Tag: ورلڈکپ 19

کارڈف: جنوبی افریقا کی ٹیم نے افغانستان کی ٹیم کو 9 وکٹوں سے شکست دے کر ورلڈکپ 2019 کی پہلی کامیابی حاصل کرلی۔

تفصیلات کے مطابق ورلڈکپ کا اکیسواں اور آج کا دوسرا میچ کارڈف میں جنوبی افریقا اور افغانستان کی ٹیموں کے مابین کھیلا گیا جس میں (افریقی کپتان) نے ٹاس جیت کر  افغانستان کو پہلے بیٹنگ کی دعوت دی۔

افغانستان کی ٹیم نے جنوبی افریقا کو جیت کے لیے 126 رنز کا ہدف دیا جسے افریقی ٹیم نے ایک وکٹ کے نقصان پر باآسانی حاصل کیا اور اپنی کامیابی کا کھاتہ کھولا۔

افغان ٹیم کی جانب سے بیٹنگ کا آغاز  حضرت اللہ زئی زئی اور نور اللہ زردان نے کیا، افغان ٹیم کا پہلا کھلاڑی چالیس کے مجموعی اسکور پر پویلین روانہ ہوا جس کے بعد کوئی بھی کھلاڑی زیادہ دیر تک وکٹ پر نہ ٹک سکا۔

مزید پڑھیں: فنچ کی 153 رنز کی شاندار اننگز، آسٹریلیا کے ہاتھوں سری لنکا کو باآسانی شکست

افغان ٹیم کے صرف تین کھلاڑی ڈبل فیگر میں داخل ہوسکے جبکہ تین کھلاڑی بغیر کوئی رن بنائے آؤٹ ہوئے۔ افغانستان کی ٹیم 34.1 اوور میں 125 رنز بنا کر آؤٹ ہوگئی،  راشد خان 35 رنز کے ساتھ نمایاں بلے باز رہے جبکہ عمران طاہر چار اور مورس تین کھلاڑیوں کو آؤٹ کر کے نمایاں باؤلر رہے۔

افغان ٹیم کی جانب سے دیے گئے 126 رنز ہدف کے تعاقب میں جنوبی افریقا نے بیٹنگ کا آغاز کیا تو ہاشم آملہ اور ڈی کوک میدان میں آئے، دونوں بلے بازوں نے عمدہ بیٹنگ کرتے ہوئے گراؤنڈ کے چاروں اطراف شارٹس کھیلے۔

ڈی کوک 22.5 ویں اوور میں 104 کے مجموعی جبکہ 68 کے انفرادی اسکور پر آؤٹ ہوئے، آملہ اور نئے آنے والے بلے باز نے سکون کے ساتھ بیٹنگ کرتے ہوئے اپنی ٹیم کو فتح سے ہم کنار کروایا۔ گلبدین نبی واحد وکٹ حاصل کرسکے۔ قبل ازیں آسٹریلیا اور سری لنکا کے مابین ہونے والے میچ میں کینگروز الیون نے مخالف ٹیم پر لنکا ڈھاتے ہوئے اُسے 88 رنز سے شکست دے دی۔

لندن: ورلڈکپ 2019 کے 20ویں میچ میں آسٹریلیا نے سری لنکا کو 88 رنز سے باآسانی شکست دے کر ایک اور فتح اپنے نام کرلی۔

تفصیلات کے مطابق آسٹریلیا اور سری لنکا کی ٹیموں کے درمیان اوول کے اسٹیڈیم میں ورلڈکپ کا 20واں میچ کھیلا گیا، سری لنکا کے کپتان  کرونارتنے نے ٹاس جیت پر پہلے باؤلنگ کا فیصلہ کیا جو غلط ثابت ہوا۔

آسٹریلیا نے سری لنکا کی ٹیم جیت کے لیے 335 رنز کا ہدف دیا جس کے جواب میں مخالف ٹیم 247 رنز تک محدود رہی اور اُسے 88 رنز سے شکست کا سامنا کرنا پڑا۔

آسٹریلیا کی جانب سے اننگز کا آغاز وارنر اور فنچ نے کیا، دونوں اوپنرز نے پہلی وکٹ کے نقصان پر 80 رنز کی پارٹنر شپ قائم کی اور پھر وارنر 26 کے انفرادی جبکہ 80 کے مجموعی اسکور پر آؤٹ ہوئے۔

دوسرے ہینڈ پر کھیلنے والے ایرون فنچ نے شاندار بیٹنگ کا سلسلہ جاری رکھا جبکہ نئے آنے والے بلے باز عثمان خواجہ 10 کے انفرادی جبکہ 100 کے مجموعی اسکور پر پویلین روانہ ہوئے، بعد ازاں اسمتھ نے آکر ذمہ دارانہ بیٹنگ کا مظاہرہ کیا۔

مزید پڑھیں: ورلڈکپ بارشیں، شائقین کا آئی سی سی سے انوکھا احتجاج

اسمتھ اور فنچ نے تیسری وکٹ کے درمیان 173 رنز کی شراکت داری قائم کی اسی دوران اوپنر نے بھی اپنی سنچری مکمل کی، 42.4 اوور میں فنچ 132 گیندوں پر 15 چوکوں اور پانچ چھکوں کی مدد سے 153 رنز کی اننگز کھیل کر آؤٹ ہوئے، 278 کے مجموعی اسکور پر اسمتھ ملنگا کی گیند پر کلین بولڈ ہوئے انہوں نے 59 گیندوں پر 1 چھکے اور 7 چوکوں کی مدد سے 73 رنز کی اننگز کھیلی۔

آسٹریلیا کی پانچویں وکٹ 46.6 اوور میں 310 کے مجموعی اسکور پر  اُس وقت گری جب ایس ای مارش صرف تین رنز بنا کر آؤٹ ہوئے، اڑتالیسواں اوور کینگروز کے لیے اچھا ثابت نہ ہوا کیونکہ 317 اور 320 کے مجموعی اسکور پر کیری اور کیومنز رن آؤٹ ہوئے۔

کینگروز الیون نے مقررہ پچاس اوورز میں 7 وکٹوں کے نقصان پر 334 رنز بنائے، ایرون فنچ 153، اسمتھ 73 اور میکسویل نے 46 رنز کی اننگز کھیل کر نمایاں بلے باز رہے، دسلوا اور اودانا 2 ، 2 وکٹیں لے کر نمایاں باؤلرز رہے جبکہ ملنگا نے ایک کھلاڑی کو آؤٹ کیا۔

ہدف کے تعاقب میں سری لنکا کی ٹیم نے بیٹنگ کا آغاز اچھا کیا اور پہلی وکٹ کی شراکت میں دونوں اوپنرز نے 115 رنز جوڑے، بعد ازاں سری لنکا کا دوسرا کھلاڑی 153، تیسری وکٹ، چوتھی، پانچویں، چھٹی، ساتویں، آٹھویں، نویں اور دسویں وکٹ بالترتیب  186، 205، 209، 217، 222، 236، 237، 247 کے مجموعی اسکر پر گریں۔

سری لنکا کے 8 کھلاڑی مجموعی اسکور میں صرف 61 رنز کا ہی اضافہ کرسکے، اسٹارک نے چار کھلاڑیوں جبکہ رچرڈ سن نے 3 کھلاڑیوں کو پویلین کا راستہ دکھایا۔

سری لنکا اب تک چار میچز میں سے ایک میں کامیابی حاصل کر سکی ہے جب کہ آسٹریلیا چار میچز میں سے تین میں کامیاب رہی ہے۔ پوائنٹس ٹیبل کے اعتبار سے آسٹریلیا تیسرے نمبر پر ہے جب کہ سری لنکا پانچویں نمبر پر ہے۔

لندن: ورلڈکپ 2019 کا سب سے اہم میچ بھی بارش کی نذر ہونے کا خدشہ ہے، محکمہ موسمیات نے کل مانچسٹر میں برسات کی پیش گوئی کردی۔

تفصیلات کے مطابق مانچسٹر میں آج موسم ابر آلود تھا جس کے بعد پہلے بوندھا باندی اور پھر موسلا دھار بارش شروع ہوئی، محکمہ موسمیات نے کل بھی بارش کی پیش گوئی کی جس سے میچ متاثر ہونے کا خدشہ ہے۔

یاد رہے کہ کل مانچسٹر کے اولڈ ٹریفورڈ گراونڈ میں پاکستان اور بھارت کی ٹیمیں مدمقابل ہوں گی، شائقین کرکٹ ورلڈکپ 2019 میں روایتی حریفوں کے ٹاکرے کو دیکھنے کے لیے بے تاب ہیں۔

اطلاعات کے مطابق پاک بھارت میچ کے لیے اسٹیڈیم کی تمام ٹکٹیں فروخت ہوچکیں جبکہ شائقین ایک ہزار پاؤنڈ والے ٹکٹس دگنی قیمت پر خرید رہے ہیں کیونکہ وہ دونوں بڑی ٹیموں کے میچ کو گراؤنڈ سے براہ راست دیکھنے کے خواہش مند ہیں۔

مزید پڑھیں: ورلڈکپ بارشیں، شائقین کا آئی سی سی سے انوکھا احتجاج

یہ بھی پڑھیں: پاک بھارت میچ کوئی جنگ نہیں، کھیل سے لطف اندوز ہوں: مصباح الحق کا مشورہ

دوسری جانب مانچسٹر میں ورلڈکپ کا ہائی وولٹیج ٹاکرا دکھانے کے لیے میلے کا انعقاد کیا جارہا ہے، تین روزہ میلے میں ایشیائی کمیونٹی شرکت کررہی ہے، جہاں بڑی اسکرینز پر پاک بھارت میچ بالکل مفت دکھایا جائے گا۔

یاد رہے کہ ورلڈکپ 2019 کے آغاز کے بعد سے اب تک چار میچز بارش کی نذر ہوچکے ہیں جو بڑا ریکارڈ ہے، آئی سی سی کے ترجمان کا کہنا تھا کہ اگر بارش کی وجہ سے ملتوی ہونے والے میچز دوبارہ کرائے گئے تو ایونٹ کو بڑھانا پڑے گا لہذا فیصلہ کیا گیا کہ دونوں ٹیموں کو ایک ایک پوائنٹ دے دیا جائے۔

Fielding drills underway.#WeHaveWeWill #CWC19 pic.twitter.com/ZNSNiO6c3o

— Pakistan Cricket (@TheRealPCB) June 15, 2019

لندن: ورلڈکپ 2019 کے میچز بارش کی نذر ہونے کے بعد شائقین نے آئی سی سی کا مذاق بنانا شروع کردیا انہوں نے سماجی رابطے کی ویب سائٹ پر دلچسپ میمز شیئر کیں۔

تفصیلات کے مطابق ورلڈکپ 2019 میں کھیلے جانے والے تین میچ اب تک بارش کی نذر ہوچکے جبکہ محکمہ موسمیات نے پیش گوئی کی ہے کہ برسات کے باعث مزید میچز متاثر ہونے کا خدشہ ہے۔

دو روز قبل بنگلہ دیش اور سری لنکا کے درمیان ورلڈ کپ کا میچ بارش کی نذر ہونے ساتھ ہی ورلڈکپ کا نیا ریکاڈ بن گیا، یعنی امسال ورلڈکپ میں اب تک سب سے زیادہ تین میچز بارش کے باعث نہیں کھیلے جاسکے جبکہ ماضی میں دو دو میچز کا ریکارڈ تھا۔

مزید پڑھیں: کیا بارش ورلڈ کپ 2019 کے حسن کو گہنا دے گی؟

قبل ازیں 1992 اور 2003 میں کھیلے جانے والے ورلڈ کپ کے دو دو میچز بارش کی نذر ہوئے تھے، جبکہ ابھی تک ورلڈکپ 2019 میں پاکستان، سری لنکا، ویسٹ انڈیز ، جنوبی افریقا، بنگلادیش اور سری لنکا کی ٹیموں کے مابین ہونے والے میچز بارش کے باعث متاثر ہوئے، مقابلہ نہ ہونے کی وجہ سے دونوں ٹیموں کو قواعد و ضوابط کے مطابق ایک ایک پوائنٹ دے دیا گیا۔

آئی سی سی کے چیف ایگزیکٹو آفیسر دیو رچرڈسن کی جانب سے ایک اعلامیہ جاری کیا گیا جس میں بتایا گیا تھا کہ اگر بارش کی وجہ سے متاثر ہونے والے میچز کا دوبارہ انعقاد کیا جائے تو ایونٹ دس روز مزید طویل ہوجائے گا اسی باعث دونوں ٹیموں کو ایک ایک پوائنٹ دے دیا جاتا ہے۔

Rain will surely qualify for Semis 😂😂#CWC19 #BANvSL @ICC @cricketworldcup pic.twitter.com/5Pqu9QvRTr

— 🏆 (@LazyySaket) June 11, 2019

اُن کا کہنا تھا کہ 10 ٹیموں پر مشتمل یہ ورلڈکپ راؤنڈ روبن کی بنیاد پر کھیلا جا رہا ہے لیکن اس میں کسی بھی راؤنڈ میچ کے لیے متبادل دن نہیں رکھا گیا لہٰذا بارش کی نذر ہونے والے تمام میچ بے نتیجہ تصور کیے جائیں گے اور اس صورت میں دونوں ٹیموں کو ایک ایک پوائنٹ دیا جائے گا۔

یہ بھی پڑھیں: ورلڈ کپ 2019: بیلزکے پراسرار رویے کا کیا سبب ہے؟

شائقین کرکٹ جو سارا سال ورلڈکپ 2019 کے انتظار میں تھے وہ بارش کی وجہ سے متاثر ہونے والے مقابلوں پر شدید مایوس ہیں یہی وجہ ہے کہ انہوں نے آئی سی سی کا مذاق بنانا شروع کردیا۔

Presenting u the official trophy of ICC Rain World Cup 2019#Budget2019 #AUSvPAK #CWC19 pic.twitter.com/qK1zFLPxjM

— PAKISTAN 🇵🇰 (@iAliHa1der) June 11, 2019

سماجی رابطے کی ویب سائٹ پر مذاق بنانے کے لیے بارش اور پانی کے ساتھ کھلاڑیوں اور اسٹیڈیم کی تصاویر شیئر کی گئیں۔

2019 cricket world cup summed up 🤣🤭 #ICCWorldCup #Rain pic.twitter.com/pp5SzR9RHA

— Imran Khan (@khan_imran_IF) June 12, 2019

If #CWC19 was a swimming competition.. @cricketworldcup @ICC pic.twitter.com/evPAcBo1mw

— PSL Memes (@PSLMemesWalay) June 12, 2019

Rain Won the World Cup 😂

WTF 😬😠#CWC19 #WorldCup pic.twitter.com/1JuOO85mFC

— Zaffar Iqbal (@2Crossed_Swords) June 11, 2019

The cricket world cup so far…#CWC19 #rain pic.twitter.com/xdYEmjMAnf

— Mehran Khan (@1MehranKhan) June 10, 2019

ٹاؤنٹن: قومی کرکٹ ٹیم کے کپتان سرفراز احمد نے کہا ہے کہ پاکستانی شائقین اسٹیڈیم میں اپنی ٹیم کو سپورٹ کرنے کے ساتھ اچھا کھیل دیکھنے کے لیے آتے ہیں، وہ کسی کے خلاف نعرے بازی نہیں کرتے کیونکہ اُن کا مزاج بھارتیوں سے بالکل مختلف ہے۔

آسٹریلیا کے خلاف میچ کے حوالے سے پریس کانفرنس کرتے ہوئے سرفراز احمد کا کہنا تھا کہ پاکستانی شائقین کرکٹ سے بے تحاشہ محبت کرتے ہیں اور وہ اپنی ٹیم کی حوصلہ افزائی کرنے کے لیے ہی گراؤنڈ میں آتے ہیں۔

کپتان کا کہنا تھا کہ پاکستانی شائقین کا مزاج ایسا نہیں کہ وہ اسٹیو اسمتھ یا مخالف ٹیم کے کسی بھی کھلاڑی کے خلاف نعرے بازی کریں، ہمارے شائقین اپنی ٹیم کے ساتھ اچھا کھیل پیش کرنے والوں کی بھی کھل کر حوصلہ افزائی کرتے ہیں۔

مزید پڑھیں: پاکستان کے خلاف میچ سے قبل آسٹریلوی ٹیم کو بڑا دھچکا، آل راؤنڈر ان فٹ

یاد رہے کہ دو روز قبل بھارت اور آسٹریلیا کے میچ میں انڈین تماشائیوں نے آسٹریلوی سابق کپتان اور موجودہ مڈل آرڈر بلے باز اسٹیو اسمتھ گراؤنڈ میں موجود تھے تو بھارتی شائقین نے اُن کے خلاف ’’چیٹر چیٹر‘‘ کے نعرے لگائے تھے۔

اسٹیڈیم میں بڑھتی ہوئی بدمزگی کو دیکھتے ہوئے ویرات کوہلی شائقین کے پاس آئے اور انہیں سمجھایا کہ بدتمیزی کرنے کے بجائے آسٹریلیا کی ٹیم کو بھی سپورٹ کریں، کوہلی نے آسٹریلوی ٹیم سے معافی بھی مانگی تھی۔

کارڈف: ورلڈکپ 2019 کے 12ویں میچ میں انگلینڈ کی ٹیم نے جیسن رائے کی 153 رنز کی بدولت بنگلا دیش کو جیت کے لیے 387 رنز کا ہدف دے دیا۔ 

تفصیلات کے مطابق ورلڈکپ 2019 کا بارہواں میچ میزبان انگلینڈ اور بنگلادیش کی ٹیموں کے مابین کارڈف کے اسٹیڈیم میں کھیلا گیا، بنگلہ دیش کے کپتان مشرفی مرتضیٰ نے ٹاس جیت کر انگلینڈ کو پہلے بیٹنگ کی دعوت دی۔

انگلش ٹیم کی جانب سے اننگز کا آغاز جیسن رائے اور جونی برسٹو نے کیا، دونوں بلے بازوں نے پہلے ہی وکٹ پر ٹیم کی پوزیشن مستحکم بنائی اور 128 رنز جوڑے، بعد ازاں برسٹو 51 رنز اسکور کر کے کپتان مشرفی مرتضیٰ کی گیند پر آؤٹ ہوئے۔ انگلینڈ کی دوسری وکٹ 205 رنز پر اُس وقت گری جب جوروٹ 21 کے انفرادی اسکور پر سیف الدین کی گیند پر بولڈ ہوئے، اوپنز جیسن رائے نے 5 چھکوں اور 14 چوکوں کی مدد سے 153 رنز کی اننگز کھیلی اور وہ 235 کے مجموعی اسکور پر پویلین لوٹے۔

بعد ازاں 46ویں اوور میں بٹلر 64 رنز کی اننگز کھیل کر پویلین واپس روانہ ہوئے، مورگن 340 کے مجموعی اسکور پر آؤٹ ہوئے، بین اسٹروکس 341 کے مجموعی اسکور پر پویلین روانہ ہوئے۔

انگلینڈ کی ٹیم نے مقررہ پچاس اوورز میں 6 وکٹوں کے نقصان پر 386 رنز بنائے۔ جیسن رائے 153 کے ساتھ نمایاں بلے باز رہے جبکہ بٹلر نے 64 اور برسٹو نے 51 رنز کی شاندار اننگز کھیلی، بنگلادیش کے باؤلرمحمد سیف الدین اور مہدی حسن نے 2 ، 2 وکٹیں لیں جبکہ مشرفی مرتضیٰ نے ایک کھلاڑی کو آؤٹ کیا۔

ہدف کے تعاقب میں بنگلا دیش نے بیٹنگ کا آغاز کیا تو 8 کے مجموعی اسکور پر سومیا سرکار آؤٹ ہوئے، جس کے بعد تمیم اقبال اور شکیب الحسن نے مل کر شراکت داری قائم کرنے کی کوشش کی البتہ 63 کے مجموعی اسکور پر تمیم کو بھی آؤٹ ہوکر پویلین کی راہ دیکھنا پڑی، نئے آنے والے بیٹسمین مشفق الرحیم نے اچھا ساتھ نبھایا اور ٹیم کی پوزیشن مستحکم بھی کی۔

Have you ever seen a ball go for ‘six’ after hitting the stumps? 👀#WeAreEngland #CWC19 pic.twitter.com/nL2SToZ8iC

— ICC (@ICC) June 8, 2019

اننگز کا 29واں اوور بنگلا دیش کے لیے اچھا ثابت نہیں ہوا کیونکہ مشفق الرحیم کو 44 کے انفرادی جبکہ 169 کے مجموعی اسکور پر آؤٹ ہوئے، بعد ازاں ایک رن اضافے کے بعد ہی نئے آنے والے بلے باز متھن بھی آؤٹ ہوگئے، اننگز کے چالیسویں اوور میں بین اسٹوکس نے اپنی ٹیم کو بڑی کامیابی دلواتے ہوئے شکیب الحسن کو 121 کے انفرادی جبکہ 219 کے مجموعی اسکور پر کلین بولڈ کیا۔

بنگلا دیش کی چھٹی وکٹ 254، ساتویں 261، آٹھویں 264، نویں اور دسویں 280 کے مجموعی اسکور پر گریں۔مشرفی الیون ہدف کے تعاقب میں 48.5 اوورز میں 280 رنز بنا سکی یوں اُسے 106 رنز سے شکست کا سامنا کرنا پڑا۔ شکیب الحسن 121 رنز بناکر نمایاں بلے باز رہے جبکہ انگلش باؤلرز آرچر اور بین اسٹوکس نے تین تین ، ایم اے ووڈ نے دو، پلنکٹ ، اے یو راشد نے ایک ایک وکٹ حاصل کی۔

ناٹنگھم: پاکستان کے ہاتھوں شکست کے بعد غیرملکی میڈیا نے سرفراز الیون پر بال ٹیمپرنگ کا الزام عائد کردیا۔

تفصیلات کے مطابق گزشتہ روز ناٹنگھم میں کھیلے جانے والے کرکٹ ورلڈکپ کے میچ میں پاکستان کے ہاتھوں شکست ملنے کے بعد انگلش میڈیا نے واویلا شروع کردیا۔

انگلینڈ کی ٹیم کے کپتان اوئن مورگن شکست کے بعد پریس کانفرنس کررہے تھے کہ اسی دوران سوچھے سمجھے منصوبے کے تحت غیر ملکی صحافی نے بال ٹیمپرنگ سے متعلق سوال کردیا۔

یاد رہے کہ مورگن نے کل بیٹنگ کے دوران 2 بار گیند کا معائنہ کیا، انگلش ٹیم کے کپتان نے باؤنڈری اسکرین پر بال لگنے کے بعد اس کا معائندہ کیا۔ مورگن کے معائنے کو انگلش میڈیا نےبال ٹیمپرنگ کا رنگ دیا جبکہ امپائر نے اس حوالے سے کوئی رپورٹ نہیں کی۔

مزید پڑھیں: ورلڈ کپ میں پاکستان کا شاندار کم بیک، انگلینڈ کو 14 رنز سے شکست

دوسری جانب کل کے میچ میں سلو اوور ریٹ پرپاکستانی ٹیم پر انتظامیہ نے جرمانہ عائد کردیا، کپتان سرفراز احمدپر میچ فیس کا 20 فیصددیگرکھلاڑیوں پر 10فیصد جرمانہ عائد کیا گیا۔

منتظمین کے مطابق پاکستانی ٹیم نے مقررہ اوورز میں ایک اوور کم کرایا جبکہ انگلینڈ کی ٹیم کے کھلاڑی آرچر،جیسن رائےکوڈآف کنڈکٹ کی خلاف ورزی کےمرتکب قرار دیا گیا جبکہ جوفر آرچر ، جیسن رائے پر بھی ضابطہ اخلاق کی خلاف ورزی پر میچ فیس کا 15 فیصد جرمانہ عائد کیا گیا۔

لاہور: قومی کرکٹ ٹیم کے سابق فاسٹ باؤلر شعیب اختر اور انگلینڈ کے بلے باز کیون پیٹرسن کے درمیان سوشل میڈیا پر دلچسپ تکرار ہوئی۔

سماجی رابطے کی ویب سائٹ پر شعیب اختر نے ویسٹ انڈیز سے شکست کے بعد قومی ٹیم کی حوصلہ افزائی کے لیے ایک پیغام شیئر کیا جس میں انہوں نے پیٹرسن کو آؤٹ کرنے کے بعد جشن منانے کی تصویر شیئر کی۔

شعیب اختر نے لکھا کہ لہو، مٹھاس، غصہ، تیز دل کی دھڑکن اور غصہ ، یہ چیزیں وہ ہیں جو ملک کی نمائندگی کے وقت آپ کے ساتھ ہونا چاہیں، آپ کے سینے پر سجا ستار آپ کا فخر ہے لہذا تگڑا کھیلوں اور لڑتے ہوئے مخالف کو زیر کردیں۔

Blood, sweat, aggression, racing heartbeat, badmaashi. This is whats required when you represent your country. This star on your chest is your pride guys. Tagra khelo.
Go get them. Larr jao. #Pakistan #PakvsEng #cwc2019 pic.twitter.com/b9JnTmBKOp

— Shoaib Akhtar (@shoaib100mph) June 1, 2019

کیون پیٹرسن نے اپنی تصویر پر دیکھ کر شعیب اختر کو جواب دیتے ہوئے کہا کہ ’’دوست میں تمھارے ٹویٹ کے جواب میں بحث نہیں کروں گا البتہ جیسا کہ میں نے سنچری اسکور کرنے کے لیے آپ کو ہرطرف مارا تھا اُس کے بعد ہی آپ آؤٹ کرنے میں کامیاب ہوئے اور پھر آپ نے جشن منایا‘‘۔

Can’t argue with that tweet buddy as you’re celebrating after I smacked you all over for a 100…! Great passion! 😂

— Kevin Pietersen🦏 (@KP24) June 1, 2019

انگلینڈ کے بلے باز نے لکھا کہ ’’دوست آپ حساب کتاب کے لیے اصلی طاقت تھے لیکن آؤٹ ہونے کے بعد مجھے میرا چکن ڈانس آپ کے جشن منانے سے زیادہ پسند آیا‘‘۔

بعد ازاں شعیب اختر نے انگلش ٹیم کے بلے باز کو جواب دیا کہ اُس کے باوجود ہم نے سیریز میں 0-2 سے اپنے نام کی تھی، یہ انجوائے کرنے کا وقت ہے جس پر پیٹرسن نے انہیں محبت بھرا پیغام بھیجا۔

Love ya buddy! 👍🏻

— Kevin Pietersen🦏 (@KP24) June 2, 2019

واضح رہے کہ شعیب اختر نے کیون پیٹرسن کو آؤٹ کرنے کے بعد چکن ڈانس کیا تھا جس کی ویڈیو اُس وقت بہت وائرل ہوئی تھی۔

Here it is, The chicken dance.😄
Lols pic.twitter.com/p5s4FmjAfS

— Hamid Khattak (@Engr_Hamid1992) June 1, 2019

یاد رہے کہ پاکستانی ٹیم ورلڈکپ میں اپنا دوسرا میچ تین جون کو انگلینڈ کے خلاف کھیلے گی، پہلے میچ میں سرفراز الیون کے حصے میں عبرتناک شکست آئی تھی البتہ ہیڈکوچ مکی آرتھر اور باؤلنگ کوچ اظہر محمود پُرعزم ہیں کہ آغاز اچھا نہیں رہا مگر ٹیم کی واپسی ہوگی۔

برسٹل: ورلڈکپ 2019 کے چوتھے میچ میں آسٹریلیا کی ٹیم نے افغانستان کو 7 وکٹوں سے باآسانی شکست دے کر فاتحانہ آغاز کردیا۔

تفصیلات کے مطابق آسٹریلیا اور افغانستان کی ٹیموں کے درمیان برسٹل اسٹیڈیم میں میچ کھیلا گیا، دونوں ٹیمیں ورلڈکپ 2019 میں پہلی بار آمنے سامنے آئیں، افغان ٹیم نے پہلے بیٹنگ کرتے ہوئے کینگروز کو 208 رنز کا ہدف دیا۔

افغانستان ٹیم کے کپتان نے ٹاس جیت کر پہلے بیٹنگ کا فیصلہ کیا جو درست ثابت نہ ہوا کیونکہ صرف پانچ کے مجموعی اسکور پر دونوں اوپنرز پویلین لوٹ چکے تھے۔

نئے آنے والے بیٹسمین رحمت شاہ اور حشمت اللہ شاہدی نے 51 رنز کی شراکت داری قائم کر کے ٹیم کی پوزیشن مستحکم کی ہی تھی کہ آسٹریلیا کے باؤلر زامپا نے حشمت اللہ کو اسٹمپ آؤٹ کر کے پویلین کی راہ دکھائی یوں 56 کے مجموعی اسکور پر افغان ٹیم کا تیسرا کھلاڑی آؤٹ ہوا۔

بعد ازاں رحمت شاہ 75 کے مجموعی اسکور پر پویلین روانہ ہوئے انہوں نے 34 گیندوں پر 18 رنز بنائے، محمد نبی بھی زیادہ دیر وکٹ پر نہ رک سکے اور مجموعی اسکور میں 2 رنز کا اضافہ ہونے کے بعد رن آؤٹ ہوکر پویلین روانہ ہوئے۔

افغانستان کی آدھی ٹیم پویلین لوٹنے کے بعد افغان بلے بازوں نے ہمت نہیں ہاری اور کپتان گلبدین نائب نے نجیب اللہ زردان کے ساتھ مل کر آسٹریلوی بلے بازوں کا ڈٹ کر مقابلہ کیا اور  83 رنز کی شاندار شراکت داری قائم کر کے ٹیم کی پوزیشن مستحکم دی۔

گلبدین نائب 33ویں اوور میں 160 کے مجموعی اسکور پر پویلین روانہ ہوئے انہوں نے 31 رنز کی اننگز کھیلی جبکہ چار رنز کا اضافہ ہونے کے بعد ہی نجیب اللہ زردان بھی 51 رنز بنا کر پویلین واپس لوٹ گئے، راشد خان نے آخری اوور میں 27 رنز کی جارحانہ اننگز کھیلی جبکہ مجیب الرحمان نے 13 رنز کی اننگز کھیلی۔

#AfghanAtalan finish on 207 against #CmonAussie at Bristol.

Najibullah’s 51 provided the backbone of the innings, while Rashid and Mujeeb supplied some entertaining late hitting to drag their side past 200. Will it be enough?#AFGvAUS LIVE 👇https://t.co/VvB35TH3lY pic.twitter.com/TqoCvlCsql

— ICC (@ICC) June 1, 2019

افغانستان کی پوری ٹیم 39ویں اوور میں 207 رنز بنا کر آؤٹ ہوئی، نجیب اللہ زردان 51 اور رحمت شاہ 43 رنز بناکر نمایاں بلے باز رہے جبکہ پیٹ کمنز اور ایڈم زامپا نے تین تین وکٹیں لیں جبکہ اسٹوئنس نے دو کھلاڑیوں کو نشانہ بنایا۔

ہدف کے تعاقب میں آسٹریلیا نے بیٹنگ کا آغاز کیا تو انہیں اوپننگ اچھی ملی اور 96 کے مجموعی اسکور پر فنچ 66 رنز بناکر آؤٹ ہوئے، بعد ازاں عثمان خواجہ نے وارنر کے ساتھ مل کر  60 رنز کی شراکت داری قائم کی اور اپنی ٹیم کو جیت کے قریب لائے۔

مزید پڑھیں: ورلڈ کپ 2019: نیوزی لینڈ کا فاتحانہ آغاز،سری لنکا کو باآسانی شکست

اننگز کے 25ویں اوور میں عثمان خواجہ کو راشد خان نے ایل بی ڈبلیو کر کے پویلین کی راہ دکھائی، یوں 156 کے مجموعی اسکور پر آسٹریلیا کی دوسری وکٹ گری، بعد ازاں آنے والے بیٹسمین نے ایک ہینڈ پر محتاط انداز میں بیٹنگ کو جاری رکھا جبکہ دوسری طرف وارنز نے جارحانہ کھیل پیش کرتے ہوئے ٹیم کو فتح سے مزید قریب کیا۔ آسٹریلیا کا مجموعی اسکور 205 تک پہنچا تو اسمتھ 18 رنز کی اننگز کھیل کر آؤٹ ہوئے۔

آسٹریلیا نے 34.5 اوورز میں تین وکٹوں کے نقصان پر 209 رنز اسکور کر کے فتح اپنے نام کی، کینگروز کی جانب سے وارنر نے 8 چوکوں کی مدد سے شاندار بیٹنگ کرتے ہوئے 89 رنز کی اننگز کھیلی اور جبکہ ٹیم کو فتح دلوانے میں فنچ کے 66 رنز بھی کارگر ثابت ہوئے۔ قبل ازیں کھیلے جانے والے میچ میں نیوزی لینڈ نے افغانستان کو 9 وکٹوں سے باآسانی شکست دے کر فتح اپنے نام کی تھی۔