کراچی: شہر قائد کے علاقے واٹرپمپ کے قریب نوجوان پر ہوٹل میں ابلتی چائے پھینک دی گئی۔
اے آر وائی نیوز کے مطابق کراچی کے علاقے واٹر پمپ کے قریب یہ واقعہ پیش آیا ہے، نوجوان اپنے مالک کے کہنے پر ہوٹل میں چائے لینے گیا تھا ہوٹل والے نے قریب نوجوان پر ہوٹل میں ابلتی چائے پھینک دی جس کی وجہ سے نوجوان کا چہرہ اورجسم جھلس گیا ۔
متاثرہ فیملی کی جانب سے پولیس پر صلح کے لئے دباؤ کا الزام لگایا ہے، والد کا کہنا ہے کہ میرا بیٹا دکان پر کام کرتا ہے، مہمان کے آنے پر مالک نے چائے لانے کا کہا بیٹے نے ہوٹل والے کو کہا چائے جلدی بنا کر دو مہمان آئے ہیں۔
والد نے کہا کہ ہوٹل والے نے گالیاں دے کر دھکا دیا، ہوٹل والے نے غصے میں چائے کی پتیلی میرے بیٹے پر پھینک دی، جب میں پولیس کے پاس گیا شنوائی نہ ہوئی تو گورنر ہاؤس آگیا۔
متاثرہ نوجوان کے والد نے الزام لگایا کہ پولیس کارروائی کرنے کے بجائے ہمیں دھمکا رہی ہے، قانون کے مطابق کارروائی کرکے بیٹے کو انصاف فراہم کیا جائے۔
