Tag: وانکھیڈے اسٹیڈیم

نیوزی لینڈ کے خلاف سیمی فائنل میچ سے قبل بھارتی کوچنگ اسٹاف ممبئی میں وانکھیڈے اسٹیڈیم کی پچ کا معائنہ کرنے پہنچ گیا۔

اب تک آئی سی سی کرکٹ ورلڈکپ میں ناقبل شکست رہنے والی بھارتی ٹیم 15 نومبر کو ممبئی کے وانکھیڈے اسٹیڈیم میں پہلا سیمی فائنل کھیلنے کے لیے پوری طرح تیار ہے۔

سیمی فائنل میں فیورٹ میزبان سائیڈ کو نیوزی لینڈ کے چیلنج کا سامنا کرنا ہوگا، ٹورنامنٹ میں اب تک بھارت نے اپنے تمام 9 میچز میں شاندار پرفارمنس دکھاتے ہوئے جیت اپنے نام کی ہے۔

سیمی فائنل میچ سے قبل بھارت کے ہیڈ کوچ راہول ڈریوڈ، وکرم راٹھور اور پارس مہمبرے وانکھیڈے اسٹیڈیم میں پچ کا معائنہ کرنے کے لیے پہنچے۔

That is Team India coach Rahul Dravid, Vikram Rathore and Paras Mhambrey inspecting the pitch at the Wankhede before the semifinal. While Team India landed and went to their hotel, the three came straight to the venue to inspect the pitch. Some lengthy discussions. #IndvsNZ. pic.twitter.com/mVU6Abkeo6

— G. S. Vivek (@GSV1980) November 13, 2023

ممبئی میں لینڈنگ کے بعد بھارتی ٹیم ہوٹل کی طرف روانہ ہوئی لیکن کوچنگ اسٹاف پچ کا معائنہ کرنے کے لیے سیدھا اسٹیڈیم پہنچ گیا۔

پچ کے معائنے کے دوران انڈین کوچز لمبی گفت و شنید کرتے پائے گئے۔ واضح رہے کہ یہ وہی پچ ہے جہاں میکسویل نے شاندار باری کھیلتے ہوئے افغانستان کے خلاف 201 رنز بنائے تھے۔

بھارتی منتظمین ورلڈکپ میں ایک کے بعد ایک گُل کھلا رہے ہیں، اس بار ممبئی کے وانکھیڈے اسٹیڈیم میں ٹنڈولکر کے مجسمے کو اسٹیون اسمتھ کے مشابہ بنا ڈالا۔

سری لنکا اور بھارت کے درمیان میچ سے قبل وانکھیڈے اسٹیڈیم میں لٹل ماسٹر سچن ٹنڈولکر کے مجسمے کی نقاب کشائی کی گئی۔ تاہم منتظم کی لاپروائی کے باعث یہ مجسمہ بھارتی بیٹر سے زیادہ آسٹریلین بیٹر اسٹیون اسمتھ سے مشابہت رکھتا ہے۔

Happy to see my statue in India. But I am little bit taller😂🤣 https://t.co/rgcDDQg3Uk

— R O C K Y ❄️ (@Chesstard) November 2, 2023

اس مجسمے کو دیکھنے کے بعد عوام کا کافی مزاحیہ ردعمل سامنے آرہا ہے۔ مجسمے میں سچن کو سیدھی ڈرائیو کھیلتے ہوئے دکھایا گیا ہے جبکہ انکا بلا کاندھے سے اوپر موجود ہے۔ ایک نظر میں یہ مجسمہ ہوبہو اسمتھ کی شکل کا لگ رہا ہے۔

مجسمے کی اسمتھ سے غیر معمولی مماثلت فوراً ہی سوشل میڈیا صارفین بھانپ گئے۔ اسٹیو اسمتھ کے نام سے کئی جعلی اکاؤنٹس بھی میدان میں آگئے اور اس مجسمے پر اپنی رائے دینے لگے۔

Curious choice to put up a statue of Steve Smith at Mumbai’s Wankhede. pic.twitter.com/67JciI5cEz

— Lawrence Booth (@BoothCricket) November 2, 2023

کرکٹ کمیونٹی، شائقین، صحافی اور دیگر بہت سے لوگ بھی اس نئے نصب کیے گئے مجسمے کے کو دیکھ کر اپنی حیرانی کا اظہار کیے بنا نہ رہ سکے۔

واضح رہے کہ ممبئی کرکٹ ایسوسی ایشن (ایم سی اے) نے یکم نومبر کو وانکھیڈے اسٹیڈیم میں ایک رنگا رنگ تقریب منعقد کی تھی جس میں سچن ٹنڈولکر کے ایک عظیم الشان مجسمے کی نقاب کشائی کی گئی جو سچن ٹنڈولکر کے اسٹینڈ کے قریب واقع ہے۔