Tag: وحشیانہ تشدد

  • سوال کا جواب بھولنے پر خاتون استاد کا  7 سالہ طالبعلم پر لوہے کے اسکیل سے وحشیانہ تشدد

    سوال کا جواب بھولنے پر خاتون استاد کا 7 سالہ طالبعلم پر لوہے کے اسکیل سے وحشیانہ تشدد

    فیصل آباد : نجی اسکول میں سوال کا جواب بھولنے پر خاتون استاد نے سات سالہ طالبعلم پر لوہے کے اسکیل سے وحشیانہ تشدد کا نشانہ بنایا۔

    تفصیلات کے مطابق فیصل آباد کے علاقے ڈجکوٹ کے نجی اسکول میں خاتون استاد نے سات سالہ طالبعلم کو لوہے کے اسکیل سے وحشیانہ تشدد کا نشانہ بنایا۔

    پولیس نے بتایا کہ چک ناگاں کے رہائشی وقاص کا سات سالہ بیٹا رافع ڈجکوٹ کے نجی اسکول میں دوسری جماعت میں زیر تعلیم ہے۔

    پولیس کا کہنا تھا کہ بدھ کے روز ٹیسٹ کے دوران رافع ایک سوال کا جواب بھول گیا تو اس کی استاد آمنہ نے لوہے کے اسکیل سے اس کی پٹائی کر دی، تشدد سے معصوم رافع کے دائیں ہاتھ کی انگلیاں اور گردن زخمی ہوئی جبکہ اس کی کمر پر بھی تشدد کے نشانات موجود ہیں۔

    تھانہ ڈجکوٹ پولیس نے متاثرہ بچے کے والد کی درخواست پر خاتون استاد اور اسکول پرنسپل کے خلاف مقدمہ درج کر لیا۔

    مقامی انتظامیہ نے واقعے کے بعد نجی اسکول کو سیل کر دیا گیا تاہم مقدمے کے اندراج کے باوجود پولیس نامزد پرنسپل اور استاد کو گرفتار نہ کر سکی۔

  • شہری پر وحشیانہ تشدد کرنے والے پولیس اہلکار کیخلاف مقدمہ درج

    شہری پر وحشیانہ تشدد کرنے والے پولیس اہلکار کیخلاف مقدمہ درج

    کراچی: لی مارکیٹ میں شہری پر وحشیانہ تشدد کرنے والے پولیس اہلکار کیخلاف مقدمہ درج کرلیا گیا۔

    تفصیلات کے مطابق کھارادر میں شہری ندیم عباس پر تشدد کرنے والے پولیس اہلکار کیخلاف مقدمہ درج کرلیا گیا، پولیس اہلکار وسیم کے خلاف مقدمے میں اقدام قتل و دیگر دفعات شامل ہیں۔

    تشدد کا نشانہ بننے والے شہری ندیم عباس نے کہا کہ ڈی ایس پی کے ریڈر وسیم نے اپنے ساتھی آصف، عمران اور دیگر کے ہمراہ اسے مارا پیٹا گیا، جس سے جبڑا ٹوٹ گیا، جسم پر کئی فریکچر آئے۔

    گھور کر کیوں دیکھا؟ لی مارکیٹ میں شہری پر پولیس اہلکار کا بدترین تشدد

    شہری ندیم عباس نے کہا کہ ملازمین میں عیدی تقسیم کرنے جارہا تھا کہ گلی میں روکا گیا، خود کو پولیس اہلکار کہنے والے وسیم نے ساتھیوں کیساتھ ملکرمجھ پر تشدد کیا۔

    مقدمے کے متن کے مطابق نشے کی حالت میں ملزم نے اس لئے مجھ پر تشدد کیا دیکھ کر گھور کیوں رہے ہو، وسیم خود کو اعلیٰ پولیس افسر ظاہر کر رہا تھا، معذرت کے باوجود پولیس اہلکار نے پستول کے بٹ مارے۔

    ندیم عباس نے کہا کہ جب میں زمین پر گرا تو پیروں کے قریب گولیاں ماری گئیں، چوہدری وسیم اور دیگر ساتھیوں کیخلاف کارروائی کی جائے۔

  • پشاور میں ایس ایچ او نے اپنی عدالت لگالی،  مبینہ چور پر وحشیانہ تشدد

    پشاور میں ایس ایچ او نے اپنی عدالت لگالی، مبینہ چور پر وحشیانہ تشدد

    پشاور: حیات آباد میں ایس ایچ او تاتارہ کی مبینہ چور پر تشدد کی ویڈیو سوشل میڈیا پروائرل ہوگئی، ملزم نے مقامی خاتون کے گھرمبینہ ڈکیتی کی کوشش کی تھی۔

    تفصیلات کے مطابق پشاور میں ایس ایچ او نے اپنی عدالت لگالی، مبینہ چور کو گرفتار کرکے وحشیانہ تشدد کا نشانہ بنایا۔

    حیات آباد میں گھر میں ڈکیتی کے دوران اہلخانہ نے چوروں کو کمرے میں بند کر کے کنڈی لگادی، پولیس نے موقع پر پہنچ کر ملزمان کو پکڑا تو ایس ایچ او اور اہلکاروں نے ایک چور کی خوب ٹھکائی لگائی۔

    پولیس کا کہناہے ملزم پر سیکیورٹی گارڈ کے قتل کا بھی الزام ہے اور ملزم چوری سمیت ڈکیتی کی وارداتوں میں ملوث ہے۔

    حیات آباد میں ڈاکوؤں نے مقامی خاتون کے گھر مبینہ ڈکیتی کی کوشش کی تھی ، جس پر خاتون نے ڈاکوؤں کو کمرے میں بند کر کے پولیس کو اطلاع دی ، پولیس کے آتے ہی ڈاکوؤں نےایس ایچ او پر فائرکی کوشش کی۔

  • نیویارک :  پاکستانی ٹیکسی ڈرائیور پر راہ چلتے افراد کا وحشیانہ تشدد ، ویڈیو وائرل

    نیویارک : پاکستانی ٹیکسی ڈرائیور پر راہ چلتے افراد کا وحشیانہ تشدد ، ویڈیو وائرل

    نیویارک : امریکی شہر نیویارک میں پاکستانی ٹیکسی ڈرائیور پر راہ چلتے پانچ افراد نے وحشیانہ تشدد کیا تاہم پولیس نے دو افراد کو گرفتار کرنے کے بعد رہا کردیا۔

    تفصیلات کے مطابق امریکی شہر نیویارک میں دن بہ دن جرائم میں اضافہ ہورہا ہے، پاکستانی ٹیکسی ڈرائیور کو راہ چلتے افراد نے وحشیانہ تشدد کا نشانہ بنایا۔

    ساٹھ سالہ افضل بٹ ٹیکسی صاف کر رہے تھے کہ اچانک تین خواتین اور دو لڑکوں نے بلا وجہ بحث کی اور تشدد کیا، مصروف ترین شاہراہ پر سرعام غنڈہ گردی اور مار پیٹ کرنے والوں کو کسی نہیں روکا۔

    واقعے کی ویڈیو بھی وائرل ہوگئی ، ویڈیو میں دیکھا جاسکتا ہے کہ پاکستانی ڈارئیور کو بےرحمی سے پیٹا گیا جس سے ان کے سر ، آنکھ ،گردن اور سینے پر چوٹ آئی۔

    پولیس نے دو افراد کو گرفتار کرنے کے بعد جرمانہ عائد کیا اور رہا کردیا، جس پر افضل بٹ نے غصے کا اظہار کیا اور نیویارک کے مئیر کو تنقید کا نشانہ بنایا۔

  • کراچی: جلاد صفت مالکن کا کم سن ملازمہ پر وحشیانہ تشدد

    کراچی: جلاد صفت مالکن کا کم سن ملازمہ پر وحشیانہ تشدد

    کراچی: شہر قائد میں کم سن ملازمہ پر تشدد کا ایک اور لرزہ خیز واقعہ سامنے آگیا.

    تفصیلات کے مطابق کراچی کے علاقے ڈیفینس فیز فور میں گھر کی مالکن نے جلاد کا روپ دھار لیا، گھریلو ملازمہ پر سفاکانہ تشدد کیا، ملازمہ کو مار مار کر بے حال کر دیا.

    بچی پر تشدد کا سلسلہ ایک ہفتے سے جاری تھا، اہل محلے میں ملازمہ کی رحم کرنے  اور  ’امی بچاؤ ‘ کی آوازیں سنائی دیتیں، مگر گھر کی مالکن قطعی رحم نہیں کرتی.

    علاقہ مکینوں نے واقعے کی ویڈیو بنا لی، گزری پولیس کو اطلاع دی گئی، جس کے بعد بچی اور اہل خانہ کو تھانے منتقل کر دیا گیا.

    البتہ تھانے میں مبینہ طور پر لے دے کرمعاملہ دبا دیا گیا، جس کے بعد ایک بار پھر مار پیٹ شروع کر دی گئی۔

    اےآر وائی نیوز پر واقعے کی خبر آنے کے بعد بالآخر پولیس کو ایکشن لینا پڑا. ڈیفنس کمرشل ایونیو میں پولیس نے مکان پر چھاپہ مارا،مگر بنگلے کے مکینوں نےدروازہ نہیں کھولا.

    (اپ ڈیٹس جاری ہیں)

  • پسند کی شادی کرنے والی لڑکی اوردیور پرعدالت کے باہر وحشیانہ تشدد

    پسند کی شادی کرنے والی لڑکی اوردیور پرعدالت کے باہر وحشیانہ تشدد

    صادق آباد : پسند کی شادی کرنے والی لڑکی اور اسکے دیور پر عدالت کے باہر وحشیانہ تشدد کیا گیا،لڑکی کے گھر والے اسے بالوں سے گھسیٹتے ہوئے اپنے ساتھ لے گئے، پولیس نے کوئی مداخلت نہیں کی۔

    تفصیلات کے مطابق پسند کی شادی کرنا جرم بن گیا،حوا کی بیٹی کی سرعام تذلیل کردی گئی، صادق آباد میں پسند کی شادی کرنے والی لڑکی حسینہ بی بی اپنے دیور حضور بخش کے ہمراہ بیان ریکارڈ کرانےعدالت پہنچی تو وہاں پہلے سے موجود لڑکی کے رشتے داروں نے گاڑی پر حملہ کرکے اس کے شیشے توڑ دیئے۔

    حملہ آوروں نے دونوں کو ڈنڈوں اور لاٹھیوں سے مارکر لہولہان کردیا، لڑکی کو بالوں سے پکڑ کرگاڑی سے باہر گھسیٹا اوراس کے دیور کو بھی اپنے ساتھ لے گئے۔

    حسینہ نے ایک ماہ قبل ظہور نامی شخص سے پسند کی شادی کی تھی، جس پر اس کے اہل خانہ کو شدید غصہ تھا،اس تمام واقعے سے پولیس بے خبر رہی،  پولیس کو ٹی وی چینلز پر واقعے کی خبر نشرہونے پر ہوش آیا جس کے بعد  مقدمہ درج کیا گیا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • دہشت گردوں میں تشدد ابھارنے والی دوا کا انکشاف، بھارتی کھیپ پکڑی گئی

    دہشت گردوں میں تشدد ابھارنے والی دوا کا انکشاف، بھارتی کھیپ پکڑی گئی

    ہیگ: دہشت گردوں کی جانب سے لڑنے کی صلاحیت بڑھانے اور وحشیانہ تشدد و سفاکیت ابھارنے والی ادویات کے استعمال کا انکشاف ہوا ہے، نیدر لینڈ کی لیبارٹری میں ایسی ایک دوا کی کھیپ پکڑی گئی جس کے بعد پولیس دو مشکوک افراد کو تلاش کررہی ہے۔

    بی بی سی کے مطابق نیدر لینڈ(ہالینڈ) کے شہر ہیگ کی پولیس کو گزشتہ ماہ اس دوا کے متعلق علم ہوا تھا، پولیس کو شبہ ہے کہ یہ دوا ’’کیپٹاگون‘‘ شدت پسندوں کو فائدہ دیتی ہے تاہم ابھی اس بات کا تعین نہیں کیا جاسکا کہ یہ دوا مشرق وسطی بھیجی جارہی تھی۔

    پولیس کا کہنا ہے کہ انھیں ’’کیپٹاگون‘‘ کی گولیاں ملک کے جنوبی صوبے لیمبرگ سے ملی تھیں جس کے بعد فارنزک لیبارٹری میں ان گولیوں کی جانچ پڑتال کی جا رہی ہے۔

    شدت پسندوں کی ایک دوا ٹراما ڈال لیبیا بھیجی جارہی تھی

    اسی ضمن میں اٹلی کی پولیس نے بھی انکشاف کیا ہے کہ اسے ایک دوسری ’’ٹراماڈال‘‘ نامی دوا کی 3 کروڑ 75 لاکھ گولیاں ملی ہیں جنھیں شدت پسند استعمال کرتے ہیں ، یہ گولیاں کارگو کے ذریعے لیبیا بھیجی جا رہی تھیں۔

    ٹراما ڈال بھارت سے آئی، جنگجوؤں کی مزاحمت بڑھاتی ہے

    خیال رہے کہ ’’ٹراماڈال‘‘ نامی منشیات درد کش دوا کے طور پر استعمال ہوتی ہیں،پولیس کے مطابق یہ کھیپ بھارت سے آئی تھی اور اس کے دو مقاصد ہو سکتے ہیں، پہلا مقصد دہشت گردوں کی مالی مدد اور دوسرا جنگجوؤں کی مزاحمت بڑھانا ہے۔

    دوا وحشیانہ تشدد اور سفاکیت پیدا کرتی ہے

    رواں برس جاری کی جانے والی ایک رپورٹ کے مطابق ’’ٹراماڈال‘‘ کے استعمال کا مقصد نائجیریا میں سرگرم بوکو حرام کے جنگجوؤں کی صفوں میں وحشیانہ تشدد ابھارنا اور سفاکیت کو بڑھانے میں کردار ادا کرنا ہے۔

    غیر قانونی منشیات ساز ادارے تیار کرتے ہیں

    ‘کیپٹاگون’ نامی ادویات کا مرکزی ترکیبی جزو عام طور پر ایمفیٹامین ہوتا ہے لیکن غیر قانونی منشیات ساز اکثر اس میں کیفین یا دوسرے مادے شامل کرتے ہیں۔

    کیپٹا گون نامی دوا سے لڑنے کی صلاحیت بڑھتی ہے

    اطلاعات ہیں کہ ‘کیپٹاگون’ نامی ادویات کھانے سے جنگجوؤں کی لڑنے کی صلاحیت بڑھتی ہے۔