ARYNews.tv | Urdu – Har Lamha Bakhabar

Tag: ورلڈ کپ

  • ورلڈ کپ 2019: ویسٹ انڈیز نے افغانستان کو 23 رنز سے شکست دے دی

    ورلڈ کپ 2019: ویسٹ انڈیز نے افغانستان کو 23 رنز سے شکست دے دی

    لیڈز: ورلڈ کپ 2019 کے 42ویں میچ میں ویسٹ انڈیز نے افغانستان کو 23 رنز سے شکست دے دی، اکرام علی خیل کی 86 رنز کی اننگز بھی افغانستان کو شکست سے نہ بچاسکی، افغانستان کی ٹیم ورلڈ کپ میں ایک میچ بھی نہیں جیت سکی ہے۔

    تفصیلات کے مطابق لیڈز میں کھیلے جانے والے میچ میں ویسٹ انڈیز کی جانب سے دئیے جانے والے 312 رنز کے تعاقب میں افغانستان کی ٹیم مقررہ اوورز میں 288 رنز پر ڈھیر ہوگئی، بریتھ ویت نے 4 وکٹیں حاصل کیں۔

    افغانستان کی پہلی وکٹ 5 رنز پر گری جب کپتان گلبدین نائب 5 رنز بنا کر کیمار روچ کی گیند پر لوئس کو کیچ دے بیٹھے، رحمت شاہ 62 رنز بنا کر آؤٹ ہوئے۔

    اکرام علی خیل نے 86 رنز کی شاندار اننگز کھیلی انہیں کرس گیل نے آؤٹ کیا، نجیب اللہ زردان 31 رنز بنا کر رن آؤٹ ہوئے، اصغر افغان 40 رنز بنا کر بریتھ ویت کا نشانہ بنے۔

    آل راؤنڈر محمد نبی 2 رنز بنا کر پویلین لوٹ گئے، سمیع اللہ شنواری کو 6 رنز پر کیمار روچ نے آؤٹ کیا، راشد خان 9 رنز بناسکے، دولت زردان ایک رن بناسکے، سید شیرزاد 25 رنز بنا کر آؤٹ ہوئے۔

    ویسٹ انڈیز کے بریتھ ویت نے 4 کھلاڑیوں کو پویلین کی راہ دکھائی، کیمار روچ نے تین وکٹیں حاصل کیں، کرس گیل اور اوشین تھامس ایک، ایک وکٹ حاصل کرسکے۔

    اس سے قبل لیڈز میں کھیلے جانے والے میچ میں ویسٹ انڈیز نے مقررہ اوورز میں 6 وکٹوں کے نقصان پر 311 رنز بنائے اور افغانستان کو جیت کے لیے 312 رنز کا ہدف دیا تھا، دولت زردان نے دو وکٹیں حاصل کیں۔

    ویسٹ انڈیز کی پہلی وکٹ 21 رنز پر گری جب کرس گیل 7 رنز بنا کر پویلین لوٹ گئے، ایون لوئس 58 رنز بنا کر راشد خان کا نشانہ بنے، شائے ہوپ نے 77 رنز کی شاندار اننگز کھیلی انہیں محمد نبی نے آؤٹ کیا۔

    ہیٹ مائر کو 39 رنز پر دولت زردان نے پویلین روانہ کیا، نکولس پورن 58 رنز بنا کر رن آؤٹ ہوئے، کپتان جیسن ہولڈر 45 رنز بنا کرآؤٹ ہوئے، بریتھ ویت 14 رنز بنا کر ناٹ اؤٹ رہے۔

    افغانستان کے دولت زردان نے دو کھلاڑیوں کو پویلین کی راہ دکھائی، محمد نبی اور راشد خان نے ایک، ایک وکٹ حاصل کی۔

    آئی سی سی ورلڈ کپ 2019 میں آج افغانستان اور ویسٹ انڈیز مدمقابل ہیں، ویسٹ انڈیز نے افغانستان کے خلاف ٹاس جیت کر بیٹنگ کا فیصلہ کیا ہے۔

     آئی سی سی ورلڈ کپ کے 42 ویں میچ میں آج افغانستان اور ویسٹ انڈیز کی ٹیمیں مدمقابل ہیں۔ دونوں ٹیمیں سیمی فائنل کی دوڑ سے باہر ہوچکی ہیں۔

    افغانستان کی ٹیم میگا ایونٹ میں اب تک 8 میچز کھیل چکی ہے اور اسے تمام میچوں میں شکست کا سامنا کرنا پڑا ہے۔ پوائنٹس اسکورننگ ٹیبل پر افغانستان صفر پوائنٹس کے ساتھ آخری نمبر پر ہے۔

    ویسٹ انڈیز کی ٹیم بھی اب تک 8 میچز کھیل چکی ہے جس میں سے وہ ایک ہی میچ جیت سکی، 6 میچز میں اسے شکست کا سامنا کرنا پڑا جبکہ ایک بارش کی نذر ہوا۔ 3 پوائنٹس کے ساتھ ویسٹ انڈیز کی ٹیم اسکورننگ ٹیبل پر نویں نمبر پر ہے۔

    ٹاس جیتنے کے بعد ویسٹ انڈیز کے کپتان جیسن ہولڈر کا کہنا تھا کہ وکٹ اچھی لگ رہی ہے، بڑا اسکور کرنے کی کوشش کریں گے۔ ٹورنامنٹ کو اچھے انداز میں ختم کرنا چاہتے ہیں۔

    افغانستان کے کپتان گلبدین نائب کا کہنا تھا کہ ہم بھی بیٹنگ کرنا چاہتے تھے، وکٹ اچھی ہے، اسپنرز کو مدد ملے گی۔ ہم نے گزشتہ میچز میں اچھا کھیلا۔ ہار جیت کھیل کا حصہ ہے، جو اچھا کھیلے گا وہی جیتے گا۔

    ورلڈ کپ 2019 کے سیمی فائنل کے لیے آسٹریلیا، بھارت، انگلینڈ اور نیوزی لینڈ اپنی جگہ بنا چکے ہیں۔ پاکستان اگر اپنے آخری میچ میں بنگلہ دیش کو بڑے مارجن سے شکست دے دے تو اس کا سیمی فائنل میں جانے کا امکان ایک بار پھر روشن ہوسکتا ہے۔

    ورلڈ کپ 2019 کا فائنل 14 جولائی کو کھیلا جائے گا۔

  • فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    لندن: قومی کرکٹ ٹیم کے کپتان سرفراز  احمد نے کہا ہے کہ ہماری ہفتے کی واپسی کے ٹکٹس بک ہیں.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ اگر معجزہ ہوگیا تو ٹکٹس آگے بڑھ جائیں گے.

    سرفراز احمد نے کہا کہ بنگلادیش سے پانچ جولائی (بہ روز جمعہ) کو ہونے والے میچ کے بعد ان کی واپسی کی فلائٹ اگلے روز کے لیے بک ہے.

    قومی ٹیم کے کپتان نے کہا کہ آسٹریلیا سے میچ ٹرننگ پوائنٹ تھا، اس میں شکست سے پاکستانی ٹیم کو نقصان ہوا.

    سرفراز احمد نے کہا کہ بنگلا دیش کےخلاف ہمیں بڑا اسکور بنانا ہے، بدقسمتی سے دیگر ٹیموں کے مقابلے میں ہمارا ٹاپ آرڈر ناکام رہا.

    خیال رہے کہ انگلینڈ کی انڈیا اور نیوزی لینڈ کے خلاف فتوحات نے پاکستان کے لیے سیمی فائنل میں‌رسائی کو لب بھگ ناممکن بنا دیا ہے.

    مزید پڑھیں: دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

    تجزیہ کاروں کے مطابق پاکستان کو فائنل میں‌ رسائی کے لیے بنگلا دیش کو 316 رنز کے بڑے مارجن سے شکست دینی ہوگی.

    خیال رہے کہ بھارت سے شکست کے بعد پاکستانی ٹیم نے شان دار کم بیک کیا اور جنوبی افریقا، نیوزی لینڈ اور افغانستان کو شکست دے.

    کل پاکستان کا مقابلہ بنگلادیش سے ہے. شائقین کانٹے دار مقابلے کی توقع کر رہے ہیں.

  • ورلڈ کپ 2019: انگلینڈ نے نیوزی لینڈ کو شکست دے کر سیمی فائنل کے لیے کوالیفائی کرلیا

    ورلڈ کپ 2019: انگلینڈ نے نیوزی لینڈ کو شکست دے کر سیمی فائنل کے لیے کوالیفائی کرلیا

    چیسٹرلی اسٹریٹ: ورلڈ کپ 2019 کے 41ویں میچ میں انگش ٹیم نے نیوزی لینڈ کو 119 رنز سے شکست دے کر سیمی فائنل کے لیے کوالیفائی کرلیا، نیوزی لینڈ کے رن ریٹ بہتر ہونے کی وجہ سے سیمی فائنل میں جانے کے امکانات بڑھ گئے، پاکستان کی سیمی فائنل تک رسائی مشکل ہوگئی۔

    تفصیلات کے مطابق چیسٹرلی میں کھیلے جانے والے میچ میں انگلش ٹیم کی جانب سے دئیے جانے والے 306 رنز ہدف کے تعاقب میں نیوزی لینڈ کی ٹیم 45 اوورز میں 186 رنز پر ڈھیر ہوگئی، جونی بیرسٹو کو شاندار سنچری اسکور کرنے پر میچ کا بہترین کھلاڑی قرار دیا گیا۔

     ہدف کے تعاقب میں نیوزی لینڈ کی ٹیم شروع سے ہی مشکلات کا شکار رہی، کیوی ٹیم کی ابتدائی دو وکٹیں 14 رنز پر گر گئیں، مارٹن گپٹل 8 اور نکولس بغیر کوئی رن بنائے پویلین لوٹ گئے۔

    کیوی کپتان کین ولیم سن 27 رنز بنا کر رن آؤٹ ہوئے، روس ٹیلر بھی 28 رنز بنانے کے بعد رن آؤٹ ہوکر پویلین لوٹ گئے، ٹام لیتھم کے 57 رنز بھی نیوزی لینڈ کو شکست سے نہ بچاسکے، لیتھم کو پلنکٹ نے آؤٹ کیا۔

    جمی نیشم 19 رنز بنا کر مارک ووڈ کا شکار بنے، کولن ڈی گرینڈ ہوم 3 رنز بنا آؤٹ ہوئے، مچل سینٹنر 12 رنز پر ہمت ہارگئے، ہینری کو 7 رنز پر مارک ووڈ نے بولڈ کیا، ٹرینٹ بولٹ 4 رنز بناکر اسٹمپڈ ہوئے۔

    انگلینڈ کے مارک ووڈ نے تین کھلاڑیوں کو پویلین کی راہ دکھائی، کرس ووکس، جوفرا آرچر، پلنکٹ نے ایک، ایک وکٹ حاصل کی۔

    اس سے قبل چیسٹرلی میں کھیلے جانے والے میچ میں انگلش ٹیم نے مقررہ اوورز میں 8 وکٹوں کے نقصان پر 305 رنز بنائے اور نیوزی لینڈ کوجیت کے لیے 306 رنز کا ہدف دیا تھا، ٹرینٹ بولٹ نے دو وکٹیں حاصل کیں۔

    انگلینڈ کے اوپنرز نے شروع سے ہی جارحانہ انداز اپنایا، انگلش ٹیم کی پہلی وکٹ 123 رنز پر گری جب جیسن رائے 60 رنز بنا کر نیشم کا شکار بنے، جو روٹ 24 رنز بنا کر پویلین لوٹ گئے۔

    جونی بیرسٹو نے 106 رنز کی شاندار اننگز کھیلی ان کی اننگز میں 1 چھکا اور 15 چوکے شامل تھے، بیرسٹو کو ہینری نے بولڈ کیا، جوز بٹلر 11 رنز بنا کر آؤٹ ہوئے۔

    اوئن مورگن 42 رنز بنا کر ہینری کا شکار بنے، بین اسٹوکس 11 رنز بنا کر آؤٹ ہوئے، کرس ووکس 4 رنز بنا کر نیشم کی گیند پر ولیم سن کو کیچ دے بیٹھے۔

    عادل راشد 16 رنز بنا کر ٹم ساؤتھی کی گیند پر بولڈ ہوئے، لیام پلنکٹ 15 رنز بنا کر ناٹ آؤٹ رہے۔

    نیوزی لینڈ کے ٹرینٹ بولٹ، ہینری اور جمی نیشم نے دو، دو وکٹیں حاصل کیں، مچل سینٹنر اور ٹم ساؤتھی کے حصے میں ایک، ایک وکٹ آسکی۔

    اس سے قبل آئی سی سی ورلڈ کپ 2019 میں آج نیوزی لینڈ اور انگلینڈ مدمقابل ہیں۔ انگلینڈ نے نیوزی لینڈ کےخلاف ٹاس جیت کر بیٹنگ کا فیصلہ کیا ہے۔

    آئی سی سی ورلڈ کپ کے 41 ویں میچ میں آج نیوزی لینڈ اور انگلینڈ کی ٹیمیں چیسٹر لی کے میدان میں مدمقابل ہیں۔

    انگلینڈ کی ٹیم اس وقت پوائنٹس ٹیبل پر 10 پوائنٹس کے ساتھ موجود ہے اور سیمی فائنل تک پہنچنے کے لیے اسے آج کے میچ میں لازمی فتح درکار ہے۔

    آج کے میچ میں نیوزی لینڈ کی شکست کی صورت میں انگلینڈ فائنل 4 کی چوتھی ٹیم بن سکتا ہے، دوسری جانب نیوزی لینڈ شکست کے باوجود 11 پوائنٹس پر رہتے ہوئے محفوظ ہوگا۔

    اگر آج نیوزی لینڈ انگلینڈ سے بڑے مارجن سے ہارے اور بعد میں پاکستان بنگلہ دیش سے بھی بڑے مارجن سے جیتے تب نیوزی لینڈ کی پوزیشن کو خطرہ ہوسکتا ہے۔

    ٹاس جیتنے کے بعد انگلینڈ کے کپتان آئن مورگن کا کہنا تھا کہ پچ دوسری اننگز میں سلو ہو جاتی ہے، کوشش کریں گے بڑا اسکور کریں۔ بھارت کے خلاف میچ سے اعتماد ملا۔

    نیوزی لینڈ کے کپتان کین ولیمسن کا کہنا تھا کہ ہم بھی بیٹنگ کرنا چاہتے تھے، کم ہدف کے لیے اچھی باؤلنگ کرنا ہوگی۔

    اسکواڈ

    آج کے میچ کے لیے انگلینڈ کی ٹیم میں آئن مورگن (کپتان)، جیسن رائے، جونی برسٹو، جو روٹ، بین اسٹوکس، جوز بٹلر، کرس ووکس، لیام پلنکٹ، جوفرا آرچر، عادل رشید اور مارک ووڈ شامل ہیں۔

    نیوزی لینڈ کی ٹیم میں کین ولیمسن (کپتان)، مارٹن گپٹل، ہنری نکولس، راس ٹیلر، ٹام لیتھم، جیمز نیشام، کولن ڈی گرینڈ ہوم، مچل اسینٹنر، ٹم ساؤتھی، میٹ ہنری اور ٹرینٹ بولٹ شامل ہیں۔

  • ورلڈ کپ 2019، بھارت نے بنگلہ دیش کو 28 رنز سے شکست دے دی

    ورلڈ کپ 2019، بھارت نے بنگلہ دیش کو 28 رنز سے شکست دے دی

    برمنگھم: ورلڈ کپ 2019 کے 40ویں میچ میں بھارت نے بنگلہ دیش کو 28 رنز سے شکست دے کر سیمی فائنل کی دوڑ سے باہر کردیا، روہت شرما کو شاندار سنچری اسکور کرنے پر میچ کا بہترین کھلاڑی قرار دیا گیا۔

    تفصیلات کے مطابق برمنگھم میں کھیلے جانے والے میچ میں بھارت کی جانب سے دئیے جانے والے 315 رنز کے تعاقب میں بنگلہ دیش کی ٹیم 48 اوورز میں 286 رنز پر ڈھیر ہوگئی، شکیب الحسن کی 66 رنز کی اننگز بھی بنگلہ دیش کو شکست سے نہ بچاسکی۔

    بنگلہ دیش کے خلاف جیت کے بعد بھارت کے پوائنٹس 13 ہوگئے اور بھارت نے سیمی فائنل کے لیے کوالیفائی کرلیا ہے۔

    بنگلہ دیش نے ہدف کے تعاقب میں اننگز کا آغاز کیا تو ان کی پہلی وکٹ 39 رنز پر گری جب تمیم اقبال 22 رنز بنا کر محمد شامی کی گیند پر بولڈ ہوگئے، سومیا سرکار 33 رنز بنا کر آؤٹ ہوئے۔

    شکیب الحسن کی 66 رنز کی اننگز کھیلی انہیں پانڈیا نے آؤٹ کیا، لٹن داس 22 رنز پر ہمت ہار گئے، مشفیق الرحیم 24 رنز بنا کر چاہل کو وکٹ دے بیٹھے۔

    بنگلہ دیشی کپتان مشرفی مرتضیٰ 8 رنز بنا کر بھونیشور کمار کی گیند پر دھونی کو کیچ دے بیٹھے، روبیل حسین 9 رنز بنا کر آؤٹ ہوئے۔

    مصدق حسین 3 رنز بنا کر پویلین لوٹ گئے، صابر رحمان کو 36 رنز پر جسپریت بمرا نے بولڈ کیا، محمد سیف الدین 51 رنز بنا کر ناٹ آؤٹ رہے۔

    بھارت کے جسپرت بمرا نے 4 کھلاڑیوں کی پویلین کی راہ دکھائی، ہاردیک پانڈیا نے 3 وکٹیں حاصل کیں۔

    اس سے قبل برمنگھم میں کھیلے جانے والے میچ میں بھارت نے مقررہ اوورز میں 9 وکٹوں کے نقصان پر 314 رنز بنائے اور بنگلہ دیش کو جیت کے لیے 315 رنز کا ہدف دیا تھا، مستفیض الرحمان نے 5 وکٹیں حاصل کیں۔

    بھارتی اوپنرز نے اننگز کے آغاز سے جارحانہ انداز اپنایا اور ان کی پہلی وکٹ 180 رنز پر گری جب روہت شرما 104 رنز بنا کر سومیا سرکار کی گیند پر آؤٹ ہوئے۔

    لوکیش راہول نے 77 رنز کی اننگز کھیلی انہیں روبیل حسین نے آؤٹ کیا، بھارتی کپتان ویرات کوہلی 26 رنز بنا کر مستفیض الرحمان کا نشانہ بنے، رشبھ پنٹ نے 48 رنز بنا کر آؤٹ ہوئے۔

    آل راؤنڈر ہاردیک پانڈیا بغیر کوئی رن بنائے پویلین روانہ ہوئے، ایم ایس دھونی 35 رنز بناسکے، دنیش کارتک 8 رنز بنا کر مستفیض الرحمان کی گیند پر مصدق حسین کو کیچ دے بیٹھے۔

    بھونیشور کمار 2 رنز بنا کر آؤٹ ہوئے، محمد شامی ایک رن پر مستفیض الرحمان کی گیند پر بولڈ ہوئے۔

    بنگلہ دیش کے مستفیض الرحمان نے 5 کھلاڑیوں کو پویلین کی راہ دکھائی، شکیب الحسن، روبیل حسین اور سومیا سرکار کے حصے میں ایک، ایک وکٹ آئی۔

     آئی سی سی ورلڈ کپ کے 40 ویں میچ میں آج بنگلہ دیش اور بھارت برمنگھم کے میدان میں مدمقابل ہیں، بھارت نے ٹاس جیت کر پہلے بیٹنگ کا فیصلہ کیا ہے۔

    بھارتی ٹیم میگا ایونٹ میں اب تک 7 میچز کھیل چکی ہے جن میں سے وہ 5 میچز جیت کر 11 پوائنٹس کے ساتھ پوائنٹس ٹیبل پر دوسرے نمبر پر ہے۔ بنگلہ دیش کی ٹیم نے 7 میچز کھیلے ہیں اور 7 پوائنٹس کے ساتھ ٹیبل پر چھٹے نمبر پر ہے۔

    بنگلہ دیش کو سیمی فائنل کی دوڑ میں شامل ہونے کے لیے آج کا اور 5 جولائی کو پاکستان کے ساتھ ہونے والا میچ جیتنا لازمی ہے۔

    اسکواڈ

    آج کے میچ کے لیے بھارتی ٹیم میں ویراٹ کوہلی (کپتان)، کے ایل راہول، روہت شرما، رشبا پنت، مہندر سنگھ دھونی، کیدر جادیو، ہردیک پانڈیا، بھونیشور کمار، یزویندرا چاہل، محمد شامی اور جسپریت بمرا شامل ہیں۔

    بنگلہ دیش کی ٹیم میں مشرفی مرتضی (کپتان)، تمیم اقبال، سومایہ سرکار، شکیب الحسن، مشفیق الرحمٰن، لٹن داس، صابر حسین مصدق حسین، روبیل حسن، محمد سیف الدین اور مستفیض الرحمٰن شامل ہیں۔

  • دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

    دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

    لندن: قومی ٹیم کے کپتان سرفراز احمد نے کہا ہے کہ دوسروں کے میچزپرفوکس نہیں کر رہے، تمام تر توجہ اپنے میچ پر مرکوز ہے.

    ان خیالات کا اظہار انھوں‌ نے برطانیہ میں اے آر وائی نیوز سے خصوصی بات چیت کرتے ہوئے کیا.

    قومی ٹیم کے کپتان کا کہنا تھا کہ ہماری کوشش ہوگی کہ بنگلا دیش کے خلاف میچ میں اچھا پرفارم کریں.

    ایک سوال کے جواب میں انھوں نے کہا کہ بھارت کے خلاف انگلینڈ نے اچھی بولنگ کی، انگلینڈ اور بھارت کے میچ میں بظاہر کوئی گڑبڑ دکھائی نہیں دی.

    خیال رہے کہ انگلینڈ اور بھارت کے میچ پر مختلف حلقوں کی جانب سے شدید اعتراضات اٹھائے جارہے ہیں.

    مزید پڑھیں: ورلڈکپ 2019: پاکستان اپنا نواں میچ بنگلادیش کے خلاف 5 جولائی کو کھیلے گا

    اپنے اگلے مقابلے سے متعلق قومی ٹیم کے کپتان سرفراز احمد کا کہنا تھا کہ بنگلادیش کوآسان نہیں لے رہے، ان کی بیٹنگ بہت مضبوط ہے.

    خیال رہے کہ پاکستان ورلڈ کپ 2019 میں آخری میچ بنگلا دیش کے خلاف کھیلے گا. سیمی فائنل میں کوالیفائی کی امید کو برقرار رکھنے کے لیے پاکستان کو نہ صرف یہ میچ جیتا ہوگا، بلکہ اسے دیگر ٹیموں‌ کی کارکردگی پر انحصار کرنا ہوگا.

  • ورلڈ کپ 2019، سری لنکا نے ویسٹ انڈیز کو 23 رنز سے شکست دے دی

    ورلڈ کپ 2019، سری لنکا نے ویسٹ انڈیز کو 23 رنز سے شکست دے دی

    چیسٹرلی اسٹریٹ: ورلڈ کپ 2019 کے اہم میچ میں سری لنکا نے ویسٹ انڈیز کو 23 رنز سے شکست دے دی، نکولس پورن کی سنچری بھی ویسٹ انڈیز کو شکست سے نہ بچاسکی۔

    تفصیلات کے مطابق چیسٹرلی میں کھیلے جانے والے میچ میں سری لنکا کی جانب سے دئیے جانے والے 339 رنز ہدف کے تعاقب میں ویسٹ انڈیز کی ٹیم 9 وکٹوں کے نقصان پر 315 رنز بناسکی، اویشکا فرنینڈو کو شاندار سنچری اسکور کرنے پر میچ کا بہترین کھلاڑی قرار دیا گیا۔

    ویسٹ انڈیز کی پہلی وکٹ 12 رنز پر گری جب سنیل ایمبرس 5 رنز بنا کر ملنگا کا شکار بنے، کرس گیل 35 رنز بنا کر پویلین لوٹ گئے، شائے ہوپ بھی 5 رنز پر ہمت ہار گئے۔

    ہیٹ مائر کو 29 رنز پر ڈی سلوا نے رن آؤٹ کیا، نکولس پورن کی 118 رنز کی اننگز بھی ٹیم کے کام نہ آسکی، جیسن ہولڈر 26 رنز بنا کر آؤٹ ہوئے۔

    بریتھ ویت 8 جبکہ ایلن نے 51 رنز کی برق رفتار اننگز کھیلی، تھامس ایک رن بنا کر پویلین لوٹ گئے، کوٹریل 7 اور گیبریل 3 رنز بنا کر ناٹ آؤٹ رہے۔

    سری لنکا کے لیستھ ملنگا نے تین کھلاڑیوں کو پویلین کی راہ دکھائی، راجیتا اور میتھیوز نے ایک، ایک وکٹ حاصل کی۔

    اس سے قبل چیسٹرلی اسٹریٹ میں کھیلے جانے والے میچ میں سری لنکا نے مقررہ اوورز میں 6 وکٹوں کے نقصان پر 338 رنز بنائے اور ویسٹ انڈیز کو جیت کے لیے 339 رنز کا ہدف دے دیا تھا، جیسن ہولڈر نے دو وکٹیں حاصل کیں۔

    ویسٹ انڈیز کپتان نے ٹاس جیت کر پہلے فیلڈنگ کا فیصلہ کیا جو غلط ثابت ہوا، سری لنکا کے اوپنر نے شاندار آغاز فراہم کیا اور ان کی پہلی 93 رنز پر گری جب کرونا رتنے 32 رنز بنا کر آؤٹ ہوئے۔

    کسل پریرا نے 64 رنز کی ذمہ دارانہ اننگز کھیلی، مینڈس 39 رنز بنا کر ایلن کا شکار بنے، اویشکا فرنینڈو نے 104 رنز کی شاندار اننگز کھیلی انہیں کوٹریل نے آؤٹ کیا۔

     میتھیوز 26 رنز بنا کر پویلین لوٹ گئے، ادانا کو 3 رنز پراوشین تھامس نے جیسن ہولڈر کے ہاتھوں کیچ آؤٹ کرایا، لہیرو تھریمانے نے 45 رنز بنا کا ناٹ آؤٹ رہے۔

    ویسٹ انڈیز کے کپتان جیسن ہولڈر نے دو شکار کیے، شیلڈرون کوٹریل، اوشین تھامس اور ایلن کے حصے میں ایک، ایک وکٹ آئی۔

    اس سے قبل آئی سی سی ورلڈ کپ کے 39 ویں میچ میں آج سری لنکا اور ویسٹ انڈیز کی ٹیمیں آمنے سامنے ہیں جو چیسٹرلی اسٹریٹ کے میدان میں کھیلا جارہا ہے۔

    سری لنکا کی ٹیم اب تک ٹورنامنٹ میں 7 میچز کھیل چکی ہے جس میں سے انہیں 2 میچز میں کامیابی اور 3 میں ناکامی ملی، 2 میچز بارش کی نذر ہوگئے۔ پوائنٹس ٹیبل پر سری لنکا 6 پوائنٹس کے ساتھ ساتویں نمبر پر ہے۔

    سری لنکا کے پاس سیمی فائنل کھیلنے کا اب بھی موقع ہے، شکست کی صورت میں ان کا ورلڈ کپ میں سفر ختم ہوجائے گا اور جیت کی صورت میں دیگر ٹیموں پر انحصار کے ساتھ اسے بھارت کے خلاف آخری میچ بھی لازمی جیتنا ہوگا۔

    دوسری طرف ویسٹ انڈیز کی ٹیم بھی میگا ایونٹ میں اب تک سات میچز کھیل چکی ہے، جس میں سے انہیں 1 میچ میں کامیابی اور 5 میں ناکامی ملی۔ ایک میچ بارش کی نذر ہوا۔ اس طرح ویسٹ انڈیز ٹیم 3 پوائنٹس کے ساتھ ٹیبل پر نویں نمبر پر ہے جبکہ اس کا سیمی فائنل کھیلنے کا کوئی امکان موجود نہیں۔

    اب تک مجموعی طور پر سری لنکا اور ویسٹ انڈیز کے درمیان 56 ون ڈے میچز کھیلے گئے ہیں جن میں سے ویسٹ انڈیز نے 28 اور سری لنکا نے 25 میچز میں کامیابی حاصل کی۔

  • ورلڈ کپ 2019: عماد وسیم کی شاندار بیٹنگ، پاکستان نے افغانستان کو شکست دے دی

    ورلڈ کپ 2019: عماد وسیم کی شاندار بیٹنگ، پاکستان نے افغانستان کو شکست دے دی

    لیڈز : ورلڈکپ کے 36ویں میچ میں پاکستان نے عماد وسیم کی شاندار بیٹنگ کی بدولت سنسنی خیز مقابلے کے بعد افغانستان کو 3 وکٹوں سے شکست دے دی۔

    تفصیلات کے مطابق پاکستان اور افغانستان کی ٹیموں کے مابین لیڈز اسٹیڈیم میں ورلڈکپ کا 36واں میچ کھیلا گیا، سیمی فائنل تک رسائی حاصل کرنے کے لیے قومی ٹیم کو میچ میں فتح حاصل کرنا لازمی تھی۔

    افغانستان اننگز 

    افغانستان کی ٹیم کے کپتان گلبدین نائب نے ٹاس جیت پر پہلے بیٹنگ کا فیصلہ کیا۔ پاکستانی باؤلرز نے پہلے ہی اوور سے شاندار گیند بازی کی جس کی وجہ سے مخالف ٹیم کے بلے بازوں کو محتاط انداز اختیار کیا۔

    افغان ٹیم کی پہلی وکٹ 27 کے مجموعی اسکور پر گری جب کپتان کو شاہین آفریدی نے پویلین کی راہ دکھائی، اسی طرح نئے آنے والے بیٹسمین کو بھی شاہین شاہ نے 27 کے ہی مجموعی اسکور پر آؤٹ کیا۔ عماد وسیم نے اننگز کے بارہویں اوور میں رحمت شاہ کو آؤٹ کیا۔

    بعد ازاں اصغر افغان اور محمد نبی نے 64 رنز کی پارٹنر شپ قائم کر کے ٹیم کی پوزیشن مستحکم کرنے کی کوشش کی، البتہ اصغر افغان 42 رنز کے انفرادی اور 121 کے مجموعی اسکور پر پویلین لوٹے، چار رنز اضافے کے بعد اکرام اخیل بھی آؤٹ ہوئے جبکہ محمد نبی 202 رنز کے مجموعی اسکور پر پویلین روانہ ہوئے، افغان ٹیم کی آٹھویں وکٹ 210 ، نویں 219 کے مجموعی اسکور پر گری۔

    افغانستان نے مقررہ پچاس اوورز میں 9 وکٹوں کے نقصان پر 227 رنز بنائے، نجیب اللہ زادران اور افغر خان 42 ، 42 رنز بناکر نمایاں بلے باز رہے جبکہ شاہین آفریدی نے شاندار باؤلنگ کرتے ہوئے چار اہم کھلاڑیوں کو آؤٹ کیا۔ عماد وسیم، وہاب ریاض نے 2 ، 2 اور شاداب خان نے ایک کھلاڑی کی وکٹ حاصل کی۔

    پاکستان کی اننگز

    228 رنز ہدف کے تعاقب میں پاکستان نے بیٹنگ شروع کی تو پہلا کھلاڑی بغیر کسی رن پر آؤٹ ہوا، بعد ازاں امام الحق اور بابر اعظم نے محتاط انداز سے بیٹنگ کی اور اسکور کو 72 تک پہنچایا اسی لمحے امام الحق بھی 36 رنز بنا کر آؤٹ ہوئے۔

    پاکستان کی تیسری وکٹ 81 کے مجموعی اسکور پر اُس وقت گری جب بابر اعظم 45 رنز کی اننگز کھیل کر آؤٹ ہوئے، حارث سہیل اور محمد حفیظ نے مجموعی اسکور میں 40 رنز کا اضافہ کیا اسی لمحے پروفیسر بھی 19 رنز کی اننگز کھیل کر پویلین لوٹ گئے، 142 پر حارث سہیل بھی آؤٹ ہوئے۔

    کپتان سرفراز 156 کے مجموعی اسکور پر 22 رنز کی اننگز کھیل کر آؤٹ ہوئے، عماد وسیم اور شاداب خان نے 50 رنز کی پارٹنر شپ قائم کر کے صورت حال بہتر بنائی تو 206 پر شاداب کو بھی افغان باؤلر نے آؤٹ کردیا، نئے آنے والے بیٹسمین وہاب ریاض نے زخمی ہونے کے باوجود شاندار بیٹنگ کی، عماد وسیم نے چوکا لگا کر ٹیم کو فتح دلائی۔

    وہاب ریاض نے 1 چھکے اور 1 چوکے کی مدد سے 15 رنز ناٹ آؤٹ کی قیمتی اننگز کھیلی جبکہ عماد سیم بھی 49 رنز کے ساتھ ناٹ آؤٹ رہے، پاکستان نے 2 گیندوں قبل ہدف حاصل کیا اور افغانستان کو تین وکٹوں سے شکست دی۔ پاکستان نے مسلسل تیسری فتح حاصل کر کے پوائنٹس ٹیبل پر چوتھی پوزیشن حاصل کرلی۔

    ٹاس جیتنے کے بعد افغان کپتان گلبدین نائب کا کہنا تھا کہ ہمارے اسپنرز اچھے ہیں، دوسری اننگز میں فائدہ ہوگا۔ پاکستان اچھی ٹیم ہے، ہم اپنا 100 فیصد دینے کی کوشش کریں گے۔ انہوں نے کہا کہ پاکستان کو بڑا ہدف دینے کی کوشش کریں گے۔

    مزید پڑھیں: لیڈز: ممکنہ شکست پر افغانی شائقین آپے سے باہر، پاکستانی شخص پر حملہ کر دیا

    قومی ٹیم کے کپتان سرفراز احمد کا کہنا تھا کہ ہماری بولنگ اچھا پرفارم کر رہی ہے، ٹیم میں کوئی تبدیلی نہیں کی۔ افغانستان کو کم ٹوٹل پر روکنے کی کوشش کریں گے۔

    میچ سے قبل قومی ٹیم نے لیڈز کرکٹ گراؤنڈ میں بھرپور پریکٹس کی، سیمی فائنل میں رسائی کے لیے پاکستان کو افغانستان اور بنگلہ دیش سے اپنے میچز جیتنے ہوں گے۔

    اسکواڈ

    آج کے میچ کے لیے پاکستان ٹیم میں کوئی تبدیلی نہیں کی گئی۔ ٹیم میں سرفراز احمد (کپتان)، امام الحق، فخر زمان، بابر اعظم، محمد حفیظ، حارث سہیل، عماد وسیم، شاداب خان، محمد عامر، وہاب ریاض اور شاہین آفریدی شامل ہیں۔

    افغان ٹیم میں گلبدین نائب (کپتان)، رحمت شاہ، حشمت اللہ شاہدی، اصغر افغان، سمیع اللہ شنواری، محمد نبی، نجیب اللہ زادران، اکرام علی خیل، راشد خان، حامد حسن اور مجیب الرحمٰن شامل ہیں۔

    وہاب ریاض کے ہاتھ میں انجری

    پاکستان کرکٹ بورڈ (پی سی بی) کی جانب سے کہا گیا ہے کہ وہاب ریاض کے دائیں ہاتھ میں ٹریننگ کے دوران چوٹ لگی ہے جس کی وجہ سے ان کے ہاتھ پر سوجن ہو گئی ہے۔

    پی سی بی کے مطابق وہاب ریاض انگلی پر بینڈج لگا کر کھیل رہے ہیں، میچ کے بعد ان کی انجری کا مزید جائزہ لیا جائے گا۔  پاکستانی کرکٹ ٹیم اپنا آٹھواں میچ آج افغانستان کے خلاف لیڈز کے مقام پر کھیل رہی ہے۔ ٹاپ 4 کا مضبوط امیدوار بننے کے لیے پاکستان کو لیڈز میں کھیلا جانے والا میچ جیتنا لازمی ہے۔

  • لیڈز: ممکنہ شکست پر افغانی شائقین آپے سے باہر، پاکستانی شخص پر حملہ کر دیا

    لیڈز: ممکنہ شکست پر افغانی شائقین آپے سے باہر، پاکستانی شخص پر حملہ کر دیا

    لیڈز: پاکستان اور افغانستان کے درمیان میچ کے دوران ممکنہ شکست پر افغانی شائقین آپے سے باہر ہوگئے، غصے میں بھرے افغانیوں نے خوشیاں مناتے پاکستانی پر دھاوا بول دیا۔

    تفصیلات کے مطابق آئی سی سی ورلڈ کپ 2019 کے لیڈز میں ہونے والے پاکستان اور افغانستان کے میچ کے دوران ناخوشگوار واقعہ پیش آگیا۔ لیڈز کے میدان کے باہر افغانی شائقین پاکستانیوں سے الجھ گئے۔

    میچ میں اپنی ٹیم کی پے در پے گرتی وکٹوں سے افغانی شائقین گرم ہوگئے اور بدتہذیبی کی انتہا کرتے ہوئے ایک پاکستانی شخص پر دھاوا بول دیا۔

    پوائنٹس ٹیبل پر صفر پوائنٹس کے ساتھ آخری نمبر پر موجود ٹیم کے شائقین کو پاکستانیوں کی خوشی برداشت نہیں ہوئی اور ایک شخص کے بدتمیزی کرنے پر اسے روکنے کے بجائے وہاں موجود دیگر افغانی بھی مذکورہ شخص کو مارنے لگے۔

    متعدد افغان شائقین نے پاکستانی پر لاٹھی اور گھونسوں کی بارش کردی، مقامی افراد اور پاکستانیوں کی دخل اندازی پر پاکستانی کو چھوڑا گیا۔

    اس موقع پر پولیس کی بھاری نفری وہاں پہنچ گئی جبکہ اسٹیڈیم کے باہر اسکرینیں بند کرنے کا بھی فیصلہ کرلیا گیا۔

  • ورلڈ کپ 2019: جنوبی افریقہ نے سری لنکا کو 9 وکٹوں سے شکست دے دی

    ورلڈ کپ 2019: جنوبی افریقہ نے سری لنکا کو 9 وکٹوں سے شکست دے دی

    چیسٹرلی اسٹریٹ: ورلڈ کپ 2019 کے 35ویں میچ میں جنوبی افریقہ نے سری لنکا کو باآسانی شکست دے دی، فاف ڈوپلیسی اور ہاشم آملہ نے ناقابل شکست نصف سنچریاں اسکور کیں۔

    تفصیلات کے مطابق ورلڈ کپ 2019 کے اہم میچ میں جنوبی افریقہ کو 9 وکٹوں سے شکست دے کر ورلڈ کپ سے باہر کردیا، سری لنکا کی جانب سے دیا جانے والا 204 رنز کا ہدف جنوبی افریقہ نے 37.2 اوورز میں ایک وکٹ کے نقصان پر حاصل کرلیا۔

    کوئن ٹن ڈی کاک 15 رنز بنا کر لیستھ ملنگا کی گیند پر بولڈ ہوئے جس کے بعد سری لنکن بولرز جنوبی افریقہ کے سامنے بے بس نظر آئے اور کپتان فاف ڈوپلیسی نے 96 اور ہاشم آملہ نے 80 رنز کی ناقابل شکست اننگز کھیل کر ٹیم کی جیت میں اہم کردار ادا کیا۔

    سری لنکا کے لیستھ ملنگا صرف واحد وکٹ حاصل کرنے میں کامیاب ہوسکے۔

    جنوبی افریقہ کے ڈیوئن پریٹوریز کو تین وکٹیں حاصل کرنے پر میچ کا بہترین کھلاڑی قرار دیا گیا۔

    اس سے قبل چیسٹرلی اسٹریٹ میں کھیلے جانے والے میچ میں سری لنکا کی ٹیم 47 اوورز میں 203 رنز پر ڈھیر ہوگئی اور جنوبی افریقہ کو جیت کے لیے 204 رنز کا ہدف دیا، پریٹوریز نے تین کھلاڑیوں کو پویلین کی راہ دکھائی۔

    جنوبی افریقہ کے کپتان فاف ڈوپلیسی نے ٹاس جیت کر پہلے فیلڈنگ کا فیصلہ کیا جو درست ثابت ہوا اور اننگز شروع ہوتے ہی ربادا کی پہلی گیند پر سری لنکن کپتان کرونارتنے بغیر کوئی رن بنائے پویلین لوٹ گئے۔

    سری لنکا کی دوسری وکٹ 67 رنز پر گری جب کسل پریرا 30 رنز بنا کر پویلین لوٹ گئے، اویشکا فرنینڈو بھی 30 رنز پر ہمت ہار گئے، مینڈس 23 رنز بنا کر پریٹوریز کا نشانہ بنے۔

    اینجلیو میتھیوز صرف 11 رنز بنا کر کرس مورس کی گیند پر بولڈ ہوئے، ڈی سلوا کو ڈومینی نے پویلین روانہ کیا، جیون مینڈس 18 رنز بنا کر مورس کو وکٹ دے بیٹھے۔

    تھسارا پریرا بھی ٹیم کے اسکور میں خاطر خواہ اضافہ نہ کرسکے اور 21 رنز بنا کر فلک وائیو کی گیند پر آؤٹ ہوئے۔

    جنوبی افریقہ کے پریٹوریزاور کرس مورس نے تین کھلاڑیوں کو آؤٹ کیا، جبکہ ربادا، جے پی ڈومینی اور فلک وائیو نے ایک، ایک وکٹ حاصل کی۔

     آئی سی سی ورلڈ کپ کے 35 ویں میچ میں آج سری لنکا اور جنوبی افریقہ کی ٹیمیں آمنے سامنے ہیں۔

    سری لنکا کی ٹیم میگا ایونٹ میں اب تک 6 میچز کھیل چکی ہے جس میں سے 2 میچز میں انہیں کامیابی حاصل ہوئی، 2 میں ناکامی کا سامنا کرنا پڑا اور 2 میچز بارش کی نذر ہوگئے۔ اس طرح سری لنکن ٹیم 6 پوائنٹس کے ساتھ ٹیبل پر ساتویں نمبر پر ہے۔

    دوسری جانب جنوبی افریقہ کی ٹیم اب تک 7 میچز کھیل چکی ہے جس میں سے صرف 1 میچ جیتنے اور ایک 1 بارش کی نذر ہونے کے باعث پوائنٹس ٹیبل پر 3 پوائنٹس کے ساتھ نویں نمبر پر ہے۔

    اسکواڈ

    آج کے میچ کے لیے سری لنکا کی ٹیم میں دیموت کرونارتنے (کپتان)، کشال پریرا، ایوشکا فرنینڈو، کشال مینڈس، اینجلو میتھیوز، جیون مینڈس، دھننجایا ڈی سلوا، تشارا پریرا، اسورو ادانا، لستھ ملنگا، اور سرنگا لکمل شامل ہیں۔

    جنوبی افریقہ کی ٹیم میں فاف ڈوپلیسی (کپتان)، کوانٹن ڈی کوک، ہاشم آملہ، ایڈن مارکرم، ریسی ون، جے پی ڈومنی، اینڈل پھلکاویو، ڈوائن پریٹورس، کرس مورس، کگسو ربادا اور عمران طاہر شامل ہیں۔

  • افغانستان کے خلاف اچھا کھیل کر کامیاب ہوں گے: حارث سہیل

    افغانستان کے خلاف اچھا کھیل کر کامیاب ہوں گے: حارث سہیل

    لندن: قومی کرکٹ ٹیم کے بلے باز ، حارث سہیل نے کہا ہے کہ افغانستان کے خلاف اچھا کھیل کر کامیاب ہوں گے.

    ان خیالات کا اظہار انھوں نے لیڈز گراؤنڈ میں پریکٹس سیشن کے بعد میڈیا سے گفتگو کرتے ہوئے کیا.

    حارث سہیل نے کہا کہ افغان اسپنرز بہت اچھا کھیل رہے ہیں، امید ہے، پاکستان افغانستان کا میچ بہت اچھا ہوگا، افغانی کھلاڑیوں کو کھیلتے ہوئے دیکھا ہے، ہم کل کےمیچ کے لئے بھرپور تیاری کر رہے ہیں.

    جنوبی افریقا کے خلاف مین آف دی میچ کا ایوارڈ حاصل کرنے والے بیٹسمین نے کہا کہ میں کبھی پرفارمنس کی بنیاد پر ٹیم سے باہر نہیں ہوا، فٹنس مسائل رہے ان پر اب قابو پالیا ہے.

    مزید پڑھیں: اگلے میچ میں پاکستان کی جیت کے چانسز ہیں لیکن افغانستان کو آسان نہ سمجھیں، وسیم اکرم

    انھوں نے کہا کہ مورال بلند کرنے کے لئے ایک اچھی جیت چاہیے ہوتی ہے، ہمیں دوسری ٹیموں کی جیت ہار سے غرض نہیں ہمارا فوکس اپنے میچز پر ہے.

    خیال ہے کہ کرکٹ ورلڈ کپ 2019 میں کل پاکستان اورافغانستان مد مقابل ہوں گے، قومی ٹیم نے لیڈز کرکٹ گراؤنڈ میں بھرپور پریکٹس کی.

    سیمی فائنل میں رسائی کا امکان زندہ رکھنے کے لیے پاکستان کو افغانستان اور بنگلا دیش سے اپنے میچز جیتنے ہوں گے.