانے سے بھاگ جانے والی ایک گائے نے پولیس کی دوڑیں لگوا دیں، پولیس نے 2 گھنٹے کی محنت کے بعد گائے کو ڈھونڈ کر قابو کیا۔

    امریکی ریاست نیو جرسی کی سرحد کے قریب اس گائے کی سڑک پر گھومنے کی اطلاع پولیس کو رات ڈھائی بجے موصول ہوئی۔

    یہ گائے ٹرانسپورٹ کی جانے والی گاڑی سے بھاگی تھی اور رات میں جاگتے کچھ افراد نے اسے دیکھ کر پولیس کو اطلاع کی، ایک شخص نے گائے کی ویڈیو بھی بنائی اور اسے فیس بک پر پوسٹ کردیا۔

    پولیس اور اینیمل کنٹرول افسران نے اسے ڈھونڈنے کا عمل شروع کیا اور 2 گھنٹے بعد انہیں کامیابی ملی۔

    پولیس کا کہنا ہے کہ مذکورہ گاڑی جانوروں کو مذبح خانے لے کر جارہی تھی۔

  • بلی 4 سال بعد اپنے مالک تک کیسے پہنچی؟

    بلی 4 سال بعد اپنے مالک تک کیسے پہنچی؟

    امریکا میں اس وقت ایک خاتون خوشی سے نہال ہوگئیں جب ان کی 4 سال قبل کھو جانے والی بلی انہیں دوبارہ مل گئی۔

    نووا نامی یہ بلی سنہ 2016 میں امریکی ریاست نیو جرسی سے اپنی مالکن کے گھر سے لاپتہ ہوئی تھی۔ خاتون نے اسے تلاش کرنے کی بہت کوشش کی اور علاقے میں پوسٹرز بھی چپساں کیے، لیکن وہ اسے ڈھونڈنے میں ناکام رہیں۔

    اب یہ بلی ریاست پنسلوینیا کے ایک شیلٹر ہوم سے ملی ہے۔ شیلٹر ہوم کی انتظامیہ کا کہنا ہے کہ یہ بلی کچھ دن قبل یہاں آئی تو اس کا اسکین کیا گیا کہ اس کے اندر کوئی مائیکرو چپ تو نصب نہیں۔

    مائیکرو چپ کی موجودگی کا علم ہونے کے بعد اس کی مالکن سے رابطہ کیا گیا جو اب میسا چوسٹس میں رہتی تھی۔

    مالکن اپنی بلی کے دوبارہ مل جانے پر خوشی سے نہال ہوگئیں، وہ شیلٹر ہوم پہنچیں اور اپنی پیاری بلی کو اپنے نئے گھر لے گئیں۔

  • امریکی ریاست میں ڈالرز کی بارش؟‌ اصل حقیقت سامنے آگئی

    امریکی ریاست میں ڈالرز کی بارش؟‌ اصل حقیقت سامنے آگئی

    نیویارک: امریکی ریاست نیوجرسی کے ہائی وے پر اچانک ڈالروں کی بارش ہونی لگی، شاہراہ پر نوٹ پڑے دیکھ کر لوگوں نے جمع بھی کیے مگر انہیں کوئی فائدہ نہیں ہوا۔

    تفصیلات کے مطابق امریکی ریاست نیوجرسی کے ہائی وے پر دلچسپ صورتحال اُس وقت دیکھی گئی جب سڑک پر ہر طرف پانچ، دس اور بیس کے ڈالرز نوٹ بکھر گئے۔

    شاہراہ سے گزرنے والے کچھ لوگ تو ڈالر کی بارش کو دیکھتے رہے مگر متعدد افراد نے اس موقع سے فائدہ اٹھایا وہ اپنی گاڑیوں سے اترے اور سڑک پر بکھرے ڈالر جمع کر کے فرار ہوگئے۔

    امریکی میڈیا کی رپورٹ کے مطابق سیکیورٹی کمپنی ایک بینک سے دوسرے بینک نوٹ کی ترسیل کررہی تھی کہ اسی دوران گاڑی کا دورازہ کھل گیا اور ڈالر سڑک پر بکھر گئے۔

    پولیس نے واقعے کی تحقیقات کا آغاز کردیا جبکہ بینک عملے کی نشاندہی کے بعد ڈالرز کی مذکورہ سیریز کو جعلی قرار دے دیا گیا۔

    حکام کا کہنا تھاکہ ’سڑک پر بکھرے ڈالر جمع کرنے والے افراد کے خلاف سخت کارروائی عمل میں لائی جائے گی، جیسے ہی کوئی شہری انہیں خریدنے کے لیے جائے گا تو ہمارے پاس اطلاع موصول ہوجائے گی‘۔

    ہائی وے پر اچانک گاڑی روک کر ڈالر جمع کرنے کی کوشش کے دوران کئی گاڑیوں کا حادثات بھی پیش آئے جس میں خوش قسمتی سے کوئی جانی نقصان نہیں ہوا۔

  • امریکہ کی مختلف ریاستوں میں گورنر اور میئر کے انتخابات، ڈیموکریٹک نے میدان مارلیا

    امریکہ کی مختلف ریاستوں میں گورنر اور میئر کے انتخابات، ڈیموکریٹک نے میدان مارلیا

    نیویارک : امریکہ کی مختلف ریاستوں میں گورنر اور میئر کے انتخابات میں امریکی ووٹرز نے ڈونلڈ ٹرمپ کے حمایت یافتہ اور ری پبلکن پارٹی کے امیدواروں کے خیالات کو مسترد کرتے ہوئے ڈیموکریٹک امیدواروں کو کامیاب کرا دیا ہے۔

    تفصیلات کے مطابق امریکہ میں ری پبلکن پارٹی اور صدر ڈونلڈ ٹرمپ کو ایک اور جھٹکا، مریکا کی مختلف ریاستوں میں گورنر کے انتخاب کیلئے ووٹنگ ہوئی اور امریکی ووٹرز نے میئر اور گورنر کے انتخابات میں ڈیموکریٹک امیدواروں کو کامیاب کرا دیا۔

    سب سے اہم معرکہ ورجینیا کے گورنر کا تھا، جہاں ڈیموکریٹ رالف نارتھم نے ایک سخت مقابلے کے بعد ری پبلکن ایڈ گلیسپی کو شکست دی، امیدواروں کا کہنا تھا پاکستانی برادری ورجینیا کی معاشی سرگرمیوں میں اہم کردار اد ا کرتی ہے۔

    ایک اور اہم معرکہ نیویارک کے میئر کے چناؤ کا تھا، جہاں صدر ڈانلڈ ٹرمپ اور ان کی پالیسیوں کے سب سے بڑے مخالف بل دی بلاسیو نے ری پبلکن امیدوار نکول مالیو ٹیکس کو بڑے مارجن سے شکست دی، بل دی بلاسیو مسلل دوسری مرتبہ نیو یارک کے میئر منتخب ہوئے۔

    امریکی ریاست نیو جرسی میں بھی گورنر کے انتخابات میں ڈیموکریٹس کے امیدوار فل مرفی نے ری پبلکن امیدوار کو بڑے مارجن سے ہرایا۔

    ڈیموکریٹک امیدواروں کو کامیاب کرانے والے ووٹرز بھی انتہائی خوش نظر آئے، انتخابات کےموقع پر پولنگ اسٹیشن پر سیکورٹی کےسخت انتظامات کئے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکہ میں ٹرین حادثہ،3 افراد ہلاک

    امریکہ میں ٹرین حادثہ،3 افراد ہلاک

    ہوبوکن: امریکی ریاست نیو جرسی میں مسافر ٹرین ہوبوکن اسٹیشن کی عمارت میں گھس گئی اور اس حادثے میں کم از کم 3افرادہلاک اور100سے زیادہ افراد زخمی ہو گئے۔

    تفصیلات کےمطابق امریکی ریاست نیوجرسی میں گزشتہ روز مسافر ٹرین ہوبوکن اسٹیشن میں رکنے میں ناکام ہوئی اور عمارت سے ٹکرائی جس سے عمارت کوبھی نقصان پہنچا۔

    حادثے کے بعد تصاویر میں دیکھا جا سکتا ہے کہ ٹرین کے ڈبوں کو اور اسٹیشن کی عمارت کو شدید نقصان پہنچا ہے جبکہ عمارت کی چھت کا ایک حصہ بھی ٹوٹ چکا ہے۔
    tpost-1-roof

    وائٹ ہاؤس کے ترجمان جوش ارنسٹ نے کہاہے کہ نیوجرسی میں ہونے والے ٹرین حادثےمیں دہشت گردی کے شواہد کاعلم نہیں ہے۔

    جوش ارنسٹ کا کہناتھا کہ نیوجرسی ٹرین حادثے کے بارے میں نیشنل ٹرانسپورٹیشن سیفٹی بورڈ معاملےکاجائزہ لےرہاہے۔اس وقت دہشت گردی کاامکان مستردکرناقبل ازوقت ہوگا۔

    نیوجرسی اسٹیشن کے ترجمان جنیفر نیلسن کا کہنا تھا کہ ہمارے پاس 100 سے زائد زخمی ہیں اور ان میں سے زیادہ تر کو شدید زخم آئے ہیں۔

    tpost-2

    نیلسن کا کہنا تھا کہ حادثہ صبح 9 بجے کے قریب پیش آیا اور اس وقت ٹرین میں 250 کے قریب افراد سوار تھے۔امریکی میڈیا کی رپورٹ کے مطابق مسافروں کا کہنا تھا کہ حادثہ تیز رفتاری کے باعث پیش آیا۔

    t-post-3