Tag: واٹس ایپ

سان فرانسسکو: پیغام رسانی کی سب سے بڑی موبائل ایپلیکشن واٹس ایپ کی انتظامیہ نے نیا فیچر متعارف کرنے پر سوچ بچار شروع کردی جس کے تحت صارفین اپنا اسٹیٹس براہ راست دوسرے پلیٹ فارم پر شیئر کرسکیں گے۔

تفصیلات کے مطابق واٹس ایپ کے صارفین کو ابھی یہ سہولت میسر نہیں کہ وہ اپنا اسٹیٹس کسی دوسرے سوشل میڈیا پلیٹ فارم پر شیئر کرسکیں تاہم مستقبل میں ایسا ممکن ہوجائے گا۔

ٹیکنالوجی پر نظر رکھنے والی ویب سائٹ کے مطابق واٹس ایپ نے ایسا فیچر متعارف کرنے کا فیصلہ کرلیا جس کو استعمال کرتے ہوئے صارفین اپنے اسٹیٹس براہ راست فیس بک، انسٹاگرام، گوگل ، ٹویٹر پر شیئر کرسکیں گے۔

انتظامیہ کی جانب سے فیچر آزمائشی طور پر بیٹا ورژن استعمال کرنے والے صارفین کے لیے متعارف کرایا جائے گا اور کامیابی کے بعد عام صارفین بھی اسے استعمال کرسکیں گے۔

اطلاعات کے مطابق کوئی بھی صارف جیسے ہی واٹس ایپ کو ئی اسٹیٹس لکھے گا تو اُس کے سامنے شیئرنگ کا آپشن آجائے گا، تصاویر اور ویڈیوز وغیرہ پہلے مرحلے میں شیئر نہیں کی جاسکیں گی۔

مزید پڑھیں: واٹس ایپ میں اشتہارات متعارف کرائے جائیں‌ گے، فیس بک کی تصدیق

آزمائشی مرحلے میں واٹس ایپ بیٹا ورژن استعمال کرنے والے صارفین جب اسٹیٹس رکھیں گے تو اُن کے سامنے یہ پیغام آجائے گا کہ وہ اسٹوری یا اسٹیٹس کو کسی دوسرے پلیٹ فارم پر شیئر کرنا چاہتے ہیں، صارف جن کا انتخاب کرے گا اُن پر خود بہ خود یہ شیئر ہوجائے گا۔

اس حوالے سے مزید وضاحت سامنے آئی ہے کہ یہ فیچر اینڈرائیڈ، آئی او ایس ڈیٹا بیس کے اے پی آئی ایس APIs کی مدد سے چلے گا جس کا کام صرف ڈیٹا کی منتقلی ہے۔

سان فرانسسکو: پیغام رسانی کی سب سے بڑی موبائل ایپلیکشن واٹس ایپ نے صارفین کو سائبر حملوں سے متعلق الرٹ جاری کرتے ہوئے کہا ہے کہ وہ آئی فون اور اینڈرائیڈ کے پلے اسٹور سے ورژن اپ گریڈ کرلیں۔

تفصیلات کے مطابق برطانوی اخبار نے ایک روز خبر شائع کی کہ ہیکر نے واٹس ایپ کے سسٹم تک رسائی حاصل کرلی اور وہ موبائل فونز کی نگرانی کے لیے استعمال ہونے والے سافٹ ویئر کو استعمال کرتے ہوئے واٹس ایپ صارفین کو ہدف بنا رہے ہیں۔

واٹس ایپ کے صارفین کو ہیکرز وائس کال کر کے ہدف بنارہے ہیں، برطانوی اخبار کی رپورٹ کے مطابق جس صارف کو کال کی جاتی ہے اگر وہ اسے ریسیو بھی نہ کرے تو اُس کا کال ڈیٹا سمیت دیگر ڈیٹا ریکارڈ غایب ہورہا ہے۔

مزید پڑھیں: اب واٹس ایپ استعمال کرنے کی فیس دینی ہوگی، کمپنی کی تصدیق

واٹس ایپ کے ترجمان نے سائبر حملوں اور صارفین کا ڈیٹا ہیک ہونے کی تصدیق کرتے ہوئے کہا کہ یہ بات ہمارے لیے حوصلہ افزا ہے کہ صارفین نے مسئلے کو بروقت اجاگر کیا جس کی روشنی میں ہم نے اقدامات کیے۔

انہوں نے ہدایت کی کہ تمام صارفین اپنے واٹس ایپ کو آئی او ایس اور پلے اسٹور سے اپ ڈیٹ کریں ساتھ ہی وہ اگر ان حملوں سے محفوظ رہنا چاہتے ہیں تو آپریٹنگ سسٹم بھی اپ ڈیٹ رکھیں۔

واٹس ایپ ترجمان کے مطابق ہیکرز نے پلے اسٹورز پر جعلی ورژن بھی چھوڑے ہیں لہذا صارفین انہیں کسی بھی صورت استعمال نہ کریں اور آفیشل آئی ڈی سے ہی شیئر کردہ اپ ڈیٹ حاصل کریں، تازہ حملوں میں اینڈرائیڈ صارفین کی بڑی تعداد متاثر ہوئی۔

سان فرانسسکو: پیغام رسانی کی سب سے بڑی موبائل ایپلیکیشن واٹس ایپ نے استعمال کی فیس نافذ کرنے کا باقاعدہ اعلان کردیا۔

فرانسیسی خبررساں ادارے کی رپورٹ کے مطابق واٹس ایپ نے 8 مئی بدھ کے روز اعلان کیا کہ لندن میں اپیلیکشن استعمال کرنے والے صارفین کو اب سروس استعمال کرنے کے لیے رقم ادا کرنا ہوگی۔ رقم کی ادائیگی فیس بک سسٹم کے تحت ہوگی جس کی آزمائشی سروس برطانیہ میں ہوگی اور کامیابی کے بعد اسے دنیا بھر میں متعارف کرایا جائے گا۔

انتظامیہ کی جانب سے یہ اعلان بریگزیٹ ڈیل کے حوالے سے کیا تاہم ابھی یہ واضح نہیں کیا گیا کہ صارفین کو  فیس ماہانہ ادا کرنا ہوگی یا وہ سال میں ایک بار رقم ادا کریں گے۔

مزید پڑھیں: فیس بک، واٹس ایپ اور انسٹا گرام میں بڑی تبدیلیاں

واٹس ایپ نے لندن میں جاری بریگزیٹ ڈیل کے حوالے سے 100 کے قریب انجینئرز کو ڈبلن کے سافٹ ویئر ہاؤس میں ملازمت فراہم کرنے کا بھی اعلان کیا۔ واٹس ایپ کے آپریٹنگ چیف آفیسر ماٹ آئیڈیما کا کہنا تھا کہ ’ ہم صارفین کو بہترین سہولیات فراہم کرنے کے لیے ماہرین کی خدمات لے رہے ہیں جنہیں کمپنی تنخواہ نہیں دے گی بلکہ لندن کے صارفین سے حاصل ہونے والی رقم سے ہی اُن کو تنخواہیں دی جائیں گی‘‘۔

انہوں نے یہ بھی بتایا کہ لندن اور ڈبلن میں صارفین گزشتہ دو دھائیوں سے واٹس ایپ استعمال کررہے ہیں۔ اُن کا کہنا تھا کہ فیس بک جلد ہی واٹس ایپ موبائل سے رقم ادائیگی کے لیے نئی اپیلیکیشن اور طریقہ کار  رواں سال کے آخر تک متعارف کرائے گا۔

یہ بھی پڑھیں: اسکرین شارٹ بند، فنگر پرنٹس کے بغیر رسائی ناممکن: واٹس ایپ کے دو زبردست سیکیورٹی فیچرز

یاد رہے کہ فیس بک کے مالک مارک زکر برگ نے 2014 میں واٹس ایپ کمپنی کو خریدا تھا، جس کے بعد سے صارفین کی تعداد میں بے تحاشہ اضافہ ہوا۔ صارفین کو معیاری سروس فراہم کرنے کے لیے کمپنی کی جانب سے مختلف اوقات میں نت نئے فیچرز بھی متعارف کرائے جاتے ہیں۔

سان فرانسسکو: مارک زکر برگ کی زیر ملکیت سوشل میڈیا کی سب سے بڑی ویب سائٹ فیس بک سمیت دیگر دو ایپلیکیشنز واٹس ایپ اور انسٹاگرام میں بڑی تبدیلیاں کردی گئیں۔

ٹیک کرنچ پر شائع ہونے والی رپورٹ کے مطابق مارک زکر برگ نے صارفین کی شکایات دور کرنے کے لیے تینوں سوشل میڈیا ایپس میں بڑی تبدیلیوں کی ہدایت جاری کی تھی۔

فیس بک

فیس بک نے اپنی ایپ میں آزمائش کے لیے نیا فیچر متعارف کرایا جس کے تحت اب کسی بھی گروپ پر ہونے والی دو صارفین کی بات چیت کو کوئی تیسرا نہیں دیکھ سکے گا۔ اس فیچر کو استعمال کرنے کے لیے صارف کو ’رومانس پروفائل‘ بنانے کی ضرورت ہوگی۔

انسٹاگرام

انتظامیہ نے فوٹو شیئرنگ ایپ  ’’انسٹاگرام‘‘ پر بھی آزمائشی فیچر متعارف کرایا جس کے تحت اب سوائے شیئر کرنے والے کے کوئی بھی دوسرا صارف تصویر پر آنے والے لائیکس کی تعداد نہیں دیکھ سکے گا۔

واٹس ایپ

پیغام رسانی کی سب سے بڑی موبائل ایپلیکشن کے ڈویلپرز کے لیے بھی انتظامیہ نے نیا سیکیورٹی فیچر متعارف کرایا جسے ایشیاء، یورپ میں استعمال کیا جاسکتا ہے۔ نئے سیکیورٹی فیچر کے تحت اب واٹس ایپ کوڈ کے لیے متعلقہ نمبر کی ضرورت نہیں بلکہ فیملی کے کسی بھی شخص کے نمبر پر کوڈ منگوایا جاسکے گا۔

واضح رہے کہ واٹس ایپ کی یہ سروس عام صارفین کے لیے نہیں بلکہ ڈویلپرز کے لیے ہے۔

سان فرانسسکو: پیغام رسانی کی سب سے بڑی موبائل اپیلیکشن واٹس ایپ نے سیکیورٹی کا نیا فیچر متعارف کرادیا جس کے بعد کوئی بھی دوسرا شخص، صارف کے اکاؤنٹ تک رسائی اوراُس کے پیغامات کے اسکرین شارٹ نہیں لے سکے گا۔

تفصیلات کے مطابق واٹس ایپ کی جانب سے منفرد سیکیورٹی فیچر بیٹا ورژن استعمال کرنے والے صارفین کے لیے متعارف کرایا گیا، جس کے تحت اب سیکیورٹی آپشن میں جاکر صارف کو چیک لگانا ہوگا تو اُس کی چیٹ یا بھیجی جانے والی ویڈیوز اور فیچر کا کوئی بھی اسکرین شارٹ نہیں لے سکے گا۔

کمپنی کی جانب سے بتایا گیا ہے کہ اگر کوئی دوست اسکرین شارٹ لے گا تو اُس کا نام صارف کے پاس ظاہر ہونے لگے گا، جس کے بعد وہ مرضی کے مطابق اُسے بلاک کرسکے گا۔

مزید پڑھیں: واٹس ایپ نے صارفین پر نئی پابندی عائد کردی

واٹس ایپ کا متذکرہ فیچر بیٹا ورژن کی نئی اپ ڈیٹ 2.19.106 میں متعارف کرایا گیا، ساتھ میں ایموجی اور فنگر پرنٹ لاک کا فیچر کو بھی اس اپ ڈیٹ کا حصہ بنایا گیا ہے۔

واٹس ایپ کا فنگر پرنٹ فیچر دراصل بائیومیٹرک کی طرح ہے یعنی صارف کو اپنی انگلی کے پرنٹ محفوظ کرانے ہوں گے جس کے بعد چیٹ تک کوئی بھی رسائی حاصل نہیں کرسکے گا۔

اس فیچر کو اینڈرائیڈ فون میں موجود فنگر پرنٹ والے سیٹ میں ہی استعمال کیا جاسکے گا اسی طرح آئی فون کی بھی اُن ہی ڈیوائسز میں یہ سہولت دستیاب ہوگی جن میں کمپنی کی جانب سے سیکیورٹی کی سہولت فراہم کی گئی ہوگی۔

یہ بھی پڑھیں: واٹس ایپ تک رسائی کے لیے ’فنگر پرنٹ‘ لازمی، فیچر کی آزمائش کا آغاز

بیٹا ورژن استعمال کرنے والے صارفین اسکرین شارٹ اور فنگر پرنٹ فیچر کو استعمال کرنا چاہتے ہیں تو وہ واٹس ایپ سیٹنگز میں جاکر اکاؤنٹ کے مینیو پر جائیں پھر پرائیوسی میں جاکر اسے کھول دیں۔ انتظامیہ کی جانب سے متنبہ کیا گیا ہے کہ اگر چار سے زائد بار غلط فنگر پرنٹ استعمال کیا گیا تو واٹس ایپ کچھ دیر کے لیے بند ہوجائے گا۔