ARYNews.tv | Urdu – Har Lamha Bakhabar

Tag: وائٹ ہاؤس

  • امریکی صدرنےسی آئی اے کےسابق ڈائریکٹرکی سیکیورٹی کلیئرنس منسوخ کردی

    امریکی صدرنےسی آئی اے کےسابق ڈائریکٹرکی سیکیورٹی کلیئرنس منسوخ کردی

    واشنگٹن: امریکی صدرنے سی آئی اے کے سابق ڈائریکٹر جان برینن کے خلاف کارروائی کرتے ہوئے ان کی سیکیورٹی کلیئرنس منسوخ کردی۔

    تفصیلات کے مطابق امریکی صدر ڈونلڈ ٹرمپ کے خلاف بیان دینے پرسی آئی اے کے سابق ڈائریکٹر جان برینن کی سیکیورٹی کلیئرنس منسوخ کردی گئی۔

    امریکی خفیہ ادارے سی آئی اے کے سابق ڈائریکٹر نے ڈونلڈ ٹرمپ کی ولادی میرپیوٹن سے ملاقات پرتنقید کی تھی۔

    جان برینن کا کہنا تھا کہ امریکی صدرڈونلڈ ٹرمپ نے اظہار رائے کی آزادی چھیننے کی کوشش کی۔

    دوسری جانب ڈونلڈ ٹرمپ نے سی آئی اے کے سابق ڈائریکٹر کے بیان پر ردعمل دیتے ہوئے کہا کہ جان برینن کے بیان سے امریکیوں کا انٹیلی جنس سے اعتبار اٹھ رہا ہے۔

    ترجمان وائٹ وائٹ ہاوس نے اپنے بیان میں کہا کہ جان برینن نے ٹرمپ کے خلاف جارحانہ بیانات دیے جس پران کی سیکیورٹی کلیئرنس منسوخ ہوئی۔

    امریکی صدر ٹرمپ کا مخالفین کی سیکیورٹی کلیئرنس واپس لینے کا فیصلہ

    خیال رہے کہ گزشتہ روز وائٹ ہاؤس کی پریس سیکریٹری سارہ سینڈرز کا کہنا تھا امریکی صدر پرتنقید کرنے والوں کی سیکیورٹی کلیئرنس واپس لینے کا فیصلہ کیا ہے۔

    سارہ سینڈرز کا کہنا تھا کہ جن افراد کی سیکیورٹی کلیئرنس واپس لی جارہی ہے انہوں نے سیاسی فائدے کے لیے ڈونلڈ ٹرمپ پر بے بنیاد الزامات لگائے۔

    وائٹ ہاؤس کی پریس سیکریٹری کا کہنا تھا جن افراد کی سیکیورٹی کلیئرنس واپس لی جائے گی ان میں موجودہ اور سابق حکام بھی شامل ہیں۔

  • امریکی صدرنےایرانی ہم منصب کوملاقات کی پیشکش کردی

    امریکی صدرنےایرانی ہم منصب کوملاقات کی پیشکش کردی

    واشنگٹن: امریکی صدر ڈونلڈ ٹرمپ نے ایرانی صدر حسن روحانی کو ملاقات کی پیشکش کرتے ہوئے کہا ہے کہ اگروہ ملنا چاہتے ہیں، تو میں ملاقات کے لیے تیار ہوں۔

    تفصیلات کے مطابق وائٹ ہاؤس میں میڈیا نمائندوں سے گفتگو کے دوران امریکی صدر نے ایرانی ہم منصب کو ملاقات کی پیشکش کرتے ہوئے کہا کہ یہ ملاقات جب وہ چاہیں ہوسکتی ہے۔

    ڈونلڈ ٹرمپ نے کہا میں ملاقاتوں پریقین رکھتا ہوں، اگر وہ ملنا چاہتے ہیں تو ہم ملاقات کریں گے۔

    امریکی صدر کی جانب سے کی جانے والے پیشکش پرایرانی صدر کے مشیرحامد ابوطالبی نے ردعمل دیتے ہوئے کہا کہ جوہری معاہدے میں واپسی اورایرانی خودارادیت کو تسلیم کرنے کے بعد ہی ملاقات کی راہ ہموار ہوسکے گی۔

    ایرانی صدرامریکا کودھمکیاں نہ دیں‘ ڈونلڈ ٹرمپ

    ڈونلڈ ٹرمپ کی جانب سے یہ بیان ایک ایسے وقت میں سامنے آیا ہے جب ان کا ایرانی صدر کے ساتھ رواں ماہ کے آغاز میں سخت جملوں کا تبادلہ ہوا تھا۔

    امریکا ایران میں حکومت گرانا نہیں چاہتا‘ جیمزمیٹس

    خیال رہے کہ 3 روز قبل امریکی وزیر دفاع جیمز میٹس کا کہنا تھا کہ امریکا ایران میں حکومت گرانا نہیں چاہتا، رویے اور پالیسیوں کی تبدیلی چاہتے ہیں۔

    واضح رہے کہ ایران اور امریکا کے درمیان تعلقات 2015 میں ایران سے کیے گئے عالمی جوہری معاہدے سے امریکا کے رواں سال مئی میں نکلنےکے بعد سے شدید بحران کا شکار ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پاکستان طالبان رہنماؤں کو گرفتار یا بے دخل کرے، وائٹ ہاؤس

    پاکستان طالبان رہنماؤں کو گرفتار یا بے دخل کرے، وائٹ ہاؤس

    واشنگٹن : امریکا نے پاکستان سے ایک بارپھرڈومورکا مطالبہ کرتے ہوئے کہا کہ پاکستان اپنی سرزمین سے طالبان رہنماؤں کو فوری طورگرفتار یا بے دخل کرے۔

    تفصیلات کے مطابق کابل میں ہوٹل پر حملے کے بعد وائٹ ہاؤس کی ترجمان سارا سینڈرزنے میڈیا بریفنگ میں پاکستان سے ایک بار  پھر دہشت گردوں کیخلاف کارروائی کا مطالبہ کردیا اور کہا کہ طالبان رہنماؤں کو فوری طور پر گرفتار یا بے دخل کرے۔

    ترجمان وائٹ ہاؤس کا مزید کہنا تھا کہ پاکستان طالبان اور ایسے دوسرے گروپس کواپنی سرزمین استعمال کرنے سے روکے۔

    یاد رہے گذشتہ ہفتےکابل میں انٹرکانٹینینٹل ہوٹل پر دہشت گردوں نے  حملہ کردیا تھا جس کے نتیجے میں 22 افراد ہلاک ہوگئے تھے ہلاک ہونے والوں میں زیادہ تر غیر ملکیوں شامل تھے۔

    پاکستان نے دہشت گرد حملے کی مذمت کرتے ہوئے قیمتی انسانی جانوں کے ضائع پر دکھ اور افسوس کا اظہار کیا اور دہشت گردی کے خاتمے کیلئے دونوں ملکوں کے درمیان تعاون کی ضرورت پر زور دیا تھا۔

    خیال رہے کہ کہ نئے سال کے آغاز میں امریکی صدر کے پاکستان پر دھوکہ دینے کے الزام کے بعد دونوں ملکوں کے تعلقات میں تاحال کشیدگی  برقرار ہے جبکہ پاکستان  کا کہنا ہے کہ امریکہ افغانستان میں ناکامی پر  پاکستان کو قربانی کا بکرا بنا رہا ہے۔

    مزید پڑھیں : ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

    امریکی صدر ڈونلڈ ٹرمپ نے کہا تھا کہ امریکا نے گزشتہ15سال میں33ارب ڈالرز پاکستان کو دے کر بے وقوفی کی، پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔

    ٹرمپ کا کہنا تھا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکا سے جھوٹ بولا۔

    ٹرمپ کی دھمکی کے بعد  امریکا نے پاکستان کی 255ملین ڈالرز کی فوجی امداد بھی روک لی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • وائٹ ہاؤس میں ہیلووین پارٹی

    وائٹ ہاؤس میں ہیلووین پارٹی

    واشنگٹن: امریکی صدارتی محل وائٹ ہاؤس نے بھی مغربی تہوار ہیلوین پر رنگ بدل لیے۔ امریکی صدر ڈونلڈ ٹرمپ اور ان کی اہلیہ میلانیا ٹرمپ نے صدارتی محل میں ہیلوین پارٹی کی میزبانی کی۔

    خوف سے منسوب مغربی تہوار ہیلووین کی تقریبات دنیا بھر میں جاری ہیں۔ امریکی صدارتی محل کو بھی تہوار کی مناسبت سے خوفناک مقام میں تبدیل کردیا گیا جہاں جابجا مکڑی کے جالے لٹکتے دکھائی دیے۔

    ہیلوین کے موقع پر خاتون اول اور امریکی صدر نے بچوں میں تحائف تقسیم کیے اور تصویریں بھی بنوائیں۔ اس موقع پر ڈائنو سار کے روپ میں آیا ایک مہمان خاتون اول کو ڈرانے میں بھی کامیاب رہا۔

    وائٹ ہاؤس کی ہیلووین پارٹی میں بچوں نے بھی منفرد روپ دھارے۔ کوئی اسپائڈر مین بن کر آیا اور کوئی مردے کے روپ میں آیا۔

    وائٹ ہاؤس میں ہونے والی اس ہیلووین پارٹی میں امریکی صدارتی جوڑے نے تو بچوں کے ساتھ خوب لطف اٹھایا، تاہم ٹرمپ خاندان کے دیگر افراد جیسے ایوانکا ٹرمپ وغیرہ اس محفل میں نظر نہیں آئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سوشل میڈیا کے بغیرصدرنہیں بن سکتا تھا‘ ڈونلڈ ٹرمپ

    سوشل میڈیا کے بغیرصدرنہیں بن سکتا تھا‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ نے کہا کہ سوشل میڈیا نے الیکشن جتوانے میں اہم کرار ادا کیا، اس کے استعمال کے بغیر وہ الیکشن نہیں جیت سکتے تھے۔

    تفصیلات کے مطابق امریکی خبررساں ادارے کو انٹرویو دیتے ہوئے ڈونلڈ ٹرمپ نے کہا کہ صدارتی الیکشن میں جیت کا سہرا سوشل میڈیا کو جاتا ہے اس کے بغیر ان کا صدر بننا بہت مشکل تھا۔

    ڈونلڈ ٹرمپ نے کہا کہ مجھے کچھ بھی کہنا ہو تو میں سوشل میڈیا کے ذریعے کہہ دیتا ہوں اور براہ راست پیغام بھیجنے سے غیرشفاف میڈیا کوریج سے بچ جاتا ہوں۔

    امریکی صدر نے کہا کہ میرے بارے میں کوئی کچھ بھی کہتا ہے تو میں اس کا فوراََ جواب دے دیتا ہوں۔ انہوں نے کہا کہ موجودہ دور میں سوشل میڈیا پیغام رسانی کا بہت زبردست پلیٹ فارم ہے۔

    ڈونلڈ ٹرمپ کے ٹویٹس سیاست میں افراتقری پھیلا رہے ہیں‘ جان کیری

    یاد رہے کہ دو روز قبل سابق امریکی وزیر خارجہ جان کیری کا کہنا تھا کہ امریکی صدر ڈونلڈ ٹرمپ کے ٹویٹس کے ذریعے اہم اعلانات اور پالیسی بیانات دینے سے سیاست میں افراتفری پھیل رہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • ٹرمپ خاندان کی وائٹ ہاؤس میں پارٹی

    ٹرمپ خاندان کی وائٹ ہاؤس میں پارٹی

    واشنگٹن: امریکی صدر ڈونلڈ ٹرمپ اور ان کے خاندان نے کانگریس کے ارکان کو وائٹ ہاؤس مدعو کیا اور ان کے ساتھ رقص و موسیقی پر مشتمل دعوت میں خوب ہلہ گلہ کیا۔

    امریکی صدارتی انتخابات اور صدر منتخب ہونے کے ابتدائی سخت ایام کے بعد بالآخر ٹرمپ خاندان نے پکنک منانے کا وقت نکال لیا۔

    ٹرمپ کے صدر منتخب ہونے کے بعد پہلی بار وائٹ ہاؤس میں پارٹی منعقد کی گئی جس میں روایت کے مطابق کانگریس ارکان نے شرکت کی۔

    پارٹی میں خاتون اول میلانیا ٹرمپ اور ٹرمپ کی صاحبزادی ایوانکا ٹرمپ نے بچوں کے ساتھ گفتگو کی، تصاویر بنوائیں اور ان کے ساتھ خوبصورت لمحات گزارے۔

    Family photo take #45 Lots of fun tonight at the Congressional Picnic

    A post shared by Ivanka Trump (@ivankatrump) on

    صدر ٹرمپ بھی خوشگوار موڈ میں نظر آئے۔

    اپنی تقریر میں ٹرمپ نے ری پبلکن اور ڈیموکریٹس ارکان کو ایک دوسرے کے قریب آنے اور اختلافات ختم کرنے کی ضورت پر زور دیا۔

    پارٹی میں کانگریس ارکان نے اپنے اہل خانہ کے ساتھ بھرپور شرکت کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • روس کا وائٹ ہاؤس پر قبضہ

    روس کا وائٹ ہاؤس پر قبضہ

    بین الاقوامی جریدے ٹائم میگزین کے حالیہ متنازعہ سرورق نے امریکی حکام میں تشویش کی لہر دوڑا دی جس میں روس کو وائٹ ہاؤس پر قبضہ یا برتری حاصل کرتا ہوا دکھایا گیا ہے۔

    ٹائم میگزین کے مذکورہ کور میں دکھایا گیا ہے کہ روسی دارالحکومت ماسکو میں موجود سینٹ باسلز کیتھڈرل وائٹ ہاؤس پر قبضہ کر رہا ہے۔

    میگزین نے اس کور کے ذریعے علامتی طور پر دکھانے کی کوشش کی ہے کہ وائٹ ہاؤس میں روس کی مداخلت اور اثر و رسوخ میں اضافہ ہورہا ہے۔

    یہ کور ایسے وقت میں پیش کیا جارہا ہے جب چند دن قبل ہی امریکی صدر ڈونلڈ ٹرمپ فیڈرل بیورو آف انویسٹی گیشن ایف بی آئی کے ڈائریکٹر جیمز کومی کو ان کے عہدے سے برطرف کرچکے ہیں۔

    دراصل ایف بی آئی اس بارے میں تحقیقات کر رہی ہے کہ آیا صدر ٹرمپ کی فتح میں روسی ایجنسیوں کا کوئی کردار تھا یا یہ صرف افواہیں ہیں۔

    سابق ڈائریکٹر جیمز کومی نے دعویٰ کیا تھا کہ صدر ٹرمپ نے انہیں روسی رابطوں سے متعلق تحقیقات روکنے کا کہا تھا جبکہ وائٹ ہاؤس نے ان خبروں کی تردید کی تھی۔

    مزید پڑھیں: ٹرمپ نے ایف بی آئی ڈائریکٹر کو عہدے سے ہٹا دیا

    مذکورہ ڈائریکٹر کی برطرفی ٹرمپ کی روسی سفارتکار سے ملاقات کے اگلے ہی دن عمل میں لائی گئی۔

    اب ٹائم کے حالیہ سرورق کے بعد امریکی حکام سخت پریشانی کا شکار ہوگئے ہیں جو پہلے ہی تحقیقات کی زد میں ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عبدالفتاح السیسی کی ڈونلڈ ٹرمپ سےملاقات

    عبدالفتاح السیسی کی ڈونلڈ ٹرمپ سےملاقات

    واشنگٹن : مصر کےصدر عبدالفاتح السیسی نے صدر بننے کے بعد پہلی بار وائٹ ہاؤس کا دورہ کیا ہے۔

    تفصیلات کےمطابق امریکی صدر ڈونلڈ ٹرمپ سے مصر کے صدر کے عبدالفاتح السیسی نے وائٹ ہاؤس میں ملاقات کی۔اس موقع پر امریکی صدر نےالسیسی کی جانب سے باغیوں کے خلاف کی جانے والے کارروائی کی حمایت کی۔

    مصر کےصدر السیسی نے ڈونلڈ ٹرمپ سے ملاقات کے دوران کہاکہ دولتِ اسلامیہ کے خلاف کارروائی کے لیے ایک ارب تین کروڑ کی گذشتہ برس کی امریکی فوجی امداد میں اضافے کی ضرورت ہے۔

    خیال رہےکہ مصر اور امریکہ کےدرمیان اچھےتعلقات ہیں لیکن دونوں ممالک کے درمیان تعلقات میں کشیدگی اس وقت بڑھی جب السیسی نے اپنےسیکیولرمخالفین کےخلاف کریک ڈاؤن کیا۔

    مصری حکومت نے سابق صدر حسنی مبارک کو رہا کردیا

    مصرکے صدر کے اس اقدام کےبعد سابق امریکی صدر براک اوباماکی جانب سے تقریباََ 18 ماہ تک فوجی امداد بندکردی گئی تھی۔

    وائٹ ہاؤس حکام کا کہنا ہے کہ صدر ڈونلڈ ٹرمپ مصر اور امریکہ کے دوطرفہ تعقات کی ازسر نو ابتدا کرنا چاہتے ہیں۔

    واضح رہےکہ عبدالفاتح السیسی نے ملک میں پہلے جمہوری صدر محمد مرسی کی حکومت کو بحیثیت وزیرِ دفاع سنہ 2013 میں برطرف کر دیا تھا جب ان کے اقتدار کے خلاف بڑے پیمانے پر عوامی احتجاج ہوا تھا۔

  • ڈونلڈ ٹرمپ کی فلسطینی صدر کو واہٹ ہاؤس کےدورے کی دعوت

    ڈونلڈ ٹرمپ کی فلسطینی صدر کو واہٹ ہاؤس کےدورے کی دعوت

    واشنگٹن :امریکی صدر ڈونلڈ ٹرمپ نے فلسطین کے صدر محمود عباس کووائٹ ہاؤس کا دورہ کرنے کی دعوت دی ہے۔

    تفصیلات کےمطابق گزشتہ روز امریکی صدر ڈونلڈ ٹرمپ نے اپنے ہم منصب فلسطینی صدر سے ٹیلی فون پر بات چیت میں وائٹ ہاؤس کے دورے کی دعوت دی۔

    وائٹ ہاؤس کے ترجمان شان اسپائسر نے امریکی صدر کی جانب سے فلسطینی صدر محمود عباس کو وائٹ ہاؤس کے دورے کی دعوت کی تصدیق کی ہے۔

    دوسری جانب فلسطینی صدر محمود عباس کے ترجمان کے مطابق امریکی صدر نے فلسطینی صدر سے بات چیت میں کہا کہ وہ امن بات چیت کو دوبارہ شروع کرنے کے حوالے سے بات چیت کریں گے۔

    خیال رہےکہ امریکی صدر ٹرمپ نے عہدہ سنبھالنے کے بعد پہلی بار فلسطینی صدر سے رابطہ کیا ہےجبکہ اس سے پہلے فروری میں وہ اسرائیلی وزیراعظم نیتن یاہو کی میزبانی کر چکے ہیں۔

    مزید پڑھیں:اسرائیل فلسطین پالیسی پر امریکہ نے پالیسی تبدیل کرلی

    یاد رہےکہ گزشتہ ماہ امریکی صدر ڈونلڈ ٹرمپ نے کئی دہائیوں سے مشرقِ وسطیٰ میں امریکی پالیسی کے روایتی ستون ’دو ریاستی حل‘سے علحیدگی کا اعلان کیاتھا۔

    واضح رہےکہ فلسطینی حکام نے جمعے کو ٹیلی فون پر ہونے والے رابطے سے پہلے کہا تھا کہ صدر محمود عباس امریکی صدر پرمقبوضہ علاقے پر اسرائیلی بستیوں کے مسئلے اور دو ریاستوں پر مبنی حل کی اہمیت پر زور دیں گے۔

  • صحافیوں کےاعزازمیں عشائیہ‘ٹرمپ کاشرکت سےانکار

    صحافیوں کےاعزازمیں عشائیہ‘ٹرمپ کاشرکت سےانکار

    واشنگٹن :امریکی صدر ڈونلڈ ٹرمپ نےوائٹ ہاؤس کی جانب سےصحافیوں کےاعزاز میں رکھے جانےوالےعشائیےمیں شرکت نہ کرنے کااعلان کیاہے۔

    تفصیلات کےمطابق امریکی صدر ڈونلڈ ٹرمپ صحافیوں کےاعزاز میں وائٹ ہاؤس کی جانب سے رکھے گئےسالانہ پریس ڈنر میں شرکت نہیں کریں گے۔

    وائٹ ہاوس میں صحافیوں کےاعزازمیں عشائیہ29 اپریل کوہوگا۔تقریب میں سیاسی شخصیات،فنکاراورصحافی شرکت کریں گے۔

    یاد رہےکہ گزشتہ روز وائٹ ہاؤس میں ٹرمپ انتظامیہ کی جانب سے دی جانے والی بریفنگ میں سے کئی میڈیاچینلزکےصحافیوں کو باہرنکال دیاگیاتھا۔

    دوسری جانب قدامت پسند اور ’دوست‘ مانے جانے والے فوکس نيوز، ون امریکہ اور برائٹ بارٹ جيسے ادارے وائٹ ہاؤس بريفنگ ميں موجود تھے۔

    مزید پڑھیں:وائٹ ہاؤس بریفنگ‘ کئی صحافیوں کوباہرنکال دیاگیا

    سی این این، بی بی سی ،نیویارک ٹائمز،پولیٹیکو،لاس اینجلس ٹائمزاوربزفیڈکوٹرمپ انتظامیہ کی جانب سےبریفنگ میں شرکت کرنے سے روک دیاگیاتھا،جس کےخلاف صحافی برادری کی جانب سے شدید احتجاج کیاگیاتھا۔

    مزید پرھیں:جعلی نیوزمیڈیامیرانہیں امریکی عوام کا دشمن ہے‘ ڈونلڈ ٹرمپ

    واضح رہےکہ گزشتہ ہفتےامریکی صدر ڈونلڈ ٹرمپ نےمیڈیا کوتنقید کا نشانہ بناتے ہوئےمتعدد چینلز کوامریکی عوام کا دشمن قراردے دیاتھا۔