Tag: نیہا ککڑ

بالی ووڈ گلوکارہ نیہا ککڑ پر ان کے کانسرٹ کی وجہ سے تنقید کرنے والوں کو ان کے گلوکار بھائی ٹونی ککڑ نے سوشل میڈیا پر کرارا جواب دیا ہے۔

کئی بھارتی فلموں کے لیے اپنی آواز کا جادو جگانے والی گلوکارہ نیہا ککڑ آسٹریلیا میں اپنے کانسرٹ میں دیر سے پہنچی تھیں جس پر تنقید کی گئی تو وی زار و قطار رو پڑیں، ان کے بھائی نے اس رویے کے بعد سوشل میڈیا پر ایک پیغام جاری کیا۔

ٹونی ککڑ نے اپنے پیغام میں لکھا کہ "فرض کریں کہ میں آپ کو اپنے شہر میں کسی تقریب کے لیے مدعو کرتا ہوں اور تمام انتظامات کی پوری ذمہ داری لیتا ہوں، آپ کے ہوٹل، کار، ہوائی اڈے سے پک اپ، اور ٹکٹوں کی بکنگ سب کی ذمہ داری لیتا ہوں”۔

نیہا کے بھائی ٹونی نے مزید لکھا کہ "اب تصور کریں کہ آپ جب پہنچتے ہیں تو آپ کو پتا چلتا ہے کہ کچھ بھی بک نہیں کیا گیا ہے، ہوائی اڈے پر نہ کوئی کار، نہ ہوٹل کی بکنگ اور نہ ہی کوئی ٹکٹ، اس صورت حال میں قصوروار کون ہے؟”

View this post on Instagram

A post shared by Tony Kakkar (@tonykakkar)

خیال رہے کہ بھارتی میڈیا رپورٹس کے مطابق نیہا ککڑ کا میلبرن میں کانسرٹ تھا جس میں وہ 3 گھنٹے کی تاخیر سے پہنچیں اور اسٹیج پر آتے ہی انہوں نے مداحوں سے معافی مانگی اور رو پڑیں۔

کانسرٹ میں موجود کچھ افراد نے ‘واپس جاؤ’ اور ‘رونے کا ڈرامہ’ کے نعرے بلند کردیے۔

نیہا ککڑ نے ان افراد کی آوازوں کو نظر انداز کرتے ہوئے روتے ہوئے کہا ‘آپ لوگ بہت اچھے ہیں جو اتنی دیر سے انتظار کررہے ہیں، مجھے اس چیز سے نفرت ہے، زندگی میں میں نے کبھی کسی کو اتنا انتظار نہیں کروایا’۔

پاکستانی گلوکار عاصم اظہر کی آواز نے بھارتی گلوکارہ نیہا ککڑ کو بھی متاثڑ کردیا۔

بھارتی گلوکارہ نیہا ککڑ نے پاکستانی گلوکار عاصم اظہر کا گانا ’جو تو نہ ملا‘ گنگنا کر ان کے ساتھ کام کرنے کی خواہش ظاہر کی ہے۔

دبئی میں میڈیا سے گفتگو کے دوران نیہا ککڑ نے عاصم اظہر کا گانا ’جو تو نہ ملا‘ کی دھن گنگناتے ہوئے بتایا کہ انہیں یہ گانا بہت پسند ہے لیکن انہیں گلوکار کا نام یاد نہیں تھا جس پر وہاں موجود خاتون نے بتایا کہ یہ گانا عاصم اظہر کا ہے۔

یہ سننا تھا کہ نیہا نے عاصم اظہر کے ساتھ کام کرنے کی خواہش ظاہر کی اور کہا کہ مستقبل میں شاید ایسا ہوجائے۔

View this post on Instagram

A post shared by Something Haute (@somethinghauteofficial)

بھارتی گلوکارہ نے پاکستانی سے ملنے والی محبت کو بھی سراہا اور کہا کہ پاکستانیوں سے ملتے ہوئے بہت اپنائیت سے محسوس ہوتی ہے۔

نیہا ککڑ نے یہ بھی کہا کہ بھارت اور پاکستان کے بارے میں جو باتیں پوری دنیا میں پھیلی ہوئی ہیں وہ میری سمجھ سے باہر ہیں، پاکستانیوں سے اتنا پیار اور مثبت رویہ ملتا ہے کہ مجھے بھارتیوں اور پاکستانیوں میں کوئی فرق محسوس نہیں ہوتا۔

نیہا ککڑ کی پریس کانفرنس کے اس کلپ کو عاصم اظہر نے بھی اپنی انسٹاگرام اسٹوری کا حصہ بناتے ہوئے گلوکارہ کو ٹیگ کیا اور ساتھ ہی ہاتھ سے دل بنانے والا ایموجی بھی شیئر کیا۔