کراچی : شہر قائد میں سڑکوں پر دندناتی ہیوی گاڑیوں نے مزید دو افراد کو کچل ڈالا جبکہ حادثے میں دو افراد زخمی بھی ہوئے۔
تفصیلات کے مطابق کراچی کے علاقے اورنگی ٹاوٴن نشان حیدر چوک کے قریب تیز رفتار ٹینکر نے موٹرسائیکل کو ٹکر ماری، حادثے میں ایک شخص جاں بحق اور دوسرا زخمی ہوگیا۔
حادثے کے بعد ٹینکر ڈرائیور فرار ہوگیا۔ ریسکیو ذرائع نے بتایا کہ حادثہ تیز رفتار ٹینکر کی موٹر سائیکل سوار کو ٹکر کے نتیجے میں پیش آیا، جاں بحق اور زخمی دونوں نوجوان ہیں، جاں بحق نوجوان کی شناخت 22 سالہ مزمل اور زخمی کی شناخت 20 سالہ فیضان کے نام سے کی گئی تاہم جاں بحق اور زخمی افراد کو عباسی اسپتال منتقل کردیا گیا ہے۔
دوسرے واقعے میں بلدیہ ٹاوٴن رئیس گوٹھ کے قریب ٹریفک حادثے میں ایک شخص جاں بحق جبکہ دوسرا شدید زخمی ہو گیا۔
پولیس کے مطابق تیز رفتار ٹرک نے موٹر سائیکل سواروں کو کچلا جبکہ ڈرائیور موقع سے فرار ہوگیا، جان بحق موٹر سائیکل سوار کی شناخت اشفاق علی اور زخمی کی شناخت عبداللہ کے نام سے ہوئی۔
پولیس کا کہنا تھا کہ موچکو پولیس نے ٹرک تحویل میں لیا ہے فرار ڈرائیور کی گرفتاری کیلئے کوشش جاری ہے، موٹر سائیکل سوار افراد حساس ادارے کے سول ملازمین بتائے جاتے ہیں تاہم لاش اور زخمی کو اسپتال منتقل کردیا گیا ہے۔
کراچی: شہر قائد میں ہیوی گاڑیوں کی ٹکر سے موٹر سائیکل سوار شہریوں کی اموات کا سلسلہ رک نہیں سکا ہے، گلشن اقبال میں واٹر ٹینکر نے ایک اور موٹر سائیکل سوار کی جان لے لی۔
تفصیلات کے مطابق کراچی کے علاقے گلشن اقبال بلاک 6 میں ایک واٹر ٹینکر کی ٹکر سے موٹر سائیکل سوار جاں بحق ہو گیا، ریسکیو حکام کا کہنا ہے کہ جاں بحق شخص کی شناخت کریم اللہ کے نام سے ہوئی ہے، جس کی لاش اسپتال منتقل کر دی گئی ہے۔
ادھر کراچی کے ایک اور علاقے شاہ فیصل کالونی میں نامعلوم گاڑی نے موٹر سائیکل کو ٹکر مار دی ہے، اس حادثے میں موٹر سائیکل سوار شخص جاں بحق ہو گیا، جس کی لاش اسپتال منتقل کر دی گئی ہے۔
کراچی کے علاقے کورنگی ناصر جمپ پر موٹر سائیکل سے گر کر ایک شخص جاں بحق، اور ایک زخمی ہو گیا ہے، ریسکیو حکام کے مطابق یہ حادثہ تیز رفتار موٹر سائیکل کو بے قابو ہونے کے باعث پیش آیا، جاں بحق اور زخمی کو جناح اسپتال منتقل کر دیا گیا ہے۔
2024 میں کراچی میں ڈمپرز اور واٹر ٹینکرز سمیت بھاری گاڑیوں سے پیش آنے والے حادثات میں تقریباً 500 افراد جاں بحق اور 4 ہزار 879 زخمی ہوئے ہیں۔
گزشتہ رات ایک اور حادثے میں سعید آباد پولیس اسٹیشن کی حدود میں سیکٹر ای-ایٹ میں واٹر ٹینکر ڈرائیور گاڑی کو ریورس کر رہا تھا کہ اس دوران اس نے قریب بیٹھے بزرگ شہری کو کچل دیا، 75 سالہ عارف خان موقع پر ہی دم توڑ گیا۔ ڈرائیور ٹینکر کو چھوڑ کر موقع سے فرار ہونے میں کامیاب ہو گیا۔
کیا آپ نے کراچی کی سڑکوں پر دوڑتے سرکاری اور نجی واٹر ٹینکرز میں کوئی فرق محسوس کیا ہے؟ یہ فرق حادثات کی بڑی وجہ کیسے بنتا ہے؟ آئیے سمجھتے ہیں اس ویڈیو رپورٹ میں۔
کراچی میں نجی واٹر ٹینکر کا سائز حادثات کا سبب بن رہا ہے، سرکاری اداروں کے ٹینکر وضع کردہ اصولوں کے مطابق بنائے جاتے ہیں، جب کہ نجی ٹینکر کی بناوٹ میں حفاظتی اصولوں کا خیال نہیں رکھا جاتا۔
نجی ٹینکرز کا سائز باڈی سے باہر ہونے کی وجہ سے وہ موڑ کاٹنے یا اچانک بریک لگانے پر توازن کھو بیٹھتے ہیں اور حادثے کا شکار ہو جاتے ہیں۔ سرکاری ٹینکرز کا سائز متوازن، اور باڈی کے اندر محدود ہوتا ہے، جس سے ان کا سینٹر آف گریوٹی کم اور گاڑی مستحکم رہتی ہے۔
دوسری جانب مصدقہ ذرائع کے مطابق کراچی واٹر بورڈ میں 397 نجی واٹر ٹینکرز رجسٹرڈ ہیں، جب کہ شہر میں 7 ہزار سے زائد واٹر ٹینکرز پانی فراہم کرتے ہیں۔ یہ سات ہزار سے زائد ٹینکرز واٹر بورڈ میں رجسٹرڈ ہی نہیں ہیں، تو ان کی فٹنس کون چیک کرے گا۔ واٹر ٹینکرز کے حادثات کی وجہ صرف ٹیکنیکل ہی نہیں بلکہ بدانتظامی، کرپشن اور نااہلی بھی ہے۔
کراچی : ہیوی ٹریفک نے ایک اور شہری کی جان لے لی تاہم پولیس نے ٹینکرتحویل میں لے تحقیقات شروع کردیں۔
تفصیلات کے مطابق کراچی میں قوانین اورقواعد کے باوجود ہیوی وہیکل کو لگام نہیں ڈالی جاسکی۔
سعدی ٹاؤن میں پانی کے ٹینکر کی ٹکر سے موٹر سائیکل سوار جاں بحق ہوگیا ، شہری کی شناخت تنویر کےنام سے ہوئی۔
ڈرائیور واٹر ٹینکر چھوڑ کر فرار ہوگیا تاہم پولیس نے ٹینکرتحویل میں لے تحقیقات شروع کردیں۔
اس سے قبل گرومندر پر نامعلوم گاڑی کی ٹکر سے موٹرسائیکل سوار زخمی ہوا تھا، زخمی شخص دوران علاج زخموں کی تاب نہ لاتے ہوئے دم توڑ گیا۔
گزشتہ روز شیر شاہ گلبائی کے قریب تیز رفتار ٹرک کی زد میں آکر راہگیر خاتون جاں بحق ہوئی، ڈرائیور فرار جبکہ پولیس نے ٹرک کو تحویل میں لے لیا۔
سائٹ ایریا غنی چورنگی کے قریب منی ٹرک کھڑے ہوئے ٹریلر سے پیچھے سے جا ٹکرایا تھا، حادثے میں منی ٹرک کا کلینر موقع پر جاں بحق ہوگیا جبکہ ڈرائیور محفوظ رہا۔
کورنگی سو کواٹر علی اکبر شاہ گوٹھ میں ٹریفک حادثے میں ایک شخص کی جان چلی گئی جبکہ پرانی سبزی منڈی کے قریب موٹر سائیکل سوار سلپ ہو کر ٹینکر کی زد میں آکر زخمی ہوگیا تھا۔
رواں سال ٹریفک حادثات میں جانبحق ہونے والے افراد کی تعداد 277 ہو گئی، 88 افراد ہیوی ٹریفک کی زد میں ا کے جان سے گئے۔
کراچی: بھاری گاڑیوں کے باعث حادثات میں اموات کا سلسلہ رک نہ سکا اور واٹر ٹینکر کی ٹکر سے 4 سال کا بچہ جاں بحق ہوگیا۔
تفصیلات کے مطابق عابد آباد بلدیہ ٹاؤن کراچی میں ایک افسوسناک واقعہ پیش آئا ہے جہاں ٹینکر کلینر کی غفلت چار سال کے بچے کی جان لے گئی۔
پولیس کے مطابق بلدیہ عابد آباد کا عفان میدان میں کھیل رہا تھا کہ کلینر نے ٹینکر چلادیا، جو بے قابو ہوگیا اور چارسال کا عفان اس کے نیچے آگیا۔
ریسیکو حکام کا کہنا ہے کہ واقعے کے وقت ٹینکر ڈرائیور موجود نہیں تھا اور واٹر ٹینکر کو گراؤنڈ میں ہی پارک کیا گیا تھا، ٹینکر کے ڈرائیور کی غیر موجودگی میں کلینر نے واٹر ٹینکر چلایا جو بے قابو ہوکر بچے کو کچل دیا۔
حکام کا کہنا ہے کہ پولیس نے تحقیقات کا آغاز کردیا ہے، واقعے کی تفصیلات حاصل کی جارہی ہیں ساتھ ہی ڈرائیور کی تلاشی بھی جاری ہے۔
یاد رہے کہ 8 اپریل کو کراچی میں ماڑی پور روڈ پر ٹریلر کی ٹکر سے گداگر راہگیر بچہ جاں بحق ہوگیا تھا، پولیس نے ڈرائیور کو موقع سے گرفتار کرکے ٹریلر کو تحویل میں لے لیا تھا۔
متوفی بچے کی شناخت 8 سال کے راحیل کے نام سے ہوئی تھی، پولیس کا بتانا تھا کہ متوفی بچہ گداگر تھا اور اپنی بہن کے ساتھ سڑک عبور کر رہا تھا کہ ٹریلر کی ٹکر سے جاں بحق ہوگیا، حادثے میں بچے کی بہن محفوظ رہی تھی۔
کراچی : سخی حسن کے قریب مشتعل افراد نے واٹر ٹینکر کو آگ لگا دی جبکہ شہریوں کے ٹینکر ڈرائیور پر تشدد کی ویڈیو بھی سامنے آگئی۔
تفصیلات کے مطابق کراچی کے علاقے سخی حسن فائیو اسٹار چورنگی کے قریب مشتعل افراد نے واٹرٹینکر کو آگ لگا دی۔
پولیس نے بتایا کہ واٹر ٹینکر کسی کو ہٹ کر کے تیز رفتاری سے آرہا تھا ،بےقابوہوکر سڑک پرالٹ گیا، شہریوں نے ٹینکرڈرائیور پر تشدد کیا تاہم ڈرائیور موقع دیکھ کر فرار ہوگیا۔
حکام نے کہا کہ واٹر ٹینکر کو حادثہ کیسےپیش آیا تحقیقات کی جارہی ہے تاہم شہریوں کے ٹینکر ڈرائیور پرتشددکی ویڈیو بھی سامنے آگئی۔
عینی شاہد نے بتایا کہ واٹر ٹینکرپاپوش نگر سے آرہا تھا کہ چاندنی چوک پرعمران نامی شہری کوٹکرماری، ٹینکرکی ٹکر سےشہری کو ٹانگ پرچوٹیں آئیں تو لوگوں نے ٹینکر کا پیچھا کیا، جس پر ٹینکر ڈرائیورنےمزید رفتار بڑھا دی اورمتعددموٹر سائیکلیں گراتاہوا نکلا۔
عینی شاہد کا کہنا تھا کہ سخی حسن کے قریب آکر ٹینکر تیز رفتاری کے باعث الٹا تو مشتعل افراد نے ٹینکر کو آگ لگا دی ڈرائیور اور کلینر فرار ہو گئے۔
ٹریفک پولیس کے خصوصی ’’کے راٹ‘‘ یونٹ نے رواں ماہ کے سب سے افسوس ناک حادثے پر اپنی تجزیاتی رپورٹ جاری کر دی ہے، جس میں ماہرین کی جانب سے نہ صرف حادثے کی وجوہ بتائی گئی ہیں، بلکہ سفارشات بھی پیش کی گئی ہیں کہ حادثات کی روک تھام کے لیے کیا کیا جائے۔
اس رپورٹ کا جائزہ لیا جائے تو حادثے کی ذمہ داری واٹر ٹینکر ڈرائیور کے ساتھ ان محکموں کی بھی بنتی ہے جنھوں نے اپنا کام پورا نہیں کیا، مثال کے طور پر رپورٹ میں انکشاف کیا گیا ہے کہ کہیں پر ٹریفک سائن کے بورڈ موجود نہیں تھے، نہ اسپیڈ لمٹ سائن موجود تھا، نہ ہی سڑک کے درمیان ٹھوس سیمنٹ کی رکاوٹ تھی، کہ اگر واٹر ٹینکر ٹکرا بھی جاتا تو وہیں رک جاتا۔ اسی طرح وہ ادارے جو اپنے ڈرائیور سے 24 گھنٹے کام کرواتے ہیں وہ بھی اصل ذمہ دار میں شامل ہیں۔ بہرحال اس رپورٹ سے یہ اندازہ لگایا جا سکتا ہے کہ ٹریفک پولیس کا یہ یونٹ اپنے منفرد اور معیاری کام کی وجہ سے جلد اپنا مقام بنا سکتا ہے۔
کے راٹ کی مکمل رپورٹ
ملیر میں ماڈل کالونی ٹریفک حادثے کے دوران میاں بیوی اور جنین کے جاں بحق ہونے کے بعد ٹریفک پولیس کے خصوصی یونٹ ’’کے راٹ‘‘ (کراچی روڈ ایکسڈینٹ اینالیسز ٹیم) نے تجزیاتی رپورٹ تیار کی ہے۔ اس رپورٹ میں ڈرائیور کے بریک فیل ہونے کے بیانیے کو مسترد کرتے ہوئے انکشاف کیا گیا ہے کہ یہ حادثہ نیند، تھکن، غفلت اور لاپرواہی کی وجہ سے پیش آیا، ڈرائیور رحیم بخش نے رانگ وے سڑک پر جا کر ایک ہائی ایس، 2 موٹر سائیکلوں کو ٹکر ماری، جس کے نتیجے میں عبدالقیوم، ان کی اہلیہ اور پیٹ میں بچہ جاں بحق ہوا۔
وہ واٹر ٹینکر جس نے حاملہ خاتون سمیت دو افراد جو میاں بیوی تھے، کو کچل دیا
واٹر ٹینکر ڈرائیور نے ’کے راٹ‘ کو بتایا کہ وہ 24 گھنٹے کام اور 24 گھنٹے آرام کرتے ہیں، کے راٹ کے مطابق مستقل کام سے تھکن اور غیر محفوظ کام سے شدید خدشات پیدا ہوتے ہیں، ڈرائیور نے بریک فیل ہونے کی وجہ سے دوسری سڑک پر جانے کا دعویٰ کیا لیکن معائنے کے دوران ٹینکر کے بریک صحیح حالت میں پائے گئے۔
رپورٹ کے مطابق ڈرائیور کے پاس درست ڈرائیونگ لائسنس موجود ہے، پانی سے بھرا واٹر ٹینکر صفورا ہائیڈرنٹ سے روانہ کیا گیا تھا، حادثہ بنیادی طور پر تیز رفتاری کی وجہ سے پیش آیا، واٹر ٹینکر فٹ پاتھ پر رکاوٹ توڑ کر مخالف لین میں داخل ہوا، سیمنٹ کی ٹھوس رکاوٹ نہ ہونے کی وجہ سے حادثے کی شدت میں اضافہ ہوا، اگر مضبوط رکاوٹیں ہوتی تو حادثہ نہ ہوتا اور ہلاکتیں روکی جا سکتی تھیں۔
ہلاکتیں روکی جا سکتی تھیں
کے راٹ نے رپورٹ کیا کہ حادثے کے مقام پر کوئی وارننگ یا اسپیڈ لمٹ سائن بورڈ بھی موجود نہیں تھا، جب کہ واٹر ٹینکر میں بھی حفاظتی شیلڈ موجود نہ ہونے کی وجہ سے بائیک اس کے ٹائر تلے آئی۔
کے راٹ کے مطابق کمرشل ڈرائیور کے لیے ڈیوٹی اوقات کے قوانین پر سخت پابندی عائد کی جائے، تاکہ تھکن کی وجہ سے ہونے والے حادثات سے بچا جا سکے، سڑک کے درمیان ٹھوس سیمنٹ کی رکاوٹ نصب کی جائے تاکہ حادثات کی صورت میں گاڑی کو مخالف لین میں داخل ہونے سے روکا جا سکے۔
ہیوی گاڑیوں کی رفتار کی حد پر سختی سے عمل درآمد کروایا جائے، گاڑیوں کے مکمل حفاظتی نظام کے لیے جامع معائنہ کیا جائے، ٹینکر روانہ ہونے سے پہلے بریک سمیت تمام حفاظتی میکانزم درست حالت میں ہوں، اہم مقامات پر مناسب سائن بورڈز نصب کیے جائیں، اور ہیوی گاڑیوں میں حفاظتی شیڈ لگائے جائیں تاکہ ٹائروں کے نیچے حادثات سے بچا جا سکے۔
رپورٹ میں سفارش کی گئی ہے کہ ایسی کمپنیوں کے خلاف قانونی کارروائی اور سخت سزائیں دی جائیں، جو ڈرائیور کے لیے غیر محفوظ کام کے حالات فراہم کرتے ہیں۔ واضح رہے کہ حادثے کی ذمہ داری کے لیے مزید تحقیقات کا عمل جاری ہے۔
کراچی : ملیر ہالٹ میں واٹر ٹینکر کی ٹکر سے جاں بحق میاں بیوی اور نومولود بچے کی نمازجنازہ ادا کردی گئی، اس موقع پر رقت آمیز مناظر دیکھنے میں آئے۔
تفصیلات کے مطابق کراچی کے علاقے ملیر ہالٹ میں واٹر ٹینکر کی ٹکر سے جاں بحق میاں بیوی اور نومولود بچے کی میتیں ناتھا میتیں گھر سے اٹھیں تو پورا علاقہ سوگ میں ڈوب گیا۔
تینوں کی نماز جنازہ شاہ فیصل کالونی کے علاقے ناتھا گوٹھ کی مرکزی جامع مسجد میں ادا کی گئی، اس موقع پر رقت آمیز مناظر دیکھنے میں آئے، کئی افراد زار و قطار روتے رہے، ہر طرف سوگ کا سماں تھا۔
نماز جنازہ میں جماعت اسلامی اور پی ٹی آئی کے رہنماؤں سمیت شہریوں کی بڑی تعداد نے شرکت کی، رہنماوٴں کا کہنا تھا حکومت بھاری گاڑیوں کو قوانین کا پابند کرنے کیلئے تیار نہیں ہے، کراچی کی سڑکوں پہ دندناتے ٹینکر خوف کی علامت بن چکے ہیں ، جو معصوم شہریوں سے انکی زندگیاں چھین رہے ہیں۔
گذشتہ روز کراچی کی سڑکوں پردندناتی ہیوی ٹریفک نےایک اورخاندان اجاڑ دیا تھا ، ہائی وے کی جانب سے تیز رفتاری سے آنے والا واٹر ٹینکر ڈرائیور سے بے قابو ہوا اور سڑک سے گزرنے والے موٹرسائیکل سوار میاں بیوی کوکچل دیا تھا۔
خوفناک حادثے میں میاں ، بیوی اور نومولود بچہ جاں بحق ہوگئے تھے ، جس کے بعد مشتعل شہریوں نے واٹر ٹینکر کے شیشے توڑ ڈالے، ڈرائیور کوبھی تشدد کانشانہ بناکرپولیس کے حوالے کردیا۔
جاں بحق میاں بیوی کی شناخت عبد القیوم اور زینب کے نام سے ہوئی تھی ، جاں بحق نوجوان سرکاری ملازم تھا اور کوہی گوٹھ لانڈھی کےاسپتال سے اہلیہ کامعائنہ کروا کر واپس آرہا تھا۔
کراچی میں نیگلیریا کی بیماری کی سب سے بڑی وجہ کیا ہے؟ اس تشویش ناک ویڈیو رپورٹ میں دیکھیں۔
شہر میں غیر قانونی واٹر ٹینکروں کے ذریعے زیر زمین پانی کی سپلائی کی جاتی ہے، کراچی کی 50 یونین کونسلوں سے لیے گئے پانی کے نمونوں میں سے 95 فی صد میں نیگلیریا مثبت آیا۔
ماہرین کا کہنا ہے کراچی میں نگلیریا کی سب سے بڑی وجہ غیر قانونی زیرِ زمین پانی کی فروخت ہے، جو واٹر ٹینکر کے ذریعے حاصل کیا جاتا ہے۔ کراچی کی آدھی سے زیادہ آبادی ٹینکر کا پانی خریدتی ہے۔ واٹر بورڈ کے پاس رجسٹرڈ ٹینکرز کی تعداد صرف 400 ہے جب کہ شہر میں 7 ہزار سے زائد ٹینکرز یومیہ پانی کی سپلائی کرتے ہیں۔
کراچی: ملیرہالٹ پر واٹر ٹینکر سے حاملہ خاتون اور شوہر کی موت کا مقدمہ درج کرلیا گیا ، پولیس نے ڈرائیور کو گرفتار کرکے واٹر ٹینکر تحویل میں لے لیا ہے۔
تفصیلات کے مطابق کراچی کے علاقہ ملیر ہالٹ پر پانی کے ٹینکر کی ٹکر سے حاملہ خاتون اور شوہر کے جاں بحق ہونے کا مقدمہ تھانہ ماڈل کالونی میں رات گئے درج کرلیا گیا۔
مقدمہ میں دوران ڈرائیونگ لاپروائی اوردیگر دفعات لگائی گئی ہیں تایم حادثہ کا ذمہ دار ڈرائیور اور کلینر پولیس کی حراست میں جبکہ پانی کا ٹینکر تحویل میں ہے۔
گذشتہ روز کراچی کی سڑکوں پردندناتی ہیوی ٹریفک نےایک اورخاندان اجاڑ دیا تھا ، ہائی وے کی جانب سے تیز رفتاری سے آنے والا واٹر ٹینکر ڈرائیور سے بے قابو ہوا اور سڑک سے گزرنے والے موٹرسائیکل سوار میاں بیوی کوکچل دیا تھا۔
خوفناک حادثے میں میاں ، بیوی اور نومولود بچہ جاں بحق ہوگئے تھے ، جس کے بعد مشتعل شہریوں نے واٹر ٹینکر کے شیشے توڑ ڈالے، ڈرائیور کوبھی تشدد کانشانہ بناکرپولیس کے حوالے کردیا۔
جاں بحق میاں بیوی کی شناخت عبد القیوم اور زینب کے نام سے ہوئی تھی ، جاں بحق نوجوان سرکاری ملازم تھا اور کوہی گوٹھ لانڈھی کےاسپتال سے اہلیہ کامعائنہ کروا کر واپس آرہا تھا۔
