ARYNews.tv | Urdu – Har Lamha Bakhabar

Tag: واٹس ایپ

  • واٹس ایپ پر پولیس رویے کے خلاف شکایات، 28 مقدمات درج

    واٹس ایپ پر پولیس رویے کے خلاف شکایات، 28 مقدمات درج

    کراچی: واٹس ایپ پر پولیس رویے کے خلاف شکایات کی شنوائی سے 28 مقدمات درج کرلیے گئے، 15 اہلکاروں کو اظہار وجوہ کے نوٹس جاری جبکہ 6 اہلکاروں کو کوارٹر گارڈ کی سزا دی گئی۔

    تفصیلات کے مطابق سماجی رابطے کی ایپ واٹس ایپ پر پولیس رویے کے خلاف شکایات پر ایکشن لے لیا گیا۔ واٹس ایپ پر پولیس کے خلاف شکایات کی شنوائی سے 28 مقدمات درج کرلیے گئے۔

    ترجمان پولیس کا کہنا ہے کہ عوامی شکایت پر 4 پولیس اہلکار معطل اور 2 کا تبادلہ کردیا گیا ہے۔ واٹس ایپ پر موصول ہونے والی 22 شکایات جھوٹی نکلیں جن پر تحقیقات جاری ہیں۔

    مزید شکایات پر 15 اہلکاروں کو اظہار وجوہ کے نوٹس جاری کیے گئے جبکہ 6 اہلکاروں کو کوارٹر گارڈ کی سزا دی گئی۔

    ترجمان کا کہنا ہے کہ واٹس ایپ نمبر پر 1 ہزار 22 پیغامات موصول جن میں سے 576 میں پولیس چیف کی تعریفیں کی گئیں۔ 138 پیغامات میں تجاویز اور 119 شکایات جرائم سے متعلق کی گئیں۔

    واٹس ایپ پر پولیس کے خلاف 175 اور سول نیچرو کورٹس سے متعلق 14 شکایات کی گئیں۔ جرائم سے متعلق شکایات پر 20 مقدمات کا اندراج کیا گیا جبکہ 11 شکایات رضا مندی سے حل کرلی گئیں۔

    خیال رہے کہ شہریوں کی شکایات کے ازالے کے لیے واٹس ایپ سروس 13 اگست کو شروع کی گئی تھی۔

  • واٹس ایپ صارفین کے لیے خوشخبری

    واٹس ایپ صارفین کے لیے خوشخبری

    کیلی فورنیا: پیغام رسانی کی سب سے بڑی موبائل ایپلیکشن واٹس ایپ نے صارفین کی خواہش کو مدنظر رکھتے ہوئے ’ڈارک موڈ‘ کے نام سے نیا فیچر متعارف کرنے کا فیصلہ کرلیا۔

    تفصیلات کے مطابق موبائل فون کی معروف مسیجنگ ایپلیکشن واٹس ایپ کے دنیا بھر میں کروڑوں صارفین موجود ہیں جن کو سہولیات اور آسانیاں فراہم کرنے کے لیے کمپنی مختلف اوقات میں نت نئے فیچرز متعارف کرواتی ہے۔

    واٹس ایپ پر نظر رکھنے والے ادارے نے صارفین کو خوشخبری دی ہے کہ انتظامیہ کی جانب سے جلد ’ڈارک موڈ‘ فیچر متعارف کرایا جائے گا جس کے بعد صارفین موبائل اسکرین کی ہلکی روشنی میں بھی چیٹ کرسکیں گے۔

    ‘ویب بیٹا انفو’ کی جانب سے جاری کردہ ٹویٹ میں بتایا گیا کہ واٹس ایپ ’ڈارک موڈ‘ فیچر سمیت بہت سی خفیہ اپ ڈیٹس پر کام کررہا ہے جس کے لیے صارفین کو انتظار کرنا پڑے گا۔

    مزید پڑھیں: واٹس ایپ کا وہ فیچر آگیا جس کا صارفین کو انتظار تھا

    ٹویٹ میں یہ بھی بتایا گیا ہے کہ تمام آئی او ایس اور اینڈرائیڈ ورژن پر ڈارک موڈ فیچر کی سہولت فراہم کردی جائے گی۔ اس فیچر کے بعد واٹس ایپ استعمال کرنے والے صارفین کی آنکھوں پر زور کم پڑے گا اور اُسے اپنے پیغامات منفرد رنگ میں نظر آئیں گے۔

    اس فیچر کو کب متعارف کرایا جائے گا اس حوالے سے مزید تفصیلات سامنے نہیں آسکیں۔

    واضح رہے کہ واٹس ایپ انتظامیہ صارفین کی توجہ حاصل کرنے کے لیے مختلف اوقات میں جدید فیچرز متعارف کرواتی ہے تاکہ سماجی رابطے کی دنیا میں اس کا شمار صف اول میں ہی ہو۔ قبل ازیں واٹس ایپ نے رواں ماہ فروری میں گروپ آڈیو کالنگ کا فیچر متعارف کرایا تھا جسے صارفین نے بے حد پسند کیا تھا۔

    یہ بھی پڑھیں: فیس بک اور واٹس ایپ کے استعمال پر ٹیکس عائد

    فیس بک کے بانی اور واٹس ایپ کے مالک مارک زکر برگ نے دو ماہ قبل سال 2017 کی سالانہ رپورٹ جاری کی تھی جس کے مطابق دنیا بھر میں واٹس ایپ استعمال کرنے والے لوگوں کی تعداد ڈیڑھ ارب سے تجاوز کرگئی اور صارفین یومیہ 60 ارب سے زائد ایک دوسرے کو میسجز کرتے ہیں۔

  • واٹس ایپ کا سسٹم سے تمام ڈیٹا ختم کرنے کا اعلان

    واٹس ایپ کا سسٹم سے تمام ڈیٹا ختم کرنے کا اعلان

    کیلی فورنیا: پیغام رسانی کی سب سے بڑی موبائل ایپلیکشن واٹس ایپ اور گوگل نے مشترکہ حکمتِ عملی طے کرتے ہوئے اعلان کیا ہے کہ صارفین اپنا پرانا ڈیٹا جلد از جلد جی میل پر محفوظ کرلیں بصورت دیگر یہ ختم ہوجائے گا۔

    تفصیلات کے مطابق انٹرنیٹ کی سب سے بڑی ویب سائٹ گوگل اور واٹس ایپ کی اتنظامیہ کے مابین صارفین کا ڈیٹا محفوظ بنانے سے متعلق معاہدہ طے پایا ہے مگر ساتھ ہی پیغام رسانی کی ایپ چلانے والی انتظامیہ نے خطرے کی گھنٹی بھی بجا دی۔

    دونوں کمپنیوں کے مابین جو معاہدہ طے پایا اُس میں سے ایک صارفین کے لیے یقیناً اچھا اور دوسرا فی الوقت برا ثابت ہوسکتا ہے۔

    واٹس ایپ اور گوگل کے مابین ہونے والے پہلا معاہدہ یہ ہے کہ اب پیغام رسانی کی ایلیکشن استعمال کرنے والے صارفین 15 جی بی تک کا ڈیٹا گوگل اکاؤنٹ پر محفوظ کرسکیں گے۔

    مزید پڑھیں: واٹس ایپ کا مخصوص صارفین سے پیسے لینے کا فیصلہ

    .دوسرے معاہدے میں صارفین کے لیے بری خبر یہ ہے کہ دونوں کمپنیاں اس بات پر راضی ہوگئیں کہ واٹس ایپ انتظامیہ 12 نومبر 2017 سے قبل کیے بھیجے جانے والے صارفین کے تمام پیغامات، تصاویر اور ویڈیوز کو ڈیلیٹ کردے گا۔

    واٹس ایپ انتظامیہ نے اعلان کیا ہے کہ جن صارفین کا قیمتی ڈیٹا ایپ پر محفوظ ہے وہ جلد از جلد  اسے گوگل ڈرائیو اور  موبائل ڈیوائس پر منتقل کرلیں کیونکہ چند روز میں تمام چیزیں سرور سے اڑا دی جائیں گی۔

    ڈیٹا محفوظ بنانے کا طریقہ کار 

    واٹس ایپ اینڈرائیڈ یا آئی او ایس استعمال کرنے والے صارفین سب سے پہلے اپنے موبائل میں گوگل (جی میل) کا اکاؤنٹ ڈالیں اور پھر سیٹنگ میں جاکر چیٹ بیک اپ کے آپشن پر کلک کریں اس طرح اُن کا تمام مواد گوگل ڈرائیو پر محفوظ ہوجائے گا۔

  • واٹس ایپ کا مخصوص صارفین سے پیسے لینے کا فیصلہ

    واٹس ایپ کا مخصوص صارفین سے پیسے لینے کا فیصلہ

    کیلی فورنیا: پیغام رسانی کی سب سے بڑی موبائل اپیلیکشن واٹس ایپ نے مخصوص صارفین سے سروس استعمال کرنے کے عوض پیسے وصول کرنے کا فیصلہ کرلیا۔

    تفصیلات کے مطابق موبائل فون کی معروف مسیجنگ ایپلیکشن واٹس ایپ کے دنیا بھر میں کروڑوں صارفین موجود ہیں جن کو سہولیات اور آسانیاں فراہم کرنے کے لیے کمپنی مختلف اوقات میں نت نئے فیچرز متعارف کرواتی ہے۔

    واٹس ایپ نے مخصوص صارفین سے پیسے وصول کرنے کا فیصلہ کاروباری حضرات سے کیا یعنی جو لوگ اس ایلیکشن کے بزنس ورژن کو خرید و فروخت کے لیے استعمال کریں گے تو انہیں فیس ادا کرنی ہوگی۔

    ٹیکنالوجی پر نظر رکھنے والے ماہرین کے مطابق وہ کمپنیاں جو واٹس ایپ کے ذریعے مختلف چیزوں کے آرڈر، پاسز فروخت کرتی ہیں انہیں مذکورہ اشیاء یا کی خریداری سے پہلے0.5 سے لے کر 0.9 سینٹ گارنٹی رقم ادا کرنا ہوگی۔ (سیکیورٹی ڈیپازٹ کے عوض لی جانے والی ایڈوانس رقم کا تعین مذکورہ آرڈر کی اصل قیمت کو مدنظر رکھتے ہوئے کیا جائے گا)۔

    مزید پڑھیں: واٹس ایپ سے رقم کی ادائیگی ممکن، کمپنی کا نیا فیچر

    واٹس ایپ کے ترجمان کا کہنا تھا کہ کمپنی کی جانب سے عام صارفین کی کاروباری مدد کرنے کے لیے بھی درخواست دینے کا سسٹم متعارف کروایا جائے گا، جس کے تحت مذکورہ شخص کو گاہگوں تک رسائی حاصل ہوگی۔

    کمپنی نے اس بات کی تصدیق کی ہے کہ صارفین سے ایڈوانس سیکیورٹی کی رقم اس لیے حاصل کی جائے گی تاکہ کوئی بھی صارف دھوکا نہ دے سکے، صارف کو پیغام ہونے والا پیغام تصدیق شدہ ہوگا۔

    یہ بھی پڑھیں: اب واٹس ایپ پر کاروبار کرنا ممکن

    واٹس ایپ نے یہ بھی وضاحت کی ہے کہ گاہگ کے پیغام کی رقم آرڈر کے بعد تاجر کو ادا کرنا ہوگی علاوہ ازیں کمپنی صارفین کو یہ بھی اختیار دے گی کہ کسی بھی نمبر سے آنے والے کاروباری پیغامات کو بلاک کرسکیں گے۔

    اس فیچرڈ کو کب متعارف کرایا جائے گا یا پھر آرڈر کے عوض رقم کی کٹوتی کب سے شروع ہوگی، کمپنی کی جانب سے فی الحال اس ضمن میں کسی حتمی تاریخ کا اعلان نہیں کیا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • واٹس ایپ گروپ میں فضول چیٹ کرنے والوں سے نمٹنے کا فیچر

    واٹس ایپ گروپ میں فضول چیٹ کرنے والوں سے نمٹنے کا فیچر

    کیلی فورنیا: پیغام رسانی کی سب سے بڑی موبائل ایپلیکشن واٹس ایپ نے نیا فیچر متعارف کرادیا جس کے تحت اب گروپ ایڈمن فضول گفتگو کرنے والے صارفین کو بلاک کردے گا اور پھر وہ نمبر کچھ بھی نہیں کرسکے گا۔

    واٹس ایپ پر نظر رکھنے والی ٹیکنالوجی ویب سائٹ کے مطابق کمپنی نے نیا فیچر شامل کرلیا جس کے تحت گروپ کا ایڈمن کسی بھی نمبر کو بلاک کرسکتا ہے۔

    واٹس ایپ میں یہ تبدیلی اس لیے بھی اہم سمجھی جارہی ہے کہ جس نمبر کو بلاک کیا جائے گا وہ گروپ میں تو رہے گا البتہ اُس کے پاس میسج کرنے یا کوئی چیز بھیجنے کا آپشن بند ہوجائے گا اور وہ بس دیگر لوگوں کی چیٹ کو پڑ سکے گا۔

    کمپنی کی جانب سے اینڈرائیڈ اور آئی او ایس ورژن دونوں میں یہ نئی اپ ڈیٹ پیش کردی گئی، منتظمین کا کہنا ہے کہ ایپلیکشن کو اپ ڈیٹ کر کے اس سہولت کو استعمال کیا جاسکتا ہے۔

    مزید پڑھیں: واٹس ایپ نے پرانے آپریٹنگ سسٹم پر سروس بند کرنے کا اعلان کردیا

    واٹس ایپ کو اپ ڈیٹ کرنے کے بعد اگر آپ کسی گروپ کے ایڈمن ہیں تو سامنے کچھ نئی چیزیں نظر آئیں گی، جیسے کہ آپ کسی بھی صارف کو بلاک اور اپنے اختیارات کسی دوسرے نمبر کو بھی منتقل کرسکتے ہیں۔

    موبائل ایپ کو اپ ڈیٹ کرنے کے بعد صارف کے پاس آپشن نظر آئے گا کہ آپ اپنی سینٹنگز تبدیل کرسکتے ہیں اور یہ کرنے کا اختیار صرف ایڈمن کے پاس ہی ہوگا، جو بھی تبدیلیاں کی جائیں گی وہ دیگر دوستوں سے خفیہ رہیں گی۔

    بلاک کیے جانے والے نمبر ایڈمن کو بھی پرائیوٹ پیغام نہیں بھیج سکیں گے اور نہ ہی وہ کسی گروپ کی کسی گفتگو کا حصہ بن سکیں گے۔

    یہ بھی پڑھیں: واٹس ایپ کا گروپ ویڈیو کالنگ فیچر متعارف

    واضح رہے کہ واٹس ایپ کی جانب سے گزشتہ برس دسمبر میں نئی گروپ پالیسی متعارف کرانے کا اعلان کیا گیا تھا جس کے تحت ایڈمن کو مزید بااختیار بنانا تھا تاکہ دیگر صارفین فالتو میسجز سے عاجز نہ آجائیں۔

    انتظامیہ کی جانب سے ایڈمن کو 72 گھنٹوں کے بعد یاددہانی کا پیغام بھی بھیجا جائے گا کہ اُس نے فلاں نمبر بلاک کیا ہوا ہے اگر وہ چاہیے تو دوبارہ اُسے ان بلاک کردے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • واٹس ایپ نے پرانے آپریٹنگ سسٹم پر سروس بند کرنے کا اعلان کردیا

    واٹس ایپ نے پرانے آپریٹنگ سسٹم پر سروس بند کرنے کا اعلان کردیا

    کیلی فورنیا: پیغام رسانی کی سب سے بڑی موبائل ایپلیکشن واٹس ایپ نے پرانے آپریٹنگ سسٹم پر اپنی سروس نہ دینے کی حتمی تاریخ کا اعلان کردیا۔

    غیر ملکی خبررساں ادارے کے مطابق واٹس ایپ انتظامیہ نے اعلان کیا ہے کہ یکم فروری 2020 سے اینڈرائیڈ کے پرانے ورژن پر اُن کی ایپلیکشن دستیاب نہیں ہو گی اس کے علاوہ آئی فون آئی او ایس اور ونڈوز فون کے پرانے ورژنز پر بھی واٹس ایپ نہیں چلایا جاسکے گا۔

    انتظامیہ کے مطابق نوکیا ایس 40 اور آئی فون پر چلنے والے آئی او ایس 7 یا اس سے پرانے سسٹم والی ڈیوائسز جبکہ اینڈرائیڈ کے 2.3.7 پر واٹس ایپ نہیں چلایا جاسکے گا۔

    رپورٹ کے مطابق دنیا بھر میں واٹس ایپ مقبول ترین ایپلیکشن ہے جس کے صارفین کی تعداد تقریباً 50 کروڑ کے لگ بھگ ہے اور دن بہ دن اس کو استعمال کرنے والے لوگوں میں اضافہ ہورہا ہے۔

    مزید پڑھیں: واٹس ایپ نے اہم سنگِ میل عبور کرلیا

    دوسری طرف گوگل کی جانب سے جاری کردہ اعداد و شمار کے مطابق دنیا بھر میں 60 لاکھ سے زائد صارفین پرانے آپریٹنگ سسٹم والے موبائل، ٹیبلیٹ یا دیگر ڈیوائسز پر ایپ استعمال کرتے ہیں۔

    واضح رہے کہ گزشتہ برس دسمبر میں انتظامیہ نے اعلان کیا تھا کہ آئندہ سال سے بلیک بیری، ونڈوز 8 اور نوکیا ایس 40 سمیت کئی فونز پر واٹس ایپ نہیں چل سکے گا۔

    واٹس ایپ انتظامیہ کا کہنا تھا کہ مذکورہ موبائل سیٹس کے ساتھ کئی فیچرز میں جاری کام بند کردیا جائے گا جس کے باعث 2018 سے واٹس ایپ ان موبائل فونز پر دستیاب نہیں ہوگا۔

    خیال رہے واٹس ایپ کو 138 ممالک میں ایک بلین سے زیادہ لوگ استعمال کر رہے ہیں اور اسے سماجی رابطے کی صف اول کی موبائل ایپلیکیشن سمجھا جاتا ہے۔

    یہ بھی پڑھیں: آئندہ سال کئی موبائل فون سیٹس واٹس ایپ سے محروم ہوجائیں گے

    واٹس ایپ کے ذریعے نہ صرف تحریری پیغامات بلکہ آڈیو اور ویڈیو کالز سہولت بھی ہے جس کے ذریعے تصاویر، آڈیو اور ویڈیو کے ساتھ ساتھ مختلف فائلز بھی بھیج جا سکتی ہے۔

    یاد رہے کہ واٹس ایپ کے مالک مارک زکر برگ نے سال 2017 کی رپورٹ جاری کی جس کے مطابق دنیا بھر میں ایپلیکشن استعمال کرنے والے صارفین کی تعداد ڈیڑھ ارب سے تجاوز کرچکی اور یومیہ 60 ارب سے زائد صارفین ایک دوسرے کو میسجز کرتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • واٹس ایپ کا گروپ ویڈیو کالنگ فیچر متعارف

    واٹس ایپ کا گروپ ویڈیو کالنگ فیچر متعارف

    کیلی فورنیا: پیغام رسانی کی سب سے بڑی موبائل ایپ واٹس ایپ نے صارفین کے لیےگروپ کی صورت میں ویڈیو چیٹ کرنے کا فیچر آزمائشی طور پر متعارف کرادیا۔

    تفصیلات کے مطابق موبائل فون کی معروف مسیجنگ ایپلیکشن واٹس ایپ کے دنیا بھر میں کروڑوں صارفین موجود ہیں جن کو سہولیات اور آسانیاں فراہم کرنے کے لیے کمپنی مختلف اوقات میں نت نئے فیچرز متعارف کرواتی ہے۔

    ویب بیٹا انفو کی رپورٹ کے مطابق واٹس ایپ نے اینڈرائیڈ بیٹا ورژن،  آئی او ایس اور ونڈو فون رکھنے والے صارفین کے لیے گروپ ویڈیو کالنگ کا آزمائشی فیچر متعارف کرایا جس کے تحت اب کم سے کم دو اور زیادہ سے زیادہ4 صارفین بیک وقت ویڈیو یا آڈیو کال پر آسانی کے ساتھ بات کرسکیں گے۔

    رپورٹ کے مطابق انتظامیہ کی جانب سے واٹس ایپ کے دو آزمائشی فیچر متعارف کرائے جن سے بیٹا ورژن استعمال کرنے والے صارفین فی الحال استفادہ  کرسکیں گے۔

    طریقہ کار 

    واٹس ایپ صارف اپنے کسی بھی دوست کو کال ملائے گا جس کے بعد اُسے اوپر دائیں طرف مزید لوگوں کو شامل کرنے کا آپشن دکھائے دے گا، اس پر کلک کر کے وہ اپنی مرضی کے شخص کو ویڈیو یا آڈیو کالنگ میں مدعو کرسکتا ہے۔ کال ملنے کے بعد صارف کے موبائل پر علیحدہ علیحدہ نمبرز نظر آئیں گے۔

    کمپنی کی جانب سے یہ فیچر آزمائشی طور پر متعارف کرواگیا جو فی الوقت اینڈرائیڈ، آئی او ایس اور ونڈو بیٹا ورژن استعمال کرنے والے صارفین کے لیے ہے، سروس کی کامیابی کے بعد اسے جلد عام صارفین کے لیے بھی پیش کردیا جائے گا۔

    مزید پڑھیں: واٹس ایپ: فارورڈ میسج کی نشاندہی کرنے والا فیچر متعارف

    واضح رہے کہ  واٹس ایپ انتظامیہ صارفین کی توجہ حاصل کرنے کے لیے مختلف اوقات میں جدید فیچرز متعارف کرواتی ہے تاکہ سماجی رابطے کی دنیا میں اس کا شمار صف اول میں ہی ہو۔ قبل ازیں واٹس ایپ نے رواں ماہ فروری میں گروپ آڈیو کالنگ کا فیچر متعارف کرایا تھا جسے صارفین نے بے حد پسند کیا تھا۔

    فیس بک کے بانی اور واٹس ایپ کے مالک مارک زکر برگ نے گزشتہ دنوں سال 2017 کی رپورٹ جاری کی تھی جس کے مطابق دنیا بھر میں واٹس ایپ استعمال کرنے والے لوگوں کی تعداد ڈیڑھ ارب سے تجاوز کرگئی اور صارفین یومیہ 60 ارب سے زائد ایک دوسرے کو میسجز کرتے ہیں۔

    یہ بھی پڑھیں: فیس بک اور واٹس ایپ کے استعمال پر ٹیکس عائد

    یاد رہے کہ واٹس ایپ نے دو سال قبل اسکائپ کی طرز پر آڈیو کالنگ کا فیچر متعارف کروایا تھا جس میں ایک سال کے اندر اتنی جدت آئی کہ گزشتہ برس واٹس ایپ کا ایک دوست کے ساتھ ویڈیو کالنگ کا فیچر بھی سامنے آگیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • واٹس ایپ: فارورڈ میسج کی نشاندہی کرنے والا فیچر متعارف

    واٹس ایپ: فارورڈ میسج کی نشاندہی کرنے والا فیچر متعارف

    کیلی فورنیا: پیغام رسانی کی سب سے بڑی موبائل ایپلیکشن اٹس ایپ نے  ایسا فیچر متعارف کرادیا جو دوبارہ بھیجے جانے والے میسجز کی نشاندہی کرے گا۔

    واٹس ایپ انتظامیہ کی جانب سےصارفین کو متاثر کرنے کے لیے آئے روز نت نئے فیچرز متعارف کروائے جاتے ہیں جس کا مقصد بہتر سروس مہیا کرنا ہے۔

    انتظامیہ نے رواں سال کے آغاز کے بعد ویسے تو ایپلی کیشن میں بہت سی اہم تبدیلیاں کیں جن کا سلسلہ تاحال جاری ہے اور کمپنی کا دعویٰ ہے کہ مستقبل میں بھی نئے فیچرزمتعارف کرائے جائیں گے۔

    واٹس ایپ نے صارفین کی دیرینہ خواہش کو مدنظر رکھتے ہوئے گزشتہ دنوں ایسا فیچر متعارف کرایا جس کے بعد اب بھیجے جانے والے پیغامات کو آسانی کے ساتھ جانچا جاسکے گا۔

    پیغام رسانی کی سب سے بڑی موبائل اپیلیکشن کی جانب سے متعارف کرائے گئے فیچر کے تحت اب اگر صارف اپنے دوست کو کوئی فاروڈ میسج بھیجے گا تو اُس کے اوپر باقاعدہ Forwarded لکھا نظر آئے گا۔

    کمپنی کی جانب سے اس فیچر کو متعارف کرانے کا مقصد محض یہ ہے کہ بہت سارے صارفین خبروں یا دیگر چیزوں کا سہرا خود سے لینا چاہتے ہیں اور وہ دیگر دوستوں کے میسجز آگے نمبروں پر بھیج دیتے تھے۔

    صارفین اب آسانی کے ساتھ دیکھ سکیں گے کہ انہیں بھیجا گیا میسج فارورڈ ہے یا نہیں کیونکہ اگر کوئی صارف میسج ٹائپ کرے گا تو اس کے ساتھ کچھ لکھا نہیں آئے گا جس سے گماں ہوگا کہ یہ نیا پیغام ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیس بک اور واٹس ایپ کے استعمال پر ٹیکس عائد

    فیس بک اور واٹس ایپ کے استعمال پر ٹیکس عائد

    کم پالا: افریقی ملک یوگنڈا کی حکومت نے فیس بک اور واٹس ایپ کے بے جا استعمال سے شہریوں کو روکنے کے لیے نیا ٹیکس عائد کرنے کا اعلان کردیا۔

    غیرملکی خبررساں ادارے کے مطابق یوگنڈا کی حکومت نے پیغام رسانی کی موبائل ایپلیکشن اور سماجی رابطے کی ویب سائٹ پر گھنٹوں وقت برباد کرنے والے صارفین کے لیے ’گپ شپ ٹیکس‘ عائد کرنے کا اعلان کردیا۔

    حکومت کی جانب سے جاری کردہ اعلامیہ کے مطابق شہریوں کے وقت کو بچانے اور بلاوجہ سوشل میڈیا کے استعمال سے باز رہنے کے لیے وائبر، ٹویٹر پر بھی ٹیکس عائد کرنے کا فیصلہ کیا جس کا اطلاق یکم جولائی سے ہوگا۔

    مزید پڑھیں: فیس بک نے ٹرینڈنگ فیچر ختم کرنے کا اعلان کردیا

    یہ بھی پڑھیں: فیس بک پوسٹ کو واٹس ایپ پر بھیجنا ممکن ہوگا

    یوگنڈا کے صدر یوواری موسوینی کا کہنا تھا کہ ’سوشل میڈیا لوگوں کے دماغوں میں فضول خیالات پیدا کررہا ہے جس کی وجہ سے وہ دن بہ دن سست اور اپنا قیمتی وقت ضائع کررہے ہیں، حکومتی ٹیکس سے نہ صرف شہریوں بلکہ قومی خزانے کو بھی بہت فائدہ ہوگا‘۔

    اطلاعات سامنے آئی ہیں کہ پارلیمنٹ کی جانب سے جمعرات کے روز منظور ہونے والے قانون کے بعد فیس بک استعمال کرنے والے صارفین کو ٹیکس کی مد میں 200 ’یوگنڈا شیلنگ‘ ادا کرنے ہوں گے علاوہ ازیں واٹس ایپ، ٹوئٹر اور وائبر استعمال کرنے والے صارفین کو 5 سے 4 سینٹ جرمانہ ادا کرنا ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

  • نواز شریف کا احتساب عدالت میں مسلسل واٹس ایپ کا استعمال

    نواز شریف کا احتساب عدالت میں مسلسل واٹس ایپ کا استعمال

    اسلام آباد : سابق وزیراعظم نوازشریف جو کافی عرصے سے سوشل میڈیا سے دوری اختیار کئے ہوئے تھے بالاخر واٹس اپ کے بخارمیں مبتلا ہوگئے۔

    تفصیلات کے مطابق سابق وزیراعظم نواز شریف بھی بیٹی کے نقش قدم پر چل پڑے اور احتساب عدالت میں مسلسل سوشل میڈیا کا استعمال کرتے نظرآئے۔

    احتساب عدالت میں مریم نواز کے بیان ریکارڈ کرانے کے دوران نوازشریف واٹس ایپ کا استعمال کرتے رہے ، نوازشریف مختلف شخصیات کو واٹس اپ پر پیغامات بھجواتے رہے۔

    انہوں نے امیر مقام، حنیف عباسی سمیت دیگر کو واٹس ایپ پر مختلف پیغامات بھی پڑھوائیں۔

    عابدشیرعلی بھی طویل عرصے کے بعد احتساب عدالت پہنچے، عابد شیر علی، امیر مقام کے نشست سے اٹھتے ہی نواز شریف کیساتھ جا بیٹھےاور عابد شیرعلی کے جانے پر نوازشریف نے کیپٹن(ر)صفدر کو ساتھ بٹھالیا۔

    یاد رہے کہ آج احتساب عدالت کے باہر میڈیا سے گفتگو کرتے ہوئے کہا تھا کہ سابق وزیراعظم نواز شریف نے اسددرانی کے انکشاف پرنیشنل سیکیورٹی کمیٹی کا اجلاس بلانے کا مطالبہ کردیا اور کہا کہ حساب کتاب کاوقت آگیا، یہ حکومت جیسے مدت پوری کررہی ہے،ایسا وقت کسی پرنہ آئے۔

    خیال رہے کہ  گذشتہ سال اکتوبر میں سابق وزیراعظم نواز شریف نے کارکنان کو سماجی رابطے کی ویب سائٹ فیس بک پیج پر خوش آمدید کہا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔