Tag: واٹس ایپ

پیغام رسانی کے لیے استعمال ہونے والی دنیا کی سب سے مقبول ایپلی کیشن واٹس ایپ کی جانب سے جلد ہی نیا فیچر متعارف کروایا جائے گا جس کی مدد سے صارفین اپنی شکایات بھی کمپنی کو کرسکیں گے۔

واٹس ایپ استعمال کرنے والے صارفین کی جانب سے کسی نہ کسی مواقع پر اسٹیٹس لگائے جاتے ہیں جس کا مقصد اپنے عزیز اور دوستوں کو آگاہ کرنا ہوتا ہے مذکورہ صارفین بھی ان اسٹیٹس پر کمنٹس کرکے اپنی رائے کا اظہار کرتے ہیں۔

لیکن اب جلد ہی صارفین کو اسٹیٹس لگانے میں محتاط ہونا پڑے گا کیونکہ کمپنی کی جانب سے ایک نئے فیچر پر کام کیا جارہا ہے اگر آپ کا اسٹیٹس کسی کی دل آزاری کا سبب بنا تو وہ صارف آپ کی شکایت بھی کرسکتا ہے۔‘

واٹس ایپ کی ہر سرگرمی پر نظر رکھنے والی ویب سائٹ ویب بیٹا انفو کی رپورٹ میں بتایا گیا ہے کہ ’اگر کسی صارف نے قابل اعتراض اسٹیٹس لگایا تو اسے رپورٹ بھی کیا جاسکے گا۔‘

اسٹیٹس کی شکایت کرنے کے بعد اگر وہ مواد کمپنی کے قوانین کی خلاف ورزی کا مرتکب ہوگا تو کمپنی اس کے خلاف کارروائی عمل میں لائے گی تاکہ وہ اگلا اسٹیٹس نہ لگاسکے۔

کمپنی کی جانب سے اب تک یہ اعلان نہیں کیا گیا کہ فیچر تمام صارفین کو دستیاب ہوگا تاہم امید ہے کہ آئندہ چند روز میں صارفین اس فیچر کو جلد استعمال کرسکیں گے۔

واضح رہے کہ اس سے قبل کانٹیکٹس اور پیغامات کو رپورٹ کرنے کا فیچر صارفین کو میسر تھا۔

پیغام رسانی کے لیے استعمال ہونے والی دنیا کی سب سے مقبول ایپلی واٹس ایپ کو صارفین کی جانب سے تجارت، عزیز و اقارب سے رابطے کے لیے استعمال کیا جاتا ہے لیکن اب کچھ اسمارٹ فون صارفین کے لیے نئے سال میں یہ ایپ استعمال نہیں کرسکیں گے۔

ہر سال کی طرح امسال بھی بہت سے پرانے آپریٹنگ سسٹمز والے اینڈرائیڈ اور آئی فون صارفین پیغام رسانی کی یہ ایپلی کیشن استعمال نہیں کرسکیں گے۔

واضح رہے کہ ایپل کی جانب سے اکتوبر میں بتایا گیا تھا کہ آئی او ایس 10 اور 11 استعمال کرنے والے صارفین تک واٹس ایپ کی رسائی ممکن نہیں ہوگی جس کے بعد کمپنی نے آئی او ایس کو اپڈیٹ کرنے کا کہا تھا۔

تاہم اب 2 آئی فون سمیت 49 اسمارٹ فونز والے صارفین آج رات 12 بجے کے بعد سے واٹس ایپ استعمال نہیں کرسکیں گے۔

ان فونز میں آئی فون فائیو، آئی فون فائیو سی، ہواوے کے فونز، ایل جی کے اسمارٹ فونز، سیم سنگ گلیکسی ایس ٹو ودیگر شامل ہیں۔