ARYNews.tv | Urdu – Har Lamha Bakhabar

Tag: واٹس ایپ صارفین

  • واٹس ایپ صارفین ہوشیار : ہیکنگ اور فشنگ حملوں میں اضافہ

    واٹس ایپ صارفین ہوشیار : ہیکنگ اور فشنگ حملوں میں اضافہ

    نیشنل سائبر ایمرجنسی رسپانس ٹیم نے واٹس ایپ صارفین کیلئے ایڈوائزری جاری کردیم جس میں کہا گیا ہے کہ واٹس ایپ اکاؤنٹس کی ہیکنگ اور فشنگ حملے کیے جارہے ہیں۔

    اے آر وائی نیوز کی رپورٹ کے مطابق پیغام رسانی کے لیے استعمال ہونے والی دنیا کی سب سے مقبول ایپلیکیشنواٹس ایپ کے صارفین کو دھوکہ دہی پر مبنی انعامی اسکیموں کے ذریعے صارفین کو نشانہ بنایا جا رہا ہے۔

    نیشنل سائبر ایمرجنسی رسپانس ٹیم کی ایڈوائزری میں بتایا گیا ہے کہ صارفین کو بے وقوف بنا کر معلومات لینے کی کوشش کی جارہی ہے۔

    جعلی لنکس، جعلی توثیقی کوڈز سے بےوقوف بنانے کی کوشش کی جارہی ہے، ہیک اکاؤنٹس غلط معلومات پھیلانے اور فراڈ میں استعمال ہوسکتے ہیں۔

    اس کے علاوہ ہیک اکاؤنٹس لوگوں کی نجی تصاویر اور رابطہ فہرست تک رسائی کیلئے استعمال ہوسکتے ہیں، جعلی بینک لائلٹی پروگرامز اور انعامی آفرز کے ذریعے ہیکنگ کی جاسکتی ہے۔

    ایڈوائزری کے مطابق دھوکہ دہی پر مبنی اسکیموں کے ذریعے بھی صارفین کو نشانہ بنایا جا رہا، صارفین واٹس ایپ کی سیٹنگز میں دوہری تصدیق کا طریقہ کار اپنائیں۔

    صارفین اپنے پتے کی تصدیق، انعام، سروے مکمل کرنے والے لنکس سے گریز کریں، پیغام کی تصدیق صرف ادارے کے آفیشل اور تصدیق شدہ ذرائع سے کریں اور نامعلوم نمبروں سے موصول ہونے والے پیغامات سے ہوشیار رہیں۔

    مزید پڑھیں : فون نمبر ظاہر کیے بغیر گفتگو، واٹس ایپ کا نیا فیچر

    واٹس ایپ ایک نئے فیچر کی جانچ کر رہا ہے جو صارفین کو اپنے فون نمبر ظاہر کیے بغیر بات چیت کرنے کی اجازت دے گا۔

    یہ اپ ڈیٹ صارفین کو منفرد صارف نام بنانے کے قابل بنائے گا جس سے پلیٹ فارم پر بات چیت شروع کرنے کے طریقے میں نمایاں تبدیلی آئے گی۔

  • واٹس ایپ صارفین کو ایک اور سہولت دینے کا فیصلہ

    واٹس ایپ صارفین کو ایک اور سہولت دینے کا فیصلہ

    انسٹنٹ میسجنگ ایپلی کیشن واٹس ایپ میں صارفین کے اکاؤنٹس پر دیگر سوشل میڈیا اکاؤنٹس شامل کرنے کے فیچر کی آزمائش کا آغاز کردیا گیا ہے۔

    فی الحال انتطامیہ کی جانب سے بزنس صارفین کو اپنی ویب سائٹ یا دیگر سوشل میڈیا اکاؤنٹس شامل کرنے کی سہولت دی جارہی ہے، تاہم عام صارفین کو اس سے قبل یہ سہولت میسر نہیں تھی۔

    اب واٹس ایپ کی جانب سے عام صارفین کو بھی یہ فیچر فراہم کرنے پر کام شروع کیا گیا ہے اور اس کی آزمائش جاری ہے۔

     اپڈیٹس پر نظر رکھنے والی معروف ویب سائٹ کے مطابق ایپلیکیشن میں دیگر سوشل میڈیا اکاؤنٹس کے لنکس شامل کرنے کے فیچر کی آزمائش مخصوص صارفین کے لیے کی جا رہی ہے، تاہم جلد ہی اس فیچر کو مزید واٹس ایپ صارفین تک پہنچانے کا امکان ہے۔

    اس نئے فیچر کے تحت واٹس ایپ کا ہر عام صارف اپنے پروفائل میں مختلف سوشل میڈیا اکاؤنٹس کے لنکس شامل کرنے کے قابل ہو جائے گا۔

    جس طرح فیس بک اکاؤنٹ پر انسٹاگرام، ایکس (ٹوئٹر) اور دیگر سوشل میڈیا اکاؤنٹس کو جوڑا جا سکتا ہے، اسی طرح واٹس ایپ پر بھی یہ سہولت دستیاب ہو گی۔

    آزمائشی مرحلے میں فی الحال انسٹاگرام اکاؤنٹ کا لنک شامل کرنے کی اجازت دی گئی ہے، لیکن یہ توقع کی جا رہی ہے کہ مکمل طور پر فیچر کے لانچ ہونے پر دیگر سوشل میڈیا اکاؤنٹس جیسے ایکس (ٹوئٹر) اور فیس بک وغیرہ کے لنکس بھی شامل کرنے کا آپشن دستیاب ہوگا۔

    مزید پڑھیں : واٹس ایپ صارفین خبردار، لنک پر کلک کیے بغیر بھی فون ہیک ہو سکتا ہے

    یاد رہے کہ سوشل میڈیا کمپنی میٹا کی زیرِ ملکیت مقبول میسیجنگ پلیٹ فارم واٹس ایپ کے مطابق دو درجن ممالک میں تقریباً 90 صارفین کو مبینہ طور پر اسپائی ویئر کا استعمال کرتے ہوئے ہیکرز نے نشانہ بنایا۔

    ان صارفین میں صحافی اور سول سوسائٹی کے ارکان بھی شامل ہیں جنہیں ہیکنگ کیلیے سافٹ ویئر تیار کرنے والی اسرائیلی کمپنی ’پیراگون سلوشنر‘ کی زیرِ ملکیت ہیکنگ ٹول سے نشانہ بنایا گیا۔

  • واٹس ایپ صارفین کیلیے انسٹاگرام جیسی سہولت کی فراہمی

    واٹس ایپ صارفین کیلیے انسٹاگرام جیسی سہولت کی فراہمی

    واٹس ایپ نے ایک نیا فیچر متعارف کروایا ہے جس کے ذریعے صارفین انسٹاگرام کی طرح اپنے اسٹیٹس میں موسیقی شیئر کر سکیں گے۔

    واٹس ایپ بِیٹا انفو کے مطابق واٹس ایپ اپنے اسٹیٹس فیچر میں اہم اضافہ کرنے جا رہا ہے جس میں صارفین کو یہ سہولت میسر ہوگی کہ وہ اپنے اسٹیٹس میں میوزک بھی شامل کرسکیں گے۔

    میٹا کی ذیلی ایپ جلد ہی اپنے صارفین کے لیے اسٹیٹس میں میوزک شامل کرنے کی سہولت متعارف کرادے گی، یہ فیچر فی الحال واٹس ایپ کے اینڈرائیڈ بیٹا ورژن (2.25.2.5) میں دستیاب ہے اور اس کا مقصد اسٹیٹس اپڈیٹس کو مزید دلچسپ اور انٹرایکٹو بنانا ہے۔

    میٹا کے ذیلی فوٹو اور ویڈیو شیئرنگ پلیٹ فارم انسٹاگرام پر صارفین کو یہ سہولت پہلے ہی دستیاب ہے، جس کو استعمال کرتے ہوئے وہ اپنی اسٹوریز میں میوزک کو شامل کرسکتے ہیں۔

    نئے اپڈیٹ میں صارفین اسٹیٹس اپڈیٹ سیکشن میں ایک میوزک آئیکن دیکھیں گے۔ اس آئیکن پر کلک کرنے سے وہ اپنے پسندیدہ گانے، آرٹسٹس یا مقبول گانے تلاش کرسکیں گے۔

    جیسے ہی گانا منتخب کیا جاتا ہے، صارفین اسے اپنی تصویر پر مبنی اسٹیٹس کے لیے 15 سیکنڈ کے کلپ کے طور پر شامل کرسکتے ہیں یا ویڈیو اسٹیٹس کے لیے اس کی دورانیہ کو ایڈجسٹ کر سکتے ہیں۔ ویڈیو اسٹیٹس اپڈیٹس کے لیے موسیقی کا دورانیہ منتخب شدہ کلپ کی لمبائی کے مطابق ہوگا۔

    صارفین کو اپنے واٹس ایپ میں میوزک کے ذریعے اسٹیٹس اپڈیٹس کو زیادہ دلچسپ اور ذاتی نوعیت کا بنانے کا موقع ملے گا جو شیئر کی گئی تصاویر یا ویڈیوز کے موڈ کو بہتر کرنے کا ذریعہ ہوگا۔ ناظرین اسٹیٹس پر موجود گانے پر ٹیپ کرکے آرٹسٹ کی انسٹاگرام پروفائل تک پہنچ سکتے ہیں۔

    یہ نیا فیچر اس ایپ کے اسٹیٹس سیکشن میں حالیہ اضافے پر مبنی ہے، جن میں انٹرفیس کی اپڈیٹس اور نئے ری ایکشن آپشنز شامل ہیں۔ مستقبل کے اپڈیٹس میں صارفین مزید انٹرایکٹو ٹولز کی توقع کر سکتے ہیں۔

    اس سے قبل واٹس ایپ نے چار نئے فیچرز متعارف کروائے تھے جو دوستوں اور پیاروں کے ساتھ چیٹ کو مزید دلچسپ اور خوشگوار بنانے کے لیے بنائے گئے تھے۔

    ایک بلاگ پوسٹ میں کمپنی نے کیمرہ ایفیکٹس، سیلفی اسٹیکرز، تیز ری ایکشنز، اور اسٹیکر پیک شیئرنگ جیسے فیچرز کے اضافے کا اعلان کیا تھا تاکہ پیغام رسانی کے تجربے کو بہتر اور آسان بنایا جا سکے۔

    "اس اپڈیٹ کے ذریعے صارفین کو چیٹس میں لی جانے والی تصاویر یا ویڈیوز کے لیے 30 پس منظر، فلٹرز، اور ایفیکٹس تک رسائی حاصل ہوگی۔

  • پاکستان بھر میں واٹس ایپ صارفین کو مشکلات کا سامنا

    پاکستان بھر میں واٹس ایپ صارفین کو مشکلات کا سامنا

    کراچی : پاکستان بھر میں انٹرنیٹ اور موبائل ڈیٹا سروس دوسرے دن بھی متاثر ہے، جس سے واٹس ایپ صارفین کو شدید پریشانی کا سامنا ہے۔

    تفصیلات کے مطابق ملک کے کئی شہروں میں موبائل ڈیٹا سروس متاثر ہے، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹرنیٹ سروس جزوی متاثر ہیں۔

    انٹرنیٹ سروس متاثر ہونے سے شہریوں کو واٹس ایپ میں آڈیو اور ویڈیو بھیجنے میں شدید پریشانی کا سامنا ہے جبکہ فری لانسرز اور آن لائن ٹیکسی سروس بھی شدید متاثر ہورہی ہے۔

    کراچی کے مختلف علاقوں میں ہفتے کی رات سے انٹرنیٹ سروس متاثر ہے، جس کے باعث صارفین کو شدید مشکلات کا سامنا کرنا پڑرہا ہے۔

    مزید پرھیں : وزارت داخلہ کا ملک میں انٹرنیٹ سروس کی بندش سے متعلق اہم بیان

    واضح رہے کہ ہفتے کے روز ترجمان وزارت داخلہ نے پنجاب کے بڑے شہروں میں انٹرنیٹ سروس بند کرنے کا فیصلہ کیا تھا۔

    وزارت داخلہ نے اپنے اعلامیے میں کہا تھا کہ صرف سکیورٹی خدشات والے علاقوں میں ہی موبائل ڈیٹا اور وائی فائی سروس کی بندش کا تعین کیا جائے گا اور ملک کے باقی حصوں میں انٹرنیٹ اور موبائل سروس چلتی رہے گی۔

  • واٹس ایپ صارفین ہیکنگ سے کیسے محفوظ رہیں؟

    واٹس ایپ صارفین ہیکنگ سے کیسے محفوظ رہیں؟

    انٹرنیٹ کے موجودہ دور میں تقریباً ہر شخص فیس بک، ٹوئٹر، واٹس ایپ اور دیگر بہت سی سوشل سائٹس استعمال کر رہا ہے، اور ان ہی سائیٹس کا سہارا  لے کر جرائم پیشہ افراد ڈیٹا چرانے کیلئے ہیکنگ کرتے ہیں۔

    ان حالات میں واٹس ایپ صارفین کیلئے اپنا ڈیٹا محفوظ رکھنا بھی ایک چیلینج بن گیا ہے کیونکہ ان کا ڈیٹا ہیک ہونے کا خطرہ ہر وقت موجود رہتا ہے، ہیکر نت نئے انداز سے لوگوں کو دھوکہ دیکر اپنے مفادات حاصل کرتے ہیں۔

    اے آر وائی نیوز کے پروگرام باخبر سویرا میں انسداد سائبر کرائم ایکسپرٹ عمار جعفری نے بتایا کہ واٹس ایپ کس طرح ہیک کیا جاتا ہے اور صارفین اس سے کس طرح محفوظ رہ سکتے ہیں۔

    انہوں نے کہا کہ واٹس ایپ اکاؤنٹ بناتے ہوئے اس بات کا خاص خیال رکھیں کہ جو چھ ہندسوں پر مبنی ویری فکیشن پن کوڈ ہے اس کو بہت احتیاط سے لکھیں اور کوڈ مشکل سا رکھیں لیکن وہ آپ کو یاد بھی رہے۔ اس کے علاوہ اس پن کوڈ کو کسی کے ساتھ بھی شیئر نہ کریں۔

    دوسری احتیاط یہ ہے کہ جب اپنا موبائل فون تبدیل کریں تو اپنا واٹس ایپ لازمی لاگ آؤٹ کریں اور دیگر سوشل میڈیا سائٹس کو باقاعدہ بند کرنے کے بعد انہیں فون سے ڈیلیٹ کریں۔

    واٹس ایپ ہیکنگ سے کیسے بچیں؟

    ایک سوال کے جواب میں عمار جعفری نے بتایا کہ صارفین واٹس ایپ ہیکنگ سے ایسے بچ سکتے ہیں کہ پہلے اس کی سیٹنگز میں جائیں وہاں دو آپشن ہوں گے ایک اکاؤنٹ اور دوسرا ٹو اسٹیپ ویری فکیشن۔ جہاں آپ اپنا پن کوڈ اور ای میل ایڈریس لکھ دیں۔ یہ کام کرنے کے بعد آپ کا واٹس ایپ محفوظ ہوجائے گا۔

    واضح رہے کہ پاکستان میں بھی آن لائن فراڈ کا ایک نیا طریقہ سامنے آیا ہے جس کے تحت ہیکرز شہریوں کو اُن کی تعلیمی ڈگریوں کی تصدیق کروانے کی پیشکش کرکے ذاتی معلومات تک رسائی حاصل کرنے کی کوشش کرتے ہیں۔

    ہیکرز سوشل میڈٰیا اکاؤنٹس ہیک کرنے کے لیے مختلف طریقے استعمال کرتے ہیں، مثلا آپ کو مختلف قسم کی انعامی اسکیموں کا لالچ دیا جاتا ہے اور اس کے لیے فیس بک پر مختلف قسم کے اشتہارات دیے جاتے ہیں، آج کل مختلف واٹس ایپ گروپس میں بھی ایسی انعامی اسکیموں کی تشہیر کی جاتی ہے۔

  • واٹس ایپ صارفین کی سیکیورٹی کیلئے اہم اقدام، نیا فیچر پیش

    واٹس ایپ صارفین کی سیکیورٹی کیلئے اہم اقدام، نیا فیچر پیش

    کیلیفورنیا : ٹیکنالوجی کمپنی میٹا کی ذیلی پیغام رساں ایپلی کیشن واٹس ایپ انتظامیہ اپنے صارفین کی سیکیورٹی معاملات کو بہتر بنانے اور سہولیات کی فراہمی کے لیے اقدامات کرتی رہتی ہے۔

    اس حوالے سے واٹس ایپ ایک نیا زبردست فیچر متعارف کرانے جارہا ہے جس کی مدد سے صارفین سائبر کرائم اور فراڈ سے خود کو محفوظ رکھ سکیں گے۔،

    آن لائن فراڈ کرنے والوں کی جانب سے اکثر نقصان دہ لنکس پر مشتمل پیغامات بھیجے جاتے ہیں جن پر کلک کرنے سے لوگوں کے اکاؤنٹس ہیک ہوسکتے ہیں، جس کے نتیجے میں ڈیوائس میں نقصان دہ سوفٹ ویئر انسٹال اور آپ کا ذاتی ڈیٹا چوری ہوسکتا ہے۔

    اس صورتحال سے صارفین کو بچانے کیلیے واٹس ایپ کی جانب سے ایک ایسا سیکیورٹی فیچر متعارف کرایا جا رہا ہے جو اس خطرے سے صارفین کو تحفظ فراہم کرے گا۔

    غیرملکی میڈیا رپورٹ کے مطابق اینڈرائیڈ کے نئے اپ ڈیٹ (بیٹا ورژن) میں واٹس ایپ نے ایسا سیفٹی اسکرین نامی نیا فیچر متعارف کرایا ہے جو آپ کو ان نقصان دہ لنکس سے محفوظ رکھے گا۔ آپ جب بھی کسی نامعلوم فرد کی جانب سے پیغام موصول کریں گے، آپ کی ڈیوائس پر ایک سیفٹی اسکرین نمودار ہوگی جس کے ذریعے آپ مذکورہ اکاؤنٹ کو بلاک یا رپورٹ کرسکیں گے۔

    سیفٹی اسکرین کے اس فیچر کے ذریعے صارفین لنکس کو سرچ کرسکیں گے۔ اس کے علاوہ اس فیچر کی مدد سے آپ پیغام بھیجنے والے کا نام، ملک کا کوڈ اور دیگر تفصیلات بھی حاصل کرسکتے ہیں۔

  • وائس کال کرنے والے واٹس ایپ صارفین کیلیے ایک اور سہولت

    وائس کال کرنے والے واٹس ایپ صارفین کیلیے ایک اور سہولت

    کیلیفورنیا : دنیا بھر میں مقبول میسجنگ ایپ واٹس ایپ نے اپنے صارفین کیلئے ایک اور بہترین فیچر متعارف کرا دیا۔

    اس حوالے سے غیر ملکی خبر رساں ادارے کی رپورٹ کے مطابق واٹس ایپ انتظامیہ نے اپنے اینڈرائیڈ صارفین کیلئے وائس کال میں مزید سہولت فراہم کرتے ہوئے نیا فیچر متعارف کرانے کا اعلان کیا ہے۔

    گلوبل ویلج سپیس ڈاٹ کام کی رپورٹ میں بتایا گیا ہے کہ اس نئی اپ ڈیٹ کے بعد واٹس ایپ پر کال موصول ہوتے وقت کال کرنے والے کی تصویر پوری اسکرین پر دیکھی جا سکے گی۔

    متعارف کرائے جانے والے دیگر فیچرز میں سے ایک میں کال ونڈو پر اوپر کی جانب کچھ آئیکون دیے جائیں گے کہ جس سے صارفین کال ونڈو کو چھوٹا یا روابط کی فہرست سے دیگر افراد کو کال میں شامل کر سکیں گے۔

    اس کے علاوہ واٹس ایپ کے ایک اور فیچر کے تحت اسکرین پر نیچے کی جانب دیے گئے پینل میں مزید آپشن شامل کیے جائیں گے۔

  • واٹس ایپ صارفین کی بڑی مشکل آسان، نمبر سیو کرنا ضروری نہیں

    واٹس ایپ صارفین کی بڑی مشکل آسان، نمبر سیو کرنا ضروری نہیں

    واٹس ایپ پر کسی کو میسج یا کال کرنے کیلئے پہلے مطلوبہ شخص کا نام فون کی کانٹیکٹ لسٹ میں ہونا ضروری تھا لیکن اب ایسا کرنا ضروری نہیں۔

    تفصیلات کے مطابق میٹا کی زیرملکیت انسٹنٹ میسجنگ ایپلی کیشن واٹس ایپ دنیا بھر میں لوگوں کے رابطے کا اہم ذریعہ بن چکی ہے اس ایپ کے ذریعے کسی بھی عزیز، دوست یا رشتہ دار کو میسج کرنے کیلئے اس نام محفوظ کرنا لازمی امر ہے۔

    بسا اوقات واٹس ایپ پر کسی ایسے نمبر پر فوری میسج بھیجنا دردِ سر بن جاتا ہے جو آپ کے موبائل میں محفوظ نہ ہو کیونکہ واٹس ایپ پر میسج بھیجنے کے لیے آپ کو وصول کنندہ کا نمبر محفوظ کرنا پڑے گا۔

    اب صارفین کو میسج کرنے کیلئے ان تین طریقوں پر عمل کرنا پڑے گا جس سے ان کی یہ مشکل آسان ہوجائے گی اور آپ مطلوبہ نمبر کو محفوظ کیے بغیر واٹس ایپ میسج بھیج سکتے ہیں۔

    پہلا طریقہ :

    اس کا پہلا طریقہ یہ ہے کہ خود کو نمبر بھیجیں، ایسا کرنے کا ایک طریقہ یہ ہے کہ مطلوبہ نمبر کو کاپی کریں اور اسے ’چیٹ ودھ ہور سیلف‘میں جاکر اپنے آپ کو بھیج دیں۔

    نمبر کا رنگ نیلا ہونے کے بعد اس پر کلک کریں اور ’چیٹ ودھ‘ کا آپشن منتخب کریں، جس کے بعد ایک نئی چیٹ کھل جائے گی اور آپ اس نمبر پر میسج بھیج سکیں گے۔

    دوسرا طریقہ :

    دوسرا طریقہ واٹس ایپ لنک بنانا ہے جو کہ wa.me لنک کے نام سے جانا جاتا ہے، آپ ویب براؤزر میں https://wa.me/yourPhoneNumber ٹائپ کرکے لنک بنا سکتے ہیں۔اس میں ‘yourPhoneNumber’ کی جگہ وہ نمبر لکھ دیں جس پر آپ پیغام بھیجنا چاہتے ہیں، نمبر کے ساتھ اس ملک کا کوڈ بھی شامل کریں۔

    یہ کرنے کے بعد لنک پر کلک کریں اور ‘Continue to Chat’آپشن منتخب کریں جس کے بعد نمبر محفوظ کیے بغیر آپ اس نمبر پر میسج بھیج سکیں گے۔

    تیسرا طریقہ :

    فون نمبر محفوظ کیے بغیر واٹس ایپ پر پیغامات بھیجنے کا تیسرا طریقہ گروپ چیٹ کے ذریعے ممکن ہے۔

    اس کے لیے آپ واٹس ایپ کا وہ گروپ کھولیں جہاں وہ شخص بھی ممبر ہو جس کو آپ میسج کرنا چاہتے ہیں، نمبر پر کلک کریں اور ‘میسج’ کا آپشن منتخب کریں، جس کے بعد ایک چیٹ ونڈو خود بخود کھل جائے گی جہاں سے آپ اس کو باآسانی پیغام بھیج سکیں گے۔

  • واٹس ایپ صارفین کے لیے خوشخبری

    واٹس ایپ صارفین کے لیے خوشخبری

    کیلیفورنیا : واٹس ایپ انتطامیہ اپنے صارفین کی سہولت کیلیے ایک نئے کانٹیکٹ نوٹ فیچر پر کام کر رہی ہے جس کے تحت صارف کو رابطوں اور بات چیت میں آسانی میسر ہوگی۔

    تفصیلات کے مطابق ٹیکنالوجی کمپنی میٹا واٹس ایپ کے اینڈرائیڈ اور ویب صارفین کے اپنی پسند کے کانٹیکٹس کو فیورٹ لسٹ میں ایڈ یا ڈیلیٹ کرنے کے لیے اہم فیچر لانے کی تیاری کررہی ہے

    ڈبلیو اے بیٹا انفو کا اپنی تازہ رپورٹ میں کہنا ہے کہ یہ خصوصیات بنیادی طور پر واٹس ایپ بزنس کے صارفین کے لیے کارآمد ہوں گی، صارفین اپنی چیٹ کی تفصیلات ذہن نشین
    اور اپنے کانٹیکٹس سے رابطوں اور بات چیت میں متعلقہ معلومات کو شامل کرسکیں گے اس کے علاوہ صارفین کو کانٹیکٹس میں اسکرول کرنے کی ضرورت بھی نہیں رہے گی۔

    رپورٹ کے مطابق تاحال اس فیچر پر کام جاری ہے اور یہ بیٹا صارفین کو بھی دستیاب نہیں ہے۔ یہ فیچر کب تک صارفین کے لیے دستیاب ہوگا یہ کہنا ابھی قبل از وقت ہے، بظاہر یہ سب سے پہلے اینڈرائیڈ صارفین کے لیے متعارف کرایا جائے گا۔

  • واٹس ایپ صارفین کیلیے ایک اور سہولت کا اعلان

    واٹس ایپ صارفین کیلیے ایک اور سہولت کا اعلان

    واٹس ایپ انتظامیہ گزشتہ سال سے اپنے ویب صارفین کے لیے سائیڈبار اور ڈارک موڈ کے ساتھ ایک نئے انٹر فیس پر کام جاری رکھے ہوئے ہے۔

    اس حوالے سے ٹیکنالوجی کمپنی ’ میٹا ‘ کی انسٹنٹ میسجنگ ایپ واٹس ایپ کا کہنا ہے کہ وہ صارف انٹرفیس کو بہتر بنانے کے لیے ویب صارفین کے لیے جلد ہی ایک نیا سائڈ بار متعارف کرائے گا۔

    غیر ملکی خبر رساں ادارے کی رپورٹ کے مطابق نئے سائیڈ بار میں بہتر نیوی گیشن اور اہم سیکشنز تک رسائی فراہم کی گئی ہے۔ یہ انٹرفیس فی الحال بیٹا ٹیسٹرز کے لیے دستیاب ہے جو ویب کلائنٹ کے آفیشل بیٹا پروگرام میں شامل ہیں۔

    نئے سائیڈ بار فیچر کے ساتھ اب آپ واٹس ایپ ویب پر براؤزنگ کے بہتر تجربے سے بھی لطف اندوز ہوسکتے ہیں جس میں ضروری حصوں تک فوری رسائی حاصل ہے۔

    whatsapp

    ڈبلیو اے بیٹا انفو کے مطابق اس انٹرفیس کو نیوی گیشن کو بڑھانے اور صارفین کو واٹس ایپ ویب کے مختلف حصوں کے ذریعے نقل و حرکت کا ایک واضح اور منظم طریقہ فراہم کرنے کے لیے ڈیزائن کیا گیا تھا۔

    دوبارہ ڈیزائن کردہ سائیڈ بار صارفین کو آسانی سے بات چیت کے درمیان سوئچ کرنے، اسٹیٹس اپ ڈیٹس چیک کرنے اور صرف ایک کلک کے ساتھ آرکائیو پیغامات تک رسائی حاصل کرنے کی سہولت دیتا ہے۔

    نئے سائیڈ بار کا اسکرین شاٹ بیٹا ٹیسٹرز کو واٹس ایپ ویب کے مختلف حصوں بشمول چیٹس، اسٹیٹس، چینلز، کمیونٹیز، آرکائیو اور اسٹارڈ میسجز کے ذریعے آسانی سے نیویگیٹ کرنے کی سہولت دیتا ہے۔