Tag: وادی تیراہ

راولپنڈی : وادی تیراہ میں شہید ہونیوالے لیفٹیننٹ عزیر محمود ملک کو ان کے آبائی علاقے میں فوجی اعزاز کے ساتھ سپردخاک کردیا گیا۔

تفصیلات کے مطابق پاک فوج کے شعبہ تعلقات عامہ ( آئی ایس پی آر ) کی جانب سے بیان میں کہا گیا ہے کہ وادی تیراہ میں شہید لیفٹیننٹ عزیر محمود ملک آبائی علاقے اٹک میں فوجی اعزاز کیساتھ سپردخاک کردیا گیا۔

شہید کے نماز جنازہ اور تدفین میں پاک فوج کے سینئر افسران، جوانوں، لواحقین اور لوگوں کی بڑی تعداد نے شرکت کی، شہید کی نماز جنازہ پشاور گیریژن میں بھی ادا کی گئی تھی ، جس میں کورکمانڈر پشاور نے شرکت کی تھی۔

لیفٹیننٹ عزیر نو اگست کو خوارج کیخلاف آپریشن میں شدید زخمی ہوئے تھے اور ان کی شہادت آج سی ایم ایچ پشاورمیں ہوئی۔

آئی ایس پی آر کا کہنا ہے شہدا کی قربانیاں دہشت گردی کیخلاف عزم کو مزید مضبوط کرتی ہیں۔

یاد رہے 9 اگست کو وادی تیراہ میں سیکیورٹی فورسز کا فتنہ خوارج کے دہشتگردوں کے ساتھ فائرنگ کا تبادلہ ہوا تھا، جس میں خوارج کے 4 دہشتگردوں بھی ہلاک ہوئے تھے۔

صدر آصف زرداری اوروزیراعظم شہبازشریف نے شہید کوشاندارالفاظ میں خراج عقیدت پیش کیا ، وزیراعظم نے کہا ہمارےشہدا اوران کےاہلخانہ پوری قوم کا فخر ہے، پاک فوج پاکستان کوفتنہ الخوارج سےپاک کررہی ہے اور دہشت گردی کیخلاف جنگ میں قوم افواج پاکستان کےشانہ بشانہ کھڑی ہے۔

اسلام آباد : صدرآصف زرداری اوروزیراعظم شہباز شریف نے وادی تیراہ میں شہید جوانوں کو خراجِ عقیدت پیش کیا۔

تفصیلات کے مطابق صدر آصف زرداری نے وادی تیراہ میں سیکیورٹی فورسزپر حملے کی مذمت کرتے ہوئے شہید جوانون کو خراج عقیدت پیش کیا اور زخمیوں کی صحت یابی کیلئے دعا کی۔

آصف زرداری نے دہشت گردوں کو جہنم واصل کرنے پر سیکیورٹی فورسزکی خدمات کو سراہتے ہوئے کہا کہ قوم دہشتگردی کوجڑسےاکھاڑپھینکنےکیلئےپرعزم،سیکیورٹی فورسز کے ساتھ ہے۔

صدر مملکت نے دہشت گردوں کیخلاف کارروائیاں جاری رکھنے کا عزم کیا۔

دوسری جانب وزیراعظم شہباز شریف نے تیراہ میں 4خوارجی دہشت گردوں کی ہلاکت پر فوجی افسران اور جوانوں کی پذیرائی کی۔

شہباز شریف نے کہا کہ فوجی افسران،جوان فتنہ خوارج کےدہشت گردوں سےپاکستان کی مٹی کوپاک کررہےہیں۔

وزیر اعظم نے شہیدحوالدارانعام گل،سپاہی محمدعمران اورسپاہی الطاف خان کوخراج عقیدت پیش کرتے ہوئے شہداکی بلندی درجات اورانکےاہل خانہ کیلئےصبرجمیل کی دعا کی۔

شہباز شریف کا کہنا تھا کہ دہشت گردی کےخلاف جنگ میں پوری قوم افواج کےشانہ بشانہ کھڑی ہے، افواج پاکستان کےافسران،جوانوں نےہمیشہ فرض کی ادائیگی کوجانوں پرفوقیت دی، پوری پاکستانی قوم کو اپنے شہدا اور انکے اہل خانہ پر فخر ہے، دہشت گردی کے ملک سے مکمل خاتمے تک جنگ جاری رکھیں گے۔

چیئرمین سینیٹ یوسف رضا گیلانی نے بھی وادی تیرہ میں سیکیورٹی اہلکاروں کی شہادت پراظہارافسوس کرتے ہوئے شہیدسیکیورٹی اہلکاروں کوخراج عقیدت پیش کیا۔

یاد رہے گذشتہ روز سیکیورٹی فورسز اور خوارج کے درمیان ضلع خیبرکی وادی تیراہ میں تین مختلف مقامات پر فائرنگ کا تبادلہ ہوا تھا ، جس میں چار خوارج جہنم واصل کر دئیے گئے تھے جبکہ بہادری سےلڑتے ہوئے پاک فوج کے تین بہادرسپوت وطن پر قربان ہوئے۔

خیبر : طویل خشک سالی کے بعد برفباری نے وادی تیراہ میں برف کی سفید چادر ڈال اوڑھ لی، برفباری سے سیاحوں کا مزہ دوبالا ہوگیا ہے۔

تفصیلات کے مطابق ضلع خیبر کی وادی تیراہ میں سال کی پہلی برفباری نے ماحول محسورکن بنادیا، بدلتے موسم کے ساتھ سیاحوں نے بھی وادی کا رخ کر لیا ہے۔

طویل خشک سالی کے بعد برفباری نے وادی تیراہ میں برف کی سفید چادر ڈال اوڑھ لی ، وادی تیراہ کی قدرتی خوبصورتی اور دلفریب نظارے پوری دنیا میں مشہور ہیں۔

سیاحت کے حوالے سے وادی تیراہ بڑی تیزی سے سیاحوں کو مرکز بن رہا ہے۔

دوسری جانب خیبرپختونخوا،گلگت بلتستان اور کشمیر کےمختلف علاقوں میں برفباری نے زورپکڑلیا، جس کے باعث کئی علاقوں میں رابطہ سڑکیں بند ہوگئیں۔

ملکہ کوہسار مری میں جاری برفباری نے موسم ٹھنڈا کردیا جبکہ سوات،مالم جبہ اورکالام میں بھی سیاحوں کا رش لگ گیا ہے۔

محکمہ موسمیات نے آج سے چار فروری تک ملک بھرمیں مزید بارشیں اوربرفباری کی پیشگوئی کی ہے، محکمہ موسمیات کے مطابق ملک میں مغربی ہواوں کا سلسلہ آج سے اتوار تک اثر انداز رہے گا، جمعے اور ہفتے کے روز موسلادھار بارش کے باعث بلوچستان کے ندی نالوں میں طفیانی کاخدشہ ہے۔

جمعے سے ہفتے کے دوران کراچی سمیت سندھ میں بھی بادل برسنے کا امکان ہے۔