Tag: نیو سبزی منڈی

کراچی : نیو سبزی منڈی میں بارش نے تباہی مچادی، لاکھوں روپے کا مال بارش کی نظر ہونے سے تاجروں کو شدید نقصان ہوا۔

تفصیلات کے مطابق کراچی کی نیو سبزی منڈی ہائی وے میں بارش کے بعد تباہ کاریاں جاری ہے ، منڈی کچرہ منڈی بن گئی جبکہ کئی کئی فٹ کیچڑ جمع اور کچرے کے ڈھیر لگ گئے۔

ہول سیل فروٹ ویجیٹیبل منڈی میں لاکھوں روپے کا مال بارش پانی اور کیچڑ کے نظر ہوگیا ، منڈی انتظامیہ کی جانب سے غفلت اور لاپرواہی سے تاجروں کو شدید نقصان پہنچا۔

سبزی و فروٹ منڈی میں نکاسی آب اور سیوریج نظام چوک ہونے کی وجہ سے اندرونی سڑکیں کھنڈر بن گئی، کیچڑ اور سیوریج کے پانی کے کھڑے رہنے سے سبزیاں اور پھل کا مال کچرے کی نظر ہوگیا۔

کھانے پینے کے مال پر جانور اور حشرات الارض گھوم رہے ہیں، جس کے بعد نیو سبزی منڈی کچرے کا ڈھیر بیماریوں کہ آماجگاہ بن گئی۔

تاجر سبزی منڈی رحیم خان کا کہنا ہے کہ بارش کے بعد سبزی منڈی میں جگہ جگہ کچرے کے ڈھیر جمع ہو گئے اور سیوریج کےپانی سے کچی سڑکوں مزید گھڑے بن گئے ہیں۔

کیچڑ اور کچرے کی وجہ سے سخت بد بو اور مکھیوں مچھروں کی یلغار ہے، کیچڑ سے بھری سڑکیں سبزی اور پھلوں کی گاڑیوں اور ٹرکوں کہ آمدورفت میں رکاوٹ بنی ہوئی ہیں۔

کراچی: سائٹ سپر ہائی وے نیو سبزی منڈی کے قریب 2 گروہوں میں جھگڑا ہو گیا، جھگڑے میں فائرنگ سے ایک شخص ہلاک جب کہ 4 افراد زخمی ہو گئے۔

تفصیلات کے مطابق ریسکیو ذرایع کا کہنا ہے کہ سپر ہائی وے پر نیو سبزی منڈی کے قریب جھگڑے میں ایک شخص ہلاک جب کہ چار افراد زخمی ہوئے ہیں۔

ایس ایس پی ملیر نے بتایا کہ 2 افراد کو گرفتار کر کے ان سے اسلحہ برآمد کر لیا گیا ہے، دوسری طرف جھگڑے کے بعد سبزی منڈی کو بند کر دیا گیا۔

ادھر سبزی منڈی میں کام کرنے والے مزدور نے الزام عائد کیا ہے کہ فائرنگ میں پولیس اہل کار بھی ملوث ہیں، انھوں نے بسم اللہ گروپ کے لوگوں سے رشوت لی۔

نیو سبزی منڈی پرفائرنگ کے تبادلے کے بعد تاجروں نے احتجاج شروع کر دیا، اور سبزی منڈی کے اندر جمع ہو گئے، مظاہرین نے پولیس چوکی کا گھیراؤ کیا، اور احتجاج کے دوران بکتر بند گاڑی پر پتھراؤ کر کے اس کے شیشے توڑ دیے۔

یہ بھی پڑھیں:  کراچی میں پولیس کا کومبنگ آپریشن، 8 مشتبہ افراد گرفتار

پولیس نے مظاہرین پر لاٹھی چارج کیا، بتایا گیا ہے کہ بکتر بند گرفتار ملزمان کو پولیس چوکی سے تھانے منتقل کرنے آئی تھی۔

دوسری طرف سپر ہائی وے پر سبزی منڈی کے تاجروں کا احتجاج ختم کرانے کے لیے رینجرز پہنچ گئی، تاجروں نے رینجرز کی یقین دہانی کے بعد احتجاج ختم کر دیا، تاجروں کو یقین دہانی کرائی گئی کہ فائرنگ کرنے والے ملزمان کے خلاف کارروائی ہوگی، تاہم تاجروں کا کہنا تھا کہ اگر 2 دن تک کارروائی نہیں ہوئی تو دوبارہ احتجاج کریں گے۔

ادھر سبزی منڈی میں فائرنگ کے بعد سے پولیس چوکی پر کشیدگی برقرار ہے، پولیس چوکی پر مشتعل مظاہرین نے دھاوا بول کر توڑ پھوڑ کی تھی، مظاہرین نے پولیس موبائل کے شیشے بھی توڑ دیے اور گاڑی الٹا دی۔