ایشین والی بال چیمپئن شپ میں پاکستان نے پہلے میچ میں جارحانہ کھیل کا مظاہرہ کرتے ہوئے تھائی لینڈ کو تین دو سے ہرا دیا۔
والی بال چیمپئن شپ میں فاتحانہ آغاز کرنے والی گروپ بی میں شامل پاکستانی ٹیم نے ڈھائی گھنٹے کا میچ کانٹے دار مقابلے کے بعد بائیس ۔ پچیس، پچیس۔ تیئس، اکیس ۔ پچیس، پچیس۔ تیئس اور پندرہ ۔ بارہ کے اسکور سے جیتا۔
پاکستان نے ہر سیٹ میں زبردست کم بیک کیا لیکن فیصلہ کن سیٹ میں پاکستانی ٹیم نے شاندار کھیل کا مظاہرہ کرتے ہوئے چیمپئن شپ کا فاتحانہ آغاز کیا۔
ٹیم کو فتح دلوانے میں والی بال ٹیم کے تجربے کار کھلاڑی ایمل کان نے کلیدی کردار ادا کیا۔
پاکستان ٹیم اپنا دوسرا میچ پیر کی صبح ہانگ کانگ سے کھیلے گی اور اس میچ میں جیت پاکستان کی کوارٹر فائنل تک رسائی کو یقینی بنادے گی۔
واضح رہے کہ والی بال چیمپئن شپ کے میچز جاپان میں کھیلے جارہے ہیں۔
