ARYNews.tv | Urdu – Har Lamha Bakhabar

Tag: ن لیگ کی پالیسیوں

  • پیپلز پارٹی کی ن لیگ کی پالیسیوں پر تحفظات کا معاملہ شدت اختیار کر گیا

    پیپلز پارٹی کی ن لیگ کی پالیسیوں پر تحفظات کا معاملہ شدت اختیار کر گیا

    اسلام آباد : چیئرمین پیپلز پارٹی لاول بھٹوزرداری کی وزیراعظم شہبازشریف سے ملاقات طے ہوگئی ، جس میں پی پی چیئرمین مہنگی بجلی معاملے پر طویل مدتی حل تجویز کریں گے۔

    تفصیلات کے مطابق پیپلز پارٹی کی ن لیگ کی پالیسیوں پر تحفظات کا معاملہ شدت اختیار کر گیا، چیئرمین پیپلز پارٹی بلاول بھٹو کی وزیراعظم شہبازشریف سے ملاقات طے ہوگئی، جس کے لئے چیئرمین پی پی اسلام آباد پہنچ چکے ہیں۔

    پیپلزپارٹی ذرائع نے بتایا وزیراعظم شہبازشریف آج رات چیئرمین پیپلز پارٹی کے اعزاز میں عشائیہ دیں گے، دونوں رہنماوں کی ملاقات خصوصی اہمیت کی حامل ہے۔

    ذرائع نےکہا کہ چیئرمین پی پی وزیراعظم کو حکومتی معاشی پالیسیوں پر تحفظات سے آگاہ کرنے کے ساتھ ساتھ پنجاب کے حوالے سے تحریری معاہدے پر عملدرآمد نہ ہونے پر تحفظات کا اظہار کریں گے۔

    پی پی ذرائع کا کہنا ہے کہ وفاقی حکومت آئی ایم ایف کی پابندیوں کا رونا روتی ہے، کیا پنجاب میں سبسڈی دینے پر آئی ایم ایف کو اعتراض نہیں ہو گا، سندھ کے حوالے سے ہی کیوں آئی ایم ایف کا نام لیا جاتا ہے، پی پی ذرائع

    ذرائع نے کہا کہ مہنگی بجلی کے معاملے پرطویل المدتی حل تجویز کریں گے اور وزیراعظم کو سستی بجلی پیدا کرنے کےلیے تھرکا کوئلہ استعمال میں لانے کی بھی تجویز دیں گے،

    ذرائع کے مطابق وفاق سنجیدگی دکھائے بجلی مسئلے کا طویل المدت حل نکل سکتا ہے، وفاق بجلی کے معاملے پر سندھ کے ساتھ بات چیت کرے۔

  • پورا ملک ن لیگ کی پالیسیوں کی سزا بھگت رہا ہے، صمصام بخاری

    پورا ملک ن لیگ کی پالیسیوں کی سزا بھگت رہا ہے، صمصام بخاری

    لاہور : وزیراطلاعات پنجاب صمصام بخاری نے کہا ہے کہ پورا ملک ن لیگ کی پالیسیوں کی سزا بھگت رہا ہے، معاشی اہداف حاصل نہ ہونے کی وجہ کرپشن اور لوٹ مار ہے۔

    یہ بات انہوں نے لاہور مین میڈیا سے گفتگو کرتے ہوئے کہی، صمصام بخاری کا کہنا تھا کہ حکو مت لانگ ٹرم پالیسیوں کے ذریعے ملک کو استحکام دلائے گی، عمران خان سچ بول کرنیک نیتی سے آگے بڑھ رہے ہیں، پی ٹی آئی اپنے تمام انتخابی وعدے پورے کرے گی۔

    اپوزیشن کے احتجاج سے متعلق ایک سوال کے جواب میں انہوں نے کہا کہ ملک لوٹنے والے دوبارہ اکٹھے ہونے جارہے ہیں لیکن گزشتہ 3حکومتوں نے مدت پوری کی، یہ حکومت بھی اپنی مدت پوری کرے گی، کسی مڈٹرم الیکشن کے انعقاد کا جواز اور توقع نہیں ہے۔

    وزیر اطلاعات پنجاب نے مزید کہا کہ وزیر اعظم عمران خان نے مشکل لیکن بہتر مستقبل کیلئے فیصلے کئے، عوام باشعور ہیں، کرپٹ عناصر کا ساتھ نہیں دیں گے، وہ پیپلزپارٹی اور ن لیگ کو2،2بار آزما چکے ہیں۔

    پی ٹی آئی کو پورا وقت ملنا چاہیے، کارکردگی سامنے آجائے گی، عوام پرامید ہیں عمران خان انہیں مایوس نہیں کریں گے، بعض عناصر مخصوص مقاصد کیلئے عوام میں بےیقینی پھیلانا چاہتے ہیں۔