Tag: واٹس ایپ

دنیا بھر میں مقبول ترین میسیجنگ ایپلی کیشن واٹس ایپ نے ایپ کلر تبدیلی کے حوالے سے یوٹرن لے لیا ہے۔

ویب بیٹا انفو کی رپورٹ کے مطابق چند ماہ قبل واٹس ایپ کی جانب سے ایک فیچر اپ ڈیٹ کرتے ہوئے واٹس ایپ نوٹیفکیشن میں تبدیلی کا اعلان کیا گیا تھا، جس میں رنگ کی تبدیلی کا فیچر بھی شامل تھا۔

یہ کہا گیا تھا کہ واٹس ایپ نوٹیفکیشن کے کچھ آپشنز مثلاً ریپلائی اور مارک ایز ریڈ، ڈارک موڈ گرین کی بجائے بلو (نیلے) میں تبدیل کر دیا جائے گا، لیکن اب کمپنی کی جانب سے لائی جانے والی تبدیلیوں کو ختم کرتے ہوئے سبز رنگ کو واپس لانے پر غور کیا جا رہا ہے۔

رنگ کی تبدیلی کے اس فیچر سے متعلق صارفین کی جانب سے کمپنی کو شکایات موصول ہونے لگیں، تو ویب بیٹا انفو کی حالیہ رپورٹ کے مطابق واٹس ایپ اب پرانے گرین رنگ کو واپس لا رہا ہے۔

گلابی رنگ کا واٹس ایپ، لیکن ہوشیار

صارفین کو شکایت تھی کہ نوٹیفکیشن کا یہ نیا بلو رنگ صحیح طور پر نظر نہیں آ رہا، جس کے باعث انھیں مشکلات کا سامنا ہے۔

واضح رہے کہ واٹس ایپ دنیا کی مقبول ترین میسیجنگ ایپلی کیشن ہے جس کے ماہانہ صارفین کی تعداد 2 ارب سے زیادہ ہے، فیس بک کی زیر ملکیت اس ایپ میں صارفین کے لیے مسلسل نت نئے فیچرز سامنے آتے رہتے ہیں، جو عام صارفین تک پہنچنے سے قبل بیٹا ٹیسٹرز کو دستیاب ہوتے ہیں۔

نیویارک: واٹس ایپ اکاؤنٹس ہیک کرنے والے ہیکرز اب نیا طریقہ ڈھونڈ لائے ہیں، سائبر سیکیورٹی ماہرین نے صارفین کو اس سلسلے میں ہوشیار کر دیا ہے۔

تفصیلات کےمطابق دنیا کی مقبول ترین میسجنگ ایپلی کیشن واٹس ایپ کے صارفین آئے روز ہیکنگ کے نئے حربے سے دوچار رہتے ہیں، اب ہیکرز لوگوں کے واٹس ایپ اکاؤنٹس ہیک کرنے کا نیا طریقہ لے آئے ہیں۔

سائبر سیکیورٹی ماہرین نے لوگوں کو خبردار کرتے ہوئے کہا ہے اس نئے طریقے میں صارفین کو ان کے کسی دوست کی طرف سے ایک میسج موصول ہوتا ہے، جس میں 6 ہندسوں پر مشتمل ایک کوڈ ہوتا ہے۔

دی مرر کی رپورٹ کے مطابق اس میسج میں وہ دوست اس صارف سے رابطہ کر کے کہتا ہے کہ ہیلو، سوری، میں نے غلطی سے 6 ہندسوں والا کوڈ آپ کو بھیج دیا ہے، برائے مہربانی یہ کوڈ آپ مجھے دے دیں، یہ بہت ’ارجنٹ‘ ہے۔

This is the problem with this world…

People tweeting me blaming my family for being naive and stupid for falling for the scam 😡

This country will never change while there is more emphasis on blaming the victim than stopping the criminal 🙈 https://t.co/tzaPt6x760

— Tommy Wathen (@tommywathen) May 22, 2021

سیکیورٹی ماہرین نے خبردار کیا ہے کہ یہ کوڈ حقیقت میں ہیکرز کی طرف سے آیا ہوتا ہے اور جس صارف کو موصول ہوتا ہے، اُس کے واٹس ایپ اکاؤنٹ کو اس کے ذریعے ہیک کیا جاتا ہے۔

ماہرین نے بتایا کہ اگر صارف اس آدمی کو کوڈ بتا دیتا ہے تو اگلے ہی لمحے اس کے واٹس ایپ کا کنٹرول ہیکرز کے ہاتھ میں چلا جاتا ہے، کوڈ اس آدمی کو دینے کے بعد صارف کے موبائل فون سے واٹس ایپ اکاؤنٹ سائن آف ہو جاتا ہے اور اکاؤنٹ کے ساتھ ساتھ اس صارف کا کلاؤڈ بھی ہیکرز کے کنٹرول میں چلا جاتا ہے۔

سائبر سیکیورٹی کے ایک ماہر ٹومی واتھن نے اپنے ٹوئٹر اکاؤنٹ پر لوگوں کو خبردار کرتے ہوئے کہا ہے کہ جس کسی کو ایسا 6 ہندسوں کے کوڈ پر مشتمل پیغام موصول ہو، اسے فوری طور پر ڈیلیٹ کر دیں اور یہ کوڈ کسی کو بھی مت بتائیں خواہ اس آدمی کو آپ ذاتی طور پر بھی جانتے ہوں۔

واٹس ایپ نے نئی متنازعہ پالیسی کے سلسلے میں نوٹیفکیشنز بھیجنے کا سلسلہ پھر شروع کر دیا ہے۔

تفصیلات کے مطابق فیس بک کی زیر ملکیت کمپنی کی جانب سے واٹس ایپ کی نئی پالیسی قبول کرنے کے نوٹیفکیشن بھیجنے کا سلسلہ پھر شروع کر دیا گیا ہے، دنیا بھر میں شدید رد عمل کے باعث پرائیویسی پالیسی کا اطلاق 15 مئی تک ملتوی کر دیا گیا تھا۔

نئی پالیسی سے متعلق یہ الرٹس اس بار ان صارفین کو بھیجے جا رہے ہیں جنھوں نے اسے قبول نہیں کیا تھا، یعنی اگر جنوری میں کسی نے نئی پالیسی سے متعلق نوٹیفکیشن کو قبول کر لیا تھا تو انھیں دوبارہ نہیں بھیجا جائے گا۔

واٹس ایپ بیٹا انفو ویب سائٹ کے مطابق کمپنی کی جانب سے صارفین کو بتایا جا رہا ہے کہ نئی پالیسی اور اصول و ضوابط کا اطلاق 15 مئی سے ہوگا۔

نوٹیفکیشن میں یہ واضح کیا گیا ہے کہ واٹس ایپ میں تمام چیٹس اینڈ ٹو اینڈ انکرپٹڈ ہوں گی، کاروباری اداروں سے چیٹ کو آسان بنایا جا رہا ہے، جس کا کچھ حصہ فیس بک سے شیئر کیا جا سکتا ہے، مگر صارف اس کا انتخاب اپنی مرضی سے کرے گا۔

عوامی تنقید نظر انداز، واٹس ایپ کا بڑا فیصلہ

واٹس ایپ نے واضح کیا ہے کہ ہم صارفین کی نجی گفتگو کو نہ پڑھ سکتے ہیں اور نہ سن سکتے ہیں، کیوں کہ یہ اینڈ ٹو اینڈ انکرپٹڈ ہے، اور اسے کبھی تبدیل نہیں کیا جائے گا۔

چوں کہ میسجز اور کالز اینڈ ٹو اینڈ انکرپٹڈ ہوتی ہیں اس لیے واٹس ایپ اور فیس بک اسے نہیں دیکھ سکتے، نہ سن سکتے ہیں، نہ ہی یہ واٹس ایپ یا فیس بیک پر شیئر ہوتی ہیں، صرف شرکا ہی انھیں دیکھ اور سن سکتے ہیں۔

رپورٹ میں یہ نہیں بتایا گیا کہ نئی پالیسی کو قبول نہ کرنے والوں کے ساتھ کیا ہوگا مگر اس حوالے سے فروری میں ایک رپورٹ میں تفصیلات سامنے آئی تھیں، اگر کمپنی کے مطالبے پر بھی صارفین کی جانب سے نئی پالیسی کو تسلیم نہیں کیا گیا تو مختصر مدت کے لیے وہ افراد کالز اور نوٹیفکیشن تو موصول کر سکیں گے مگر ایپ میں میسجز بھیج یا پڑھ نہیں سکیں گے۔

واضح رہے کہ واٹس ایپ نے رواں برس جنوری میں صارفین کو نئی پرائیویسی پالیسی سے متعلق نوٹیفکیشنز بھیجے تھے، جن میں کہا گیا تھا کہ نئی پالیسی کا نفاذ 8 فروری سے ہوگا تاہم لوگوں کے شدید رد عمل پر اس پالیسی کا اطلاق 15 مئی تک ملتوی کر دیا گیا تھا۔

مقبول میسجنگ ایپ ’واٹس ایپ‘ نے تصاویر اور ویڈیوز کو از خود ختم کرنے والا فیچر متعارف کرانے کی تیاری کر لی ہے۔

تصاویر اور ویڈیوز کے سلسلے میں پریشان ہونے والے واٹس ایپ صارفین کو یہ جان کر خوشی ہوگی کہ ان کی پریشانی دور ہونے والی ہے، واٹس ایپ پر اب Self Destructive Photos And Videos feature متعارف ہونے والا ہے۔

اس فیچر کے ذریعے صارفین کی بھیجی گئی تصاویر اور ویڈیوز خود بخود ختم ہو جائیں گی، اور انھیں اس کے لیے پریشان نہیں ہونا پڑے گا۔

تاہم اس کے لیے واٹس ایپ نے اپنے اینڈرائیڈ صارفین کے لیے ایک ایپ کا بیٹا ورژن متعارف کروایا ہے، واٹس ایپ انتظامیہ کی جانب سے واٹس ایپ کے نئے ورژن 2.21.9.3. کی اپ ڈیٹ گوگل پلے بیٹا پروگرام کے ذریعے جمع کروا دی گئی ہے۔

تصاویر اور ویڈیوز خود بخود ختم ہونے کا فیچر اسی اپ ڈیٹ کے ذریعے متعارف ہوگا۔ واٹس ایپ صارفین ’Self Destructive Message‘ کے آپشن کو اِن ایبل کر کے کسی کو بھی تصاویر، ویڈیوز بھیجیں گے تو وہ بھیجے جانے والے شخص کے دیکھنے کے بعد ’چیٹ ونڈو‘ سے فوراً خود ہی غائب ہو جائیں گی۔

گلابی رنگ کا واٹس ایپ، لیکن ہوشیار

واٹس ایپ کی ہر سرگرمی پر نظر رکھنے والی سائٹ ویب بیٹا انفو کے مطابق واٹس ایپ اس فیچر پر کام کر رہا ہے اور جلد اس فیچر کو متعارف کرا دیا جائے گا۔

اس فیچر کے ذریعے صارفین کو اپنی تصاویر اور ویڈیوز کو مزید پرائیویٹ کرنے میں مدد ملے گی کیوں کہ اس کے تحت پیغام وصول کرنے والا آپ کی تصاویر یا ویڈیوز کو غائب ہونے سے پہلے تک ہی کھول سکتا ہے۔