لاہور: چیئرمین پاکستان کرکٹ بورڈ نجم سیٹھی کا کہنا ہے کہ ورلڈ الیون کی آمد کو یقینی بنانے کے لیےغیر معمولی کوششیں کی گئیں۔
تفصیلات کے مطابق لاہور پاکستان کرکٹ بورڈ کے چیئرمین نجم سیٹھی نے پریس کانفرنس کرتے ہوئے کہا کہ ورلڈ الیون کے کھلاڑیوں کو پاکستان میں خوش آمدید کہتے ہیں۔
پی سی بی چیئرمین کا کہنا تھا کہ مختلف ممالک کے کرکٹ بورڈز کی اجازت کے بغیر کھلاڑیوں کی آمد ممکن نہ تھی۔
نجم سیٹھی کا کہنا تھا کہ پی ایس ایل کے لاہور میں فائنل نے ورلڈ الیون ٹیم کے پاکستان آنے میں اہم کردار اد اکیا، پی ایس ایل کے فائنل کےلیے پنجاب حکومت،آرمی چیف کا اہم کردارتھا۔
چیئرمین پی سی بی نجم سیٹھی کا کہنا تھا کہ یہ صرف کرکٹ سیریزنہیں عالمی کرکٹ کے لیے بھی اہم قدم دیکھ رہے ہیں۔
دوسری جانب آئی سی سی ٹاسک فورس کے سربراہ جائلز کلارک کا کہنا تھا کہ ورلڈ الیون کی آمد پرپاکستان کے تمام اداروں کا شکرگزار ہوں، پاکستان کی آرمی، پولیس اوردیگراداروں نے بھرپورتعاون کیا۔
جائلزکلارک کا کہنا تھا کہ پی ایس ایل فائنل نہیں ہوتا تومجھےنہیں پتہ یہ سب کیسےہوتا جبکہ اینڈی فلاورکے بغیرہم اس ٹیم کو بنانےمیں کامیاب نہیں ہوتے۔
آئی سی سی ٹاسک فورس کے سربراہ کا کہنا تھا کہ پاکستانی قوم کی مدد کےبغیرعالمی کرکٹ پاکستان میں نہیں ہوسکتی تھی۔
واضح رہے کہ ورلڈ الیون کی ٹیم کے 13 کھلاڑی فاف ڈوپلیسی کی قیادت میں آج لاہور ایئرپورٹ پہنچے جہاں چیئرمین پی سی بی نجم سیٹھی، صوبائی وزیرکھیل جہانگیر خانزادہ سمیت اعلیٰ حکام نے ٹیم کا شاندار استقبال کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: وزیراعلیٰ پنجاب میاں محمد شہباز شریف کا کہنا ہے کہ بین الاقوامی کرکٹرز کی لاہور آمد ہمارے لیے مسرت کا باعث ہے۔
تفصیلات کے مطابق وزیراعلیٰ پنجاب شہبازشریف نے ورلڈ الیون کی ٹیم کو لاہور آمد پر خوش آمدید کہتے ہوئے کہا کہ بین الاقوامی کرکٹرزکی آمد پوری قوم کےلیے خوشی کا باعث ہے۔
وزیراعلیٰ پنجاب کا کہنا تھا کہ انٹرنیشنل کرکٹرزکی آمد سے کرکٹ کی بحالی میں مدد ملے گی جبکہ تین میچز کی سیریز سے شائقین کواچھا کھیل دیکھنےکو ملے گا۔
خیال رہے کہ ورلڈ الیون کی ٹیم کے 13 کھلاڑی فاف ڈوپلیسی کی قیادت میں آج لاہور ایئرپورٹ پہنچے جہاں چیئرمین پی سی بی نجم سیٹھی، صوبائی وزیرکھیل جہانگیر خانزادہ سمیت اعلیٰ حکام نے ٹیم کا شاندار استقبال کیا۔
ورلڈ الیون کے کوچ اینڈی فلاور نے لاہور پہنچنے پر پاکستانی شائقین کے نام ویڈیو پیغام جاری کیا جس میں ان کا کہنا تھا کہ پاکستان آکر خوشی ہوئی۔
واضح رہے کہ ورلڈ الیون اور پاکستان کے درمیان پہلا ٹی ٹوئنٹی میچ 12 ستمبر کو کھیلا جائے گا جبکہ دوسرا اور تیسرا میچ 15،13 کھیلا جائے گا۔ پاکستانی وقت کے مطابق میچز رات 8 بجے شروع ہوں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: جنوبی افریقہ کے فاف ڈوپلیسی کی قیادت میں ورلڈ الیون کی ٹیم لاہور پہنچ گئی، یہ ٹیم پاکستان کے خلاف لاہورمیں 3 ٹی ٹوئنٹی انٹرنیشنل میچز کھیلے گی۔
تفصیلات کے مطابق ورلڈ الیون کی ٹیم کے 13 کھلاڑی فاف ڈوپلیسی کی قیادت میں لاہور ایئرپورٹ پہنچے جہاں چیئرمین پی سی بی نجم سیٹھی، صوبائی وزیرکھیل جہانگیر خانزادہ سمیت اعلیٰ حکام نے ٹیم کا شاندار استقبال کیا۔
لاہورایئرپورٹ سے کھلاڑیوں کو انتہائی سخت سیکورٹی کے حصار میں ہوٹل پہنچایا گیا۔ ورلڈ الیون کے کوچ اینڈی فلاور نے ہوٹل پہنچنے پر پاکستانی شائقین کے نام ویڈیو پیغام جاری کیا جس میں ان کا کہنا تھا کہ پاکستان آکر خوشی ہوئی۔
اینڈی فلاور کا کہنا تھا کہ ورلڈ الیون اور پاکستان کی ٹیم کے درمیان اچھے میچز ہوں گے اور شائقین اس سے لطف اندوز ہوں گے۔
خیال رہے کہ ورلڈ الیون ٹیم کے ایک کھلاڑی سیموئل بدری کیربیئن لیگ میں مصروف ہونے کی وجہ سے ٹیم کے ساتھ نہیں پہنچے وہ آج شام لاہور پہنچیں گے۔
پاکستان کے دورے پر آنے والی ورلڈ الیون کی ٹیم میں فاف ڈوپلیسی (کپتان)، ہاشم آملا، مورنی مورکل، ڈیوڈ ملر، عمران طاہر، تمیم اقبال، تشار پریرا، ڈیرن سیمی، سیموئل بدری، پال کالنگ ووڈ، بین کٹنگ، ٹم پی، جارج بیلی اور گرانٹ ایلیٹ شامل ہیں۔
دوسری جانب پاکستان کرکٹ ٹیم کے 16 رکنی اسکواڈ میں سرفراز احمد (کپتان)، احمد شہزاد، فخرزمان، بابراعظم، شعیب ملک، عمادوسیم، عمرامین، شاداب خان، محمد نواز، فہیم اشرف، حسن علی، عامر یامین، رومان رئیس، محمد عامر، عثمان خان، سہیل خان شامل ہیں۔
واضح رہے کہ ورلڈ الیون اور پاکستان کے درمیان پہلا ٹی ٹوئنٹی میچ 12 ستمبر کو کھیلا جائے گا جبکہ دوسرا اور تیسرا میچ 15،13 کھیلا جائے گا۔ پاکستانی وقت کے مطابق میچز رات 8 بجے شروع ہوں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
دبئی : ویسٹ انڈیز کے مایہ ناز آل راؤنڈر اور ورلڈ الیون کے نامور کھلاڑی ڈیرن سیمی نے کہا ہے کہ ورلڈ الیون کے میچوں کو خصوصی اہمیت حاصل ہے، میچ ریفری رچی رچرڈسن بھی ان میچوں کا حصہ بننے پر خوش ہیں۔
ان خیالات کا اظہار انہوں نے دبئی آمد کے موقع پر میڈیا سے گفتگو کرتے ہوئے کیا۔ ڈیرن سیمی کا کہنا تھا کہ ان کے پاکستانی کھلاڑیوں کے ساتھ بہت اچھے تعلقات ہیں، پاکستان میں کھیل کر خوشی ملی تھی اب اور بھی ملے گی، وہ پاکستان جانے کے حوالے سے بہت پر جوش ہیں۔
ان کا مزید کہنا تھا کہ ورلڈ الیون کی آمد سے پاکستان میں کرکٹ کی بحالی آسان ہو گی، اس کی کامیابی سے ویسٹ انڈیز کی بھی پاکستان میں آمد ہو سکتی ہے، ورلڈ الیون اور پاکستان ٹیم کا میچ دلچسپ ہو گا۔
مارچ میں پی ایس ایل فائنل کا حصہ بننے والے ڈیرن سیمی کہتے ہیں کہ ویسٹ انڈیز کے ماضی کے بیٹسمین رچی رچرڈسن میچ ریفری ہوں گے۔ وہ بھی سیریز کا حصہ بننے پر بہت خوش ہیں۔
واضح رہے کہ ورلڈ الیون کے کھلاڑی دبئی میں پاکستان کے خلاف سیریز کی تیاری کر رہے ہیں، ورلڈ الیون کے خلاف معرکہ کے لئے قومی ٹیم نے لائٹس میں پریکٹس کی۔
اس موقع پر نئے نویلے دولہا رومان رئیس کو سب کھلاڑیوں نے مبارکباد دی، ورلڈ الیون اور پاکستان کے درمیان تین میچوں کی سیریز کا پہلا میچ منگل کو کھیلا جائیگا۔
لاہور: آزادی کپ میں آئی سی سی کی جانب سے میچ ریفری مقرر کیے جانے والے ویسٹ انڈیز کے سابق کپتان رچی رچرڈ سن لاہور پہنچ گئے۔
تفصیلات کے مطابق آئی سی سی کپ میں بطور ریفری کے فرائض انجام دینے کے لیے ویسٹ انڈیز کے سابق کپتان رچی رچرڈ سن غیر ملکی پرواز ای کے624 کے ذریعے برآستہ دبئی لاہور ایئرپورٹ پہنچ گئے۔
ویسٹ انڈیز کے سابق کپتان کا لاہور ایئرپورٹ پر پاکستان کرکٹ بورڈ کے نمائندوں نے استقبال کیا۔ رچی رچرڈ سن کو انتہائی سخت سیکورٹی میں مقامی ہوٹل منتقل کیا گیا۔
آزادی کپ میں ورلڈ الیون اور قومی ٹیم کے مابین تین ٹی ٹونٹی میچز 12، 13اور 15ستمبر کوقذافی سٹیڈیم میں کھیلے جائیں گے۔
خیال رہے کہ رچی رچرڈ سن 2016 جنوری سے آئی سی سی پینل کے ممبرہیں ۔غیر ملکی کھلاڑیوں اور آفیشلز کی آمد کا سلسلہ آج سے سوموار تک جاری رہے گا۔
واضح رہے کہ دو روز قبل چیئرمین پی سی بی نجم سیٹھی کا کہنا تھا کہ آزادی کپ کی کامیابی کے بعد کراچی میں بھی میچز ہوں گے، آئی سی سی سیکورٹی ٹیم کو کراچی کا دورہ بھی کرائیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : چیئرمین پی سی بی نجم سیٹھی نے کہا ہے کہ پی ایس ایل تھری کے چار میچز کراچی میں ہوں گے، اس کے بعد انٹرنیشنل کرکٹ بھی واپس آئے گی، ورلڈ الیون کے میچز کراچی میں کرانے کی کوشش کی تھی، دو سال بعد پی ایس ایل میں 7ویں ٹیم بھی شامل کرلیں گے۔
ان خیالات کا اظہار انہوں نے اے آر وائی نیوز کے پروگرام اعتراض ہے میں خصوصی گفتگو کرتے ہوئے کہی، نجم سیٹھی نے کہا کہ ورلڈ الیون کی پاکستان آمد بہت بڑی کامیابی ہے، ورلڈ الیون کے ایک سے دو میچز کراچی میں کرانے کیلئے بہت کوشش کی۔
ورلڈالیون کا میچ کراچی میں نہیں ہوسکے گا
، آئی سی سی کی پوزیٹو رپورٹ تمام ممبرز کو جانی چاہئیے، ورلڈ الیون کا میچ پاکستان میں کرانے کیلئےآئی سی سی سے کہا ہے، آئی سی سی کی سیکیورٹی ٹیم کی جانب سے گرین سگنل مل گیا ہے، البتہ ورلڈالیون کا میچ کراچی میں نہیں ہوسکے گا، کسی بھی ٹیم کی ہار ہو لیکن جیت پاکستان کی ہوگی۔
پی ایس ایل کے حوالے سے ان کا کہنا تھا کہ سیکیورٹی ٹیم کی میٹنگ کے بعد کراچی میں چار میچز کرانے کی کوشش کرینگے، اگلے سال کراچی اسٹیڈیم تیارہوجائیگا، پھر پی ایس ایل کےچار میچز کرائینگے۔
پی ایس ایل کیلئے ساتویں ٹیم بھی شامل کریں گے
نجم سیٹھی نے بتایا کہ پی ایس ایل کی چھٹی ٹیم پچاس کروڑ سے زائد میں فروخت ہوئی، دو سال بعد پی ایس ایل کیلئے ساتویں ٹیم بھی شامل کریں گے، فاٹا، سیالکوٹ، فیصل آباد کی ٹیموں میں سے کوئی ٹیم شامل ہوسکتی ہے، فاٹا میں زیادہ ٹیلنٹ ہے، فاٹا میں ویمن ٹیم ٹیلنٹ ہنٹ بھی بھیجی تھی، پشاورمیں اکیڈمی کیلئےایم او یو سائن کرینگے۔
سری لنکاکےآنےسےدیگرٹیمیں بھی پاکستان آئیں گی
ایک سوال کے جواب میں انہوں نے کہا کہ سری لنکاسے کہا تھا آپ پاکستان نہیں آئیں گے تو کوئی نہیں آئیگا، سری لنکا سے ایک دو میچ پاکستان میں کھیلنےکی بات ہوئی ہے۔
سری لنکاکےآنےسےدیگرٹیمیں بھی پاکستان آئیں گی، زمبابوے کی ٹیم کسی سیکیورٹی کمپنی کی گارنٹی کے بغیرآئی تھی، ٹاپ کی سیکیورٹی کمپنی پاکستان میں معاملات کو دیکھ رہی ہے، گرین سگنل ملتےہی دیگر ٹیمیں بھی پاکستان آنا شروع ہوجائیں گی۔
ہم نے بھارت میں کھیلنے سےانکار کردیا
نجم سیٹھی نے مزید کہا کہ بھارت ہم سے چیمپئنزٹرافی کھیلنے کوبھی راضی نہیں تھا، بعد میں بھارت چیمپئنز ٹرافی کھیلا اور ہار گیا، بھارت سے سیریزکھیلنے سےمتعلق کچھ حد تک کامیابی ہوئی،اب پاکستان،بھارت،سری لنکا سیریز سے متعلق بات چل رہی ہے۔
بھارتی کھلاڑی کو اجازت نہیں کہ وہ کسی اورلیگ میں کھیلے، بھارت میں اس وقت مودی کی انتہا پسند حکومت ہے، بی سی سی آئی کی لیڈرشپ بھارتی سپریم کورٹ کےتحت چل رہی ہے۔
بی سی سی آئی کی لیڈر شپ کہتی ہے کہ بھارتی حکومت انہیں اجازت نہیں دیتی، بھارت نے کہا تھا کہ پاکستان بھارت میں آکر کھیل سکتا ہے، لیکن ہم نے بھارت میں کھیلنے سےانکار کردیا۔
شاہدآفریدی ریٹائرہوچکے ہیں، فیئر ویل نہیں مل سکتا
نجم سیٹھی نے کہا کہ میرے دور میں تین اسٹارکھلاڑی تھے، یونس خان ، شاہد آفریدی اورمصباح الحق، شاہد آفریدی نے کہا تھا کہ فیئرویل میچ کھیلنے دیں، ہم نے کہا کہ پلیئر ریٹائرڈ ہوجائے تو اسے فیئر ویل نہیں مل سکتا۔
شاہد آفریدی سے کہا کہ ہماری کچھ مجبوریاں ہیں، البتہ میں ایک چیز کرسکتا ہوں، ورلڈ الیون آرہی ہے اس میں کھیلنا چاہو تو بتادو، شاہد آفریدی کو ورلڈالیون کیخلاف کپتان بنانے کی بھی آفر کی تھی، لیکن وہ نہ مانے اور کہا کہ شکریہ اب اس بات کو رہنے ہی دیں۔
شاہد آفریدی نے کہا کہ مجھے پیار اور عزت چاہیے اور کچھ نہیں۔ یونس، مصباح، آفریدی کو ایوارڈ تقریب میں مدعو کیا ہے، تینوں سینئر کھلاڑیوں کیلئےایوارڈ کی بھی سفارش کی ہے۔
ایک سوال کے جواب میں انہوں نے کہا کہ اسپاٹ فکسنگ ہوتی ہے تو دیکھنا ہوتا ہے کہ وہ کتنا بڑا اسٹار ہے، غلطی کرنے پر اسٹار سمیت کوئی بھی ہو سخت سزاہونی چاہیے، سزاکاٹیں، معافی مانگیں تو آپ واپس آجائیں،آپ کی عزت کروں گا، ہم کون ہوتے ہیں معافی دینے والے، سزا اپنی جگہ ہوتی ہے۔
مکمل پاورسلیکٹرز کےپاس ہونی چاہئیے
کرکٹ بورڈ میں مختلف سروسز پر40کھلاڑی موجود ہیں، چیف سلیکٹرز کے پاس پاور کی بات نہیں، رائٹس چاہئیے ہوتے ہیں، جوکھلاڑی آپ سلیکٹ کریں اسے کوئی چیلنج نہ کرسکے، مکمل پاورسلیکٹرز کےپاس ہونی چاہئیے، چیئرمین بھی مداخلت نہ کرسکے۔
کسی کھلاڑی سے متعلق چیئرمین نہیں سلیکٹرز جواب دہ ہونا چاہیے، راشد لطیف اور معین خان کوپیشکش کےلئے کال کی تھی، راشد لطیف پی سی بی میں شامل ہونے کی خواہش ظاہرکریں گے تو ان کا ساتھ دونگا۔
امریکی جرنیل ناکامی کے باوجود افغانستان میں ہار نہیں ماننا چاہتے
نجم سیٹھی نے کہا کہ امریکا ہرجنگ میں ناکام ہوا، وہ سامراج ملک ہے بازنہیں آتا، امریکی جرنیل ناکامی کے باوجود افغانستان میں ہار نہیں ماننا چاہتے، ڈونلڈ ٹرمپ نے کہاتھا کہ صدر بناتو افغانستان سے فوج واپس بلالونگا، جرنیلوں نے ٹرمپ کا گریبان پکڑلیا، کیسے دستبردارہوگئے، پاکستان کی وجہ سےجنگ ہارنا محض امریکا کا الزام ہے۔
لاہور: ورلڈ الیون کے کوچ اینڈی فلاور نے کہا ہے کہ پاکستان کا دورہ ٹیم کے ہرکھلاڑی کیلئے یادگار ہوگا، دورے کا مقصد پیسے سے بہت آگے ہے، پاکستانی شائقین کرکٹ سے محبت کرتے ہیں۔
تفصیلات کے مطابق زمبابوے سے تعلق رکھنے والے ورلڈ الیون کے کوچ اینڈی فلاور پاکستان میں انٹرنیشنل کرکٹ کی بحالی کیلئے پرجوش ہیں۔
اپنے ایک بیان میں اینڈی فلاور کا کہنا ہے کہ ورلڈ الیون کے دورہ پاکستان کا مقصد پیسے سے بہت آگے ہے۔ سابق زمبابوین کرکٹر نے کہا کہ پاکستانی عوام کرکٹ سے محبت کرتی ہے، پاکستان آنے کیلیے ورلڈ الیون میں بہترین کرکٹرزشامل ہیں۔
ورلڈ الیون کے کھلاڑی سیکیورٹی کے اقدامات سے پوری طرح مطمئن ہیں، کھلاڑیوں کو معاوضہ بھی اچھا دیا جا رہا ہے، ورلڈ الیون کے کوچ نے کہا کہ غیر ملکی کرکٹرز کے لئے دورہ پاکستان یادگار ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور: پاکستان کرکٹ بورڈ نے ورلڈ الیون کے دورہ پاکستان کے حوالے سے شیڈول تیار کرکے پنجاب حکومت کو ارسال کردیا۔
پی سی بی کے مطابق ورلڈ الیون آئندہ ماہ پاکستان کا دورہ کرے گی اور قومی کرکٹ ٹیم کے ساتھ تین میچز کی سیریز کھیلے گی، پاکستان کرکٹ بورڈ انتظامیہ نے دورے کی مناسبت سے پنجاب حکومت کو شیڈول بنا کر دے دیے ہیں۔
پاکستان کرکٹ بورڈ نے حکومت کو 7 تا 15 ستمبر کے درمیان میچز کے انعقاد کی تجویز دیتے ہوئے پنجاب انتظامیہ کو دو شیڈول بھیج دیے ہیں، پہلے شیڈول میں 11 تا 14 یا 12 تا 15 میچز کھیلنے کی تجویز دی گئی ہے۔
پی سی بی انتظامیہ کا کہنا ہے کہ صوبائی حکومت سے سیکیورٹی کلیئرنس ملنے کے بعد میچز کے انعقاد کا باقاعدہ اعلان کیا جائے گا اور ورلڈ الیون کے دورہ پاکستان کے موقع پر ٹی ٹوئنٹی میچز کا انعقاد بھی ملتوی کردیا جائے گا۔
یاد رہے کہ ورلڈ الیون رواں سال ستمبر میں پاکستان کا دورہ کرے گی جس کی باقاعدہ تصدیق آئی سی سی کی جانب سے بھی کردی گئی ہے، ورلڈ الیون کی سربراہی نیوزی لینڈ کے معروف بلے باز برینڈن میکلم کریں گے۔
علاوہ ازیں ورلڈ الیون میں دنیا بھر کی مختلف کرکٹ ٹیموں کے کھلاڑیوں کو شامل کیا گیا ہے جن میں نیوزی لینڈ کے مارٹن گپتل، کورے اینڈرسن، ڈینئیل ویٹوری، ٹرینٹ بولٹ، آسٹریلیا کے اسٹینو، اسمتھ، مچل اسٹارک، گلین میکسویل، جنوبی افریقہ کے اے بی ڈویلئیرز، مورن مورکل اور سری لنکن وکٹ کیپر کمار سنگاکارا ٹیم میں شامل ہیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
کراچی : پاکستان کرکٹ بورڈ کے چیئرمین شہریار خان نے کہا ہے کہ سیکیورٹی کلیئرنس نہ ملنے کے باعث ورلڈ الیون کے تمام میچز لاہورمیں ہوں گے، آئی سی سی نے سیکیورٹی وفد کراچی بھیجنے سے معذرت کی ہے۔
یہ بات انہوں نے نیشنل اسٹیڈیم کراچی میں میڈیا سے گفتگو کرتے ہوئے کہی۔ چیئرمین پی سی بی نے کہا کہ رواں سال ستمبر میں پاکستان کا دورہ کرنے والی ورلڈ الیون اب کراچی نہیں آسکے گی۔
ہمیں سیکیورٹی کلیئرنس نہیں ملی جس کے باعث ٹیم کراچی میں میچ نہیں کھیل سکے گی۔ آئی سی سی نے لاہور کو سکیورٹی کلیئرنس دے دی ہے جس کا سبب پاکستان سپر لیگ کے فائنل کا کامیابی سے انعقاد تھا۔
اسپاٹ فکسنگ کے حوالے سے ان کا کہنا تھا کہ اس معاملے میں پی سی بی کا دہرا معیار نہیں ہے، جو بھی کھلاڑی ملوث ہوئے وہ سزا سے بچ نہیں سکتے۔
ان کا کہنا تھا کہ کراچی کا نیشنل اسٹیڈیم بین الاقوامی میچوں کی میزبانی کے لئے موزوں نہیں ہے،اسٹیڈیم اس وقت بہت خراب حالت میں ہے، گراؤنڈ کی مرمت کے لئے کام بہت جلد شروع کیا جائے گا۔
میڈیا سے گفتگو میں شہریار خان نے کہا کہ بنگلہ دیشی بورڈ سے مالی معاملات پر رابطہ کیا گیا ہے۔ ایک سوال کےجواب میں انہوں نے کہا کہ قومی ٹیسٹ ٹیم کا اگلا کپتان کون ہوگا، فیصلہ مشاورت سے کرینگے۔
