بنگلور : ورلڈ اسنوکر چیمپیئن کے ناک آؤٹ مرحلے میں پاکستان کے محمد سجاد نے اپنا میچ جیت لیا ہے، حمزہ اکبر اور محمد آصف ٹوبا شکست کے بعد ایونٹ سے باہر ہوگئے۔آئی بی ایس ایف ورلڈ اسنوکر چیمپیئن کا ناک آؤٹ مرحلے شروع ہوگیا ہے۔.
پاکستان کے محمد سجاد نے سنگاپور کے کینگ کوانگ کو دلچسپ مقابلے کے بعد چار دو فریمز کے فرق سے ہرا کر بتیس بہترین کھلاڑیوں میں جگہ بنالی ہے۔
محمد سجاد کا ٹکراؤ اب ویلز کے ڈوین جونز سے ہوگا۔ دیگر میچز میں پاکستان ٹیم میں شامل حمزہ اکبر کو انگلینڈ کے نک جیننگز نے یک طرفہ مقابلے میں چار ایک اور محمد آصف ٹوبا کو میزبان ملک بھارت کے کیوئسٹ منان چندرا نے چار دو سے شکست دیکر ایونٹ سے باہر کردیا ہے
