Tag: وائٹ واش

بیسٹر (29 جولائی 2025): آسٹریلیا نے ویسٹ انڈیز کو آخری ٹی 20 میچ میں شکست دے کر وائٹ واش کر دیا اور سیریز پانچ صفر سے اپنے نام کی۔

ویسٹ انڈیز کے دورے پر آئی آسٹریلوی ٹیم نے بیسٹر میں کھیلے گئے پانچویں اور آخری ٹی 20 میچ میں مہمان ٹیم کو تین وکٹوں سے شکست دے کر ٹی 20 سیریز میں بھی کلین سوئپ مکمل کیا۔ ساتھ ہی تاریخ بھی رقم کر دی۔

پانچویں میچ میں ویسٹ انڈیز کی ٹیم نے پہلے بیٹنگ کی اور پوری ٹیم 19.4 اوورز میں 170 رنز پر آؤٹ ہو گئی۔ شمرون 52 اور شیرفن ردھرفورڈ 35 رنز کے ساتھ نمایاں رہے۔

آسٹریلیا کی جانب سے بین ڈوارشیس سب سے کامیاب بولر رہے اور تین وکٹیں حاصل کیں۔ نیتھن ایلس نے دو کھلاڑیوں کو آؤٹ کیا۔

کینگروز نے 171 رنز کے ہدف کے تعاقب میں سات وکٹیں گنوائیں تاہم فتح 18 گیندیں قبل ہی حاصل کر لی۔

آسٹریلیا کی جانب سے ڈیبیو کرنے والے مچل اوون نے 37 رنز کی شاندار اننگز کھیل کر ٹیم کی فتح میں اہم کردار ادا کیا۔ ٹم ڈیوڈ نے صرف 12 گیندوں پر 30 رنز کی برق رفتار اننگ کھیلی۔

میچ کا بہترین کھلاڑی بین ڈوارشیس کو قرار دیا گیا جب کہ کیمرون گرین سیریز میں 205 رنز بنا کر سیریز کے بہترین کھلاڑی قرار پائے۔

کینگروز نے دورہ ویسٹ انڈیز کا تاریخی کامیابی کے ساتھ اختتام کیا اور اس دورے کے دوران 8 میچز کھیلے اور تمام میچز میں فتوحات سمیٹیں۔

پہلے تین ٹیسٹ میچوں کی سیریز میں کیریبئن سائیڈ کو وائٹ واش کیا اور پھر 5 ٹی 20 میچوں کی سیریز میں بھی مہمان ٹیم کو پانچ صفر سے مات دے کر تاریخی وائٹ واش مکمل کیا۔

ویسٹ انڈیز کا اب اگلا امتحان گرین شرٹس سے ٹی 20 اور ون ڈے سیریز ہے۔ ٹی ٹوئنٹی سیریز کا آغاز یکم اگست سے ہو رہا ہے۔

آسٹریلیا نے سری لنکا کو ٹیسٹ سیریز میں وائٹ واش کر کے آئی لینڈرز کو 14 سال بعد ان ہی کی سر زمین پر ٹیسٹ سیریز جیت لی۔

گال میں کھیلے گئے دوسرے ٹیسٹ میچ میں سری لنکا دوسری اننگ میں 231 رنز بنا کر آؤٹ ہوگئی تھی اور مہمان ٹیم کو جی تکے لیے صرف 75 رنز کا ہدف دیا تھا۔

کینگروز نے یہ ہدف صرف ایک وکٹ کے نقصان پر حاصل کر کے 9 وکٹوں سے فتح حاصل کی۔ عثمان خواجہ 27 اور مارنس لبوشین 26 رنز بنا کر ناٹ آؤٹ رہے۔

سری لنکا نے پہلی اننگ میں 257 رنز بنائے تھے۔ اسکے جواب میں آسٹریلیا نے پہلی اننگ میں کپتان اسٹیون اسمتھ اور ایلکس کیری کی سنچریوں کی بدولت 414 رنز بنائے تھے۔

آسٹریلیا نے سری لنکا کو اُسکے ہوم گراؤنڈ پر 2011 کے بعد پہلی بار سیریز میں شکست دی ہے۔ کینگروز نے پہلا ٹیسٹ میچ اننگ اور 242 رنز کے بھاری مارجن سے جیتا تھا۔

ایلکس کیری مین آف دی میچ اور اسٹیون اسمتھ مین آف دی سیریز قرار پائے۔

واضح رہے کہ ورلڈ ٹیسٹ چیمپئین شپ کا فائنل رواں برس جون میں آسٹریلیا اور جنوبی افریقا کی ٹیموں کے درمیان لارڈز میں کھیلا جائے گا۔

پاکستان آسٹریلیا نے اس کی سر زمین پر ون ڈے سیریز جیتنے کے بعد ٹی 20 سیریز میں وائٹ واش ہوگئی جس پر کڑی تنقید کی جا رہی ہے۔

پاکستان اور آسٹریلیا کے درمیان تین ٹی ٹوئنٹی میچوں پر مشتمل سیریز میں گرین شرٹس کے بلے باز مکمل ناکام رہے۔ کہیں انہوں نے بولرز کی محنت پر پانی پھیرا تو کہیں اتنا بڑا ہدف نہ دے سکے کہ بولرز اس کا دفاع کر سکتے یوں ایک اور رسوا کن وائٹ واش شکست مقدر بن گئی۔

قومی ٹیم کی اس شکست پر جہاں سابق کرکٹرز اور ماہرین ٹیم کی کارکردگی کا پوسٹمارٹم کر رہے ہیں وہیں سوشل میڈیا پر بھی گرین شرٹس پر تنقید کا ایک طوفان بپا ہے۔

عابد ملک نامی ایک صارف نے لکھا کہ آسٹریلیا سے ٹی 20 سیریز میں وائٹ واش ہوکر پاکستان ٹیم اپنی فارم میں واپس آ گئی ہے۔

ایک صارف نے یہ حقیقت تحریر کر دی کہ سچ تو یہ ہے کہ پاکستان اب تک آسٹریلیا کی سر زمین پر کوئی ٹی 20 میچ نہیں جیت سکا۔

ایک صارف نے آسٹریلوی ٹیم کی کارکردگی کو سراہا تو دوسرے نے لکھا کہ پاکستان ٹیم پر لکھا بیکار ٹیم اور بیکار کنگ۔

ایسے میں کچھ صارف ایسے بھی تھے جو کنگ کے نام سے معروف بابر اعظم کی حمایت میں سامنے آئے اور کہا کہ جب لگاتار وکٹیں گر رہی تھیں تو بابر اعظم نے وکٹ پر رہتے ہوئے 41 رنز بنائے۔ ایک اور صارف بولا کہ اگر آج بابر نہ ہوتا تو ٹیم 40 رنز سے پہلے ہی ڈھیر ہو جاتی۔

واضح رہے کہ دورہ آسٹریلیا کے بعد قومی ٹیم آج زمبابوے روانہ ہوگئی ہے جہاں وہ تین ون ڈے اور اتنے ہی ٹی 20 میچوں کی سیریز کھیلے گی۔

قومی کرکٹ ٹیم کے سابق فاسٹ بولر عاقب جاوید نے کہا ہے کہ آسٹریلیا کے خلاف سیریز میں اگر وائٹ واش سے بچ جائیں تو بڑی بات ہوگی۔

نجی ٹی وی چینل پر گفتگو کرتے ہوئے سابق فاسٹ بولو کا کہنا تھا کہ آسٹریلیا میں بڑی بڑی ٹیمیں گئییں مگر جیت نہیں سکی ہیں، اگر ہماری ٹیم دورہ آسٹریلیا پر وائٹ واش سے بچ جاتی ہو تو بڑی بات ہوگی۔

عاقب جاوید نے ٹیسٹ کرکٹ ٹیم کی کپتانی سے متعلق کہا کوئی بھی اچھا یا بُرا نہیں ہوتا، شان مسعود کاؤنٹی میں کپتانی کرچکے ہیں، ہر کھلاڑی اپنی محنت سے آگے بڑھتا ہے۔

دورہ آسٹریلیا: پاکستان کرکٹ ٹیم کا تربیتی کیمپ پنڈی اسٹیڈیم میں شروع

ٹی ٹوئنٹی ٹیم کی قیادت سے متعلق انہوں نے کہا کہ شاہین آفریدی کا فیصلہ میرٹ پر ہوا ہے، شاہین نے اپنی سر پرستی میں دو بار لاہور قلندرز کو چیمپئن بنایا ہے۔

سابق فاسٹ بولر نے پاکستان کرکٹ ٹیم کی سلیکشن کمیٹی کو مشورہ دیا کہ حارث کو ٹیسٹ کے بجائے اگلے ٹی 20 ورلڈکپ کے لیے تیار کریں.

ان کا کہنا تھا کہ حارث رؤف کو نیشنل ٹی ٹوئنٹی کپ کھلائیں اور نیوزی لینڈ کے خلاف 5 ٹی ٹوئنٹی میچوں کی سیریز کھلائیں اور پھر دیکھیں کہ حارث کو کیسے ٹی ٹوئنٹی ورلڈکپ میں استعمال کیا جا سکتا ہے۔

واضح رہے کہ پاکستان آسٹریلیا کے دورے میں آج تک کوئی ٹیسٹ سیریز نہیں جیت پایا، تمام پاکستانی ٹیموں کے لیے کینگروز کے دیس کا دورہ ہمیشہ مشکل رہا۔

پاکستان کے کئی کپتان آئے مگر آسٹریلیا کو اس کی سرزمین پر شکست دینے میں ناکام رہے، اب شان مسعود آسٹریلیا میں ٹیسٹ ٹیم کی قیادت کرنے والیے گیارویں کپتان ہونگے۔

پاکستان نے آسٹریلیا میں 1964 سے اب تک 37 ٹیسٹ میچز کھیلے اور صرف اور صرف 4 میچز جیتنے میں کامیاب رہا۔ کینگروز نے گریش شرٹس کو 26 دفعہ مات دی جبکہ 7 ٹیسٹ ڈرا رہے۔

مزے کی بات یہ ہے کہ پاکستان کرکٹ ٹیم نے آسٹریلیا میں آخری ٹیسٹ میچ آج سے 28 سال قبل 1995 میں جیتا تھا۔