بنگلور: چینی کیوئسٹ نے پاکستان کے محمد سجاد کو ورلڈ اسنوکر چیمپیئن شپ کے فائنل میں شکست دیکر ٹائٹل اپنے نام کرلیا۔بنگلور میں عالمی اسنوکر چیمپیئن شپ کے فائنل میں پاکستان کے محمد سجاد اور چودہ سالہ چینی کیوئسٹ یان بنگ ٹاؤ کے درمیان کانٹے دار ہوا۔
اعصاب شکن مقابلہ آٹھ گھنٹے تک جاری رہا، چودہ سالہ چینی کیوئسٹ نے تجربہ کار محمد سجاد کا بھرپور مقابلہ کیا۔ بیسٹ آف فیفٹیس فریم کے فائنل میں چینی کیوئسٹ کو ابتدا میں برتری حاصل ہوئی۔،
لیکن محمد سجاد کے شاندار کم بیک نے حریف کیوئسٹ کے لئے خطرے کی گھنٹی بجائی، سات سات فریم سے مقابلہ برابر ہونے کے بعد فیصلہ آخری فریم میں ہوا۔ چینی کیوئسٹ نے آخری فریم جیت کر کم عمر ترین ورلڈ اسنوکر چیمپیئن بنے کا اعزاز حاصل کیا۔
