ARYNews.tv | Urdu – Har Lamha Bakhabar

Tag: ن لیگ

  • نوازشریف پھرسرخرو ہوئے، عوام جلد اپنے مقبول لیڈرکو اپنے درمیان پائیں گے: حمزہ شہباز

    نوازشریف پھرسرخرو ہوئے، عوام جلد اپنے مقبول لیڈرکو اپنے درمیان پائیں گے: حمزہ شہباز

    لاہور: مسلم لیگ ن کے سینئر  رہنما حمزہ شہباز نے کہا ہے کہ اسلام آباد ہائیکورٹ کا فیصلہ خوش آئند ہے.

    ان خیالات کا اظہار انھوں نے نوازشریف، مریم نواز اور کیپٹن (ر) صفدر کی سزا معطلی کے بعد میڈیا سے گفتگو کرتے ہوئے کیا.

    حمزہ شبہاز کا کہنا تھا کہ عدالتی فیصلے کا احترام کرتے ہیں، نوازشریف پھرسرخرو ہوئے. اسلام آباد ہائیکورٹ کےفیصلے پر شکرادا کرتے ہیں.

    پنجاب اسمبلی کے اپوزیشن لیڈر کا کہنا تھا کہ عوام جلد اپنےمقبول لیڈرکواپنے درمیان پائیں گے۔ آج اللہ کےفضل سے ایک کیس میں فیصلہ آگیا ہے، باقی فیصلے بھی جلد آئیں‌ گے. سچ سچ ہوتا ہے.

    مزید پڑھیں: ایوان فیلڈ ریفرنس ، نوازشریف، مریم نواز، کپیٹن(ر)صفدر کی سزا معطل ، رہا کرنے کا حکم

    یاد رہے کہ آج اسلام آباد ہائی کورٹ میں سابق وزیراعظم نوازشریف، مریم نواز اور کیپٹن (ر ) صفدر کی سزا معطلی کی درخواستوں پر جسٹس اطہر من اللہ اور جسٹس میاں گل حسن اورنگ زیب نے سماعت کی۔

    ہائی کورٹ نے ایوان فیلڈ ریفرنس میں سابق وزیراعظم نوازشریف، مریم نواز،کپیٹن(ر)صفدر کی سزائیں معطل کرتے ہوئے تینوں کو رہا کرنے کا حکم دے دیا.

  • نواز شریف اوران کی بیٹی سیاسی قیدی ہیں، احسن اقبال

    نواز شریف اوران کی بیٹی سیاسی قیدی ہیں، احسن اقبال

    اسلام آباد : مسلم لیگ ن کے رہنما احسن اقبال کا کہنا ہے کہ نواز شریف اور ان کی بیٹی سیاسی قیدی ہیں ، ہم حکومت کو 100دن کا پلان مکمل کرنے کا پورا موقع دیں گے جبکہ رانا ثنااللہ نے کہا کہ اپوزیشن وہی ہے جو آج مولانافضل الرحمان کو سپورٹ کررہی ہے۔

    تفصیلات کے مطابق مسلم لیگ ن کے رہنما احسن اقبال نے پارلیمنٹ ہاؤس کے باہر میڈیا سے گفتگو کرتے ہوئے کہا کہ نواز شریف عدالتی اور قانونی عمل کا سامنا کر رہے ہیں ، ہائی کورٹ میں ہونے والے ٹرائل کو پوری قوم نے دیکھ لیا، عدالت نےپوچھا کرپشن کہاں ہورہی  ہے تونیب جواب دینےسےقاصر رہی ہے۔

    احسن اقبال کا کہنا تھا کہ نواز شریف اور ان کی بیٹی سیاسی قیدی ہیں ، ہم حکومت کو100دن کا پلان مکمل کرنے کاپورا موقع دیں گے ، انہوں نے جو پانی سے گاڑی چلانی ہے چلا کر دکھائیں۔

    دوسری جانب ن لیگی رہنما رانا ثنا اللہ نے میڈیا سے گفتگو کرتے ہوئے کہا کہ پیپلز پارٹی کا کردار حکومت کے سہولت کار کا ہے اور پیپلز پارٹی آئندہ ایسا ہی کردار ادا کرتی رہے گی۔

    اپوزیشن وہی ہے جو آج مولانافضل الرحمان کو سپورٹ کررہی ہے،راناثنااللہ 

    راناثنااللہ کا کہنا تھا کہ اعتزاز احسن کا نام دینا جمہوری اصولوں کی خلاف ورزی تھی ، تقاضا تھا تمام جماعتیں بیٹھ کر امیداور کا فیصلہ کرتیں ، آج واضح ہوجائے گا اپوزیشن کون ہے، اپوزیشن وہی ہے جو آج مولانافضل الرحمان کو سپورٹ کررہی ہے۔

    مسلم لیگ ن کے رہنما رانا تنویر نے کہا کہ مولانا فضل الرحمان کے پیپلزپارٹی اور آصف زرداری سے اچھا تعلق رہا ہے، ہماراخیال تھا کہ آصف زرداری مولانا فضل الرحمان کے نام پر اتفاق کرلیں گے لیکن انہوں نے کوئی توجہ نہیں دی۔

    مرتضیٰ جاوید کا کہنا تھا مولانا فضل الرحمان کے امیدوار بننے میں سمجھنے والوں کے لیے سوالیہ نشان ہے جبکہ ریاض پیرزادہ نے کہا لیڈرشپ کے ذاتی اختلافات کی وجہ سے خرابی پیدا ہوئی۔

  • ن لیگ اور پیپلز پارٹی نے ایوان میں تحریک انصاف کو ٹف ٹائم دینے کا فیصلہ کرلیا

    ن لیگ اور پیپلز پارٹی نے ایوان میں تحریک انصاف کو ٹف ٹائم دینے کا فیصلہ کرلیا

    لاہور : پی ٹی آئی کو پارلیمنٹ میں ٹف ٹائم دینے کے لیے ن لیگ اور پیپلز پارٹی اکٹھے ہوگئے، ایوان میں حکمت عملی مرتب کرنے کیلئے دونوں جماعتوں کے رہنماؤں نے سر جوڑ لیے۔

    تفصیلات کے مطابق تحریک انصاف کی جانب سے حکومت کی تشکیل کے بعد ایوان میں اپوزیشن نے بھی ٹف ٹائم دینے کے لیے تیاریاں شروع کردی ہیں۔

    اس حوالے سے مسلم لیگ ن کے صدر شہباز شریف سے پی پی رہنما سابق اپوزیشن لیڈر سید خورشید شاہ اور یوسف رضا گیلانی نے ملاقات کی،رہنماؤں کی ملاقات میں آئندہ کی حکمت عملی طے کی گئی۔

    پیپلزپارٹی کے وفد میں ان دونوں شخصیات کے ہمراہ قمرالزمان کائرہ جبکہ ن لیگ کی جانب سے سابق اسپیکر قومی اسمبلی ایازصادق، مشاہد حسین سید، خواجہ سعد رفیق، خواجہ آصف، رانا تنویر اور سابق وزیراعظم شاہد خاقان عباسی موجود تھے ،ملاقات میں مرکز اور پنجاب میں حکومت سازی کے حوالے سے تبادلہ خیال کیا گیا۔

    مزید پڑھیں: اپوزیشن جماعتوں کے احتجاج میں‌ چیف جسٹس کے خلاف نازیبا کلمات، مقدمہ درج

    بعد ازاں میڈیا سے گفتگو کرتے ہوئے ن لیگی رہنما رانا تنویر نے کہا کہ جو ہونا تھا ہوگیا، اب تحریک انصاف کو ایوان میں لگ پتہ جائے گا۔

    یاد رہے کہ پاکستان تحریک انصاف نے عام انتخابات میں واضح کامیابی حاصل کرنے کے بعد حکومت سازی کے لئے نمبر گیم پورے ہونے کا دعویٰ کیا ہے۔

  • لاہورہائی کورٹ نے خواجہ آصف کی کامیابی کا نوٹی فکیشن روک دیا

    لاہورہائی کورٹ نے خواجہ آصف کی کامیابی کا نوٹی فکیشن روک دیا

    لاہور: لاہورہائی کورٹ نے ن لیگ کے رہنما خواجہ آصف کی کامیابی کانوٹی فکیشن روک دیا.

    تفصیلات کے مطابق عدالت نےاین اے 73 سے عثمان ڈار کی درخواست پرحکم جاری کرتے ہوئے خواجہ آصف کی کامیابی کا نوٹی فکیشن روک دیا.

    عدالت کی جانب سے الیکشن کمیشن سمیت فریقین کو نوٹس جاری کیا گیا ہے اور 8 اگست کو جواب طلب کیا گیا ہے.

    پی ٹی آئی رہنما عثمان ڈارنے این اے 73 سیالکوٹ سےخواجہ آصف کی کامیابی چیلنج کرتے ہوئے دوبارہ گنتی کی درخواست دائر کی تھی.

    لاہور ہائی کورٹ کا رانا ثناء اللہ کی کام یابی کا نوٹیفکیشن روکنے کا حکم

    یاد رہے کہ الیکشن سے قبل عثمان ڈار ہی کی ایک درخواست پر خواجہ آصف کا نااہل قرار دیا گیا تھا، مگر بعد ازاں انھیں سپریم کورٹ نے الیکشن لڑنے کی اجازت دے دی تھی.

    یاد رہے کہ آج ہائی کورٹ نے فیصل آباد کے حلقے این اے 106 پر رانا ثناء اللہ کی کام یابی کے خلاف درخواست پر سماعت کرتے ہوئے ان کی کام یابی کا نوٹی فکیشن روکنے کا حکم دے دیا تھا۔

    درخواست گزار نے عدالت سے استدعا کی کہ ن لیگی رہنما اسلامی شعائر کے خلاف بیانات دیتے ہیں، رانا ثناء اللہ کو نا اہل قرار دے کر کام یابی کا نوٹیفکیشن روکا جائے۔

  • انتخابات میں دھاندلی کی بات کرنا ن لیگ کا سیاسی بیان ہے، بیرسٹر علی ظفر

    انتخابات میں دھاندلی کی بات کرنا ن لیگ کا سیاسی بیان ہے، بیرسٹر علی ظفر

    اسلام آباد : نگراں وزیر قانون بیرسٹر علی ظفر نے کہا ہے کہ ملکی تاریخ کے اہم ترین انتخابات ہیں، فیصلہ عوام کا ہوگا، جس کو چاہے جتوا دے۔

    تفصیلات کے مطابق نگراں حکومت کے وزیر قانون بیرسٹر علی ظفر نے کہا ہے کہ انتخابات میں دھاندلی کی بات کرنا ن لیگ کا سیاسی بیان ہے، الیکشن میں فیصلہ عوام کا ہوگا، جس کو چاہے جتوا دے۔

    نگراں وزیر قانون ملک میں تاریخ کے اہم ترین انتخابات ہو رہے ہیں، شفاف و غیر جانبدار انتخابات کے لئے جو وعدہ کیا تھا وہ پورا کر دیا۔

    یاد رہے کہ اس سے قبل نگراں وزیر اطلاعات بیرسٹر علی ظفر نے کہا تھا کہ ووٹر بہتر جانتا ہے کہ اس نے ووٹ کس کو دینا ہے، نگراں حکومت غیر جانبدار انداز میں بخوبی ذمہ داریاں ادا کررہی ہے۔

    ان کا کہنا تھا کہ شفاف انتخابات کے لیے الیکشن کمیشن کی بھرپور معاونت کررہے ہیں، تین سال کی محنت سے الیکشن ایکٹ 2017 منظور کرایا گیا تھا، نگراں حکومت طویل مدتی فیصلے نہیں کرسکتی، الیکشن نتائج کی بروقت ترسیل یقینی بنانے کے لیے موثر اقدامات کیے گئے ہیں۔

    عام انتخابات 2018 کے لیے پولنگ کا عمل شروع

    واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوگیا جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔

    انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں، 17 ہزار سے زائد پولنگ اسٹیشنزکوانتہائی حساس قرار دیا گیا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • ن لیگ کو ووٹ دینا نریندرمودی کو ووٹ دینے کے مترادف ہے،پرویزالٰہی

    ن لیگ کو ووٹ دینا نریندرمودی کو ووٹ دینے کے مترادف ہے،پرویزالٰہی

    اسلام آباد: پاکستان مسلم لیگ ق کے سینئرمرکزی رہنما چوہدری پرویزالٰہی کا کہنا ہے کہ ن لیگ کو ووٹ دینا نریندرمودی کو ووٹ دینے کے مترادف ہے، عوام پاک فوج کے ساتھ ہے، بھارتی بیانیہ مسترد کرتے ہیں۔

    تفصیلات کے مطابق پاکستان مسلم لیگ ق کے سینئرمرکزی رہنما چوہدری پرویزالٰہی نے این اے65 تلہ گنگ میں جلسے سے خطاب کرتے ہوئے کہا کہ نوازشریف پاک فوج کے خلاف عالمی سازش کا حصہ ہیں، ن لیگ کو ووٹ دینا نریندرمودی کو ووٹ دینے کے مترادف ہے۔

    پرویزالٰہی کا کہنا تھا کہ فوج آئین کے تحت الیکشن کمیشن کی مدد کرنے کی پابند ہے، عوام پاک فوج کے ساتھ ہے، بھارتی بیانیہ مسترد کرتے ہیں۔

    انھوں نے مزید کہا کہ پاکستان کی سلامتی اور بقا کی علامت پاک فوج ہے، سیاست کا مقصد لوگوں کو بنیادی سہولتیں دینا ہے۔

    مزید پڑھیں : نواز شریف مودی کے منشور پر کام کرتے رہے ہیں، پرویز الہیٰ

    یاد رہے چند روز قبل کے سینئر رہنما چوہدری پرویز الٰہی کا کہنا تھا کہ عوام 25 جولائی کو نواز شریف کی سیاست کو دفن کردیں، الیکشن کے دن عوام ٹریکٹر اور بلے پر مہر لگائیں۔

    رہنما مسلم لیگ ق نے کہا کہ شریفوں نے شوخی سے کہا تھا لندن فلیٹس ہمارے ہیں، نواز شریف نے ملکی ترقی کے نام پر عوام کو بیوقوف بنایا ہے، وہ مودی کے منشور پر کام کرتے رہے ہیں۔

    ان کا مزید کہنا تھا کہ شریف فیملی اب جب پکڑ میں آئی ہے تو کہتی ہے گرمی لگ رہی ہے، نواز شریف کہتے ہیں جیل میں بیمار ہوگیا ہوں، میاں صاحب جیل میں کم کھائیں تو پیٹ نہیں بڑھے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • الیکشن کے بعد ن لیگ میں ایک اور فارورڈ بلاک بنے گا، شیخ رشید

    الیکشن کے بعد ن لیگ میں ایک اور فارورڈ بلاک بنے گا، شیخ رشید

    0.

    راولپنڈی : عوامی مسلم لیگ کے سربراہ شیخ رشید احمد نے کہا ہے کہ الیکشن کے بعد ن لیگ میں ابھی ایک اور فارورڈ بلاک بنے گا، یہ لوگ اپنی لوٹی ہوئی دولت بچانے کی کوشش کریں گے۔

    یہ بات انہوں نے اے آر وائی نیوز کی خصوصی ٹرانسمیشن میں گفتگو کرتے ہوئے کہی، شیخ رشید نے کہا کہ نوازشریف کو دس دن میں اپیل دائر کرنے کیلئے لازمی واپس آنا تھا، ن لیگ کی سیاست کی کل لاہور میں ہوا نکل گئی ہے۔

     لاہور میں نواز شریف اور مریم نواز کے استقبال کیلیے جتنے لوگ نکلے اتنے تو ہماری کارنر میٹنگ میں ہوتے ہیں، ذوالفقار علی بھٹو کیخلاف تحریک میں صرف کراچی میں70سے80ہزار لوگ باہر نکلے تھے۔

    ان کا طنزیہ کہنا تھا کہ سنا ہے لوگ شہباز شریف کی گاڑی کے آگے لیٹ گئے تھے، شہباز شریف کی ہمت نہیں، نواز شریف کی آنکھوں میں آنکھیں ڈال کر بات کریں، ن لیگ میں اصل مقابلہ شہبازشریف اور شاہد خاقان میں ہے۔

    انہوں نے کہا کہ نوازشریف ڈاکو اور لٹیرا ہے، جیل نوازشریف کا سسرال اور ہتھکڑی زیور ہونا چاہئے کیونکہ شریف خاندان نے ملک کا پیسہ لوٹا ہے، یہ لوگ اپنی لوٹی ہوئی دولت بچانے کی کوشش کریں گے، یہ اپنی جائیداد بیچنے کے چکر میں تھے لیکن میڈیا پر شور تھا۔

    شیخ رشید کا کہنا تھا کہ الیکشن کے بعد بھی ملک کے سیاسی مسائل حل نہیں ہوسکیں گے، ن لیگ انتخابات میں ہارنے پر دھاندلی کا رونا روئے گی، ابھی ملک میں چور مچائے شورکی فلم لگے گی، ن لیگ میں الیکشن کے بعد ایک اور فارورڈ بلاک بنے گا، کچھ پنچھی اڑ گئے کچھ اب منتخب ہونگے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • بغاوت کا خوف: ن لیگ نے امیدواروں کے ناموں کا فوری اعلان مؤخرکردیا

    بغاوت کا خوف: ن لیگ نے امیدواروں کے ناموں کا فوری اعلان مؤخرکردیا

    لاہور : سابق لیگی رہنما زعیم قادری کی پارٹی سے بغاوت کے بعد ن لیگ نے امیدواروں کے ناموں کا فوری اعلان مؤخرکردیا، خواتین کی مخصوص نشستوں کے ٹکٹوں کی تقسیم پر بھی شدید تنقید کا سامنا ہے۔

    تفصیلات کے مطابق سابق لیگی رہنما زعیم قادری کی پارٹی قیادت کےخلاف بغاوت نے ن لیگی قیادت کی نیندیں اڑادیں، شہبازشریف کولندن سےہنگامی طور پرواپس آنا پڑا۔

    شہباز شریف کی لندن سے واپسی پر پارٹی رہنماؤں کا ہنگامی اجلاس منعقد ہوا، اجلاس میں پارٹی معاملات سمیت موجودہ صورتحال اور لیگی رہنماؤں کو ٹکٹوں کی تقسیم پر مشاورت کی گئی۔

    اس حوالے سے ذرائع کا کہنا ہے کہ  متوقع امیدوار وحید عالم خان کو این اے133سے ٹکٹ دینے کے معاملے  پردوبارہ غورکیا جائے گا جبکہ مزید کسی بھی بغاوت کےخوف سے ن لیگ نے پارٹی ٹکٹوں کی تقسیم کا اعلان چند روز کے لیےموخر کردیا ہے۔

    اس کے علاوہ ن لیگ کو خواتین کی مخصوص نشستوں کے لیے ٹکٹوں کی تقسیم پر بھی اندرونی طور پرشدید تنقید کا سامنا کرنا پڑرہا ہے۔

    دوسری جانب حلقہ این اے 133سے مسلم لیگ ن کے متوقع امیدوار وحید عالم خان نے زعیم حسین قادری کے تمام الزامات کو مسترد کردیا ہے۔

    لاہور میں پریس کانفرنس کرتے ہوئے وحید عالم کا کہنا ہے کہ لاہور شریف خاندان کی جاگیر ہے،  دوسروں کو بوٹ پالش کرنے کا طعنہ دینے والے زعیم قادری بتائیں کہ وہ بیس سال سے ن لیگ میں کیا کر رہے تھے؟

    ،مزید پڑھیں: زعیم قادری کی ن لیگ سے بغاوت، آزاد حیثیت میں الیکشن لڑنے کا اعلان

    وحید عالم نے مزید کہا کہ ووٹ صرف نواز شریف کا ہے زعیم قادری الیکشن لڑنے کا شوق پورا کر لیں انہیں آٹے دال کے بھاﺅ کا لگ پتہ جائے گا، پریس کانفرنس کے دوران تنویر نثار گجر سمیت متعدد یونین کونسلز کے چیئرمینوں نے وحید عالم خان کی حمایت کا اعلان بھی کیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ٹکٹوں کی بندر بانٹ: ن لیگ کی خواتین کارکنان نظر انداز کرنے پر سراپا احتجاج

    ٹکٹوں کی بندر بانٹ: ن لیگ کی خواتین کارکنان نظر انداز کرنے پر سراپا احتجاج

    لاہور : مسلم لیگ نون کی خواتین کارکنوں نے آئندہ عام انتخابات میں مخصوص نشستوں پر ٹکٹیں نہ ملنے کے خلاف ماڈل ٹاؤن لاہور دفتر کے باہر احتجاجی مظاہرہ کیا، مظاہرین نے پارٹی قیادت پر ٹکٹوں کی تقسیم میں اقرباء پروری کا الزام عائد کیا۔

    تفصیلات کے مطابق پاکستان تحریک انصاف کے بعد نون لیگ کی خواتین کارکنان بھی قومی و صوبائی اسمبلیوں میں مخصوص نشستوں پر نظر انداز کئے جانے پر پھٹ پڑیں۔

    نون لیگ لاہور آفس کے باہر ہونے والے احتجاج میں گفتگو کرتے ہوئے خواتین کارکنوں نے الزام عائد کیا کہ تکالیف انہوں نے اٹھائیں اور اسمبلی میں مخصوص بیگمات کو نمائندگی ملی۔

    انہوں نے کہا کہ کسی نےسہیلی تو کسی نے بیوی کو ٹکٹ دلوایا، کارکن ورکر کل بھی رلتا تھا اور ورکرآج بھی رلتا ہے، لیگی خواتین کا کہنا تھا کہ میرٹ نظرنہیں آتی،پارٹی میں پیرا شوٹرآگئے ہیں، اس موقع پر محدود وسائل رکھنے والی سابق رکن اسمبلی فرزانہ بٹ نے آزاد حیثیت سے الیکشن لڑنے کا بھی اعلان کردیا۔

    اس حوالے سے اے آر وائی نیوز کے پروگرام آف دی ریکارڈ میں گفتگو کرتے ہوئے ن لیگ کی رہنما نسرین ملک نے کہا کہ ایک ایک گھر میں تین سے چار ٹکٹیں دی گئی ہیں، اپنی لاڈلیوں اپنی سہیلیوں اور گرل فرینڈ کو نوازا گیا ہے۔

    یاد رہے کہ میرٹ کا دم بھرنے والی جماعت ن لیگ نے بھی ٹکٹوں کی تقسیم میں مخلص اور دیرینہ کارکنان کو نظر انداز کیا، ذرائع کا کہنا ہے کہ خواتین کی مخصوص نشستوں کیلئے بیگمات، بھانجیاں، بھتیجیاں، دوست، کزنز، گھر میں کام کرنے والی، سیکریٹریز، سوشل میڈیا پر فوٹیج اپ لوڈ کرنے والی خواتین تک کو پارٹی امیدوار نامزد کر دیا گیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سزا یا شکست کا خوف : ن لیگ کا الیکشن کے روز پاک فوج کی تعیناتی پراعتراض

    سزا یا شکست کا خوف : ن لیگ کا الیکشن کے روز پاک فوج کی تعیناتی پراعتراض

    اسلام آباد : ن لیگ نے پولنگ بوتھ پر فوج کی تعیناتی پر اعتراض اٹھا دیا، ذرائع کا کہنا ہے کہ خواجہ حارث کی دستبرداری اور وکیل نہ ملنے کی دہائی بھی الیکشن میں تاخیرکا حربہ ہے۔

    نیب ریفرنسز میں سزا اور الیکشن میں ہارنے کا خوف ہے اس لیے نون لیگ عام انتخابات میں روڑے اٹکانے کے درپے ہے، خواجہ حارث کی دستبرداری اور وکیل نہ ملنے کی دہائی تاخیری حربہ ہے۔

    اس حوالے سے باوثوق ذرائع کا کہنا ہے کہ الیکشن میں تاخیر کے لیے ن لیگ نے الیکشن کے روز پولنگ بوتھ پر فوج کی تعیناتی پر اعتراض اٹھا دیا ہے۔

    میگا کرپشن کے نیب ریفرنسز کا فیصلہ کن مرحلہ آیا تو شریف فیملی کے ہاتھ پاؤں پھول گئے، شریف خاندان کی کوشش ہے کہ نیب کورٹ کا فیصلہ الیکشن کے قریب آئے، الیکشن کے وقت نیب کورٹ کے فیصلے پر سیاسی پوائنٹ اسکورنگ آسان ہوگی۔

    ذرائع کے مطابق شریف خاندان ایسے موقع پر اپنے خلاف فیصلے پر انصاف نہ ملنے کا راگ الاپے گا، نوازشریف کی لندن جانے کی درخواست بھی تاخیری حربے کا ہی حصہ ہے۔

    ذرائع کے مطابق ن لیگ کی قیادت نے الیکشن میں پاک فوج کی تعیناتی کے ٹی او آرز پر اعتراض کی ہدایت کی ہے، فوج کی نگرانی میں الیکشن کی مخالفت نہ کرنے کا رہنماؤں کا مشورہ نہیں مانا گیا۔

    نواز شریف کی ہدایت پر ن لیگ نے الیکشن کمیشن کومؤقف سےآگاہ کر دیا، دوسری جانب پاک فوج جمہوریت کے تسلسل، شفاف اور آزادانہ الیکشن کے حق میں ہے۔

    ،زید پڑھیں: آزاد کشمیر کے انتخابات میں فوج تعینات کرنے کا فیصلہ

    مجازاتھارٹی کی ہدایت پر فوج شفاف الیکشن میں کردار کیلئے پرعزم ہے، ذرائع کے مطابق سزا اور الیکشن میں شکست کے خوف سے ن لیگ فوج کیخلاف مہم چلا رہی ہے۔

    مزید پڑھیں: این اے 122اور 144 ضمنی الیکشن ، پولنگ میں فوج تعینات کرنے کا فیصلہ

    فوج پر میڈیا کے ذریعے دباؤ اور اثرانداز ہونے کے الزامات لگا رہی ہے، سوچے سمجھے منصوبے کے تحت غیرملکی میڈیا پر پاک فوج کو بدنام کرنے کی کوشش کی جارہی ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔