Tag: وائٹ ہاؤس

واشنگٹن : وائٹ ہاؤس میں ٹرمپ انتظامیہ کی جانب سے دی جانے والی بریفنگ میں سے کئی میڈیاچینلزکے صحافیوں کو باہرنکال دیاگیا۔

تفصیلات کےمطابق امریکی صدر ڈونلڈ ٹرمپ کی انتظامیہ کی جانب سے سی این این،نیویارک ٹائمز سمیت کئی میڈیا چینلز اور اداروں کے صحافیوں کو باہر نکال دیاگیا۔

وائٹ ہاؤس میں ٹرمپ انتظامیہ نے صرف من پسند صحافیوں کو وائٹ ہاؤس کے بڑے بریفنگ روم کے بجائے چھوٹے دفتر میں بریفنگ دی۔ٹرمپ انتظامیہ کے اس رویے کےخلاف صحافی برادری کی جانب سے شدید احتجاج کیاگیاہے۔

مزید پڑھیں:میڈیا سچ کو سامنے نہیں لانا چاہتا‘ڈونلڈ ٹرمپ

خیال رہےکہ کچھ روز قبل امریکی صدر ڈونلڈ ٹرمپ نے میڈیاپر تنقید کرتے ہوئے کہاتھاکہ میڈیا سچ کو سامنے نہیں لاناچاہتااس کا اپنا ہی ایجنڈا ہے۔

مزید پڑھیں:جعلی نیوزمیڈیامیرانہیں امریکی عوام کا دشمن ہے‘ ڈونلڈ ٹرمپ

یاد رہےکہ گزشتہ ہفتےامریکی صدر ڈونلڈ ٹرمپ نےمیڈیا کوتنقید کا نشانہ بناتے ہوئےمتعدد چینلز کوامریکی عوام کا دشمن قراردے دیاتھا۔

مزید پڑھیں:ایف بی آئی قومی سلامتی کےراز افشا کرنے والوں کو روکنے میں ناکام‘ڈونلڈ ٹرمپ

واضح رہےکہ امریکی صدر ڈونلڈ ٹرمپ کا کہناہےکہ وفاقی خفیہ ادارہ ایف بی آئی قومی سلامتی کےمعاملات سے متعلق رازافشاں کرنے والوں کوروکنےمیں بُری طرح ناکام ہواہے۔

واشنگٹن : وائٹ ہاؤس کا کہناہےکہ ڈونلڈ ٹرمپ قومی سلامتی کےاپنےمشیر کےروسی سفیرسے رابطوں کےمعاملے پر غور کررہے ہیں۔

تفصیلات کےمطابق امریکی صدر ڈونلڈ ٹرمپ کے اپنے قومی سلامتی کےمشیر جنرل مائیکل فلن کےحوالے سے اطلاعات سامنے آئی ہیں کہ انہوں نے امریکی صدر کی حلف برداری سے قبل روسی سفیر سے امریکی پابندیوں کے حوالے سے بات کی۔

خیال رہےکہ عام شہریوں کی خارجہ پالیسی میں اس طرح مداخلت امریکی قوانین کی خلاف ورزی ہوسکتی ہے۔اس حوالے گزشتہ روز وائٹ ہاؤس کے ترجمان کا کہناتھاکہ امریکی صدران تمام تر معاملات کا جائزہ لے رہےہیں۔

وائٹ ہاؤس کےترجمان شان اسپائسر کے بیان سے تھوڑی دیر قبل ہی وائٹ ہاؤس میں مشیر کیلی این کانوے نے کہا تھا کہ صدر ٹرمپ کو جنرل فلن پرمکمل اعتماد ہے۔

دوسری جانب روسی صدارتی ترجمان نے صحافیوں سے بات کرتے ہوئے کہا ہے کہ روسی سفیر اورجنرل فلن نے پابندیاں اٹھانے کےبارے میں بات نہیں کی۔

یاد رہےکہ مائیکل فلن امریکی فوج میں لیفٹیننٹ جنرل کے عہدے پر رہ چکے ہیں اور انہیں قومی سلامتی کا مشیر مقرر کیاجاسکتا ہے۔

واضح رہےکہ ڈونلڈ ٹرمپ کافوج کا کوئی تجربہ نہیں ہےلیکن فلن ہی تھےجنہوں نےانتخابی مہم کےدوران ڈونلڈ کوامریکی فوجیوں سے رابطہ کروانے میں کامیابی دلوائی تھی۔

واشنگٹن :وائٹ ہاؤس کاکہنا ہےکہ یمن کےعلاقےیکلہ میں سوچ سمجھ کرکارروائی کی،جس میں ممکنہ طور پربہت سےشہری بھی ہلاک ہوئے۔

تفصیلات کےمطابق وائٹ ہاؤس کا کہناہےکہ یمن کے یکلہ ڈسٹرکٹ میں القاعدہ کےمضبوط گڑھ پرکیےجانےوالےحملہ بہت سوچ سمجھ کرکیاجانےوالا اقدام تھا،اس حملے میں دس بچوں سمیت23 افراد ہلاک ہوئے تھے۔

وائٹ ہاؤس کے ترجمان شان اسپائسرنےپریس کانفرنس کےدوران اپنےبیان میں کہا کہ یمن میں کارروائی ڈونلڈ ٹرمپ کی اجازت سے کی جانے والی پہلی کارروائی ہے۔

ترجمان وائٹ ہاؤس نےکہاکہ روس پرپابندیوں کونرم نہیں کیاجارہا ہےتاہم روس کے بارے میں پالیسی تبدیل نہیں ہوئی۔

امریکی فوج کی جانب سے وصول ہونے والی اطلاعات کےمطابق بہت سے اپاچی ہیلی کاپٹروں نےاس آپریشن میں حصہ لیاجس میں تین القاعدہ رہنماؤوں سمیت 14 شدت پسند ہلاک ہوئے۔

واضح رہےکہ ترجمان وائٹ ہاؤس نےکہاکہ جب جانوں کا ضیائع ہواورلوگ زخمی ہوں تواسے مکمل کامیابی کہنا مشکل ہوتا ہے۔مگر میرا خیال ہےکہ یہ ہرطرح سےایک کامیاب آپریشن ہے۔

واشنگٹن : وائٹ ہاؤس کےترجمان شان اسپائسرکاکہناہےکہ امریکی صدرکو یقین ہےکہ امریکی انتخابات میں لاکھوں افراد نے غیر قانونی طور پر ووٹ کاسٹ کیا۔

تفصیلات کےمطابق وائٹ ہاؤس کے ترجمان شان اسپائسر نے پریس کانفرنس میں کہا ہے کہ صدر ڈونلڈ ٹرمپ کو یقین ہے کہ لاکھوں افراد نے غیر قانونی طور پر ووٹ کاسٹ کیا،انہوں نےکہا ڈونلڈ ٹرمپ کو ووٹر فراڈ کے حوالے سے مصدقہ اطلاعات ہیں۔

وائٹ ہاؤس میں پریس کانفرنس سے خطاب کرتے ہوئے شان اسپائسر نے ووٹر فراڈ پر کسی ثبوت کے حوالے سے بات کرنے سے اجتناب کیا۔

دوسری جانب ریپبلکن سینیٹر لینڈسےگراہم نےکہا کہ ڈونلڈ ٹرمپ نے ووٹر فراڈ کی بات کر کے امریکہ کے جمہوری نظام کو نقصان پہنچا رہے ہیں۔

انہوں نےکہاکہ امریکہ دنیا کی بہترین جمہوریت ہے،صدر ڈونلڈ ٹرمپ کاامریکہ کے انتخابی نظام کو تنقید کا نشانہ بنانے سے اجتناب کرنا ہوگا۔

ریپبلکن سینیٹر لینڈسے گراہم نےکہاکہ کہ تین ملین سے زیادہ جعلی ووٹ کی بات کر کے ڈونلڈ ٹرمپ دنیا کو کیا پیغام دے رہے ہیں۔

ریپبلکن پارٹی کے رہنما اور ایوان نمائندگان کےاسپیکر پال رائن نے بھی ڈونلڈ ٹرمپ کے ووٹر فراڈ پر تنقید کی اور کہا کہ انہوں نے صدارتی انتخابات میں ووٹر فراڈ کے کوئی ثبوت نہیں دیکھے۔

واشنگٹن :امریکی صدر براک اوباما کا کہناہےکہ انہوں نے نومنتخب امریکی صدر کو نصیحت کی ہےکہ وہ وائٹ ہاؤس کو اپنے کاروبار کی طرح چلانے کی کوشش نہ کریں۔

تفصیلات کےمطابق غیر ملکی چینل کو دیے گئے انٹرویومیں امریکی صدر براک اوباما نے کہا کہ ٹرمپ کو چاہیےکہ وہ امریکی اداروں کا احترام کریں۔

اوباما نے کہا کہ ٹرمپ جو کچھ کہیں گے،عالمی بازارِ حصص، مالیاتی بازار اور دنیا بھر میں لوگ اُسے سنجیدہ لیں گے۔

امریکی صدر نے روس کی سائبر حملے سے متعلق امریکہ خفیہ ادارے کی رپورٹ کے بارے میں بھی بات کرتے ہوئے کہا کہ انہوں نے اس حملے کے اثرات کے بارے میں غلط اندازہ لگایا۔

اوباما نے بتایا کہ اُن کی ٹرمپ سے ہونے والی بات چیت میں خفیہ اداروں پر اعتماد کی اہمیت کے معاملے پر بھی بات ہوئی۔

مزید پڑھیں:ڈونلڈ ٹرمپ سمجھداری کا ثبوت دیں‘جوبائڈن

خیال رہےکہ دو روزقبل امریکی نائب صدر جو بائڈن نے نومنتخب امریکی صدر کو تنقید کا نشانہ بناتے ہوئے کہا تھا کہ وہ سمجھداری کا ثبوت دیں۔

مزید پڑھیں:روس کےساتھ اچھےتعلقات کی مخالفت کرنےوالےبیوقوف ہیں:ٹرمپ

یاد رہےکہ گزشتہ روز نومنتخب امریکی صدر ڈونلڈ ٹرمپ کا کہناتھاکہ روس کے ساتھ اچھے تعلقات کی مخالفت کرنے والے احمق ہیں۔

واضح رہے کہ نومبر کو ہونے والے صدارتی انتخاب میں کامیابی کے بعد امریکہ کے نو منتخب صدر ڈونلڈ ٹرمپ 20 جنوری کو اپنے عہدے کا حلف اٹھا رہے ہیں۔