ARYNews.tv | Urdu – Har Lamha Bakhabar

Tag: ورلڈ کپ 2019

  • پاکستان نے بنگلہ دیش کو 94 رنز سے شکست دے دی، ورلڈ‌ کپ کا سفر اختتام پذیر

    پاکستان نے بنگلہ دیش کو 94 رنز سے شکست دے دی، ورلڈ‌ کپ کا سفر اختتام پذیر

    لندن: ورلڈ کپ 2019 میں پاکستان کا سفر ختم ہوگیا، قومی ٹیم نے آخری گروپ میچ میں بنگلہ دیش کو 94 رنز سے شکست دے دی، نیوزی لینڈ بہتر رن ریٹ ہونے کی وجہ سے سیمی فائنل میں پہنچ گیا۔

    تفصیلات کے مطابق لارڈز میں کھیلے جانے والے میچ میں پاکستان کی جانب سے دئیے جانے والے 316 رنز کے تعاقب میں بنگلہ دیش کی ٹیم 221 رنز پر ڈھیر ہوگئی، شاہین شاہ آفریدی کو 6 وکٹیں حاصل کرنے پر مین آف دی میچ قرار دیا گیا ۔

    بنگلہ دیش کی پہلی وکٹ 26 رنز پر گری، سومیا سرکار 22 رنز بنا کر محمد عامر کو وکٹ دے بیٹھے، تمیم اقبال کو 8 رنز پر شاہین آفریدی نے بولڈ کیا۔

    مشفیق الرحیم 16 رنز بنا کر آؤٹ ہوئے، شکیب الحسن نے 64 رنز کی اننگز کھیلی انہیں شاہین آفریدی نے آؤٹ کیا، لٹن داس 32 رنز بنا کر پویلین لوٹ گئے۔

    محمود اللہ 29 رنز بنا کر بولڈ ہوئے، مصدق حسین کو 16 رنز پر شاداب خان نے آؤٹ کیا، محمد سیف الدین بغیر کوئی رن بنائے شاہین آفریدی کا نشانہ بنے، مشرفی مرتضیٰ 15 رنز بناسکے۔

    شاہین شاہ آفریدی نے 6 کھلاڑیوں کو پویلین کی راہ دکھائی، شاداب خان نے دو وکٹیں حاصل کیں، محمد عامر اور وہاب ریاض نے ایک، ایک وکٹ حاصل کرسکے۔

    اس سے قبل لارڈز میں کھیلے جانے والے میچ میں پاکستان نے مقررہ اوورز میں 9 وکٹوں کے نقصان پر 315 رنز بنائے اور بنگال ٹائیگر کو جیت کے لیے 316 رنز کا ہدف دیا تھا، بابر اعظم نے 96 رنز کی شاندار اننگز کھیلی۔

    پاکستان نے اننگز کا آغاز کیا تو پہلی وکٹ 23 رنز پر گری جب فخر زمان 13 رنز بنا کر پویلین لوٹ گئے، گرین شرٹس کی دوسری وکٹ 180 رنز پر گری بابر عظم نروس نائنٹیز کا شکار ہوتے ہوئے 96 رنز پر محمد سیف الدین کی گیند پر ایل بی ڈبلیو آؤٹ ہوئے۔

    امام الحق 100 رنز بنا کر ہٹ وکٹ آؤٹ ہوئے، محمد حفیظ 27 رنز بنا کر ایک بار پھر اسپنر کی گیند پر کیچ آؤٹ ہوئے، حارث سہیل 6 رنز بنا کر مستفیض الرحمان کا نشانہ بنے۔

    کپتان سرفراز احمد 2 رنز پر ریٹائرڈ ہرٹ ہوئے، عماد وسیم نے 43 رنز کی برق رفتار اننگز کھیلی، وہاب ریاض 2 اور شاداب خان ایک رن بنا کر آؤٹ ہوئے، محمد عامر 8 رنز بناسکے۔

    بنگلہ دیش کے مستفیض الرحمان نے پانچ وکٹیں حاصل کیں، محمد سیف الدین نے تین کھلاڑیوں کو پویلین کی راہ دکھائی، مہدی حسن ایک وکٹ لے سکے۔

     ورلڈ کپ 2019 میں آج پاکستان اور بنگلہ دیش کی ٹیمیں لارڈز کے تاریخی میدان میں مدمقابل ہیں۔ پاکستان کے سیمی فائنل میں رسائی کے امکانات انتہائی کم ہیں۔ٹاس جیت کر پاکستان نے بنگلہ دیش کے خلاف بیٹنگ کا فیصلہ کیا ہے۔

    پاکستان نے بنگلہ دیش کے خلاف 350 رنز بنائے تو حریف کو 311 رنز سے ہرانا ہوگا، اگر پاکستان بنگلہ دیش کے خلاف 400 رنز بنائے تو حریف کو 84 رنز پر آل آؤٹ کرنا ہوگا۔

    ٹاس جیت کر پاکستانی کپتان سرفراز احمد کا کہنا تھا کہ کوشش کریں گے بڑا اسکور کریں، ہمیں پتہ ہے مارجن بہت بڑا ہے۔ کوشش کریں گے میچ جیتیں اور اچھا اختتام کریں۔

    بنگلہ دیشی کپتان مشرفی مرتضیٰ کا کہنا تھا کہ ہم بھی پہلے بیٹنگ کرنا چاہتے تھے، کوشش کریں گے پاکستان کو کم رنز پر روکیں۔

    اسکواڈ

    آج کے میچ کے لیے پاکستانی ٹیم میں سرفراز احمد (کپتان)، امام الحق، فخر زمان، بابر اعظم، محمد حفیظ، حارث سہیل، عماد وسیم، شاداب خان، محمد عامر، وہاب ریاض اور شاہین آفریدی شامل ہیں۔

    بنگلہ دیشی ٹیم میں مشرفی مرتضیٰ (کپتان)، تمیم اقبال، سومیہ سرکار، شکیب الحسن، مشفق الرحمٰن، لٹن داس، محمد اللہ، مصدق حسین، مہدی حسن، محمد سیف الدین اور مستفیض الرحمٰن شامل ہیں۔

  • ورلڈ کپ میں پاکستان اپنا آخری گروپ میچ آج بنگلہ دیش کے خلاف کھیلے گا

    ورلڈ کپ میں پاکستان اپنا آخری گروپ میچ آج بنگلہ دیش کے خلاف کھیلے گا

    لندن: ورلڈ کپ 2019 میں پاکستان اپنا آخری گروپ میچ آج بنگلہ دیش کے خلاف کھیلے گا۔

    تفصیلات کے مطابق ورلڈ کپ 2019 میں آج پاکستان اور بنگلہ دیش کی ٹیمیں لارڈز کے تاریخی میدان میں مدمقابل ہوں گی، سرفراز الیون میں دو تبدیلیوں کا امکان ہے۔

    اوپنر فخر زمان کی جگہ شعیب ملک اپنا آخری میچ کھیلیں گے، فاسٹ بولر وہاب ریاض کی جگہ حسن علی کو موقع دیا جائے گا۔

    واضح رہے کہ پاکستان کے سیمی فائنل میں رسائی کے امکانات انتہائی کم ہوگئے ہیں اگر بنگلہ دیش نے پاکستان کے خلاف پہلے بیٹنگ کی تو پاکستان سیمی فائنل کی دوڑ سے باہر ہوگا۔

    مزید پڑھیں: فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    پاکستان نے بنگلہ دیش کے خلاف 350 رنز بنائے تو حریف کو 311 رنز سے ہرانا ہوگا، اگر پاکستان بنگلہ دیش کے خلاف 400 رنز بنائے تو حریف کو 84 رنز پر آؤٹ کرنا ہوگا۔

    قومی کرکٹ ٹیم کو بنگلہ دیش کو 316 رنز کے مارجن سے ہرانا ہوگا۔

    قومی ٹیم کے کپتان سرفراز احمد کا کہنا تھا کہ آسٹریلیا سے میچ ٹرننگ پوائنٹ تھا، اس میں شکست سے پاکستانی ٹیم کو نقصان ہوا.

    سرفراز احمد نے کہا کہ بنگلا دیش کےخلاف ہمیں بڑا اسکور بنانا ہے، بدقسمتی سے دیگر ٹیموں کے مقابلے میں ہمارا ٹاپ آرڈر ناکام رہا۔

  • ورلڈ کپ 2019: ویسٹ انڈیز نے افغانستان کو 23 رنز سے شکست دے دی

    ورلڈ کپ 2019: ویسٹ انڈیز نے افغانستان کو 23 رنز سے شکست دے دی

    لیڈز: ورلڈ کپ 2019 کے 42ویں میچ میں ویسٹ انڈیز نے افغانستان کو 23 رنز سے شکست دے دی، اکرام علی خیل کی 86 رنز کی اننگز بھی افغانستان کو شکست سے نہ بچاسکی، افغانستان کی ٹیم ورلڈ کپ میں ایک میچ بھی نہیں جیت سکی ہے۔

    تفصیلات کے مطابق لیڈز میں کھیلے جانے والے میچ میں ویسٹ انڈیز کی جانب سے دئیے جانے والے 312 رنز کے تعاقب میں افغانستان کی ٹیم مقررہ اوورز میں 288 رنز پر ڈھیر ہوگئی، بریتھ ویت نے 4 وکٹیں حاصل کیں۔

    افغانستان کی پہلی وکٹ 5 رنز پر گری جب کپتان گلبدین نائب 5 رنز بنا کر کیمار روچ کی گیند پر لوئس کو کیچ دے بیٹھے، رحمت شاہ 62 رنز بنا کر آؤٹ ہوئے۔

    اکرام علی خیل نے 86 رنز کی شاندار اننگز کھیلی انہیں کرس گیل نے آؤٹ کیا، نجیب اللہ زردان 31 رنز بنا کر رن آؤٹ ہوئے، اصغر افغان 40 رنز بنا کر بریتھ ویت کا نشانہ بنے۔

    آل راؤنڈر محمد نبی 2 رنز بنا کر پویلین لوٹ گئے، سمیع اللہ شنواری کو 6 رنز پر کیمار روچ نے آؤٹ کیا، راشد خان 9 رنز بناسکے، دولت زردان ایک رن بناسکے، سید شیرزاد 25 رنز بنا کر آؤٹ ہوئے۔

    ویسٹ انڈیز کے بریتھ ویت نے 4 کھلاڑیوں کو پویلین کی راہ دکھائی، کیمار روچ نے تین وکٹیں حاصل کیں، کرس گیل اور اوشین تھامس ایک، ایک وکٹ حاصل کرسکے۔

    اس سے قبل لیڈز میں کھیلے جانے والے میچ میں ویسٹ انڈیز نے مقررہ اوورز میں 6 وکٹوں کے نقصان پر 311 رنز بنائے اور افغانستان کو جیت کے لیے 312 رنز کا ہدف دیا تھا، دولت زردان نے دو وکٹیں حاصل کیں۔

    ویسٹ انڈیز کی پہلی وکٹ 21 رنز پر گری جب کرس گیل 7 رنز بنا کر پویلین لوٹ گئے، ایون لوئس 58 رنز بنا کر راشد خان کا نشانہ بنے، شائے ہوپ نے 77 رنز کی شاندار اننگز کھیلی انہیں محمد نبی نے آؤٹ کیا۔

    ہیٹ مائر کو 39 رنز پر دولت زردان نے پویلین روانہ کیا، نکولس پورن 58 رنز بنا کر رن آؤٹ ہوئے، کپتان جیسن ہولڈر 45 رنز بنا کرآؤٹ ہوئے، بریتھ ویت 14 رنز بنا کر ناٹ اؤٹ رہے۔

    افغانستان کے دولت زردان نے دو کھلاڑیوں کو پویلین کی راہ دکھائی، محمد نبی اور راشد خان نے ایک، ایک وکٹ حاصل کی۔

    آئی سی سی ورلڈ کپ 2019 میں آج افغانستان اور ویسٹ انڈیز مدمقابل ہیں، ویسٹ انڈیز نے افغانستان کے خلاف ٹاس جیت کر بیٹنگ کا فیصلہ کیا ہے۔

     آئی سی سی ورلڈ کپ کے 42 ویں میچ میں آج افغانستان اور ویسٹ انڈیز کی ٹیمیں مدمقابل ہیں۔ دونوں ٹیمیں سیمی فائنل کی دوڑ سے باہر ہوچکی ہیں۔

    افغانستان کی ٹیم میگا ایونٹ میں اب تک 8 میچز کھیل چکی ہے اور اسے تمام میچوں میں شکست کا سامنا کرنا پڑا ہے۔ پوائنٹس اسکورننگ ٹیبل پر افغانستان صفر پوائنٹس کے ساتھ آخری نمبر پر ہے۔

    ویسٹ انڈیز کی ٹیم بھی اب تک 8 میچز کھیل چکی ہے جس میں سے وہ ایک ہی میچ جیت سکی، 6 میچز میں اسے شکست کا سامنا کرنا پڑا جبکہ ایک بارش کی نذر ہوا۔ 3 پوائنٹس کے ساتھ ویسٹ انڈیز کی ٹیم اسکورننگ ٹیبل پر نویں نمبر پر ہے۔

    ٹاس جیتنے کے بعد ویسٹ انڈیز کے کپتان جیسن ہولڈر کا کہنا تھا کہ وکٹ اچھی لگ رہی ہے، بڑا اسکور کرنے کی کوشش کریں گے۔ ٹورنامنٹ کو اچھے انداز میں ختم کرنا چاہتے ہیں۔

    افغانستان کے کپتان گلبدین نائب کا کہنا تھا کہ ہم بھی بیٹنگ کرنا چاہتے تھے، وکٹ اچھی ہے، اسپنرز کو مدد ملے گی۔ ہم نے گزشتہ میچز میں اچھا کھیلا۔ ہار جیت کھیل کا حصہ ہے، جو اچھا کھیلے گا وہی جیتے گا۔

    ورلڈ کپ 2019 کے سیمی فائنل کے لیے آسٹریلیا، بھارت، انگلینڈ اور نیوزی لینڈ اپنی جگہ بنا چکے ہیں۔ پاکستان اگر اپنے آخری میچ میں بنگلہ دیش کو بڑے مارجن سے شکست دے دے تو اس کا سیمی فائنل میں جانے کا امکان ایک بار پھر روشن ہوسکتا ہے۔

    ورلڈ کپ 2019 کا فائنل 14 جولائی کو کھیلا جائے گا۔

  • ورلڈ کپ 2019: انگلینڈ نے نیوزی لینڈ کو شکست دے کر سیمی فائنل کے لیے کوالیفائی کرلیا

    ورلڈ کپ 2019: انگلینڈ نے نیوزی لینڈ کو شکست دے کر سیمی فائنل کے لیے کوالیفائی کرلیا

    چیسٹرلی اسٹریٹ: ورلڈ کپ 2019 کے 41ویں میچ میں انگش ٹیم نے نیوزی لینڈ کو 119 رنز سے شکست دے کر سیمی فائنل کے لیے کوالیفائی کرلیا، نیوزی لینڈ کے رن ریٹ بہتر ہونے کی وجہ سے سیمی فائنل میں جانے کے امکانات بڑھ گئے، پاکستان کی سیمی فائنل تک رسائی مشکل ہوگئی۔

    تفصیلات کے مطابق چیسٹرلی میں کھیلے جانے والے میچ میں انگلش ٹیم کی جانب سے دئیے جانے والے 306 رنز ہدف کے تعاقب میں نیوزی لینڈ کی ٹیم 45 اوورز میں 186 رنز پر ڈھیر ہوگئی، جونی بیرسٹو کو شاندار سنچری اسکور کرنے پر میچ کا بہترین کھلاڑی قرار دیا گیا۔

     ہدف کے تعاقب میں نیوزی لینڈ کی ٹیم شروع سے ہی مشکلات کا شکار رہی، کیوی ٹیم کی ابتدائی دو وکٹیں 14 رنز پر گر گئیں، مارٹن گپٹل 8 اور نکولس بغیر کوئی رن بنائے پویلین لوٹ گئے۔

    کیوی کپتان کین ولیم سن 27 رنز بنا کر رن آؤٹ ہوئے، روس ٹیلر بھی 28 رنز بنانے کے بعد رن آؤٹ ہوکر پویلین لوٹ گئے، ٹام لیتھم کے 57 رنز بھی نیوزی لینڈ کو شکست سے نہ بچاسکے، لیتھم کو پلنکٹ نے آؤٹ کیا۔

    جمی نیشم 19 رنز بنا کر مارک ووڈ کا شکار بنے، کولن ڈی گرینڈ ہوم 3 رنز بنا آؤٹ ہوئے، مچل سینٹنر 12 رنز پر ہمت ہارگئے، ہینری کو 7 رنز پر مارک ووڈ نے بولڈ کیا، ٹرینٹ بولٹ 4 رنز بناکر اسٹمپڈ ہوئے۔

    انگلینڈ کے مارک ووڈ نے تین کھلاڑیوں کو پویلین کی راہ دکھائی، کرس ووکس، جوفرا آرچر، پلنکٹ نے ایک، ایک وکٹ حاصل کی۔

    اس سے قبل چیسٹرلی میں کھیلے جانے والے میچ میں انگلش ٹیم نے مقررہ اوورز میں 8 وکٹوں کے نقصان پر 305 رنز بنائے اور نیوزی لینڈ کوجیت کے لیے 306 رنز کا ہدف دیا تھا، ٹرینٹ بولٹ نے دو وکٹیں حاصل کیں۔

    انگلینڈ کے اوپنرز نے شروع سے ہی جارحانہ انداز اپنایا، انگلش ٹیم کی پہلی وکٹ 123 رنز پر گری جب جیسن رائے 60 رنز بنا کر نیشم کا شکار بنے، جو روٹ 24 رنز بنا کر پویلین لوٹ گئے۔

    جونی بیرسٹو نے 106 رنز کی شاندار اننگز کھیلی ان کی اننگز میں 1 چھکا اور 15 چوکے شامل تھے، بیرسٹو کو ہینری نے بولڈ کیا، جوز بٹلر 11 رنز بنا کر آؤٹ ہوئے۔

    اوئن مورگن 42 رنز بنا کر ہینری کا شکار بنے، بین اسٹوکس 11 رنز بنا کر آؤٹ ہوئے، کرس ووکس 4 رنز بنا کر نیشم کی گیند پر ولیم سن کو کیچ دے بیٹھے۔

    عادل راشد 16 رنز بنا کر ٹم ساؤتھی کی گیند پر بولڈ ہوئے، لیام پلنکٹ 15 رنز بنا کر ناٹ آؤٹ رہے۔

    نیوزی لینڈ کے ٹرینٹ بولٹ، ہینری اور جمی نیشم نے دو، دو وکٹیں حاصل کیں، مچل سینٹنر اور ٹم ساؤتھی کے حصے میں ایک، ایک وکٹ آسکی۔

    اس سے قبل آئی سی سی ورلڈ کپ 2019 میں آج نیوزی لینڈ اور انگلینڈ مدمقابل ہیں۔ انگلینڈ نے نیوزی لینڈ کےخلاف ٹاس جیت کر بیٹنگ کا فیصلہ کیا ہے۔

    آئی سی سی ورلڈ کپ کے 41 ویں میچ میں آج نیوزی لینڈ اور انگلینڈ کی ٹیمیں چیسٹر لی کے میدان میں مدمقابل ہیں۔

    انگلینڈ کی ٹیم اس وقت پوائنٹس ٹیبل پر 10 پوائنٹس کے ساتھ موجود ہے اور سیمی فائنل تک پہنچنے کے لیے اسے آج کے میچ میں لازمی فتح درکار ہے۔

    آج کے میچ میں نیوزی لینڈ کی شکست کی صورت میں انگلینڈ فائنل 4 کی چوتھی ٹیم بن سکتا ہے، دوسری جانب نیوزی لینڈ شکست کے باوجود 11 پوائنٹس پر رہتے ہوئے محفوظ ہوگا۔

    اگر آج نیوزی لینڈ انگلینڈ سے بڑے مارجن سے ہارے اور بعد میں پاکستان بنگلہ دیش سے بھی بڑے مارجن سے جیتے تب نیوزی لینڈ کی پوزیشن کو خطرہ ہوسکتا ہے۔

    ٹاس جیتنے کے بعد انگلینڈ کے کپتان آئن مورگن کا کہنا تھا کہ پچ دوسری اننگز میں سلو ہو جاتی ہے، کوشش کریں گے بڑا اسکور کریں۔ بھارت کے خلاف میچ سے اعتماد ملا۔

    نیوزی لینڈ کے کپتان کین ولیمسن کا کہنا تھا کہ ہم بھی بیٹنگ کرنا چاہتے تھے، کم ہدف کے لیے اچھی باؤلنگ کرنا ہوگی۔

    اسکواڈ

    آج کے میچ کے لیے انگلینڈ کی ٹیم میں آئن مورگن (کپتان)، جیسن رائے، جونی برسٹو، جو روٹ، بین اسٹوکس، جوز بٹلر، کرس ووکس، لیام پلنکٹ، جوفرا آرچر، عادل رشید اور مارک ووڈ شامل ہیں۔

    نیوزی لینڈ کی ٹیم میں کین ولیمسن (کپتان)، مارٹن گپٹل، ہنری نکولس، راس ٹیلر، ٹام لیتھم، جیمز نیشام، کولن ڈی گرینڈ ہوم، مچل اسینٹنر، ٹم ساؤتھی، میٹ ہنری اور ٹرینٹ بولٹ شامل ہیں۔

  • ورلڈ کپ 2019، بھارت نے بنگلہ دیش کو 28 رنز سے شکست دے دی

    ورلڈ کپ 2019، بھارت نے بنگلہ دیش کو 28 رنز سے شکست دے دی

    برمنگھم: ورلڈ کپ 2019 کے 40ویں میچ میں بھارت نے بنگلہ دیش کو 28 رنز سے شکست دے کر سیمی فائنل کی دوڑ سے باہر کردیا، روہت شرما کو شاندار سنچری اسکور کرنے پر میچ کا بہترین کھلاڑی قرار دیا گیا۔

    تفصیلات کے مطابق برمنگھم میں کھیلے جانے والے میچ میں بھارت کی جانب سے دئیے جانے والے 315 رنز کے تعاقب میں بنگلہ دیش کی ٹیم 48 اوورز میں 286 رنز پر ڈھیر ہوگئی، شکیب الحسن کی 66 رنز کی اننگز بھی بنگلہ دیش کو شکست سے نہ بچاسکی۔

    بنگلہ دیش کے خلاف جیت کے بعد بھارت کے پوائنٹس 13 ہوگئے اور بھارت نے سیمی فائنل کے لیے کوالیفائی کرلیا ہے۔

    بنگلہ دیش نے ہدف کے تعاقب میں اننگز کا آغاز کیا تو ان کی پہلی وکٹ 39 رنز پر گری جب تمیم اقبال 22 رنز بنا کر محمد شامی کی گیند پر بولڈ ہوگئے، سومیا سرکار 33 رنز بنا کر آؤٹ ہوئے۔

    شکیب الحسن کی 66 رنز کی اننگز کھیلی انہیں پانڈیا نے آؤٹ کیا، لٹن داس 22 رنز پر ہمت ہار گئے، مشفیق الرحیم 24 رنز بنا کر چاہل کو وکٹ دے بیٹھے۔

    بنگلہ دیشی کپتان مشرفی مرتضیٰ 8 رنز بنا کر بھونیشور کمار کی گیند پر دھونی کو کیچ دے بیٹھے، روبیل حسین 9 رنز بنا کر آؤٹ ہوئے۔

    مصدق حسین 3 رنز بنا کر پویلین لوٹ گئے، صابر رحمان کو 36 رنز پر جسپریت بمرا نے بولڈ کیا، محمد سیف الدین 51 رنز بنا کر ناٹ آؤٹ رہے۔

    بھارت کے جسپرت بمرا نے 4 کھلاڑیوں کی پویلین کی راہ دکھائی، ہاردیک پانڈیا نے 3 وکٹیں حاصل کیں۔

    اس سے قبل برمنگھم میں کھیلے جانے والے میچ میں بھارت نے مقررہ اوورز میں 9 وکٹوں کے نقصان پر 314 رنز بنائے اور بنگلہ دیش کو جیت کے لیے 315 رنز کا ہدف دیا تھا، مستفیض الرحمان نے 5 وکٹیں حاصل کیں۔

    بھارتی اوپنرز نے اننگز کے آغاز سے جارحانہ انداز اپنایا اور ان کی پہلی وکٹ 180 رنز پر گری جب روہت شرما 104 رنز بنا کر سومیا سرکار کی گیند پر آؤٹ ہوئے۔

    لوکیش راہول نے 77 رنز کی اننگز کھیلی انہیں روبیل حسین نے آؤٹ کیا، بھارتی کپتان ویرات کوہلی 26 رنز بنا کر مستفیض الرحمان کا نشانہ بنے، رشبھ پنٹ نے 48 رنز بنا کر آؤٹ ہوئے۔

    آل راؤنڈر ہاردیک پانڈیا بغیر کوئی رن بنائے پویلین روانہ ہوئے، ایم ایس دھونی 35 رنز بناسکے، دنیش کارتک 8 رنز بنا کر مستفیض الرحمان کی گیند پر مصدق حسین کو کیچ دے بیٹھے۔

    بھونیشور کمار 2 رنز بنا کر آؤٹ ہوئے، محمد شامی ایک رن پر مستفیض الرحمان کی گیند پر بولڈ ہوئے۔

    بنگلہ دیش کے مستفیض الرحمان نے 5 کھلاڑیوں کو پویلین کی راہ دکھائی، شکیب الحسن، روبیل حسین اور سومیا سرکار کے حصے میں ایک، ایک وکٹ آئی۔

     آئی سی سی ورلڈ کپ کے 40 ویں میچ میں آج بنگلہ دیش اور بھارت برمنگھم کے میدان میں مدمقابل ہیں، بھارت نے ٹاس جیت کر پہلے بیٹنگ کا فیصلہ کیا ہے۔

    بھارتی ٹیم میگا ایونٹ میں اب تک 7 میچز کھیل چکی ہے جن میں سے وہ 5 میچز جیت کر 11 پوائنٹس کے ساتھ پوائنٹس ٹیبل پر دوسرے نمبر پر ہے۔ بنگلہ دیش کی ٹیم نے 7 میچز کھیلے ہیں اور 7 پوائنٹس کے ساتھ ٹیبل پر چھٹے نمبر پر ہے۔

    بنگلہ دیش کو سیمی فائنل کی دوڑ میں شامل ہونے کے لیے آج کا اور 5 جولائی کو پاکستان کے ساتھ ہونے والا میچ جیتنا لازمی ہے۔

    اسکواڈ

    آج کے میچ کے لیے بھارتی ٹیم میں ویراٹ کوہلی (کپتان)، کے ایل راہول، روہت شرما، رشبا پنت، مہندر سنگھ دھونی، کیدر جادیو، ہردیک پانڈیا، بھونیشور کمار، یزویندرا چاہل، محمد شامی اور جسپریت بمرا شامل ہیں۔

    بنگلہ دیش کی ٹیم میں مشرفی مرتضی (کپتان)، تمیم اقبال، سومایہ سرکار، شکیب الحسن، مشفیق الرحمٰن، لٹن داس، صابر حسین مصدق حسین، روبیل حسن، محمد سیف الدین اور مستفیض الرحمٰن شامل ہیں۔

  • قوم دعائیں جاری رکھے، کھیلنا ہمارا کام ہے: قومی ٹیم کی میڈیا سے گفتگو

    قوم دعائیں جاری رکھے، کھیلنا ہمارا کام ہے: قومی ٹیم کی میڈیا سے گفتگو

    لندن: قومی کرکٹ ٹیم کے کھلاڑیوں نے لندن میں پریکٹس سے قبل میڈیا سے گفتگو کرتے ہوئے قوم سے اپیل کی ہے کہ وہ اپنا جوش و جذبہ جگائے رکھے۔

    تفصیلات کے مطابق ورلڈ کپ 2019 میں اپنے اگلے میچ میں بنگلہ دیش کے خلاف تیاریوں سے قبل قومی ٹیم کے کھلاڑیوں نے لندن میں میڈیا سے گفتگو کی۔

    پاکستان کرکٹ ٹیم کے فاسٹ بولر وہاب ریاض نے کہا کہ انگلی میں فریکچر کی وجہ سے درد تو بہت ہے مگر میچ بھی اہم ہے، قوم سے اپیل ہے کہ وہ جوش و جذبہ جگائے رکھے۔

    وہاب ریاض کا کہنا تھا کہ آج ہم جو کچھ ہیں اور جہاں ہیں وہ قوم کی دعاؤں سے ہیں، قوم دعائیں جاری رکھے، کھیلنا ہمارا کام ہے، باقی اللہ کی مرضی، قومی ٹیم ہر نئے میچ میں بہتر سے بہتر کارکردگی دکھا رہی ہے۔

    یہ بھی پڑھیں:  دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

    فاسٹ بولر شاہین آفریدی نے اس موقع پر کہا کہ بنگلہ دیش کے خلاف مکمل حکمت عملی سے میدان میں اتریں گے، ان کی ٹیم بھی کارکردگی دکھا رہی ہے اس لیے ہمیں محتاط کھیلنا ہے۔

    شاہین آفریدی نے کہا کہ میری کوشش ہوگی کہ ایک دفعہ پھر اچھی کارکردگی دکھاؤں۔

    خیال رہے کہ پاکستان ورلڈ کپ 2019 میں آخری میچ بنگلا دیش کے خلاف کھیلے گا، سیمی فائنل میں کوالیفائی کی امید کو برقرار رکھنے کے لیے پاکستان کو نہ صرف یہ میچ جیتنا ہوگا، بلکہ اسے دیگر ٹیموں‌ کی کارکردگی پر بھی انحصار کرنا ہوگا۔

  • ورلڈ کپ 2019، سری لنکا نے ویسٹ انڈیز کو 23 رنز سے شکست دے دی

    ورلڈ کپ 2019، سری لنکا نے ویسٹ انڈیز کو 23 رنز سے شکست دے دی

    چیسٹرلی اسٹریٹ: ورلڈ کپ 2019 کے اہم میچ میں سری لنکا نے ویسٹ انڈیز کو 23 رنز سے شکست دے دی، نکولس پورن کی سنچری بھی ویسٹ انڈیز کو شکست سے نہ بچاسکی۔

    تفصیلات کے مطابق چیسٹرلی میں کھیلے جانے والے میچ میں سری لنکا کی جانب سے دئیے جانے والے 339 رنز ہدف کے تعاقب میں ویسٹ انڈیز کی ٹیم 9 وکٹوں کے نقصان پر 315 رنز بناسکی، اویشکا فرنینڈو کو شاندار سنچری اسکور کرنے پر میچ کا بہترین کھلاڑی قرار دیا گیا۔

    ویسٹ انڈیز کی پہلی وکٹ 12 رنز پر گری جب سنیل ایمبرس 5 رنز بنا کر ملنگا کا شکار بنے، کرس گیل 35 رنز بنا کر پویلین لوٹ گئے، شائے ہوپ بھی 5 رنز پر ہمت ہار گئے۔

    ہیٹ مائر کو 29 رنز پر ڈی سلوا نے رن آؤٹ کیا، نکولس پورن کی 118 رنز کی اننگز بھی ٹیم کے کام نہ آسکی، جیسن ہولڈر 26 رنز بنا کر آؤٹ ہوئے۔

    بریتھ ویت 8 جبکہ ایلن نے 51 رنز کی برق رفتار اننگز کھیلی، تھامس ایک رن بنا کر پویلین لوٹ گئے، کوٹریل 7 اور گیبریل 3 رنز بنا کر ناٹ آؤٹ رہے۔

    سری لنکا کے لیستھ ملنگا نے تین کھلاڑیوں کو پویلین کی راہ دکھائی، راجیتا اور میتھیوز نے ایک، ایک وکٹ حاصل کی۔

    اس سے قبل چیسٹرلی اسٹریٹ میں کھیلے جانے والے میچ میں سری لنکا نے مقررہ اوورز میں 6 وکٹوں کے نقصان پر 338 رنز بنائے اور ویسٹ انڈیز کو جیت کے لیے 339 رنز کا ہدف دے دیا تھا، جیسن ہولڈر نے دو وکٹیں حاصل کیں۔

    ویسٹ انڈیز کپتان نے ٹاس جیت کر پہلے فیلڈنگ کا فیصلہ کیا جو غلط ثابت ہوا، سری لنکا کے اوپنر نے شاندار آغاز فراہم کیا اور ان کی پہلی 93 رنز پر گری جب کرونا رتنے 32 رنز بنا کر آؤٹ ہوئے۔

    کسل پریرا نے 64 رنز کی ذمہ دارانہ اننگز کھیلی، مینڈس 39 رنز بنا کر ایلن کا شکار بنے، اویشکا فرنینڈو نے 104 رنز کی شاندار اننگز کھیلی انہیں کوٹریل نے آؤٹ کیا۔

     میتھیوز 26 رنز بنا کر پویلین لوٹ گئے، ادانا کو 3 رنز پراوشین تھامس نے جیسن ہولڈر کے ہاتھوں کیچ آؤٹ کرایا، لہیرو تھریمانے نے 45 رنز بنا کا ناٹ آؤٹ رہے۔

    ویسٹ انڈیز کے کپتان جیسن ہولڈر نے دو شکار کیے، شیلڈرون کوٹریل، اوشین تھامس اور ایلن کے حصے میں ایک، ایک وکٹ آئی۔

    اس سے قبل آئی سی سی ورلڈ کپ کے 39 ویں میچ میں آج سری لنکا اور ویسٹ انڈیز کی ٹیمیں آمنے سامنے ہیں جو چیسٹرلی اسٹریٹ کے میدان میں کھیلا جارہا ہے۔

    سری لنکا کی ٹیم اب تک ٹورنامنٹ میں 7 میچز کھیل چکی ہے جس میں سے انہیں 2 میچز میں کامیابی اور 3 میں ناکامی ملی، 2 میچز بارش کی نذر ہوگئے۔ پوائنٹس ٹیبل پر سری لنکا 6 پوائنٹس کے ساتھ ساتویں نمبر پر ہے۔

    سری لنکا کے پاس سیمی فائنل کھیلنے کا اب بھی موقع ہے، شکست کی صورت میں ان کا ورلڈ کپ میں سفر ختم ہوجائے گا اور جیت کی صورت میں دیگر ٹیموں پر انحصار کے ساتھ اسے بھارت کے خلاف آخری میچ بھی لازمی جیتنا ہوگا۔

    دوسری طرف ویسٹ انڈیز کی ٹیم بھی میگا ایونٹ میں اب تک سات میچز کھیل چکی ہے، جس میں سے انہیں 1 میچ میں کامیابی اور 5 میں ناکامی ملی۔ ایک میچ بارش کی نذر ہوا۔ اس طرح ویسٹ انڈیز ٹیم 3 پوائنٹس کے ساتھ ٹیبل پر نویں نمبر پر ہے جبکہ اس کا سیمی فائنل کھیلنے کا کوئی امکان موجود نہیں۔

    اب تک مجموعی طور پر سری لنکا اور ویسٹ انڈیز کے درمیان 56 ون ڈے میچز کھیلے گئے ہیں جن میں سے ویسٹ انڈیز نے 28 اور سری لنکا نے 25 میچز میں کامیابی حاصل کی۔

  • بھارتی کھلاڑی وجے شنکر انجری کے باعث ورلڈ کپ سے باہر

    بھارتی کھلاڑی وجے شنکر انجری کے باعث ورلڈ کپ سے باہر

    برمنگھم: بھارتی ٹیم کو کرکٹ ورلڈ کپ میں ایک اور دھچکا لگا ہے، شیکھر دھون کے بعد بھارتی کھلاڑی وجے شنکر انجری کے باعث ورلڈ کپ سے باہر ہوگئے۔

    تفصیلات کے مطابق ورلڈ کپ 2019 میں بھارتی ٹیم شیکھر دھون کے بعد وجے شنکر کی خدمات سے بھی محروم ہوگئی، وجے شنکر پریکٹس کے دوران پاؤں میں چوٹ لگنے سے زخمی ہوئے تھے۔

    بھارتی کرکٹ بورڈ کے اعلامیے کے مطابق وجے شنکر کے زخم ٹھیک ہونے میں کم از کم تین ہفتے درکار ہوں گے۔

    آل راؤنڈر وجے شنکر کی جگہ بھارتی ٹیم میں مانک اگروال کو شامل کرلیا گیا ہے، دھون کے بعد وجے شنکر انجرڈ ہوکر میگا ایونٹ سے باہر ہونے والے دوسرے بھارتی کھلاڑی ہیں۔

    وجے شنکر نے پاکستان کے خلاف میچ میں بہترین آل راؤنڈ کارکردگی کا مظاہرہ کیا تھا۔

    اٹھائیس سالہ مانک اگروال ٹاپ آرڈر بلے باز ہیں اور وہ بھارت کی جانب سے دو ٹیسٹ میچز کھیل چکے ہیں اور ورلڈ کپ میں ان کا ون ڈے میچز میں ڈیبیو ہونے جارہا ہے۔

    واضح رہے کہ گزشتہ روز بھارتی ٹیم نے انگلینڈ کے خلاف میچ میں وجے شنکر کی جگہ رشبھ پنٹ کو شامل کیا تھا۔

    انگلینڈ نے اس اہم میچ میں کامیابی حاصل کرکے سیمی فائنل کے لیے راہ ہموار کرلی ہے، بھارت کی یہ میگا ایونٹ میں پہلی شکست تھی۔

    انگلیںڈ سے شکست پر بھارتی میڈیا اور مداحوں کی جانب سے بھارتی ٹیم پر شدید تنقید کی جارہی ہے، مداحوں کی جانب سے بھارت کی شکست پر شکوک و شبہات کا اظہار کیا جارہا ہے۔

  • پاکستان کا افغانستان کے ساتھ میچ کے بعد پیش آنے والے واقعے پر اظہار تشویش

    پاکستان کا افغانستان کے ساتھ میچ کے بعد پیش آنے والے واقعے پر اظہار تشویش

    اسلام آباد: پاکستان نے ورلڈ کپ 2019 کے لیڈز گراؤنڈ میں کھیلے گئے پاک افغان میچ کے بعد پیش آنے والے واقعے پر اظہارِ تشویش کیا ہے۔

    تفصیلات کے مطابق ترجمان دفتر خارجہ نے کہا ہے کہ پاکستان کو کچھ تماشائیوں کے کھلاڑیوں پر دھاوا بولنے پر گہری تشویش ہے۔

    دفتر خارجہ کے ترجمان نے جاری بیان میں کہا کہ مخالفانہ پروپیگنڈے کے لیے کھیلوں کو استعمال کرنا نا قابل قبول ہے، اسپورٹس اور قانون نافذ کرنے والی اتھارٹیز سے واقعے کی جامع تحقیقات کی توقع ہے۔

    ترجمان نے مزید کہا کہ واقعے میں ملوث افراد کو انصاف کے کٹہرے میں لایا جانا چاہیے، یہ معاملہ سفارتی سطح پر بھی اٹھایا گیا ہے۔

    یہ بھی پڑھیں:  پاکستان نے آئی سی سی سے ٹیم سیکورٹی بڑھانے کا مطالبہ کر دیا

    خیال رہے کہ گزشتہ روز انگلینڈ میں پاک افغان میچ کے دوران گراؤنڈ اور گراؤنڈ سے باہر صورت حال کشیدہ رہی، میچ سے قبل کئی افغان تماشائیوں نے ایک پاکستانی تماشائی کو تشدد کا نشانہ بنایا جب کہ میچ کے اختتام پر افغان تماشائی گراؤنڈ کے اندر داخل ہو گئے، انھوں نے پاکستانی ٹیم کو بھی نشانہ بنانے کی کوشش کی۔

    ادھر پاکستانی ٹیم کے سیکورٹی آفیسر نے لوکل آرگنائزنگ کمیٹی اور آئی سی سی اہل کاروں سے ملاقات کی ہے، ملاقات میں گزشتہ روز کی صورت حال کے پیشِ نظر مطالبہ کیا گیا کہ پاکستانی ٹیم کی سیکورٹی میں مزید اضافہ کیا جائے۔

  • لیڈز: ٹیم کی شکست دیکھ کر افغان تماشائی بپھر گئے، پاکستانی فینز پر حملہ

    لیڈز: ٹیم کی شکست دیکھ کر افغان تماشائی بپھر گئے، پاکستانی فینز پر حملہ

    لیڈز: پاکستان اور افغانستان کی ٹیموں کے مابین لیڈز اسٹیڈیم میں کھیلے گئے آج کے میچ میں اپنی ٹیم کی شکست دیکھ کر افغان تماشائی ایک بار پھر بپھر گئے اور پاکستانی فینز پر حملہ آور ہو گئے۔

    تفصیلات کے مطابق ورلڈ کپ کے 36 ویں میچ میں پاکستان ٹیم کے ہاتھوں اپنی ٹیم کو منہ کی کھاتی دیکھ کر افغان تماشائی آپے سے باہر ہو گئے، افغان تماشائیوں نے اسٹیڈیم میں موجود پاکستانی پرستاروں پر حملہ کیا اور بوتلیں ماریں۔

    پاکستان نے عماد وسیم کی شان دار بیٹنگ کی بدولت آج سنسنی خیز مقابلے کے بعد افغانستان کو 3 وکٹوں سے شکست دے دی ہے۔

    میچ میں شکست کے بعد افغان تماشائیوں کی ہلڑ بازی پر پولیس نے کئی افغانوں کو پہلے بھی گراؤنڈ سے نکالا تھا، آئی سی سی نے بھی افغان تماشائیوں کی غنڈہ گردی کا نوٹس لیا۔

    یہ بھی پڑھیں:  ورلڈ کپ 2019: عماد وسیم کی شاندار بیٹنگ، پاکستان نے افغانستان کو شکست دے دی

    اس سے قبل بھی لیڈز گراؤنڈ کے باہر افغان شایقین اپنی ٹیم کی پے در پے گرتی وکٹوں پر آپے سے باہر ہو کر ایک پاکستانی پر حملہ آور ہوئے تھے اور اسے تشدد کا نشانہ بنایا تھا۔

    خیال رہے کہ آج کے میچ میں افغانستان کی جانب سے دیا گیا 228 رنز کا ہدف پاکستان ٹیم نے آخری اوور میں 7 وکٹوں کے نقصان پر پورا کیا، عماد وسیم اور وہاب ریاض نے شدید دباؤ میں بھی ذمہ دارانہ بیٹنگ کی، فتح کے بعد پاکستان پوائنٹس ٹیبل پر چوتھی پوزیشن پر آ گیا ہے، جب کہ سیمی فائنل تک رسائی کے لیے قومی ٹیم کو اس میچ میں فتح حاصل کرنا لازمی تھی۔