Tag: ورلڈ باڈی بلڈنگ چیمپئن شپ

لاہور: قومی تن ساز سلمان احمد کا کہنا ہے کہ حکومت نے تو کوئی تعاون نہ کیا تاہم وہ اپنے بل بوتے پر پروفیشنل ورلڈ باڈی بلڈنگ چیمپئن شپ کا ٹائٹل جیت کر قوم کو عیدالفطر کا تحفہ دیں گے.

تفصیلات کے مطابق لاہور میں میڈیا سے گفتگو کرتے ہوئے قومی تن ساز سلمان احمد نے کہا کہ وہ پاکستان کے پہلے باڈی بلڈر ہیں جسے پروفیشنل ورلڈ باڈی بلڈنگ چیمپئن شپ کے مقابلوں میں حصہ لینے کا موقع ملا.

قومی پرچم پہنے سلمان احمد نے اس عزم کا اظہار کیا کہ ان کی اپنی طرف سے سو فیصد تیاری ہے،امید ہے اچھے نتائج نکلیں گے.

قومی تن ساز سلمان احمد کے دوست احباب نے ان کے ساتھ مل کر کیک کاٹ کر نیک تمناوں کا اظہار کیا،سلمان احمد مقابلے میں شرکت کے لیے آج تین بج کر بیس منٹ پر امریکہ کے لیے روانہ ہوں گے.