ARYNews.tv | Urdu – Har Lamha Bakhabar

Tag: ورلڈکپ 2019

  • چکن ڈانس:‌ شعیب اختر اور پیٹرسن میں دلچسپ تکرار

    چکن ڈانس:‌ شعیب اختر اور پیٹرسن میں دلچسپ تکرار

    لاہور: قومی کرکٹ ٹیم کے سابق فاسٹ باؤلر شعیب اختر اور انگلینڈ کے بلے باز کیون پیٹرسن کے درمیان سوشل میڈیا پر دلچسپ تکرار ہوئی۔

    سماجی رابطے کی ویب سائٹ پر شعیب اختر نے ویسٹ انڈیز سے شکست کے بعد قومی ٹیم کی حوصلہ افزائی کے لیے ایک پیغام شیئر کیا جس میں انہوں نے پیٹرسن کو آؤٹ کرنے کے بعد جشن منانے کی تصویر شیئر کی۔

    شعیب اختر نے لکھا کہ لہو، مٹھاس، غصہ، تیز دل کی دھڑکن اور غصہ ، یہ چیزیں وہ ہیں جو ملک کی نمائندگی کے وقت آپ کے ساتھ ہونا چاہیں، آپ کے سینے پر سجا ستار آپ کا فخر ہے لہذا تگڑا کھیلوں اور لڑتے ہوئے مخالف کو زیر کردیں۔

    کیون پیٹرسن نے اپنی تصویر پر دیکھ کر شعیب اختر کو جواب دیتے ہوئے کہا کہ ’’دوست میں تمھارے ٹویٹ کے جواب میں بحث نہیں کروں گا البتہ جیسا کہ میں نے سنچری اسکور کرنے کے لیے آپ کو ہرطرف مارا تھا اُس کے بعد ہی آپ آؤٹ کرنے میں کامیاب ہوئے اور پھر آپ نے جشن منایا‘‘۔

    انگلینڈ کے بلے باز نے لکھا کہ ’’دوست آپ حساب کتاب کے لیے اصلی طاقت تھے لیکن آؤٹ ہونے کے بعد مجھے میرا چکن ڈانس آپ کے جشن منانے سے زیادہ پسند آیا‘‘۔

    بعد ازاں شعیب اختر نے انگلش ٹیم کے بلے باز کو جواب دیا کہ اُس کے باوجود ہم نے سیریز میں 0-2 سے اپنے نام کی تھی، یہ انجوائے کرنے کا وقت ہے جس پر پیٹرسن نے انہیں محبت بھرا پیغام بھیجا۔

    واضح رہے کہ شعیب اختر نے کیون پیٹرسن کو آؤٹ کرنے کے بعد چکن ڈانس کیا تھا جس کی ویڈیو اُس وقت بہت وائرل ہوئی تھی۔

    یاد رہے کہ پاکستانی ٹیم ورلڈکپ میں اپنا دوسرا میچ تین جون کو انگلینڈ کے خلاف کھیلے گی، پہلے میچ میں سرفراز الیون کے حصے میں عبرتناک شکست آئی تھی البتہ ہیڈکوچ مکی آرتھر اور باؤلنگ کوچ اظہر محمود پُرعزم ہیں کہ آغاز اچھا نہیں رہا مگر ٹیم کی واپسی ہوگی۔

  • بھارتی ٹینس اسٹار ثانیہ مرزا نے حسن علی کے مؤقف کی تائید کردی

    بھارتی ٹینس اسٹار ثانیہ مرزا نے حسن علی کے مؤقف کی تائید کردی

    نئی دہلی: قومی کرکٹ ٹیم کے سابق کپتان کی اہلیہ ثانیہ مرزا نے فاسٹ باؤلر حسن علی کے مؤقف کی تائید کرتے ہوئے اُن کی حمایت میں ٹویٹ کردیا۔

    تفصیلات کے مطابق آئی سی سی ورلڈ کپ 2019 میں منتخب ہونے والی پہلی پاکستانی خاتون میزبان زینب عباس نے قومی ٹیم کے فاسٹ باؤلرحسن علی اور لیگ اسپنر شاداب خان کے درمیان دوستی کی نوعیت کو دیکھنے کے لیے دونوں سے دلچسپ سوالات کیے۔

    زینب عباس کے ایک سوال کے جواب میں حسن علی کا کہنا تھا کہ پیزا دراصل جنگ فوڈ نہیں بلکہ یہ میچ کے بعد جسم میں توانائی کے حصول کی غذا ہے۔

    قومی کرکٹ ٹیم کے فاسٹ باؤلر کے دفاع میں ثانیہ نے لکھا کہ ’’دراصل حسن ٹھیک کہہ رہے ہیں کیونکہ طویل اور سخت میچز کے بعد پیزا توانائی حاصل کرنے کے لئے بہترین غذا ہے‘‘۔

    اُن کا کہنا تھا کہ شرط یہ ہے کہ یپزا بہت زیادہ پنیر والا نہ ہو، بیکری والا پیزا واقعی میں بہت اچھا ہوتا ہے کیونکہ اُس میں کاربوہائیڈریٹس شامل ہوتے ہیں جو توانائی بحال کرنے میں بہت زیادہ معاون ہیں۔

  • آئی سی سی ورلڈکپ 2019: انگلینڈ اور جنوبی افریقہ کا ٹاکرا آج ہوگا

    آئی سی سی ورلڈکپ 2019: انگلینڈ اور جنوبی افریقہ کا ٹاکرا آج ہوگا

    لندن : آئی سی سی ورلڈکپ 2019 کے افتتاحی میچ میں میزبان انگلینڈ اور جنوبی افریقہ کے درمیان مقابلہ آج ہوگا۔

    تفصیلات کے مطابق آئی سی سی ورلڈ کپ کے افتتاحی میچ میں انگلینڈ اور جنوبی افریقہ کا ٹاکرا آج ہوگا دونوں ٹیموں کے درمیان میچ پاکستانی وقت کے مطابق دوپہرڈھائی بجے اوول میں کھیلا جائے گا۔

    انگلینڈ کے خلاف میچ میں جنوبی افریقہ کو فاسٹ باؤلر ڈیل اسٹین کی خدمات حاصل نہیں ہوں گی، وہ زخمی ہونے کے باعث میچ سے باہر ہوگئے ہیں۔

    میزبان ٹیم کے کپتان آئن مورگن کے مطابق ہوم گراؤنڈ میں ورلڈکپ جیت کرکرکٹ میں حیران کن کارنامہ انجام دے سکتے ہیں۔

    دوسری جانب جنوبی افریقہ کے کپتان فاف ڈیوپلیسی نے کہا کہ ہم اس ٹورنامنٹ میں فیورٹ کے طور پر یا کم فیورٹ کے طور پرشامل ہوں لیکن ہمیں گراؤنڈ میں جا کرکرکٹ کھیلنی ہے اور ورلڈ کپ جیتنے کے لیے کارکردگی دکھانی ہے۔

    آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

    ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

    آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

    پاکستان کرکٹ ٹیم اپنا میچ 31 مئی کو ویسٹ انڈیز کے خلاف کھیلے گی جو پاکستان وقت کے مطابق دوپہرڈھائی بجے شروع ہوگا۔

  • ورلڈکپ 2019: ملالہ یوسفزئی کس ٹیم کو سپورٹ کررہی ہیں؟

    ورلڈکپ 2019: ملالہ یوسفزئی کس ٹیم کو سپورٹ کررہی ہیں؟

    لندن: عالمی نوبل انعامِ یافتہ پاکستانی طالبہ ملالہ یوسف زئی ورلڈکپ 2019 میں پاکستانی ٹیم کو سپورٹ کررہی ہیں۔

    تفصیلات کے مطابق بکنگھم پیلس میں کرکٹ ورلڈ کپ 2019 کی افتتاحی تقریب سے آغاز ہوا جبکہ میگا ایونٹ کا آغاز باقاعدہ کل سے ہوگا، بکنگھم اس موقع پر عالمی نوبل انعامِ یافتہ پاکستانی طالبہ ملالہ یوسف زئی نے کرکٹ 360 میچ میں اظہر علی کے ساتھ پاکستان کی نمائندگی کی۔

    شاہی محل کے باہر ورلڈکپ کی آمد کے پیش نظر کرکٹ 360 میچز کا انعقاد کیا گیا جس میں ایونٹ میں حصہ لینے والی ٹیموں کی نمائندگی کے لیے نامور شخصیات نے حصہ لیا۔

    قبل ازیں ورلڈ کپ میں حصہ لینے والی تمام ٹیموں کے کپتانوں ملکہ ایلزبتھ سے ملاقات کی۔ ورلڈکپ کی افتتاحی تقریب میں قومی کرکٹ ٹیم کے کپتان سرفراز احمد  نے روایتی شلوار قمیص اور سبز رنگ کا کوٹ زیب تک کیا ہے۔

    یاد رہے کہ ورلڈکپ 2019 کا افتتاحی میچ جنوبی افریقا اور انگلینڈ کی ٹیموں کے مابین کھیلا جائے گا، ڈیل اسٹین کو کاندھے کی انجری کے باعث میچ میں آرام کا موقع دیا گیا۔

    شاہی محل کے باہر پاکستانیوں کی بڑی تعداد اپنی ٹیم کو سپورٹ کرنے کے لیے بھی موجود تھی۔

    پاکستان اپنا پہلا میچ جمعے کو ویسٹ انڈیز کے خلاف کھیلے گا، ویسٹ انڈیز کی ٹیم کے کوچ سر ووین رچرڈ نے کہا ہے کہ ہماری ٹیم کو شکست دینا آسان کام نہیں البتہ پاکستان ٹورنامنٹ کی ایسی ٹیم ہے جو نتائج کو تبدیل کی صلاحیت رکھتی ہے۔

    ورلڈکپ 45 روز تک جاری رہے گا اور دنیائے کرکٹ میں حکمرانی قائم کرنے والی ٹیم کا فیصلہ 14 جولائی کو ہوگا۔

  • ورلڈکپ سے قبل جنوبی افریقا کی ٹیم کو بڑا دھچکا، ڈیل اسٹین انجرڈ، افتتاحی میچ سے باہر

    ورلڈکپ سے قبل جنوبی افریقا کی ٹیم کو بڑا دھچکا، ڈیل اسٹین انجرڈ، افتتاحی میچ سے باہر

    لندن: ورلڈکپ 2019 کے آغاز سے قبل جنوبی افریقا کی ٹیم کو بڑا دھچکا لگا کیونکہ اُن کے اہم باؤلر ڈیل اسٹین انجری کے باعث افتتاحی میچ سے باہر ہوگئے۔

    تفصیلات کے مطابق عالمی شہرت یافتہ اسٹار فاسٹ باؤلر ڈیل اسٹین انگلینڈ کے خلاف عالمی کپ کے افتتاحی میچ سے کاندھے کی انجری کے باعث باہر ہو گئے، 35سالہ فاسٹ باؤلر رواں سال انڈین پریمیئر لیگ کے دوران ایک مرتبہ کندھے کی انجری کا شکار ہوئے تھے اور ٹیم مینجمنٹ انہیں انگلینڈ کے خلاف میچ میں کھلا کر کوئی رسک نہیں لینا چاہتی کیونکہ اسٹین ابھی تک مکمل طور پر صحت یاب نہیں ہوئے۔

    ساؤتھ افریقا کی ٹیم کے کوچ اوٹس گبسن نے تصدیق کی کہ اسٹین انجری کے بعد روبہ صحت ہیں البتہ وہ عالمی کپ کے افتتاحی میچ حصہ لینے کے لیے تیار نہیں کیونکہ ابھی انہیں کاندھے میں درد ہے۔

    اُن کا کہنا تھا کہ ٹورنامنٹ 6 ہفتوں پر محیط ہے لہذا اسٹین آئندہ کسی میچ میں کھیل لیں گے، ہمارے پاس اُن کے علاوہ 14 بہترین کھلاڑی موجود ہیں جو کارکردگی کی بنیاد پر اسکواڈ کا حصہ بنے ہیں۔

    یاد رہے کہ ورلڈ کپ کا افتتاحی میچ 30مئی کو میزبان انگلینڈ اور جنوبی افریقہ کے درمیان کھیلا جائے گا۔

  • پاکستان اوربنگلہ دیش کے درمیان وارم اپ میچ آج کھیلا جائے گا

    پاکستان اوربنگلہ دیش کے درمیان وارم اپ میچ آج کھیلا جائے گا

    کارڈف : ورلڈکپ 2019 کے لیے پاکستان کی تیاریاں زور وشور سے جاری ہیں، قومی ٹیم اپنا دوسرا وارم اپ میچ آج بنگلہ دیش کے خلاف کھیلے گی۔

    تفصیلات کے مطابق پاکستان اور بنگلہ دیش کے درمیان ورلڈکپ وارم اپ میچ آج کارڈف میں کھیلا جائے گا، میچ پاکستانی وقت کے مطابق دوپہر ڈھائی بجے شروع ہوگا۔

    قومی کرکٹ ٹیم کے بلے باز آصف علی نے بھی ٹیم کو جوائن کرلیا، وہ کینسر میں مبتلا اپنی بچی کی وفات کے باعث پاکستان آئے تھے۔

    بنگلہ دیش کے خلاف وارم اپ میچ میں قومی اسکواڈ کپتان سرفراز احمد ، فخرزمان، آصف علی، بابراعظم، شعیب ملک، حارث سہیل، شاداب خان، محمد حفیظ، عماد وسیم، شاہین شاہ آفریدی، حسن علی، محمد عامر، وہاب ریاض اور محمد حسنین پرمشتمل ہے۔

    دوسری جانب بنگلہ دیشی اسکواڈ کپتان مشرفی مرتضیٰ، لٹن داس، سومیا سرکار، تمیم اقبال، شکیب الحسن، ابو جاوید، مہدی حسن، محمد مٹھن، محمد اللہ، محمد سیف الدین، مصدق حسین، مشفق الرحیم، مستفیض الرحمان، شبیر رحمان اور روبیل حسین پر مشتمل ہے۔

    وارم اپ میچ، افغانستان نے پاکستان کو 3 وکٹوں سے شکست دے دی

    یاد رہے کہ 24 مئی کو افغانستان کے خلاف پہلے وارم اپ میچ میں قومی کرکٹ ٹیم نے افغانستان کو جیت کے لیے 263 رنز کا ہدف دیا تھا جو افغانستان نے 7 وکٹوں کے نقصان پر حاصل کرلیا تھا۔

  • آئی سی سی کا ورلڈکپ 2019 کیلئے میچ آفیشلز کا اعلان

    آئی سی سی کا ورلڈکپ 2019 کیلئے میچ آفیشلز کا اعلان

    دبئی : آئی سی سی نے ورلڈکپ دو ہزار انیس کے لیے میچ آفیشلز کا اعلان کردیا، آفیشلز میں سولہ امپائر اور چھ میچ ریفریز شامل ہیں۔

    تفصیلات کے مطابق آئی سی سی نے کرکٹ کے سب سے بڑے میلے کے لیے آفیشلزکااعلان کردیا گیا ، دنیا بھر سے 22 میچ آفیشلز ورلڈکپ سپروائزکریں گے، میچ آفیشلزمیں16امپائر،6ریفریزشامل ہیں۔

    پاکستان کےعلیم ڈار پانچویں بارعالمی کپ میں امپائرنگ کے فرائض انجام دیں گے، رانجن مدوگالے سب سے زیادہ چھٹی بار ورلڈکپ پینل میں شامل ہیں۔

    ایان گولڈ کا چوتھا اور آخری ورلڈکپ ہوگا، جس کے بعد وہ ریٹائر ہوجائیں گے جبکہ میچ ریفریز میں کرس براڈ، ڈیوڈ بون ،اینڈی کرافٹ، جیف کرو،رانجن مدوگالے اور رچی رچرڈسن شامل ہیں۔

    امپائرز میں کمار دھرماسینا، ماریس ایرسمس،کرس گفانے ، ،رچڑد ایلنگورتھ، رچرڈ کیٹل برح،نیل لانگ،برس اوکسنفورڈ،سندارام روی،پال رائیفل،رڈ ٹکر،جول ولسن، مائیکل گف،پال ولسن اور روچیرا پالیا گوروگے شامل ہیں۔

    مزید پڑھیں :  کرکٹ ورلڈ کپ: پاکستانی ٹیم کب اورکہاں میچ کھیلے گی

    خیال رہے ورلڈ کپ کا آغاز برطانیہ میں  30 مئی کو جنوبی افریقا اور میزبان انگلینڈ کے درمیان میچ سے ہوگا، پاکستانی کرکٹ ٹیم اپنا پہلا میچ ویسٹ انڈیز کے خلاف کھیلے گی اور یہ میچ  ناٹنگھم میں کھیلا جائے گا۔  کرکٹ کی دنیا کے روایتی حریف پاکستان اور بھارت کا ٹاکرا 16 جون کو مانچسٹر میں ہو گا۔

    یاد رہے آئی سی سی کرکٹ ورلڈ کپ 2019 اور دورہ انگلینڈ کے لیے 15 رکنی قومی کرکٹ ٹیم کا اعلان کیا گیا تھا، ورلڈ کپ اور دورہ انگلینڈ کے لیے قومی ٹیم میں کپتان سرفراز احمد، فخر زمان، امام الحق، عابد علی، بابر اعظم، شعیب ملک، شاداب خان، حسن علی، شاہین شاہ آفریدی، فہیم اشرف، عماد وسیم، حارث سہیل، محمد حفیظ، جنید خان، محمد حسنین شامل ہیں۔

  • ورلڈکپ سے پہلے قومی ٹیم کودھچکا، شاداب خان ہیپاٹائٹس میں مبتلا

    ورلڈکپ سے پہلے قومی ٹیم کودھچکا، شاداب خان ہیپاٹائٹس میں مبتلا

    لاہور: پاکستان کرکٹ ٹیم کو انگلینڈ روانگی سے قبل شاداب خان کی عدم دستیابی کی صورت میں بڑا دھچکا لگا ہے۔

    تفصیلات کے مطابق ورلڈ کپ سے قبل پاکستان کرکٹ ٹیم کو بڑا دھچکا لگا ہے، نوجوان لیگ اسپنر شاداب خان کے پیپاٹائٹس کے شکار ہونے کا انکشاف ہوا ہے جس کے بعد وہ انگلینڈ کے خلاف ون ڈے سیریز میں حصہ نہیں لے سکیں گے۔

    چیف سلیکٹر انضام الحق نے میڈیا سے گفتگو کرتے ہوئے کہا کہ لیگ اسپنرشاداب خان کے بلد ٹیسٹ میں وائرس کی نشاندہی ہوئی ہے جس کے باعث ڈاکٹرز نے انہیں 4 ہفتے آرام کا مشورہ دیا ہے۔

    انضام الحق نے کہا کہ شاداب خان انگلینڈ کے خلاف ون ڈے سیریز نہیں کھیل سکیں گے اور امید ہے کہ وہ ورلڈکپ تک فٹ ہوجائیں گے۔

    ذرائع کے مطابق شاداب خان کی بلڈ رپورٹ درست نہیں آئی اور ان کے خون کے نمونے میں پیپاٹائٹس کے وائرس کی موجودگی کا انکشاف ہوا ہے۔

    واضح رہے کہ 5 ٹیسٹ، 34 ون ڈے اور 32 ٹی ٹوئنٹی میچوں میں پاکستان کی نمائندگی کرنے والے لیگ اسپنر شاداب خان ورلڈکپ کے لیے قومی کرکٹ ٹیم کے 15 رکنی اسکواڈ کا حصہ ہیں۔

  • آسٹریلیا نے ورلڈکپ 2019 کے لیے 15 رکنی اسکواڈ کا اعلان کردیا

    آسٹریلیا نے ورلڈکپ 2019 کے لیے 15 رکنی اسکواڈ کا اعلان کردیا

    سڈنی: کرکٹ آسٹریلیا نے آئی سی سی ورلڈکپ 2019 کے لیے 15 رکنی ٹیم کا اعلان کردیا، اسٹیو اسمتھ اور ڈیوڈ وارنر کی ٹیم میں واپسی ہوئی ہے۔

    تفصیلات کے مطابق نیوزی لینڈ کے بعد آسٹریلیا نے آئی سی سی ورلڈ کپ 2019 کے لیے 15 رکنی اسکواڈ کا اعلان کردیا، ایرون فنچ ٹیم کی قیادت کریں گے۔

    بال ٹیمپرنگ کے تنازع میں سابق کپتان اسٹیو اسمتھ اور ڈیوڈ وارنر کی ایک سالہ پابندی کی سزا کے بعد ٹیم میں واپسی ہوئی ہے۔

    آسٹریلیا کے 15 رکنی اسکواڈ میں ایرون فنچ، مچل اسٹارک، پیٹ کمنز، کولٹرنائل، جے رچرڈسن، بہرینڈوف، نیتھن لائن، ایڈم زمپا، ڈیوڈ وارنر، عثمان خواجہ، اسٹیواسمتھ، گلین مکیسویل، مارکوس اسٹوئنز اور وکٹ کیپر ایلکس کیری شامل ہیں۔

    آئی سی سی ورلڈکپ 2019 میں آسٹریلیا اپنا پہلا میچ یکم جون کو افغانستان کے خلاف کھیلے گی۔

    یاد رہے کہ گزشتہ ہفتے ورلڈکپ 2019 کے لیے آسٹریلیا کی جانب سے پہنے جانے والی کٹ سامنے آئی تھی۔ کٹ میں روایتی پیلے رنگ میں ہرے رنگ کو شامل کیا گیا۔

  • ورلڈکپ 2019 : آسٹریلوی ہیڈ کوچ کی میکسوئل کو کپتان بنانے میں دلچسپی

    ورلڈکپ 2019 : آسٹریلوی ہیڈ کوچ کی میکسوئل کو کپتان بنانے میں دلچسپی

    سڈنی: دنیا بھر میں کرکٹ ورلڈکپ 2019 کی تیاریاں عروج پر جاری ہیں، تمام ٹیموں نے ٹرافی حاصل کرنے کے لیے حکمتِ عملی مرتب کرنا شروع کردی۔

    چار بار ورلڈکپ کی فاتح ٹیم آسٹریلیا اس بار بھی کرکٹ کی دنیا میں حکمرانی کے خواب دیکھ رہا ہے مگر انہیں ابھی کپتان منتخب کرنے کا مسئلہ درپیش ہے۔

    آسٹریلین کرکٹ ٹیم کے ہیڈ کوچ اور سابق کھلاڑی مچل جونسن نے اعلان کیا ہے کہ ہماری ٹیم اس بار ورلڈ کپ کے لیے محنت کرے گی اور ہم ہی 2019 کا کپ لے کر آئیں گے۔

    مزید پڑھیں: کرکٹ‌ ورلڈکپ 2019 ٹرافی کی تقریب رونمائی، محمد عرفان نے اعزاز حاصل کرلیا

    اُن کا کہنا تھا کہ ٹیم کی قیادت کا مسئلہ درپیش ہے مگر اس کے لیے سوچ بچار شروع کردی گئی، ٹیم مینیجمنٹ اور کھلاڑیوں کی رائے کے مطابق کپتان کے نام پر غور شروع کردیا گیا۔ مچل جونسن کا کہنا تھا کہ اب تک کپتان کے لیے گلین میکسوئل ہی سب سے بہترین انتخاب کے طور پر سامنے آئے اور وہی ٹیم کی قیادت بھی کریں گے۔

    اُن کا کہنا تھا کہ ’میکسوئل میں وہ صلاحیت موجود ہے جس سے ہمیں استفادہ کرنا چاہیے، وہ نہ صرف ابھرتا ہوا کھلاڑی ہے بلکہ ٹیم کو فتح یاب بھی کروائے گا، میری نظر اور رائے کے مطابق اُسی کو آئی سی سی ورلڈ کپ 2019 کا کپتان مقرر کیا جائے گا‘۔

    ہیڈ کوچ کا یہ بھی کہنا تھا کہ ’اب ہمارے پاس وقت بہت کم ہے کیونکہ ورلڈ کپ کے مقابلے 30 مئی 2019 سے شروع ہوجائیں گے، سلیکٹرز نے اسکواڈ کا اعلان کردیا، ہم جلد کپتان کا اعلان بھی کریں گے‘۔

    یہ بھی پڑھیں: کرکٹ ورلڈکپ2019 : ٹکٹوں کی آن لائن غیرقانونی فروخت، انتظامیہ کا ایکشن

    مچل جونسن کا کہنا تھا کہ ’میکسوئل نے بھارت کے ساتھ ہونے والی سیریز میں قائدانہ صلاحیتوں کا مظاہرہ کیا علاوہ ازیں اُس نے بی پی ایل میں بھی ایسا کھیل پیش کیا جو ایک کپتان ہی کرسکتا ہے’۔