Tag: وائلد لائف

  • ویڈیو: وائلڈ لائف اہلکاروں نے زخمی تیندوے کو ریسکیو کر لیا

    ویڈیو: وائلڈ لائف اہلکاروں نے زخمی تیندوے کو ریسکیو کر لیا

    اسلام آباد: وائلڈ لائف اہلکاروں نے بھاگنے سے معذور ایک زخمی تیندوے کو آزاد کشمیر سے ریسکیو کیا ہے۔

    ترجمان اسلام آباد وائلڈ لائف کے مطابق آزاد کشمیر محکمہ وائلڈ لائف کی درخواست پر اسلام آباد وائلڈ لائف کی ریسکیو ٹیم نے ایک زخمی تیندوے کو بہ حفاظت ریسکیو کیا ہے۔

    وائلڈ لائف منیجمنٹ بورڈ کے مطابق تیندوے کی پچھلی دونوں ٹانگیں زخمی ہیں، یہ معلوم نہیں ہو سکا ہے کہ تیندوا کیسے زخمی ہوا، تیندوے کا طبی معائنہ شروع کر دیا گیا ہے، ترجمان کا کہنا ہے کہ تیندوے کی ٹانگوں کے ایکسرے کے بعد حقائق سامنے آئیں گے۔

    تیندوے کو آج رات اسلام آباد وائلڈ لائف کے ریسکیو اور بحالی کے مرکز منتقل کیا جائے گا، جب کہ تیندوے کے علاج سے متعلق مزید حکمت عملی طبی ماہرین کی رائے کے بعد مرتب کی جائے گی۔

  • امریکی طوفانوں کے دوران چڑیا گھروں سے نایاب جانور چوری ہوگئے

    امریکی طوفانوں کے دوران چڑیا گھروں سے نایاب جانور چوری ہوگئے

    امریکی ریاستوں کو بدترین تباہی سے دو چار کرنے والے یکے بعد دیگرے 4 طوفانوں نے ایک طرف تو لاکھوں لوگوں کی زندگیوں کو متاثر کیا، تو دوسری طرف بدنیت افراد اور چور اچکوں کی بھی چاندی ہوگئی جو ایسے موقع پر بھی ہاتھ دکھانے سے باز نہ آئے۔

    ایسا ہی کچھ کیریبیئن جزائر کے سنیٹ مارٹن جزیرے میں ہوا جہاں ایک چڑیا گھر سے نایاب اور قیمتی جانوروں کو چرا لیا گیا۔

    چڑیا گھر انتظامیہ کے مطابق طوفان کے دوران ہنگامی حالات سے نمٹنے کے بعد انہیں علم ہوا کہ چڑیا گھر سے نہایت نایاب نسل کے جانوروں کے 6 جوڑے غائب ہیں۔

    انتظامیہ کے مطابق وہاں موجود جانوروں نے طوفان کے دوران بھاگنے سے گریز کیا اور اپنی جگہ ڈٹے رہے جنہیں بعد ازاں محفوظ مقامات پر منتقل کیا گیا۔ ان جانوروں کی تعداد 300 کے قریب بتائی جارہی ہے۔

    مزید پڑھیں: مشرق سے مغرب تک تباہ کن سیلاب اور طوفان

    ان کا کہنا تھا کہ طوفان کے دوران کچھ جانوروں کی ہلاکت بھی ہوئی جن میں ایک بڑی چھپکلی بھی شامل تھی۔ اس جانور کی موت طوفان کے دوران صدمے سے واقع ہوئی۔

    طوفان کے دوران 225 میل فی گھنٹہ کی رفتار سے چلنے والی ہواؤں نے بند پنجروں کو توڑ دیا جس کے بعد تمام خطرناک جانور بھی پنجروں سے نکل آئے اور ایک مگر مچھ نے ایک نایاب نسل کے خرگوش اور ٹوکان نامی نایاب پرندے کا شکار بھی کرلیا۔

    ان کے علاوہ بھی کئی جانور تاحال لاپتہ ہیں۔ بعض جانور ادھر ادھر گھومتے ہوئے بھی پائے گئے جس کے بعد مقامی افراد نے انہیں پکڑ کر ان کے لیے مخصوص کی گئی جگہوں تک پہنچایا۔

    مقامی افراد اس چڑیا گھر کی تباہ حالی سے نہایت افسردہ نظر آئے۔ یہ سینٹ مارٹن جزیرے کا واحد چڑیا گھر تھا اور مقامی افراد اور ان کے بچوں کے لیے تفریح کا بہترین اور واحد ذریعہ بھی تھا۔

    چڑیا گھر انتظامیہ کا کہنا ہے کہ تمام تر کوششوں کے باوجود چڑیا گھر کو دوبارہ اصل حالت میں واپس لانا اب ناممکن ہے۔

    واضح رہے کیریبیئن جزائر بحر اوقیانوس میں آنے والے طوفانوں سے شدید متاثر ہوئے ہیں اور ان میں سے سینٹ مارٹن جزیرے کا 95 فیصد انفرا اسٹرکچر تباہ ہوچکا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پہلی برفباری دیکھ کر برفانی ریچھ خوشی سے بے حال

    پہلی برفباری دیکھ کر برفانی ریچھ خوشی سے بے حال

    واشنگٹن: امریکی شہر پورٹ لینڈ میں چڑیا گھر کی انتظامیہ نے برفانی ریچھ کی ایک ویڈیو جاری کی ہے جس میں وہ اپنی زندگی کی پہلی برفباری سے لطف اندوز ہوتا نظر آرہا ہے۔

    یہ برفانی ریچھ جس کا نام نورا ہے، اس کی عمر ایک سال ہے۔ اپنی زندگی میں پہلی بار برفباری دیکھ کر وہ خوشی سے بے حال ہو گیا اور اس نے چھلانگیں لگا کر اپنی خوشی کا اظہار کیا۔

    nora-8

    nora-5

    nora-3

    نورا نے بر فباری میں گیند سے کھیلا، جھولے کی سواری کی جبکہ اس نے آسمان سے برسنے والی تازہ برف کو بھی چکھ کر دیکھا۔

    nora-2

    nora-4

    nora-7

    nora-6

    گو کہ برفانی ریچھ برف میں رہنے کا عادی ہوتا ہے اور برف اس کے لیے کوئی اجنبی چیز نہیں، لیکن آسمان سے گرتی برف یقیناً اس کے لیے غیر معمولی چیز ہوتی ہے، خصوصاً پہلی بار برف باری کو دیکھنا نہایت خوشگوار تجربہ ہوسکتا ہے جس کا نورا نے بھی خوب لطف اٹھایا۔

  • ہوشیار! کلائمٹ چینج کے باعث پہلا ممالیہ معدوم

    ہوشیار! کلائمٹ چینج کے باعث پہلا ممالیہ معدوم

    کینبرا: سائنسدانوں نے اس بات کی تصدیق کردی ہے کہ کلائمٹ چینج یا موسمیاتی تغیر کے باعث آسٹریلیا میں پائے جانے والے ایک چوہے کی نسل معدوم ہوچکی ہے۔

    بریمبل کے میلومیز نامی یہ چھوٹا چوہا گریٹ بیریئر ریف کا مقامی ممالیہ ہے اور انسانی افعال کے باعث موسمیاتی تغیر یا کلائمٹ چینج کی وجہ سے اس کی نسل مکمل طور پر ختم ہوچکی ہے۔ یہ کلائمٹ چینج کے باعث معدوم ہونے والی پہلا ممالیہ ہے۔

    مزید پڑھیں: کلائمٹ چینج سے خواتین سب سے زیادہ متاثر

    مزید پڑھیں: کلائمٹ چینج سے نمٹنے کے لیے کاربن اخراج کو ٹھوس بنانے کا طریقہ

    ماہرین کے مطابق یہ معدومی صرف ایک آغاز ہے، کلائمٹ چینج اور ماحولیاتی تبدیلیاں دنیا کے ہر جاندار کے لیے ایک خطرہ بن چکی ہیں۔

    برمبل کے نامی یہ چوہا آسٹریلیا کے کوئنز لینڈ کے شمالی ساحل پر پایا جاتا ہے۔ یہ ایک کم آبادی والا ممالیہ تھا جبکہ اسے بیریئر ریف کا مقامی ممالیہ کہا جاتا تھا۔

    ماہرین کے مطابق اس چوہے کی معدومی کی وجہ سطح سمندر کا بلند ہونا ہے۔ یہ علاقہ سمندر میں پانی میں اضافے کی وجہ سے کئی بار زیر آب آ چکا ہے جس ک باعث کئی چوہے ڈوب کے مر گئے جبکہ ان کے رہنے کے ٹھکانے بھی تباہ ہوگئے۔

    ماہرین نے حتمی طور پر اس نسل کو معدوم قرار دے دیا ہے اور کہا ہے کہ اب ان کی دوبارہ افزائش کا کوئی امکان نہیں ہے۔

    مزید پڑھیں: کلائمٹ چینج اور پانی کی قلت سے مختلف ممالک کی جی ڈی پی میں کمی

    مزید پڑھیں: گلوبل وارمنگ سے گردوں کے امراض میں اضافے کا خطرہ

    واضح رہے کہ کلائمٹ چینج یعنی موسمیاتی تغیر اور گلوبل وارمنگ یعنی عالمی حدت میں اضافے کی وجہ سے 1901 سے لے کر 2010 تک سمندروں کی سطح میں 20 سینٹی میٹر کا اضافہ ہوچکا ہے۔

    اتنا اضافہ پچھلے 60 ہزار سال کی تاریخ میں بھی نہیں دیکھا گیا البتہ آسٹریلیا کے ساحلوں پر صرف 1993 سے 2014 تک کے عرصہ میں یہ اضافہ دگنی مقدار میں دیکھنے میں آیا ہے۔