Tag: ورلڈکپ

بھارتی کرکٹ ٹیم کے سابق کوچ روی شاستری کا کہنا ہے کہ انڈین بیٹنگ لائن اپ میں موجود ایک مڈل آرڈر بیٹر ورلڈکپ میں ٹیم کے لیے ایکس فیکٹر ثابت ہوسکتا ہے۔

موجودہ ورلڈکپ میں کرکٹ کمنٹیٹر کی ذمہ داریاں نبھانے والے شاستری سمجھتے ہیں کہ سوریا کمار یادیو بھارت کے لیے عالمی کپ میں ایکس فیکٹر ہوں گے جو میزبان سائیڈ کو میچز جتوانے کی بھرپور صلاحیت رکھتے ہیں۔

سابق بھارتی کرکٹ کپتان نے کہا کہ میں اس ورلڈکپ کے دوران سوریا کما یادیو پر گہری نظریں رکھوں گا۔ اگر آپ کا ٹاپ آرڈر رنز بنا رہا ہے تو آپ کے پاس چھٹے، ساتویں اور آٹھویں نمبر پر بیٹنگ کرنے والا پلیئر بھی ہونا چاہیے، اب چاہے وہ شریاس آئر ہوں یا سوریا۔

انھوں نے کہا کہ سوریا کمار بھارت کے لیے نہایت اہم ثابت ہوں گے جو اپنی بیٹنگ سے میچز جتوائیں گے۔ وہ نیچے کے نمبروں پر ہاردک پانڈیا کے ساتھ بہترین کھیل پیش کرنے کی صلاحیت رکھتے ہیں۔

روی شاستری نے کہا کہ سوریا اور پانڈیا مل کر آخر کے چھ، سات اوورز میں مخالف ٹیموں کے لیے کافی مشکلات کھڑی کرسکتے ہیں۔

واضح رہے کہ آئی سی سی کرکٹ ورلڈکپ میں بھارت اپنی مہم کا آغاز آسٹریلیا کے خلاف میچ سے کرے گا جو کہ 8 اکتوبر کو چنائے میں شیڈول ہے۔

پاکستان کے سابق ٹیسٹ کپتان انتخاب عالم نے بھارتی اسپن بولنگ کو حریفوں کے لیے بڑا خطرہ قرار دیتے ہوئے کہا ہے کہ میزبان ملک کا اسپن اٹیک ورلڈکپ میں اہم کردار ادا کرے گا۔

انھوں نے کہا کہ کلدیپ یادیو اس ایونٹ میں بھارت کا ایک مہلک ہتھیار ہوں گے، جو کہ پہلے ہی زبردست فارم میں موجود ہیں۔ بھارت کے اسپنرز مخالف بیٹرز کو مشکل سے دوچار کرنے کی پوری صلاحیت رکھتے ہیں۔

سابق پاکستانی پلیئر نے کہا کہ عالمی کپ میں بھارت کا اسپن اٹیک کلیدی کردار نبھائے گا جب کہ اس ٹورنامنٹ میں کلدیپ کا کردار اہمیت کا حامل ہوگا اور وہ تمام مخالف ٹیموں کے بیٹرز کا امتحان لیں گے۔28 سالہ اسپنر نے اس سال 16.03 کی اوسط سے 17 ون ڈے انٹرنیشنلز میں 33 وکٹیں اپنے نام کی ہیں۔

81 سالہ انتخاب عالم نے ورلڈکپ میں پاکستانی ٹیم پر دباؤ کے حوالے سے اظہار خیال کرتے ہوئے کہا کہ مینجمنٹ کو یہ بات یقینی بنانا چاہیے کہ کھلاڑیوں کی توجہ صرف کھیل پر ہو۔

انھوں نے بابر اعظم اور قومی ٹیم کے دیگر کھلاڑیوں پر زور دیا کہ اس دورے کو اپنی پرفارمنس سے یادگار بنائیں۔

انتخاب عالم نے حالیہ ایشیا کپ میں بھارتی پرفارمنس کو بھی سراہا، انھوں نے کہا کہ جس طرح سے بھارت ایشیا کپ کا فائنل کھیلا اور سری لنکا کو شکست دی اس سے یہی لگا کہ وہ میدان میں حریف کو صرف ہرانے کے لیے آئے تھے۔

سابق بھارتی اوپنر گوتم گمبھیر نے کہا ہے کہ آئی سی سی کرکٹ ورلڈکپ میں بھارتی ٹیم کی توجہ صرف پاکستان کو ہرانے پر نہیں بلکہ ورلڈکپ ٹائٹل جیتنے پر مرکوز ہونی چاہیے۔

ورلڈ کپ سے متعلق اظہار خیال کرتے ہوئے جارض مزاج کرکٹر نے کہا کہ آخری بار انگلینڈ نے ورلڈکپ کی ٹرافی اٹھائی تھی۔ بھارت کو بھی اسی سوچ کے ساتھ ٹورنامنٹ کا آغاز کرنا چاہیے کہ اسے صرف پاکستان کو شکست نہیں دینی۔

انھوں نے کہا کہ مجھے امید ہے کہ 50 اوور کے ورلڈکپ میں اس بار ایسا نہیں ہوگا اور سوچ مختلف ہوگی، میرے خیال میں 14 اکتوبر کو ہونے والے میچ کے حوالے سے صرف بھارت اور پاکستان کو ایشو نہیں بنانا چاہیے۔

بھارت کو ایونٹ میں یہ سوچ کر کھیلنا چاہیے کہ اسے ورلڈکپ حاصل کرنا ہے کیوں کہ آپ نہیں جانتے کے آئندہ ورلڈکپ میں موجودہ اسکواڈ کے ارکان موجود ہوںگے یا نہیں۔

گوتم گمبھیر نے کہا کہ بحیثیت ایک قوم، مداح اور براڈ کاسٹر کے ہمارا فوکس صرف پاک انڈیا مقابلے کی طرف نہیں ہونا چاہیے، پاکستان کو ایک رکاوٹ کے طور پر لینا چاہیے جسے عبور کرکے ہمیں ورلڈکپ جیتنا ہے۔

واضح رہے کہ بھارت میں منعقد ہونے والے آئی سی سی ون ڈے کرکٹ ورلڈکپ کا سب سے بڑا میچ جس کا شائقین کو بے صبری سے انتظار ہے 14 اکتوبر کو شیڈول ہے۔

لاہور: پاکستان کرکٹ بورڈ نے ورلڈکپ کے سلسلے میں پاکستان کرکٹ ٹیم کی نئی کٹ کی رونمائی کردی ہے۔

اے آر وائی نیوز کے مطابق لاہور میں آئی سی سی کرکٹ ورلڈ کپ کے لیے پاکستان کرکٹ ٹیم کی کٹ کی رونمائی تقریب منعقد کی گئی، پاکستان کرکٹ ٹیم کے چیئرمین ذکا اشرف نے کرکٹ ٹیم کی نئی کٹ کی رونمائی کی، اس کٹ کا نام ’’اسٹار نیشن جرسی‘‘ رکھا گیا ہے۔

پاکستان ٹیم کی کٹ کی رونمائی کے بعد چیئرمین پی سی بی مینجمنٹ کمیٹی ذکا اشرف نے کہا کہ پوری قوم کی دعائیں قومی ٹیم کے ساتھ ہیں، ایشیاکپ اور ورلڈ کپ میں قومی ٹیم کامیاب ہوگی۔

Introducing the Star Nation Jersey'23 🇵🇰🌟

Pre-order now at https://t.co/TWU32Ta9wL#WearYourPassion pic.twitter.com/kEd44pZXQh

— Pakistan Cricket (@TheRealPCB) August 28, 2023

انہوں نے کہا کہ پاکستان کرکٹ ٹیم اچھا کھیل رہی ہے، جو ٹیمیں پاکستان آرہی ہیں انہیں ویلکم کرینگے، ون ڈے میں ہم نمبرون بن گئے ہیں، مہینہ ڈیڑھ ہوا ہے آئے، جو ملک اور کرکٹ کیلئے ہوسکا کرینگے۔

واضح رہے کہ بھارت میں ہونے والے ورلڈکپ کا آغاز 5 اکتوبرکو ہوگا، پاکستان کرکٹ ٹیم آئی سی سی کرکٹ ورلڈکپ میں اپنا پہلا میچ 6 اکتوبر کو نیدرلینڈز کے خلاف کھیلے گی۔