Tag: واشنگٹن

واشنگٹن: امریکہ اور شمالی کوریا کے مابین جمی برف پگھلنے کا وقت آگیا، ڈونلڈ ٹرمپ نے کہا ہے کہ کم جون اُن سے ملاقات کی تاریخ اور جگہ کا تعین ہوگیا ہے۔

امریکی صدر نے وائٹ ہاؤس میں صحافیوں سے گفتگو کرتے ہوئے کہا شمالی کوریا کے رہنما کے ساتھ ان کی ملاقات سے متعلق مزید تفصیلات جلد جاری کردی جائیں گی۔ تاہم وائٹ ہاؤس حکام کا کہنا ہے کہ آئندہ چند ہفتوں میں ملاقات ہوگی۔ ملاقات میں اس بات کا قوی امکان ہے کہ ڈونلڈ ٹرمپ شمالی کوریا پر ایٹمی ہتھیار ختم کرنے کے لیے دباؤ ڈالیں گے۔

وائٹ ہاؤس حکام کے مطابق رواں مہینے کی بائیس تاریخ کو امریکی صدر جنوبی کوریا کے صدر مون جے اِن سے بھی  ملاقات کریں گے جس میں جزیرہ نما کوریا پر ہونے والی نئی پیش رفت سے متعلق تبادلہ خیال کیا جائے گا۔شمالی کوریا صدر کے ساتھ ملاقات اس کے بعد ہی ہوگی۔

امید ہے کہ شمالی کوریا اور جنوبی کوریا کے درمیان غیر فوجی علاقہ اور سنگاپور اس ملاقات کے لیے منتخب مقامات میں سے ایک ہوں، امریکی صدر رواں ہفتے ان دونوں علاقوں کے بارے میں اشارہ دے چکے ہیں۔ خیال رہے کہ غیر فوجی علاقے کے ’امن گھر‘ میں گزشتہ ماہ شمالی اور جنوبی کوریا کے رہنماؤں کی ملاقات بھی ہوچکی ہے۔

شمالی کوریا نے اپنا وقت جنوبی کوریا سے ملا دیا

وائٹ ہاؤس حکام نے  بتایا کہ ڈونلڈ ٹرمپ اور مون جے اِن کی ملاقات میں امریکی صدر اپنی کم جونگ اُن کے ساتھ سربراہی ملاقات کے بارے میں مشورے کریں گے۔

واضح رہے کہ کم جونگ اُن نے جنوبی کوریا کے صدر مون جے اِن سے ملاقات کے بعد شمالی کوریا کا وقت جنوبی کوریا سے ملادیا تھا، جس سے اس خطے میں واضح تبدیلیوں کا اشارہ ملتا ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

واشنگٹن : امریکی صدر ڈونلڈ ٹرمپ کی صدارت کا پہلا سال مکمل ہونے پرامریکہ بھرمیں ہزاروں خواتین نے ٹرمپ کے خلاف احتجاجی مارچ کیا۔

تفصیلات کے مطابق ڈونلڈٹرمپ کی صدارات کا ایک سال مکمل ہونے پر امریکی دارالحکومت واشنگٹن سمیت 250 شہروں میں خواتین امریکی صدر کے خلاف سڑکوں پر نکلیں اور اپنا احتجاج ریکارڈ کرایا۔

ڈونلڈ ٹرمپ کے خلاف احتجاج کرنے والے مظاہرین نے ٹرمپ مخالف نعروں پرمبنی بینرز اورپلے کارڈ اُٹھا رکھے تھے۔

ٹرمپ کی صدارت کا ایک سال مکمل

امریکی صدر ڈونلڈ ٹرمپ نے سماجی رابطے کی ویب سائٹ ٹویٹرپرملک بھرمیں اپنے خلاف خواتین کے احتجاجی مارچ پر ردعمل دیتے ہوئے کہا کہ ملک کا موسم خوشگواراورخواتین کے مارچ کے لیے بہترین ہے۔

ڈونلڈ ٹرمپ نے کہا کہ ملک میں خواتین کی بے روزگاری کی شرح میں ریکارڈ کمی آئی ہے، انہوں نے کہا کہ ایک سال کے دوراقتدارمیں جوتاریخی معاشی ترقی کی اس کا جشن منائیں۔

ٹرمپ کی صدارت کو ایک سال مکمل، امریکہ کو شٹ ڈاؤن کا سامنا

خیال رہے کہ اس بار خواتین کی جانب سے احتجاجی مظاہرہ ایک ایسے موقع پر ہوا جب امریکی وفاقی حکومت سینیٹ سے اخراجات کے لیے فنڈزکی منظوری نہ ملنے کے باعث جزوی طور پرمعطل ہے۔

یاد رہے کہ گزشتہ سال امریکی صدر ڈونلڈ ٹرمپ کی صدارت کے پہلے دن امریکہ بھر سے آنے والی لاکھوں خواتین نے گلابی رنگ کی ہیٹ پہن کرواشنگٹن میں ڈونلڈ ٹرمپ کے خلاف مظاہرہ کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔