Tag: واٹس ایپ

واٹس ایپ کھولے بغیر چیٹ کرنا ممکن

کیلی فورنیا: پیغام رسانی کی سب سے بڑی موبائل ایپلیکشن واٹس ایپ نیا فیچر متعارف کرادیا جس کے بعد اب صارف کو چیٹ کے لیے ایپلیکشن کھولنے کی ضرورت نہیں ہوگی۔

تفصیلات کے مطابق واٹس ایپ انتظامیہ کی جانب سےصارفین کو متاثر کرنے کے لیے آئےروز نت نئے فیچرز متعارف کروائے جاتے ہیں جس کا مقصد بہتر سروس مہیا کرنا ہے۔

انتظامیہ نے رواں سال کے آغاز کے بعد ویسے تو ایپلی کیشن میں بہت سی اہم تبدیلیاں کیں جن کا سلسلہ تاحال جاری ہے اور کمپنی کا دعویٰ ہے کہ مستقبل میں بھی نئے فیچرزمتعارف کرائے جائیں گے۔

واٹس ایپ نے گزشتہ دنوں ایسا فیچر متعارف کرایا جس کے بعد اب صارف کو چیٹ کے لیے ایپ کی ضرورت نہیں ہوگی بلکہ وہ ویب سائٹ پر جاکے کسی بھی دوست کے ساتھ باآسانی بات چیت کرسکے گا۔

مزید پڑھیں: واٹس ایپ نے اینڈرائیڈ صارفین کی بڑی پریشانی ختم کردی

ٹیکنالوجی پر نظر رکھنے والی ویب سائٹ کے مطابق واٹس ایپ کا نیا فیچر آزمائشی مراحل میں ہے جسے فی الحال صرف بیٹا ورژن استعمال کرنے والے صارفین ہی استعمال کرسکتے ہیں۔

فیچر کیسے استعمال کیا جاسکتا ہے؟

واٹس ایپ صارفین کو ایک ویب سائٹ کا لنک دیا گیا ہے، جب وہ یہ انٹرنیٹ ایکسپلور پر ڈالیں گے تو انہیں اس کے آگے (متعلقہ نمبر/https://wame) درج کرنا ہوگا۔

جیسے ہی صارف اسے انٹر کرے گا تو اُس کے سامنے واٹس ایپ کی ونڈو نظر آئے گی، اگر کسی نے غلط یا پھر کسی ایسے نمبر کا اندراج کیا جو واٹس ایپ پر موجود نہیں تو سامنے ایک پیغام نظر آئے گا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 10, 2018
واٹس ایپ نے اینڈرائیڈ صارفین کی بڑی پریشانی ختم کردی

کیلی فورنیا: پیغام رسانی کی سب سے بڑی موبائل ایپلیکشن واٹس ایپ نے بالخصوص اینڈرائیڈ صارفین کی بڑی پریشانی ختم کرتے ہوئے نیا فیچر متعارف کرادیا۔

تفصیلات کے مطابق واٹس ایپ انتظامیہ کی جانب سےصارفین کو متاثر کرنے کے لیے آئےروز نت نئے فیچرز متعارف کروائے جاتے ہیں جس کا مقصد بہتر سروس مہیا کرنا ہے۔

انتظامیہ نے رواں سال کے آغاز کے بعد ویسے تو ایپلی کیشن میں بہت سی اہم تبدیلیاں کیں مگر ایک مسئلہ ایسا تھا جو اینڈرائیڈ ورژن استعمال کرنے والے صارفین کے لیے سر کا درد بنا ہوا تھا۔

واٹس ایپ نے صارفین کی خواہش کو مدنظر رکھتے ہوئے وائس میسج بھیجنے کے حوالے سے فیچر متعارف کرایا جس کے بعد اب آواز والا آڈیو پیغام اُسی پلیٹ فارم پر محفوظ ہوگا۔

مزید پڑھیں: واٹس ایپ نے صارفین کی آسانی کے لیے نیا فیچر متعارف کروادیا

اس سے قبل یہ سسٹم تھا کہ جب صارف وائس میسج کسی دوسرے نمبر پر بھیجتا تھا تو یہ پیغام فون میں ہی محفوظ رہتا تھا اور فارمیٹ یا گمشدہ ہونے کی صورت میں وہ میسج ضائع ہوجاتا تھا۔

کمپنی کی جانب سے ابھی یہ فیچر آزمائشی طور پر بیٹا ورژن صارفین کے لیے متعارف کرایا گیا، یعنی اب صارف جب بھی وائس میسج بھیجے گا تو فون تبدیل کرنے پر اُسے پیغامات اپیلیکشن ڈاؤن لوڈ ہونے کے بعد بیک اپ کی صورت میں آسانی سے مل جائیں گے۔

واٹس ایپ کی جانب سے یہ بھی وضاحت کی گئی ہے کہ کسی دوست کو بھیجا جانے والا پیغام اگر صارف نے حذف بھی کردیا تب بھی وہ دوبارہ سے آسانی کے ساتھ مل سکے گا۔

اسے بھی پڑھیں: میسج ڈیلیٹ فیچر، واٹس ایپ نے بڑی تبدیلی کردی

موبائل ایپ کے بیٹا ورژن صارفین کے لیے فیچر کی اپ ڈیٹ گوگل پلے اسٹور پر موجود ہے جبکہ کمپنی کا یہ بھی کہنا ہے کہ آزمائشی سروس کے بعد یہ سہولت عام صارفین کو بھی مہیا کردی جائے گی۔ قبل ازیں آئی فون (آئی او ایس iOS) استعمال کرنے صارفین اس سہولت سے استفادہ حاصل کررہے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 5, 2018
واٹس ایپ کے گروپ ایڈمن کو ہٹانے کا طریقہ، نیا فیچر

کیلی فورنیا: پیغام رسانی کی سب سے بڑی موبائل ایپلیکشن واٹس ایپ نے آخرکار وہ فیچر متعارف کرادیا جس کا صارفین کو طویل عرصے سے انتظار تھا۔

تفصیلات کے مطابق واٹس ایپ نے اپنی ایپ کو اپ ڈیٹ کرتے ہوئے صارفین کی ایک اور خواہش کو پورا کردیا جس کے بعد وہ کسی بھی ایڈمن کو گروپ سے ہٹا سکتے ہیں۔ یہ فیچر پہلی بار بیٹا ورژن میں دو ماہ قبل سامنے آیا تھا تاہم اب اسے مخصوص ممالک کے عام صارفین کے لیے فراہم کردیا گیا۔

نئے فیچر کے تحت انتظامیہ کی جانب سے ہر صارف کو اختیار دیا گیا ہے کہ ایڈمن سمیت کسی بھی دوسرے صارف کے اسٹیٹس کو ختم کریں یا پھر انہیں گروپ سے باہر نکال دیں۔

واضح رہے کہ اب تک اگر کوئی شخص واٹس ایپ گروپ چیٹ سے کسی ایڈمن کو ختم کرنا چاہتا تو اسے مکمل چیٹ سے نکالنا پڑتا تھا، پھر اس صارف کو دوبارہ گروپ میں عام ممبر کی طرح شامل کیا جاتا تھا لیکن اب واٹس ایپ نے آخر کار ایڈمن اسٹیٹس کو ختم کرنے کا آپشن شامل کردیا ہے جس کے لیے صارف کو چیٹ سے نکالنے کی ضرورت نہیں پڑے گی۔ واٹس ایپ کا نیا فیچر iOS ، اینڈرائیڈ اور ویب صارفین کے لیے دستیاب ہے۔

یہ فیچر کس طرح کام کرتا ہے؟

اپنے گروپ چیٹ سے ایک ایڈمن کو ختم کرنے کے لیے اسکرین کے اوپر گفتگو کے عنوان پر انگلی ماریں۔ اس سے گروپ انفو کی اسکرین سامنے آجائے گی جہاں یوزرز گروپ فوٹو اپ ڈیٹ اور گروپ کے بارے میں وضاحت اپ ڈیٹ کرتے ہیں، اسی جگہ پر چیٹ میں تصاویر شامل کی جاتی ہیں، یہاں کنورسیشن تلاش کریں اور ستارہ لگے پیغام دیکھیں۔

گروپ انفو والی ونڈو کے نچلے حصے میں شرکا کی فہرست کو نیچے کی طرف لے جائیں اور کسی بھی یوزر کے آگے لکھے ’ایڈمن‘ کے لفظ پر انگلی ماریں۔ اگر آپ خود بھی ایڈمن ہیں تو آپ کو Dismiss As Admin کا آپشن نظر آجائے گا۔ ایڈمن کو نکالنے کے بعد وہ گروپ میں چیٹ میں بدستور رہے گی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اپریل 22, 2018
آئندہ سال کئی موبائل فون سیٹس واٹس ایپ سے محروم ہوجائیں گے

واٹس ایپ انتظامیہ نے اعلان کیا ہے کہ آئندہ سال سے کئی موبائل فون سیٹس میں واٹس ایپ کام نہیں کرے گا۔

سماجی رابطے کی مشہور موبائل فون ایپلیکیشن واٹس ایپ کی انتظامیہ نے اُن موبائل فونز کی فہرست جاری کردی ہے جن میں آئندہ برس سے واٹس ایپ دستیاب نہیں ہوگا

واٹس ایپ حکام نے بین الاقوامی میدیا سے بات کرتے ہوئے بتایا کہ ان موبائل سیٹس میں بلیک بیری 10، ونڈوز فون 8.0، اور نوکیا ایس40 سمیت دیگر کئی سیٹس پر واٹس ایپ نہیں چلے گا۔

واٹس ایپ انتظامیہ نے کہا کہ مذکورہ موبائل سیٹس کے ساتھ کئی فیچرز میں جاری کام بند کردیا جائے گا جس کے باعث 2018 سے واٹس ایپ ان موبائل فونز پر دستیاب نہیں ہوگا۔

انہوں نے مزید کہا کہ اینڈرائیڈ او ایس ورژن 2.3.7 میں 2020فروری سے واٹس ایپ دستیاب نہیں ہوگا۔

خیال رہے واٹس ایپ کو 138 ممالک میں ایک بلین سے زیادہ لوگ استعمال کر رہے ہیں اور اسے سماجی رابطے کی صف اول کی موبائل ایپلیکیشن سمجھا جاتا ہے۔

واٹس ایپ کے ذریعے نہ صرف تحریری پیغامات بلکہ آڈیو اور ویڈیو کالز سہولت بھی ہے جس کے ذریعے تصاویر، آڈیو اور ویڈیو کے ساتھ ساتھ مختلف فائلز بھی بھیج جا سکتی ہے۔

دسمبر 25, 2017
واٹس ایپ پر تضحیک آمیز پیغامات بھیجنے پر خاتون کو 3 ہزار دینار کا جرمانہ

کویت سٹی: سائبر کرائم بیورو نے دوست کی شکایت پر واٹس ایپ کے ذریعے تضحیک آمیز پیغام بھیجنے والی خاتون پر 3 ہزار دینار کا جرمانہ عائد کردیا.

تفصیلات کے مطابق کویتی عدالت نے یہ سزا خاتون کو سائبر کرائم بیورو کی جاب سے عائد کیئے گئے ایک مقدمے میں سنائی جو کہ خاتون پر اپنی دوست کو تحقیر آمیز پیغامات بھیجنے کے سبب درج کیا گیا تھا.

سائبر کرائم بیورو کا کہنا تھا کہ مذکورہ خاتون کی دوست نے شکایت درج کرائی تھی کہ واٹس ایپ پر ذلت آمیز پیغامات بھیجے گئے ہیں جس سے میری عزت نفس کو ٹھیس پہنچی ہے اور دل آزاری ہوئی ہے.

تحقیقاتی رپورٹ میں کہا گیا ہے کہ خاتون کے واٹس ایپ معائنے اور جانچ پڑتال سے ثابت ہوا کہ خاتون نے اپنی دوست کو پیغام میں لکھا کہ لکھا تم میں شرم نام کی کوئی چیز نہیں، تمہیں شرم آنی چاہیے ،لگتا ہے کہ والدین نے تمہاری تربیت ٹھیک سے نہیں کی.

خاتون اتنے بڑے جرمانے کو دیکھ کر پریشان ہو گئیں اور اپنی دوست کو منانے کی کوشش کر رہی ہے تاکہ مقدمہ واپس لیا جاسکا جب سائبر کرائم بیورو کا کہنا ہے کہ شکایت کنندہ کی جانب سے شکایت واپس لینے پر جرمانہ ختم کیا جاسکتا ہے.

یاد رہے کہ کویت سمیت خلیجی ریاستوں میں سماجی رابطے کی ویب سائٹ اور ایپلیکیشن پر کسی کو فرد کو تضحیک کا نشانہ بنانے کے خلاف سخت قوانین رائج ہیں.

دسمبر 3, 2017
واٹس ایپ سے آن لائن رقم کی ترسیل جلد ممکن ہوگی

کراچی: واٹس ایپ نے صارفین کے لیے ایک اور نیا فیچر متعارف کروانے کا فیصلہ کیا ہے جس کو استعمال کرنے والے آن لائن رقم کی ترسیل کرسکیں گے۔

تفصیلات کے مطابق سوا ارب صارفین کے لیے موبائل فون کی معروف میسجنگ موبائل ایپ واٹس جلد اپنی ایپ میں ایسا فیچر شامل کرے گا جس کے ذریعے دوستوں کو آن لائن رقم بھیجنا ممکن ہوگا۔

واٹس ایپ نے اس فیچر کی تیاری کا آغاز کردیا ہے اور یہ یو پی آئی (یونیفائیڈ پیمنٹ انٹر فیس) کے ساتھ مل کر پیش کیا جارہا ہے۔ معروف موبائل ایپ انتظامیہ سے اس مقصد کے لیے ویب سائٹ پر ملازمت کا اشتہار بھی جاری کیا ہے۔اشتہار میں کہا گیا ہے کہ یو پی آئی کی سمجھ رکھنے والے افراد ملازمت کے اہل ہیں اور وہ نوکری کے لیے درخواست جمع کرواسکتے ہیں۔

پڑھیں: ’’ آٹھویں سالگرہ پر واٹس ایپ کا صارفین کے لیے نیا فیچر ‘‘

کمپنی انتظامیہ کے مطابق یہ سروس ابتدائی مراحل میں بھارت میں متعارف کی جائے گی جس کے بعد اسے دیگر ممالک تک وسیع کیا جائے گا۔ واٹس ایپ کا اس فیچر رواں سال سامنے لایا جائے گا۔

مزید پڑھیں: ’’ واٹس ایپ اکاؤنٹ محفوظ بنانے کے لیے نیا فیچر ‘‘

واضح رہے فیس بک نے آن لائن رقم ادائیگی کا فیچر دنیا کے مختلف ممالک میں متعارف کروادیا ہے تاہم یہ ابھی تک پاکستان میں دستیاب نہیں، یہ بھی یاد رہے کہ فیس بک کے پاس واٹس ایپ کی ملکیت ہے۔

یہ بھی پڑھیں: ’’ واٹس ایپ کا لائیو لوکیشن ٹریکنگ فیچر متعارف ‘‘

ٹیکنالوجی کی دنیا میں اپنا سکہ براجمان رکھنے کے لیے واٹس ایپ کی جانب سے مختلف تجربات کیے جاتے رہے ہیں، حال ہی میں واٹس ایپ کی جانب سے اسٹیٹس فیچر ، لوکیشن سمیت دیگر فیچرز متعارف کروائے گئے۔

اپریل 6, 2017
واٹس ایپ اکاؤنٹ محفوظ بنانے کے لیے نیا فیچر

موبائل فون کی معروف ترین میسجنگ ایپ واٹس ایپ نے اپنے صارفین کو سیکیورٹی فراہم کرنے کےلیے ایپلی کیشن میں اہم فیچر کا اضافہ کیا ہے جس کے بعد واٹس ایپ محفوظ تصور کیاجارہا ہے۔

تفصیلات کے مطابق موبائل فون کی مشہور مسیجنگ ایپ واٹس ایپ نے صارفین کی شکایات اور اُن کی چیٹ محفوظ نہ ہونے کی شکایات موصول ہونے کے بعد انتظامیہ نے ’ٹو اسٹیپ ویری فیکیشن‘ کا آپشن متعارف کروادیا ہے۔

اس فیچر کے بعد نہ صرف صارف کی چیٹ محفوظ ہوگی بلکہ کوئی بھی شخص یا کمپنی اُس کے اکاؤنٹ تک رسائی حاصل نہیں کرسکے گی۔ چیٹ محفوظ بنانے کے لیے صارفین کو واٹس ایپ کے اکاؤنٹ آپشن میں جاکر اسے فعال کرنا ہوگا۔

پڑھیں: ’’ واٹس ایپ کا لائیو لوکیشن ٹریکنگ فیچر متعارف ‘‘

فیچر کو فعال کرتے ہی واٹس ایپ صارف سے چھ ہندسوں ( 6 ڈیجیٹ) کا خفیہ کوڈ اور ای میل ایڈریس مانگے گا اور یہ دونوں چیزیں داخل کرتے ہی صارف کا واٹس ایپ محفوظ ہوجائے گا۔

ٹو اسٹیپ ویری فیکیشن فیچر ایکٹیو کرنے کے بعد اگر کوئی شخص آپ کے نمبر کو استعمال کرتے ہوئے نیا اکاؤنٹ نہیں بنا سکے گا اور اگر کوئی شخص کوشش کرتا بھی ہے تو اُسے کوڈ ڈالنا ہوگا تاہم غلط کوڈ ڈالنے کی کوشش میں فوری طور پر صارف کو ای میل کے ذریعے آگاہ کیا جائے گا۔

مزید پڑھیں: ’’ واٹس ایپ کا نیا فیچر، صارفین کی خواہشات کے عین مطابق ‘‘

صارف کے موبائل میں واٹس ایپ کھولنے کی صورت میں جب تک یہ کوڈ داخل نہیں کیا جائے گا اکاؤنٹ تک رسائی حاصل نہیں کی جاسکے گی۔

انتظامیہ نے صارفین کو خبردار کیا ہے کہ وہ اپنا خفیہ کوڈ کسی کو نہ بتائیں وگرنہ اُن کے واٹس ایپ اکاؤنٹ محفوظ نہیں رہ سکے گا، تاہم اگر کوئی صارف کوڈ تبدیل کرنا چاہے تو ای میل لاگ ان کے بعد با آسانی تبدیل کیا جاسکتا ہے۔

فروری 12, 2017
واٹس ایپ کا لائیو لوکیشن ٹریکنگ فیچر متعارف

واشنگٹن: واٹس ایپ نے اپنی میسجنگ ایپ میں ایک نئے فیچر کا سامنا کیا ہے جس کے ذریعے کوئی بھی صارف اپنے دوست کا مقام معلوم کرسکتا ہے۔

تفصیلات کے مطابق اسمارٹ فون کی معروف مسیجنگ ایپ واٹس ایپ نے صارفین کے لیے ایک اور فیچر متعارف کروا دیا ہے، جس کو استعمال کرتے ہوئے اب اسمارٹ فون صارف اپنے دوست کی لوکیشن معلوم کرسکے گا۔

واٹس ایپ کی جانب سے یہ فیچر ابتدائی طور پر صرف بیٹا ورژن کے لیے متعارف کروایا گیا ہے، جسے ’’لائیو لوکیشن ٹریکنگ‘‘ کا نام دیا گیا ہے، اس فیچر کو استعمال کرنے والے صارفین دوسرے صارف کی موجودگی اور مقام کو دیکھ سکتے ہیں۔

پڑھیں: ’’جھوٹی خبر سے واٹس ایپ کے کروڑوں‌ صارفین متاثر ‘‘

واٹس ایپ کا یہ فیچر ڈیفالٹ کے طور پر غیرسرگرم ہے اور اسے ایپ کے سیٹنگ مینو میں جاکر ایکٹو کرنا پڑتا ہے، ابتدائی طور پر اس فیچر کو استعمال کرنے والے افراد فی الحال ایک سے 5 منٹ تک ہی لوکیشن لائیو دیکھ سکتے ہیں۔

مزید پڑھیں: ’’ واٹس ایپ کا نیا فیچر، صارفین کی خواہشات کے عین مطابق ‘‘

انتظامیہ کا کہنا ہے کہ فیچر کو وقت کے ساتھ ساتھ عام صارفین کے لیے بھی پیش کیا جائے گا، لائیو لوکیشن ٹریکنگ کو متعارف کروانے کا مقصد صارفین کا مطالبہ تھا۔ واٹس ایپ کے اس فیچر پر قیاس آرائیاں کی جارہی تھیں لیکن اب یہ منظرِ عام پر آگیا ہے۔ کمپنی نے اس کے بارے میں کوئی باضابطہ اعلان نہیں کیا گیا کیونکہ ابھی یہ آزمائشی مرحلے کے لیے متعارف کروایا گیا ہے۔

فروری 1, 2017
واٹس ایپ پر اسکرین شاٹ لینے والے ہوشیار

اگر آپ واٹس ایپ پر اپنے دوستوں سے بات چیت کرتے ہوئے اس کے اسکرین شاٹ لینے کے عادی ہیں، تاکہ وقت ضرورت دوستوں کو ان کی پرانی گفتگو دکھا کر یاد دلائی جاسکے، تو اب محتاط ہوجائیں کیونکہ اب اس کی خبر اس شخص کو بھی ہوجائے گی جس کی گفتگو کا آپ نے اسکرین شاٹ لیا ہے۔

واٹس ایپ کے سربراہ جین کوم نے اعلان کیا ہے کہ واٹس ایپ کے اگلے ورژن میں اس فیچر کو شامل کردیا جائے گا جس کے بعد اس شخص کو ایک نوٹی فیکیشن موصول ہوجائے گا جس کی گفتگو کا اسکرین شاٹ لیا گیا ہے۔

ان کا کہنا ہے کہ صارفین کی جانب سے اس فیچر کا ایک عرصے سے مطالبہ کیا جارہا تھا اور 5 فروری سے یہ فیچر تمام واٹس ایپ صارفین کے لیے دستیاب ہوگا۔

مزید پڑھیں: واٹس ایپ کے بہترین فیچرز

واٹس ایپ کے مطابق یہ فیچر بلیو ٹک جیسا ہوگا اور اسکرین شاٹ لینے والے شخص کو بھی علم ہوجائے گا کہ اس کے اسکرین شاٹ کا نوٹی فیکیشن بھیج دیا گیا ہے۔

اپنے آغاز کے ساتھ ہی بہت جلد مقبول ہونے والی میسجنگ ایپ واٹس ایپ کو سنہ 2009 میں بنایا گیا تھا اور سنہ 2014 میں فیس بک نے اسے خرید لیا تھا۔

جنوری 26, 2017
واٹس ایپ کا نیا فیچر، صارفین کی خواہشات کے عین مطابق

کیلی فورنیا: موبائل فون مسیجنگ کی معروف ایپلیکشن واٹس ایپ نے صارفین کی خواہش کو مدنظر رکھتے ہوئے ایک اور نیا فیچر متعارف کروادیا ہے جس کا مطالبہ صارفین کی جانب سے کئی بار سامنے آیا۔

تفصیلات کے مطابق موبائل فون کی معروف میسجنگ ایپلیکشن واٹس ایپ نے صارفین کی خواہشات کو مدنظر رکھتے ہوئے نیا فیچر متعارف کروایا ہے جس کے بعد کوئی بھی صارف بیک وقت 30 تصاویر 10 لوگوں کو بھیج سکتا ہے۔

واٹس ایپ کی جانب سے یہ فیچر فی الحال بیٹا ورژن کے لیے متعارف کروایا گیا ہے، اسی کے ساتھ انتظامیہ نے بیٹا ورژن میں جی آئی ایف سرچ کرنے کا فیچر بھی متعارف کروادیا ہے۔

پڑھیں: ’’ واٹس ایپ پر غلط میسج بھیجنے والے افراد کے لیے خصوصی فیچر ‘‘

جی آئی ایف سرچ فیچر کے بعد واٹس ایپ کے صارفین جب کسی کو پیغام بھیجیں گے تو اُن کے سامنے ایک ونڈو کھل جائے گی جس میں مختلف جی آئی ایف بنی ہوئی آئیں گی اور اُس پر کلک کرکے یہ آسانی سے بھیجی جاسکتی ہے۔

مزید پڑھیں: ’’ واٹس ایپ پر ویڈیو کال کی سہولت متعارف ‘‘

واٹس ایپ انتظامیہ کے مطابق ابھی یہ دونوں فیچرز صرف بیٹا ورژن کے لیے ہی متعارف کروایا گیا ہے تاہم جلد ہی ان فیچرز کو عام صارفین کے لیے بھی پیش کردیا جائے گا۔

جنوری 11, 2017