Tag: واشنگٹن

واشنگٹن: بھارت کا جنگی جنون عروج پر پہنچ گیا ہے، امریکا اور بھارت کے درمیان سول جوہری معاہدہ طے پاگیا ہے۔

غیرملکی خبررساں ادارے کے مطابق امریکا اور بھارت کے درمیان سول جوہری معاہدہ طے پاگیا، مشترکہ اعلامیہ میں بتایا گیا ہے کہ امریکا بھارت میں 6 جوہری پاور پلانٹ تعمیر کرے گا۔

رپورٹ کے مطابق امریکا اور بھارت کے مابین دو روزہ اسٹریٹیجک مذاکرات ہوئے جس میں باہمی تعاون، مضبوط سیکیورٹی اور سول نیوکلیئر ٹیکنالوجی پر معاہدے کیے گئے ہیں۔

امریکی کمپنی ویسٹنگ ہاؤس بھارت میں ری ایکٹر تعمیر کرے گی اور بھارت میں 6 جوہری پاور پلانٹ تعمیر کیے جائیں گے۔

واضح رہے کہ چار سال قبل کینیڈا اور بھارت کے درمیان یورینیم کی فراہمی کا معاہدہ طے پایا تھا جس کے مطابق کینیڈا کی جانب سے بھارت کو 3 ہزار میٹرک ٹن یورینیم فراہم کرنا تھا۔

مزید پڑھیں: کینیڈا اور بھارت میں یورینیم کی فراہمی کا معاہدہ طے پاگیا

بھارتی وزیراعظم نریندر مودی اس وقت کینیڈا کے دورے پر تھے اور گزشتہ 42 سال کے دوران کسی بھارتی وزیراعظم کا کینیڈا کا پہلا دورہ تھا، اپنے دورے کے دوران بھارتی وزیرِاعظم نے کینیڈین ہم منصب اسٹیفن ہارپر سے ملاقات کی تھی۔

دونوں وزرائے اعظم کا ایک مشترکہ بیان جاری کیا گیا تھا، جس کے مطابق دونوں ممالک یورینیم سپلائی ڈیل پر رضامند ہوگئے تھے، کینیڈا اگلے5 سال تک بھارتی ری ایکٹرز کیلئے لاکھوں ڈالر مالیت کا یورینیم فراہم کرے گا۔

یاد رہے کہ انڈیا اور کینیڈا میں سول جوہری ڈیل 2013 میں ہوئی تھی لیکن 2سال کے طویل مذاکرات کے بعد اسے عملہ جامہ پہنانے کیلئے معاہدے پر دستخط ہوئے تھے۔

واشنگٹن: امریکی جوہری ماہرین نے دعویٰ کیا ہے کہ سعودی عرب بیلسٹک میزائل تیار کررہا ہے جس کے سیٹیلائیٹ شواہد موجود ہیں۔

غیرملکی خبرساں ادارے کے مطابق امریکی جوہری ماہرین نے سیٹلائیٹ شواہد کی بنیاد پر دعویٰ کیا ہے کہ سعودی عرب بیلسٹک میزائل کی تیاری میں مصروف عمل ہے۔

واشنگٹن پوسٹ کی جانب سے جاری کردہ تصاویر میں یہ دکھایا گیا ہے کہ ریاض سے 230 کلومیٹر کے فاصلے پر واقع قصبے الدوادمی میں قائم فوجی اڈے کو دکھایا گیا ہے۔

واشنگٹن پوسٹ کی جانب سے جاری کی گئی نومبر میں لی گئی تصاویر میں بیلسٹک میزائل کی تیاری کا ایک سلسلہ نظر آرہا ہے۔

رپورٹ کے مطابق سعودی ولی عہد محمد بن سلمان نے کہا تھا کہ اگر ایران جوہری ہتھیاروں کی تیاری جاری رکھتا ہے تو سعودی عرب بھی ایسے ہتھیاروں کی تیاری شروع کرسکتا ہے جس سے محسوس ہوتا ہے کہ سعودی عرب جوہری ہتھیاروں کی تیاری شروع کررہا ہے۔

مزید پڑھیں: ایران کو عالمی امن خطرے میں ڈالنے کی اجازت نہیں دیں گے، مائیک پومپیو

دوسری جانب سعودی حکام اور واشنگٹن میں قائم سعودی سفارت خانے کے حکام نے اس طرح کی خبروں پر تبصرہ کرنے سے گریز کیا ہے۔

سعودی عرب کی جانب سے جوہری ہتھیاروں کی تیاری کی وجہ سے سعودی عرب اور امریکا کے تعلقات کشیدہ ہونے کا خدشہ ہے جبکہ یمن میں جاری جنگ اور صحافی جمال خاشقجی کے استنبول میں قتل ہونے کی وجہ سے سعودی عرب اور امریکا کے تعلقات پہلے ہی تناؤ کا شکار ہیں۔

میزائل سازی کے ماہر جیفری لوئس نے کہا کہ میزائل کی تیاری میں بڑے پیمانے پر سرمایہ کاری کو جوہری ہتھیاروں کی تیاری میں دلچسپی کے ساتھ جوڑا جاسکتا ہے۔

انہوں نے سیٹلائیٹ تصاویر کا جائزہ لینے کے بعد کہا کہ میں تھوڑا پریشان ہوں کہ ہم سعودی عرب کے عزائم کا صحیح طور پر اندازہ نہیں لگا پارہے ہیں۔