Tag: والدہ انتقال کرگئیں

کراچی: قومی ٹیم کے سابق کپتان یونس خان کی والدہ انتقال کرگئیں۔

تفصیلات کے مطابق سابق ٹیسٹ کرکٹر یونس خان کی والدہ طویل علالت کے باعث انتقال کرگئیں، یونس خان کی والدہ طویل عرصے سے گردوں کے امراض میں مبتلا تھیں۔

یونس خان کی والدہ کی نماز جنازہ ملتون ٹاؤن مردان میں ادا کی جائے گی۔

یونس خان نے میڈیا سے گفتگو کرتے ہوئے کہا کہ والدہ میرے ساتھ رہتی تھیں، ان کی عمر 87 سال تھی، والدہ گزشتہ ڈیڑھ، 2 سال سے بیمار تھیں اور ڈائی لیسز پر تھیں۔

اے آر وائی فیملی کی جانب سے یونس خان کی والدہ کے انتقال پر اظہار افسوس کیا گیا ہے۔

یونس خان کی والدہ کے انتقال پر سابق و موجودہ کرکٹرز کی جانب سے تعزیت کا اظہار کیا گیا اور دعائے مغفرت کی گئی۔

کراچی: قومی کرکٹ ٹیم کے سابق کپتان اور وکٹ کیپر راشد لطیف کی والدہ رضائے الٰہی سے انتقال کرگئیں۔

تفصیلات کے مطابق قومی کرکٹ ٹیم کے سابق کپتان اور وکٹ کیپر بلے باز راشد لطیف کی والدہ انتقال کرگئیں، چیئرمین پی سی بی احسان مانی اور سابق موجودہ کرکٹرز نے راشد لطیف سے والدہ کے انتقال پر اظہار تعزیت کیا ہے۔

سرکاری اسپورٹس چینل کے معروف اینکر نعمان نیاز نے سماجی رابطے کی ویب سائٹ ٹویٹر پر یہ افسوس ناک خبر صارفین کے ساتھ شیئر کی۔

: إِنَّا لِلّهِ وَإِنَّـا إِلَيْهِ رَاجِعُونَ
Mother of ex Pakistan Captain, my closest friend, contemporary, & colleague Rashid Latif’s mother died short while ago. We stand together in his grief. All commiserations to the family.

— Dr. Nauman Niaz (@DrNaumanNiaz) January 17, 2019

50 سالہ راشد لطیف نے 1992 سے 2003 کے دوران 37 ٹیسٹ اور 166 ون ڈے میچز میں پاکستانی ٹیم کی نمائندگی کی جبکہ 6 ٹیسٹ میچز میں قومی ٹیم کی قیادت کے فرائض بھی انجام دئیے۔

راشد لطیف آج کل سرکاری اسپورٹس چینل پر بطور اینالسٹ کام کررہے ہیں اور وقتاً فوقتاً قومی ٹیم کی خامیوں اور خوبیوں پر تبصرے کرتے نظر آتے ہیں۔

لاہور: پاکستان کرکٹ ٹیم کے مایہ ناز بلے باز کامران اکمل اور عمر اکمل کی والدہ طویل علالت کے باعث انتقال کرگئیں۔

تفصیلات کے مطابق پاکستان کرکٹ ٹیم کے کھلاڑی کامران اور عمر اکمل کی والدہ رضائے الٰہی سے انتقال کرگئیں، اکمل برادران کی والدہ کچھ عرصے سے علیل تھیں ان کا انتقال جمعے کی صبح ہوا۔

اکمل برادران ملتان میں جاری قومی ٹی ٹوینٹی ٹورنامنٹ میں حصہ لے رہے تھے ان کے لاہور پہنچنے پر والدہ کی نماز جنازہ ادا کی جائے گی۔

Kami bhai with his ammi jan, 😍
His mother is feeling better now. Requesting everyone to keep praying for her health, may khuda give her healthy and long life 😇💝@KamiAkmal23 @Umar96Akmal @adnanakmal79 @NoorUmar6 @RahmanAkmal pic.twitter.com/uZF4ID6etC

— Umar Akmal Khi FC (@mylifeharleen) November 6, 2018

لاہور وائٹس اور راولپنڈی ریجن کی ٹیمیں ملتان کرکٹ اسٹیڈیم میں مدمقابل تھی جب انہیں ڈریسنگ روم میں بلا کر والدہ کے انتقال کی خبر دی گئی، دونوں کھلاڑیوں سے ڈریسنگ روم میں موجود دیگر کھلاڑیوں نے تعزیت کا اظہار کیا۔

واضح رہے کہ کرکٹر عمر اکمل نے گزشتہ ماہ اپنی والدہ کی تصویر شیئر کی تھی جس میں کامران اکمل اپنی والدہ کے ساتھ نظر آرہے ہیں اور صحت یابی کے لیے دعا کرنے پر مداحوں کا شکریہ ادا کررہے ہیں۔