Tag: ن لیگ

لاہور : مسلم لیگ ن نے حمزہ شہبازکو قائد حزب اختلاف لانے کا فیصلہ کرلیا ، ن لیگ پنجاب اسمبلی میں اپوزیشن کی اکثریتی جماعت ہے۔

تفصیلات کے مطابق مسلم لیگ ن نے حمزہ شہبازکو قائد حزب اختلاف لانے کا فیصلہ کرلیا، ذرائع کا کہنا ہے کہ اس حوالے سے ن لیگ نے اتحادی جماعتوں سے بھی مشاورت کر لی۔

اے آروائی نیوز براہِ راست دیکھیں live.arynews.tv پر

ن لیگ پنجاب اسمبلی میں اپوزیشن کی اکثریتی جماعت ہے ، تاہم حمزہ شہباز اس وقت نجی دورے پر لندن میں ہیں۔

خیال رہے کہ چوہدری پرویز الٰہی کے وزیر اعلیٰ پنجاب منتخب ہونے کے فوری بعد نجی ایئر لائن کی پرواز سے حمزہ شہباز 4 اگست کو لندن پہنچے تھے۔

لندن میں مسلم لیگ (ن) کے قائد اور سابق وزیر اعظم نواز شریف سے ملاقات کے بعد حمزہ کا کہنا تھا کہ میں بھاگ کر لندن نہیں آیا بلکہ دورہ نجی نوعیت کا ہے۔

واضح رہے سپریم کورٹ کے تین رکنی بینچ نے پنجاب کے وزیراعلیٰ کے انتخاب میں ڈپٹی اسپیکر دوست محمد مزاری کے فیصلے کو ’غیر قانونی‘ قرار دیتے ہوئے فیصلہ دیا تھا کہ پرویز الٰہی صوبے کے نئے وزیراعلیٰ ہوں گے۔

لاہور : وزیراعلیٰ پنجاب کے انتخاب سے قبل ہی ن لیگ کے وزرا ہمت ہارگئے ، ن لیگ کے کئی وزرا نے سرکاری رہائشگاہ خالی کردی۔

تفصیلات کے مطابق وزیراعلی کے انتخاب میں مسلم لیگ ن شدید مایوسی کا شکار ہے اور انتخاب سے قبل ہی ن لیگ کے وزرا بھی ہمت ہارگئے۔

ذرائع نے بتایا کہ وزرا نے سرکاری دفاتر سے سامان اٹھاناشروع کر دیا، حسن ُمرتضی ،ملک احمد خان ، رانا اقبال سمیت دیگرنے سرکاری رہائشگاہ خالی کردی۔

ذرائع کا کہنا تھا کہ آصف زرداری اورچوہدری شجاعت کی ملاقات کا آخری آپشن بھی رائیگاں گیا جبکہ حمزہ شہباز گزشتہ رات بھی ممبران اسمبلی سے ملاقات نہ کر سکے۔

یاد رہے پاکستان پیپلز پارٹی کے شریک چیئرمین آصف زرداری رات گئے چوہدری شجاعت کے گھر دو بار ملاقات کے لیے گئے تاہم چوہدری شجاعت نے زرداری کو صاف صاف کہہ دیا کہ وزیر اعلیٰ پنجاب کے لیے ق لیگ کا ووٹ پرویز الہیٰ کو ہی جائے گا۔

خیال رہے سپریم کورٹ کے حکم پر وزیر اعلیٰ پنجاب کا انتخاب آج ہوگا، انتخاب میں حکومتی اتحاد کے امیدوار حمزہ شہباز اور تحریک انصاف و اتحادی جماعت مسلم لیگ ق کے امیدوار پرویز الہٰی میں مقابلہ ہیں۔

وزیر اعلیٰ پنجاب کے انتخاب کیلیے پنجاب اسمبلی کا اجلاس آج شام 4 بجے ہوگا۔ ڈپٹی اسپیکر دوست محمد مزاری اجلاس کی صدارت کریں گے۔

تحریک انصاف نے نمبر پورے ہونے کا دعویٰ کیا ہے، ان کا کہنا ہے کہ 188 ارکان کی حمایت حاصل ہے جبکہ حکومتی اتحاد کی تعداد 179 ہے۔

لاہور : پیپلزپارٹی حکومت امور کے معاملے پر ن لیگ سے نالاں ہے کیونکہ مسلم لیگ ن پیپلزپارٹی کے قریبی اتحادیوں کو نظر انداز کر رہی ہے۔

تفصیلات کے مطابق حکومتی اتحادیوں میں اختلافات سر اٹھانے لگے، ذرائع کا کہنا ہے کہ ن لیگ نے حکومتی امور میں اہم اتحادیوں کو نظر انداز کر رہی ہے اور پیپلزپارٹی حکومت امورکےمعاملے پر ن لیگ سے نالاں ہے۔

ذرائع نے بتایا کہ پیپلزپارٹی نے اہم اتحادیوں کو عہدے نہ ملنے پر شدید تشویش کا اظہار کیا ، کیونکہ ن لیگ مخصوص قریبی اتحادیوں کو نواز رہی ہے اور پیپلزپارٹی کے قریبی اتحادیوں کو نظر انداز کر رہی ہے۔

پی پی ذرائع کے مطابق پیپلزپارٹی گورنر کے پی، بلوچستان کے معاملے پر ن لیگ سے نالاں ہے، ن لیگ کے پی، بلوچستان سے اتحادیوں کو نظر انداز کر رہی ہے۔

ذرائع نے کہا کہ ن لیگ کی جانب سے خیبرپختونخوا سے اے این پی، شیرپاؤ گروپ ، بلوچستان سے اہم اتحادی پی کے میپ کو نظرانداز کیا گیا ہے۔

ذرائع نے مزید بتایا کہ پی پی بلوچستان میں پی کے میپ کو نظر انداز کرنے پر نالاں ہے کیونکہ پی کے میپ کو مرکز، بلوچستان میں تاحال ایڈجسٹ نہیں کیا گیا ہے۔

ذرائع کا کہنا تھا کہ پیپلزپارٹی پنجاب کے ضمنی الیکشن میں نظر انداز کرنے پر نالاں ہے ، ن لیگ نے معاونین خصوصی، مشیران کی فوج بنا رکھی ہے۔

لاہور : مسلم لیگ ق نے حمزہ شہباز کی حمایت پر ن لیگ کو ہری جھنڈی دکھا دی اور دو ٹوک پیغام میں کہا کہ ہمارے ارکان چوہدری پرویزالٰہی کو ووٹ دیں گے۔

تفصیلات کے مطابق حمزہ شہباز کی وزارت اعلیٰ خطرے میں پڑ گئی ، مسلم لیگ ق کے صدر چوہدری شجاعت حسین نے حمزہ شہبازکی حمایت کے ن لیگی دعویٰ کی تردید کردی ۔

چوہدری شجاعت حسین نے کہا کہ صاف الفاظ میں کہتا ہوں پرویزالٰہی ہی ہمارے امیدوار ہیں اور ہمارے ارکان چوہدری پرویزالٰہی کو ووٹ دیں گے۔

مسلم لیگ ق کے صدر کا کہنا تھا کہ افواہیں پھیلا کرکسی رکن اسمبلی کوغلط فہمی میں ڈالنےکی کوشش نہ کی جائے، ق لیگ کے ارکان اسمبلی نے ہمیشہ پارٹی ڈسپلن کی پابندی کی ہے۔

انھوں نے کہا کہ انشااللہ وہ چوہدری پرویزالٰہی کی حمایت کریں گے، کبھی غلط بیانی نہیں کی، ہمیشہ صاف گوئی کادرس دیا ، اس طرح کی بے بنیاد افواہیں نہ پھیلائی جائیں۔

خیال رہے پنجاب اسمبلی کی 5مخصوص نشستوں کے حوالے سے لاہور ہائی کورٹ نے نوٹیفکیشن جاری کرنے کا حکم کے بعد پنجاب اسمبلی میں نمبر گیم مزید دلچسپ ہوگیا ہے۔

اعدادو شمار کے مطابق پنجاب اسمبلی میں مسلم لیگ ن 131جنرل،34 مخصوص نشستوں کے ساتھ پہلے نمبر پر ہے، پیپلزپارٹی کے6 جنرل اور ایک مخصوص نشست کے ساتھ ارکان کی تعداد7ہے، حکومت کو 6آزاد ارکان میں سے5ارکان کی حمایت حاصل ہے۔

پنجاب اسمبلی میں پی ٹی آئی کی125جنرل اور33مخصوص نشستیں ہیں، پاکستان تحریک انصاف 158ارکان کے ساتھ صوبے کی دوسری بڑی جماعت ہے۔

ق لیگ 8جنرل اور2مخصوص نشستوں کے ساتھ 10 ارکان پر مشتمل ہے، پی ٹی آئی اور ق لیگ کےکل ارکان کی تعداد 168ہے۔

منحرف ہونے والے ارکان کی20نشستوں پر ہونے والے ضمنی انتخابات پنجاب کی سیاست کا محور بن گئے، ضمنی انتخابات نتائج پنجاب اسمبلی میں ن لیگ اور پی ٹی آئی کی عددی اکثریت کا تعین کریں گے۔