Tag: نیو کراچی

کراچی: شہر قائد میں ایک سرکاری اسپتال میں بڑی واردات کا انکشاف ہوا ہے، اسپتال سے کرونا مریضوں کے لیے رکھے گئے 300 آکسیجن سلنڈر  چوری کیے گئے۔

اے آر وائی نیوز کے مطابق نیو کراچی میں واقع سندھ گورنمنٹ اسپتال کے کو وِڈ اسٹور میں چوری کی واردات کے دوران ملزمان آنکھوں کے سامنے 300 سرکاری آکسیجن سلنڈر لے اڑے۔

یہ واردات 22 اکتوبر کو سندھ گورنمنٹ اسپتال نیو کراچی میں پیش آئی تھی، ملزمان جاتے جاتے 100 واٹر کولر بھی ساتھ لے گئے تھے، واردات کا مقدمہ بلال کالونی تھانے میں درج کیا گیا ہے۔

اسپتال ذرایع کا کہنا ہے کہ ملزمان باقاعدہ ٹرک لے کر سندھ گورنمنٹ اسپتال پہنچے تھے، ادھر ایف آئی آر میں کہا گیا ہے کہ 4 ملزمان ٹرک میں 6 سلنڈر رکھتے ہوئے پکڑے گئے، تاہم ملزمان تین سو آکسیجن سلنڈر اور سو واٹر کولر پہلے ہی لے جا چکے تھے۔

ایف آئی آر کے متن میں لکھا گیا ہے کہ ٹرک ڈرائیور کے مطابق کار میں ایک شخص اس کے پاس آیا تھا، اس نامعلوم شخص نے ٹرک بک کروایا اور کہا لوڈر بھی ساتھ لے لو، اس کے بعد ہماری گاڑی کو سندھ گورنمنٹ اسپتال میں داخل بھی کروایا۔

پولیس کا کہنا ہے کہ پکڑے گئے ملزمان میں سعیداللہ، ابراہیم، نعمان اور عبدالماجد شامل ہیں، پولیس کی جانب سے مختلف مقامات پر دیگر ملزمان کی گرفتاری کے لیے چھاپا مار کارروائیاں بھی جاری ہیں۔

کراچی: شہر قائد کے علاقے نیو کراچی کے قریب کچرا کنڈی سے انسانی اعضا ملے، پولیس کا کہنا ہے کہ واقعہ غیرت کے نام پر لرزہ خیز قتل کی واردات ہے۔

تفصیلات کے مطابق نیو کراچی کے قریب ایک کچرا کنڈی سے انسانی اعضا ملے تھے، کراچی پولیس کا کہنا ہے کہ مقتول کو غیرت کے نام پر قتل کیا گیا تھا، بعد ازاں اس کی لاش کے ٹکڑے کر کے کچرا کنڈی میں پھینکے گئے۔

پولیس کے مطابق انسانی اعضا 2 جون کو لاپتا ہونے والے حق نواز کے ہیں، انسانی اعضا عائشہ نامی ملزمہ کی نشان دہی پر برآمد ہوئے۔

حق نواز نامی شہری کی گم شدگی کی رپورٹ تھانہ بلال کالونی میں درج کی گئی تھی، تفتیشی ذرایع کا کہنا ہے کہ مقتول کی عائشہ نامی خاتون سے دوستی تھی۔

یہ بھی پڑھیں:  کراچی میں گاڑی اور رکشہ ٹکرا گئے، 2 افراد جاں بحق

پولیس نے کہا ہے کہ عائشہ کے گھر پر کارروائی میں پتا چلا، ملزمان اندرون سندھ اور پنجاب فرار ہوئے، سکھر میں کارروائی کر کے فرار ملزم کو گرفتار کر لیا گیا ہے۔

پولیس ذرایع کا کہنا ہے کہ گرفتار ہونے والی ملزمہ نے حق نواز کو قتل کرنے کا اعتراف کر لیا، واقعے میں ملوث مرکزی ملزم پنجاب فرار ہے جس کی تلاش جاری ہے۔

خیال رہے کہ آج کراچی کے علاقے کلفٹن میں ویگو گاڑی اور رکشہ ٹکرا گئے جس کے نتیجے میں 2 افراد جان کی بازی ہار گئے، جب کہ 6 افراد زخمی ہو گئے، پولیس کا کہنا ہے کہ حادثہ تیز رفتار کار کے موڑ کاٹنے کے دوران پیش آیا، حادثے کے ذمہ دار کار ڈرائیور کو حراست میں لے لیا گیا۔

کراچی: گبول ٹاؤن میں گارمنٹس فیکٹری میں لگی آگ شدت اختیار کر گئی ہے، آگ تیسرے درجے کی قرار دے دی گئی، شہر بھر سے فائر ٹینڈر طلب کر لیے گئے۔

تفصیلات کے مطابق نیو کراچی کے علاقے گبول ٹاؤن میں گارمنٹس فیکٹری میں آتش زدگی شدت اختیار کر گئی ہے، فائر بریگیڈ کی 6 گاڑیاں قابو پانے میں مصروف ہیں۔

[bs-quote quote=”آگ پر قابو پانے کے لیے تمام وسائل بروئے کار لائے جائیں۔” style=”style-8″ align=”left” author_name=”سعید غنی” author_job=”وزیر بلدیات سندھ”][/bs-quote]

آگ پر قابو پانے کے لیے فائر بریگیڈ کی مزید گاڑیاں طلب کر لی گئی ہیں، آتش زدگی کے باعث فیکٹری میں موجود 2 مزدور معمولی زخمی ہوئے ہیں۔

واٹر بورڈ کو تنگ گلیوں کے باعث فائر باؤزرز کو پانی پہنچانے میں دشواری کا سامنا کرنا پڑ رہا ہے۔

ایم ڈی واٹر بورڈ اسد اللہ خان کا کہنا ہے کہ اب تک 65 ہزار گیلن سے زائد پانی فراہم کیا جا چکا ہے، مزید ٹینکروں کے ذریعے پانی فراہم کیا جا رہا ہے۔

دوسری طرف فائر بریگیڈ کی درخواست پر ایم ڈی واٹر بورڈ نے ہائیڈرنٹس پر ایمرجنسی نافذ کر دی ہے، ایم ڈی نے ہائیڈرنٹس اور ٹینکرز سیل افسران کو متاثرہ جگہ پہنچنے کی ہدایت کر دی۔

واٹر بورڈ کے ایم ڈی نے بتایا کہ فائر باؤزرز کو آگ پر مکمل قابو پانے تک پانی کی فراہمی جاری رہے گی۔

یہ بھی پڑھیں:  کراچی: کمسن بیٹی کو قتل کرنے والا سفاک باپ گرفتار

دریں اثنا، وزیرِ بلدیات سندھ سعید غنی کی جانب سے بھی فائر بریگیڈ اور واٹربورڈ کو ہدایات جاری کر دی گئی ہیں، سعید غنی نے کہا کہ آگ پر قابو پانے کے لیے تمام وسائل بروئے کار لائے جائیں۔

انھوں نے ہائیڈرنٹس اور ٹینکرز سیل کے افسران کو ہدایت کی کہ وہ فوری متاثرہ مقام پر پہنچیں، اور پانی کی بلا تعطل فراہمی کو یقینی بنایا جائے۔