کراچی: رینجرز اور پولیس نے کارروائی کرتے ہوئے 2 ڈکیت کو گرفتار کرلیا، گرفتار ڈاکوؤں نے ڈکیتی کی متعدد وارداتوں میں ملوث ہونے کا اعتراف کیا ہے۔
تفصیلات کے مطابق رینجرز اور پولیس نے خفیہ اطلاع پر لیاری میں مشترکہ کارروائی کرتے ہوئے 2 ملزمان کو گرفتار کرلیا، ترجمان رینجرز نے بتایا کہ ڈکیتی، اسٹریٹ کرائم میں ملوث ملزمان سے اسلحہ اور ایمونیشن برآمد ہوا۔
ترجمان رینجرز کے مطابق گرفتار ملزم سید جواد شاہ نے ساتھیوں کے ہمراہ ڈکیتی کی متعدد وارداتوں کا اعتراف کیا ہے، جنوری 2022 میں ناظم آباد نمبر 2 میں پیٹرول پمپ پر ڈکیتی کی ویڈیو وائرل ہوئی تھی اس ڈکیتی میں ملزمان ملوث تھے۔
ترجمان نے بتایا کہ سردار محمد عرف کانیا افغانی ساتھیوں کے ہمراہ لوٹ مار اور تشدد کرتے تھے، ملزم کے ساتھیوں میں امیر، سخی اور جابر افغانی شامل ہیں۔
ترجمان رینجرز نے بتایا کہ چند ماہ قبل افغان ڈکیت حکیم عرف چیچو گینگ کیخلاف کارروائیاں کی گئیں، کارروائیوں کے دوران ملزم ایران فرار ہوگیا تھا، حال ہی میں واپس آیا تھا، ملزم ساتھیوں کے ہمراہ سہراب گوٹھ میں مسافروں کو لوٹتا تھا۔