Tag: ورلڈ کپ

اسلام آباد: پاکستان کرکٹ ٹیم کے سابق کپتان اور اور تحریک انصاف کے چئیرمین عمران خان نے شاہد آفریدی کی قیادت پر مایوسی کا اظہار کرتے ہو ئے کہا کہ آفریدی کے بجا ئے اگرمصباح الحق کپتان ہوتے تو ٹیم کی پوزیشن مختلف ہوتی۔

اسلام آباد میں ٹیلنٹ ہنٹ پروگرام میں شرکت کے بعد میڈیا سے گفتگو میں عمران خان کا کہنا تھا کہ آفریدی نے بولرز کا استعمال بھی صحیح انداز میں نہیں کیا، سابق کپتان نے کہا کہ کوچ اور کپتان کے جانے سے کچھ نہیں ہوگا،کرکٹ کا ڈھانچہ تبدیل کرنا پڑے گا۔

انیس سو بانوے ورلڈ کپ کی فاتح ٹیم کے کپتان عمران خان شاہد آفریدی سے مایوس ہوگئے انہوں نے مزید کہا کہ شاہد آفریدی کو جو سمجھایا تھا ویسا گراؤنڈ میں دیکھنے کو نظر نہیں آیا، سابق کپتان کا کہنا تھا کہ آفریدی کے بجا ئے اگرمصباح الحق کپتان ہوتے تو ٹیم کی پوزیشن مختلف ہوتی۔

ایک سوال پر عمران خان نے کہا کہ تینوں فارمیٹ کا ایک ہی کپتان ہونا چاہیے، ورلڈ ٹی ٹوئنٹی میں کھلاڑیوں کو مشورہ دینے کے لئے عمران خان بھارت گئے تھے۔

کولکتہ: ورلڈٹی ٹوئنٹی کے آخری گروپ میچ میں جنوبی افریقہ نے سری لنکاکو آٹھ وکٹ سے شکست دےدی، دونوں ٹمیں ایونٹ سے پہلے ہی باہرہوچکی ہے۔

آخری گروپ میچ جنوبی افریقہ کےنام رہا جنوبی افریقہ نے ٹاس جیت کر فیلڈنگ کافیصلہ کیا، سری لنکن اوپنر نے پینتالیس رنزکاجارحانہ آغازفراہم کیا۔ نیٹ چندی مل کےآؤٹ ہوتے ہی وکٹیں گرنے لگیں۔

میتھوز کی غیرموجودگی میں سری لنکن بیٹنگ لائن ناکام رہی اور ٹیم پورے اوورزکھیلے بغیر ہی ایک سو بیس رنزپرڈھیر ہوگئی۔

ہدف کےتعاقب میں جنوبی افریقہ کی پہلی وکٹ پندرہ رنزگری، لیکن فاف ڈوپلسی اورہاشم آملہ نے پراعتماد بیٹنگ کی، ہاشم آملہ کی نصف سنچری بنائی، اے بی ڈی ویلیئرز نے وننگ شاٹ لگاکر جنوبی افریقہ کو آٹھ وکٹ سے جیت دلوائی۔