واشنگٹن : خود کو امن کا داعی کہلانے والا بھارت داعش کو مہلک ہتھیار کی فراہمی میں ملوث نکلا، تفصیلات کے مطابق سفاکی ،خوف اور دہشت کی علامت داعش کو اسلحہ کہاں سے ملتا ہے راز کھل گیا۔
امریکی اخبار نے دعوٰی کیا ہے کہ داعش کو بھارت بھی اسلحہ فراہم کرتا ہے، معروف امریکی اخبارکے مطابق بھارت داعش کوہتھیاردینے والا دوسرا بڑاملک بن گیا۔
شام میں تباہی مچانے والے بیشترہتھیار بھارتی کمپنیوں کے تیار کردہ ہیں، بھارت داعش کو بارودی مواد سیفٹی فیوز ، ڈیٹو نیٹرز اور دیگر تباہ کن اسلحہ فراہم کر تا ہے۔
رپورٹ میں کہا گیا ہے کہ بھارت کی اسلحہ ساز فیکٹریوں کا اسلحہ ترکی، شام اور دوسرے ممالک سے ہوکر داعش کے جنگجوؤں کے پاس پہنچتا ہے۔
اخبار کے مطابق داعش جنگجو شام میں 20 ممالک کی 51کمپنیوں کے ہتھیار اوردیگر جنگی سامان استعمال کررہے ہیں۔ان ممالک میں امریکا،روس،چین، برازیل، ایران، بلجیم، نیدرلینڈ اورجاپان شامل ہیں۔
ایک جانب بھارت بار بار پاکستان پر حریت پسندوں کی مدد کا الزام عائد کرتا ہے اور دوسری جانب داعش کو اسلحہ کی فراہمی میں اپنا بھرپور کردار ادا کرتا ہے۔
ہیں کو کب کچھ نظر آتے ہیں کچھ
دیتے ہیں دھو کہ یہ بازی گر کھلا
