ARYNews.tv | Urdu – Har Lamha Bakhabar

Tag: وائرل ویڈیو

  • وائرل ویڈیو: تیندوا گھر میں داخل ہونے کا دہشت ناک واقعہ

    وائرل ویڈیو: تیندوا گھر میں داخل ہونے کا دہشت ناک واقعہ

    ہریانہ: بھارتی شہر گروگرام میں بدھ کو جنگل سے نکل کر آنے والا تیندوا ایک گھر میں داخل ہو گیا، جس نے علاقے میں دہشت پھیلا دی، تیندوے کے حملے میں ایک 16 سالہ لڑکا زخمی بھی ہو گیا ہے۔

    انٹرنیٹ پر ایک ویڈیو وائرل ہوئی ہے جو دراصل ایک سی سی ٹی وی فوٹیج ہے جس میں تیندوے کو ایک گھر میں داخل ہوتے دیکھا جا سکتا ہے، اس واقعے نہ صرف گھر والوں میں بلکہ پورے محلے میں سنسنی پھیلا دی تھی۔

    علاقہ مکینوں نے واقعے کے بعد فوری طور پر پولیس اور وائلڈ لائف کو مطلع کر دیا، جس پر تیندوے کو پکڑنے کے لیے ایک ٹیم بھیجی گئی۔ فوٹیج میں دیکھا جا سکتا ہے کہ محکمہ جنگلی حیات کے اہل کار تیندوے کو پکڑنے کے لیے جال اور بے ہوشی کی ڈارٹ بھی لے کر آئے ہیں اور وہ تیاری میں مگن ہیں۔

    بڑی تعداد میں علاقے کے لوگ مذکورہ گھر کے سامنے جمع ہو گئے تھے، اہلکاروں نے 5 گھنٹوں کی جدوجہد کے بعد تیندوے کو ریسکیو کیا، اور اسے جنگل میں لے گئے۔

    وائلڈ لائف انسپکٹر راجیش چاہل کے مطابق انھیں چار سالہ نر تیندوے کی اطلاع اس وقت ملی جب اسے نرسنگھ پور میں صبح 8 بجے کے قریب گاؤں والوں نے دیکھا، انسپکٹر کے مطابق انھوں نے دیکھا کہ جانور دیواروں کو پھلانگ کر ایک زیر تعمیر مکان میں چلا گیا تھا، اور ادھر ادھر گھومتا رہا پھر دوسرے گھر چلا گیا۔

    تیندوے کو دوپہر کے قریب ڈیڑھ بجے ایک ٹرانکولائزر ڈارٹ مار کر پکڑا گیا، جب کہ زخمی لڑکے کو طبی امداد کے لیے اسپتال پہنچایا گیا۔

  • الیکٹرک کار میں خوفناک آتشزدگی، ویڈیو نے خوفزدہ کردیا

    الیکٹرک کار میں خوفناک آتشزدگی، ویڈیو نے خوفزدہ کردیا

    بنگلورو : بھارت میں سڑک پر چلتی کار میں اچانک خوفناک آگ بھڑک اٹھی جس کے نتیجے میں کار جل کر تباہ و برباد ہوگئی۔

    بھارتی میڈیا رپورٹ کے مطابق یہ واقعہ جے پی نگر کے ڈالمیا سرکل میں گزشتہ روز پیش آیا جس میں کسی کی موت یا پھر جھلسنے کی کوئی اطلاع نہیں ملی ہے تاہم کار مکمل طور پر خاکستر ہوگئی۔

    سوشل میڈیا پر وائرل ہونے والی ایک ویڈیو میں بھارتی ریاست کرناٹک کے شہر بنگلورو میں ایک الیکٹرک کار کو سڑک کے بیچوں بیچ بلند بالا شعلوں میں گھرے ہوئے دیکھا جاسکتا ہے۔

    سماجی رابطے کی ویب سائٹ ایکس پر ویڈیو پوسٹ کرنے والے صارف کے مطابق جب کار جے پی نگر کے ڈالمیا سرکل پر پہنچی تو اس میں اچانک آگ لگ گئی۔ تاہم واقعے میں جانی نقصان کی کوئی اطلاع نہیں ہے اور آگ لگنے کی وجہ تاحال معلوم نہیں ہوسکی ہے۔

    واضح رہے کہ اس سے قبل عام پیٹرول گاڑیوں میں اندرونی خرابی کی وجہ سے آگ لگنے کے واقعات پیش آچکے ہیں جس کی شکایت پر کمپنی نے نوٹس لیتے ہوئے ان ماڈلز کی گاڑیوں کو واپس منگوا کر اس کی مرمت کے کے خرابی دور کی۔

    موجودہ دور میں ایندھن سے چلنے والی گاڑیوں کی جگہ الیکٹرک گاڑیوں نے بہت تیزی سے لے ہے لیکن بیٹریوں سے چلنے والی ان گاڑیوں پر حفاظتی پہلو کے حوالے سے سنگین سوالات اٹھائے جارہے ہیں۔

  • وائرل ویڈیو: پکنک پارٹی میں اچانک بھوکے ریچھ کی انٹری، ماں بیٹے کی حالت غیر

    وائرل ویڈیو: پکنک پارٹی میں اچانک بھوکے ریچھ کی انٹری، ماں بیٹے کی حالت غیر

    میکسیکو: سوشل میڈیا پر ایک ویڈیو وائرل ہوئی ہے، جس میں ایک بھوکا ریچھ اچانک ایک فیملی کی پکنک پارٹی میں آ دھمکا اور دعوت اڑانے لگا۔

    ریچھ ایک جنگلی خوں خوار جانور ہے اور یہ انسان کو چیر پھاڑ کر رکھ دیتا ہے، لیکن آپ فیملی کے ساتھ کہیں پکنک منا رہے ہوں اور ایسے میں ایک کالا ریچھ کہیں سے آ دھمکے اور میز پر چڑھ کر آپ کا کھنا چٹ کرنے لگے، تو آپ کی کیا حالت ہوگی؟

    ایسی ہی حالت اس فیملی کی ہوئی جب ایک ریچھ میز پر چڑھ کر ان کا کھانا کھانے لگا، ویڈیو میں دیکھا جا سکتا ہے بھوکے ریچھ کی انٹری پر ماں نے بیٹے کو لپٹا کر دم سادھ لیا ہے۔

    یہ واقعہ میکسیکو میں پیش آیا، جس میں بھوک سے نڈھال ریچھ پکنک منانے والی فیملی کا کھانا کھانے پہنچ گیا تھا، فیملی دَم سادھے بیٹھی رہی اور ریچھ پارٹی اڑاتا رہا، جب ریچھ کا پیٹ بھر گیا تو خاموشی سے جنگل کی طرف چلا گیا۔

  • وائرل ویڈیو: مسلمان کتب فروش پر ہندو انتہا پسند خواتین نے تھپڑوں کی بارش کر دی

    وائرل ویڈیو: مسلمان کتب فروش پر ہندو انتہا پسند خواتین نے تھپڑوں کی بارش کر دی

    نئی دہلی: بھارت میں ہندو انتہا پسند خواتین بھی مسلمانوں کے خلاف اپنی نفرت کا کھلا اظہار کرنے لگی ہیں، سوشل میڈیا پر ایک ویڈیو وائرل ہوئی ہے جس میں ایک مسلمان کتب فروش پر ہندو خواتین کے تھپڑوں کی بارش دیکھی جا سکتی ہے۔

    تفصیلات کے مطابق بھارتی ریاست مدھیہ پردیش میں ہندو انتہا پسند خواتین نے مسلم کتب فروش پر تھپڑوں کی بارش کر دی، گھر کا پتا پوچھنا جرم بن گیا، جس پر خواتین آپے سے باہر ہو گئیں۔

    ویڈیو میں انتہا پسند خواتین کو مسلمان کتب فروش پر بے دردری کے ساتھ تشدد دیکھا جا سکتا ہے، انتہا پسند ہندوؤں نے مسلمانوں پر تشدد کرنے کے لیے ایک نیا بہانہ بھی ایجاد کر لیا۔

    انتہا پسند خواتین کے جتھے نے صرف اس لیے ملسم کتب فروش کی پٹائی کر ڈالی کہ وہ کتابوں کی ہوم ڈیلیوری کے لیے گاہکوں سے گھر کا پتا پوچھتا ہے۔

    اس پوری صورت حال میں لڑکوں کا ایک گروہ بھی لڑکے کو پٹتا دیکھتا رہا، اس واقعے کی ویڈیو سوشل میڈیا پر وائرل ہو گئی ہے، اور اس کی مذمت کی جا رہی ہے، بھارتی دانشور اشوک سوین نے بھی یہ ویڈیو ایکس پر شیئر کرتے ہوئے کہا کہ ہندو انتہا پسند مسلمانوں کی تذلیل کے لیے مضحکہ خیز بہانے ڈھونڈتے ہیں۔

  • وائرل ویڈیو: خاتون پولیس اہلکار نے لڑکی کو موت کے منہ سے نکال لیا

    وائرل ویڈیو: خاتون پولیس اہلکار نے لڑکی کو موت کے منہ سے نکال لیا

    کانپور : ریلوے اسٹیشن پر تعینات خاتون پولیس اہلکار کی حاضر دماغی نے خاتون کو منہ کے موت سے نکال لیا۔

    غیر ملکی میڈیا رپورٹ کے مطابق حیدرآباد کے بیگم پیٹ ریلوے اسٹیشن پر ریلوے پروٹیکشن فورس( آر پی ایف) کی خاتون کانسٹیبل نے ایک خاتون کی جان بچالی، واقعے کی ویڈیو تیزی سے وائرل ہورہی اور صارفین پولیس اہلکار کی حاضر دماغی پر اسے داد دے رہے ہیں۔

    وائرل ویڈیو میں دیکھا جاسکتا ہے کہ ٹرین نے بیگم پیٹ اسٹیشن نکلنے کے لئے وسل بجائی اسی دوران ایک خاتون جس کی شناخت سرسوتی کے نام سے ہوئی، چلتی ٹرین میں سوار ہونے کی کوشش کی۔

    ٹرین نے اپنی رفتار تیز کی تو خاتون ٹرین میں چڑھنے کی کوشش میں لڑکھڑاگئی، عین موقع پر موجود کانسٹیبل سنیتا نے حاضر دماغی سے کام لیتے ہوئے خاتون کو پیچھے کی جانب دھکیل دیا اور خاتون کسی خوفناک حادثے سے بال بال بچ گئیں۔

    اس ویڈیو نے کانسٹیبل کے بہادرانہ اقدامات کے لیے خاصی توجہ اور تعریف حاصل کی ہے،ویڈیو کو صرف ایک دن پہلے شیئر کیا گیا ہے جس کو اب تک ہزاروں لوگ دیکھ چکے ہیں جب کہ یہ پوسٹ متعدد لائکس اور تبصروں کے ساتھ کافی توجہ حاصل کرچکی ہے۔

     

  • کارکی موٹر سائیکل کو ٹکر، دل دہلا دینے والی ویڈیو وائرل

    کارکی موٹر سائیکل کو ٹکر، دل دہلا دینے والی ویڈیو وائرل

    بھارت میں آئے روز ٹریفک حادثات کے واقعات خبروں کی زینت بنتے رہتے ہیں ایسے ہی ایک واقعے کی سی سی ٹی وی فوٹیج وائرل ہوگئی ہے۔

    بھارتی میڈیا رپورٹ کے مطابق چونکا دینے والے واقعہ بھارتی ریاست حیدرآباد کے شہر ونستھلی پورم میں پیش آیا، جہاں کار بائیک سے ٹکرانے کے بعد ہوٹل میں جاگھسی۔

    دلخراش واقعہ ہوٹل کے سی سی ٹی وی میں قید ہوگیا ہے جو سوشل میڈیا پر وائرل ہوا ہے۔

    وائرل ویڈیو میں دیکھا جاسکتا ہے کہ تیز رفتار کار کی زد میں آنے والا موٹر سائیکل سوار شدید زخمی ہوا جسے طبی امداد کے لئے مقامی اسپتال منتقل کیا گیا جہاں وہ اب زیر علاج ہے۔

    عینی شاہدی نے واقعے سے متعلق بتایا کہ تیز رفتار کا بے قابو ہوکر موٹر سائیکل سے ٹکرائی اور بعد ازاں ہوٹل میں گھس گئی، واقعے میں زخمی شخص کو اسپتال منتقل کیا گیا۔

    واقعے کے بعد پولیس کو اطلاع دی گئی جس پر پولیس نے جائے حادثے پر پہنچ کر سی سی ٹی وی فوٹیج کا جائزہ لیا پولیس حکام کے مطابق ویڈیو کی روشنی میں تحقیقات کو آگے بڑھایا جائے گا۔

  • سیڑھیوں سے نیچے گرنے والے بچے کو ماں نے کیسے بچایا؟

    سیڑھیوں سے نیچے گرنے والے بچے کو ماں نے کیسے بچایا؟

    حال ہی میں انٹرنیٹ پر ایک پریشان کن ویڈیو میں ایک ماں اپنے بچے کو بچاتی ہوئی دکھائی دے رہی ہے جو سیڑھیوں سے ایک منزل نیچے گرنے والا ہے۔

    ٹویٹر پر پوسٹ کی جانے والی اس ویڈیو میں دیکھا جاسکتا ہے کہ ایک خاتون ایک چھوٹے بچے کے ساتھ لفٹ سے نکلی ہیں اور فون پر بات کر رہی ہیں۔

    قریب میں ہی چوڑی ریلنگ موجود ہے جس کے درمیان خاصا فاصلہ ہے۔ بچہ ماں سے ہاتھ چھڑا کر ریلنگ کے قریب جاتا ہے اور وہاں بیٹھ جاتا ہے۔

    اس دوران وہ آگے جھک کر نیچے دیکھنے کی کوشش کرتا ہے لیکن اس کوشش میں اپنا توازن کھو بیٹھتا ہے اور وہاں سے نیچے گرنے لگتا ہے۔

    اسی لمحے ماں لپک کر تقریباً گرتے ہوئے بچے کو بچانے کی کوشش کرتی ہے اور اس کی ٹانگ پکڑنے میں کامیاب رہتی ہے۔

    وہاں موجود ایک آدمی تیزی سے نیچے کی طرف بھاگتا ہے کہ اگر بچہ نیچے گرے تو وہ اسے گرنے سے پہلے پکڑ لے۔

    اس دوران آس پاس سے دیگر لوگ بھی بھاگتے ہوئے وہاں پہنچتے ہیں اور ماں کے ساتھ مل کر بچے کو اوپر کھینچتے ہیں، بچہ صحیح سلامت اوپر آجاتا ہے۔

    ماں بچے کو گلے لگا لیتی ہے جبکہ وہاں موجود لوگ بھی سکون کی سانس لیتے دکھائی دیتے ہیں۔

  • سڑک پر مخالف سمت میں اسکیٹ بورڈنگ کرنے والا خوفناک حادثے کا شکار، پریشان کن ویڈیو

    سڑک پر مخالف سمت میں اسکیٹ بورڈنگ کرنے والا خوفناک حادثے کا شکار، پریشان کن ویڈیو

    سڑک پر گاڑی میں یا پیدل سفر کرتے ہوئے حفاظتی قوانین اور اصولوں کا خیال نہ رکھنا کسی بڑے سانحے کو جنم دے سکتا ہے، ایسی صورت میں کم از کم بھی کوئی خطرناک چوٹ لگ سکتی ہے۔

    اس کے باوجود لوگ سڑکوں پر کرتب دکھانے سے باز نہیں آتے اور حفاظتی اصولوں کو بالائے طاق رکھ دیتے ہیں، ایسے ہی ایک حادثے کی ویڈیو سوشل میڈیا پر بے حد وائرل ہورہی ہے۔

    ویڈیو میں ایک شخص اسکیٹ بورڈ پر نہایت تیز رفتاری سے سفر کر رہا ہے، ایڈونچر کے شوق میں وہ شخص سڑک کے مخالف سمت میں جارہا ہے۔

    اس دوران سامنے سے ایک ٹرک آتا ہے جس سے وہ بچ نکلتا ہے، ایک بائیک والا بھی خود سنبھل کر اس سے دور ہو کر گزرتا ہے، لیکن اس کے پیچھے آتی بائیک بالکل اس کے سامنے آجاتی ہے۔

    اسکیٹ بورڈر زمین پر ہاتھ ٹکا کر بچنے کی کوشش کرتا ہے لیکن ناکام رہتا ہے اور سامان سے لدی بائیک سے بری طرح ٹکراتا ہے۔

    سامان لے جانے والا بائیک سوار جو بظاہر کوئی ڈیلیوری رائیڈر دکھائی دے رہا ہے سامان اور بائیک سمیت نیچے گرتا ہے جبکہ بائیک کا پہیہ اسکیٹ کرنے والے شخص کے منہ سے ٹکراتا ہے۔

    یہی نہیں بلکہ بائیک اس کے سینے سے ٹکراتی اور ٹانگوں کے اوپر سے گزرتی ہے جس سے وہ شخص یقیناً بری طرح زخمی ہوا ہوگا۔

    ٹویٹر صارفین نے اس ویڈیو کو دیکھ کر اسکیٹ بورڈر کو قصور وار ٹھہرایا کہ اس نے خود مخالف سمت میں تیز رفتاری سے سفر کر کے اپنے لیے مصیبت کو دعوت دے ڈالی۔

  • وائرل ویڈیو: کتوں سے ڈری اسکوٹی سوار خواتین کے ساتھ دل دہلا دینے والا حادثہ

    وائرل ویڈیو: کتوں سے ڈری اسکوٹی سوار خواتین کے ساتھ دل دہلا دینے والا حادثہ

    اوڈیشا: آوارہ کتے بعض اوقات افسوس ناک حادثات کو جنم دینے کا باعث بن جاتے ہیں، بھارتی ریاست اوڈیشا (سابقہ اڑیسہ) کے ایک علاقے میں ایسا ہی ایک واقعہ پیش آیا، جس میں کتوں سے ڈری اسکوٹی سوار خواتین اور بچہ حادثے کا شکار ہو کر ہوا میں اڑ کر زمین پر گر پڑے۔

    تفصیلات کے مطابق برہم پور میں پیر کے روز اسکوٹی پر سوار دو خواتین آوارہ کتوں کے تعاقب کے بعد حادثے کا شکار ہو گئیں، اسکوٹی پر دو خواتین اور ایک بچہ جا رہی تھیں کہ آوارہ کتوں نے ان کا پیچھا کیا تھا۔

    کتوں کی پہنچ سے بچنے کے لیے خاتون اسکوٹی پر سے کنٹرول کھو بیٹھیں اور اسکوٹی سائیڈ میں کھڑی ایک کار سے ٹکرا گئی، جس کے باعث اسکوٹی پر بیٹھے افراد ہوا میں اڑے اور زمین پر جا گرے۔

    اس واقعے کی سی سی ٹی وی فوٹیج سوشل میڈیا پر وائرل ہو گئی ہے، جس میں دیکھا جا سکتا ہے کہ اسکوٹی سوار افراد کیسے ہوا میں اچھل کر سڑک پر جا گرے۔

    حادثے کے نتیجے میں ایک کتے کو بھی اسکوٹی کے نیچے آ کر دبتے دیکھا جا سکتا ہے، حادثے کے بعد کتے خود بھی ڈر کر بھاگ گئے، گرنے کے باعث دونوں خواتین کو متعدد چوٹیں آئیں۔

    خاتون نے کہا کہ وہ صبح تقریباً 6 بجے مندر جا رہے تھے کہ 6 سے 8 کتے ان کا پیچھا کرنے لگے، جس پر انھوں نے اسکوٹی کی رفتار بڑھا دی، جس کی وجہ سے حادثہ پیش آ گیا۔

    واضح رہے کہ اسکوٹی پر سوار خواتین اور بچہ ہیلمٹ کے بغیر تھے، ٹویٹر صارفین نے ویڈیو پر تبصرہ کرتے ہوئے کہا کہ تینوں ہیلمٹ کے بغیر تھے، انھیں شدید چوٹ بھی آ سکتی تھی۔

  • اسکول میں تباہی کیسے مچی؟ خوفناک لمحے کی وائرل ویڈیو

    اسکول میں تباہی کیسے مچی؟ خوفناک لمحے کی وائرل ویڈیو

    مسی سپی: امریکی ریاست مسی سپی کے ایک اسکول میں طوفان نے تباہی مچائی، جس کی فوٹیج سی سی ٹی وی کیمرے میں قید ہو گئی، یہ ویڈیو سوشل میڈیا پر سامنے آتے ہی وائرل ہو گئی۔

    امریکی میڈیا رپورٹس کے مطابق سوشل میڈیا پر ایک فوٹیج سامنے آئی ہے، جو مسی سپی کے ایک ہائی اسکول میں خوف ناک طوفان سے ہونے والی تباہی پر مبنی ہے۔

    ویڈیو میں دیکھا جا سکتا ہے کہ اسکول میں کس طرح تباہی مچی، نیوز رپورٹس کے مطابق ریاست مسی سپی اور الاباما میں اس طوفان سے کم از کم 26 افراد ہلاک ہو چکے ہیں۔

    اس تباہ کن طوفان نے جمعہ کی رات ایک اور مقام پر جانے سے پہلے ہائی اسکول کو تہ و بالا کر کے رکھ دیا تھا، آن لائن شیئر کی گئی فوٹیج میں دیکھا جا سکتا ہے کہ طوفان نے اسکول کو اپنی لپیٹ میں لے کر اسے سیکنڈوں میں تباہ و برباد کر دیا۔

    جب طاقت ور بگولے نے اسکول کو لپیٹ میں لیا تو اس وقت بھی اسکول کی راہداری میں روشنیاں جلتی رہیں۔ واضح رہے کہ امریکی صدر جو بائیڈن نے طوفان سے متاثرہ علاقوں کے لیے وفاقی ایمرجنسی کا اعلان کیا ہے۔