Tag: ورلڈ ٹیسٹ چیمپئن شپ فائنل

آئی سی سی ہال آف فیم میں شامل ہونے والی ثنا میر کو ایک اور بڑا اعزاز مل گیا، ڈبلیو ٹی سی فائنل میں دوسرے دن بیل بجا کر کھیل کا آغاز کیا۔

پاکستان کی قابل فخر بیٹی ثنا میر کو گزشتہ دنوں کرکٹ میں ان کی بہترین خدمات پر انٹرنیشنل کرکٹ کونسل کے ہال آف فیم میں شامل کیا گیا، اب ان کی خدمات کے اعترف میں انھیں ایک اور اعزاز سے نوازتے ہوئے لارڈز میں ہونے والے ٹیسٹ چیمپئن شپ فائنل میں دوسرے دن کا آغاز ان سے کروایا گیا۔

جنوبی افریقہ اور آسٹریلیا کے درمیان ہونے والے ورلڈ ٹیسٹ چیمپئن شپ فنالے کے دوسرے دن ثنا میر نے تاریخی لارڈز گرائونڈ میں بیل بجا کر ورلڈ ٹیسٹ چیمپئن شپ میچ کا آغاز کیا۔

کھیل شروع ہونے سے قبل لارڈز میں ویمنز کرکٹ اسٹار ثنا میر گھنٹی بجانے کے دوران مسکراتی نظر آئیں، یہ اعزاز ملنے پر وہ کافی خوش دکھائی دے رہی تھیں۔

ثنا میر کی جانب سے گھنٹی بجانے کے بعد ٹیسٹ چیمپئن شپ فائنل کے لیے دونوں ٹیمیں میدان میں آئیں اور دوسرے دن کے کھیل کی شروعات ہوئی۔

https://urdu.arynews.tv/sana-mir-makes-history-icc-hall-of-fame-induction/

ورلڈ ٹیسٹ چیمپئن شپ فائنل میں پہنچنے کے لیے بھارت، پاکستان کے رحم و کرم پر آگیا ہے۔

برسبین میں کھیلے گئے تیسرے ٹیسٹ میچ کے ڈرا ہونے کے بعد بھارت کے لیے ورلڈ ٹیسٹ چیمپئن شپ کا فائنل کے لیے امیدیں دم توڑنے لگی ہیں اور انہیں جنوبی افریقا کے خلاف پاکستان کی جیت کا انتظار کرنا ہوگا۔

آئی سی سی ٹیسٹ چیمپئن شپ کے پوائنٹس ٹیبل کے ٹاپ فور میں جنوبی افریقا، بھارت، سری لنکا اور بھارت کی ٹیمیں موجود ہیں ان میں سے دو ٹیموں نے فائنل کے لیے کوالیفائی کرنا ہے۔

اگر بھارت کو چیمپئن شپ کا فائنل کھیلنا ہے تو انہیں پاکستان کی جنوبی افریقا کے خلاف دونوں ٹیسٹ میچ میں کامیابی کا انتظار کرنا ہوگا پھر بھارت کینگروز کو ایک ٹیسٹ ہرا کر فائنل میں پہنچ سکتا ہے۔

آسٹریلیا کو بقیہ دونوں ٹیسٹ میچ میں شکست دے کر بھی بھارت فائنل مین پہنچ سکتا ہے لیکن کینگروز کو ان کے ملک میں ہرانا ناممکن نہیں تو مشکل ضرور ہے۔

واضح رہے کہ بھارت اور آسٹریلیا کے درمیان پانچ میچوں کی ٹیسٹ سیریز 1-1 سے برابر ہے، برسبین ٹیسٹ کا اختتام ڈرا پر ہوا تھا۔ بھارت کو فائنل میں جانے کے لیے کینگروز سے سیریز 3-1 سے جیتنی ہوگی۔

ورلڈ ٹیسٹ چیمپئن شپ کے فائنل میں آسٹریلیا کے ہاتھوں شکست پر بھارتی ٹیم کے کپتان روہت شرما کا کہنا ہے کہ جون کے مہینے میں ہی ٹیسٹ چیمپئن شپ کا فائنل ہونا ضروری نہیں۔

بھارتی ٹیم کے کپتان روہت شرما نے پریس کانفرنس کرتے ہوئے کہا کہ ضروری نہیں ہے کہ ٹیسٹ چیمپئن کا فائنل جون کے مہینے میں ہی کروایا جائے فائنل دنیا میں کہیں بھی کروایا جاسکتا ہے۔

انہوں نے کہا کہ ایک میچ سے چیمپئن شپ کا نتیجہ نہیں نکلنا چاہیے، تین میچوں کی سیریز اگلے سائیکل میں آئیڈیل ہوگی۔

Rohit Sharma addresses the media after losing the WTC Final.#RohitSharma #WTCFinal pic.twitter.com/l9WQRm72cx

— CricTracker (@Cricketracker) June 11, 2023

آسٹریلیا نے آئی سی سی ورلڈ ٹیسٹ چیمپئن شپ کے فائنل میں بھارت کو 209 رنز سے شکست دیدی۔

فائنل کے آخری روز بھارتی ٹیم 444 رنز کے ہدف کے تعاقب میں 234 رنز بناکر آؤٹ ہو گئی، ٹیسٹ کے آخری روز بھارت کی 7 وکٹیں صرف 70 رنز پر گر گئیں۔

بھارت کی جانب سے دوسری اننگز میں ویرات کوہلی 49 رنز بنا کر نمایاں رہے جبکہ اجنکیا رہانے نے 46 اور روہت شرما نے 43 رنز کی اننگز کھیلی۔

آسٹریلیا کی جانب سے نیتھن لیون نے دوسری اننگز میں چار شکار کیے جبکہ اسکاٹ بولینڈ نے 3 وکٹیں حاصل کیں، مچل اسٹارک نے دو اور پیٹ کمنز نے ایک کھلاڑی کو آؤٹ کیا۔

The celebrations are on 🎉🇦🇺#WTC23 | #AUSvIND pic.twitter.com/bJrfmiM2Tf

— ICC (@ICC) June 11, 2023

آسٹریلیا نے پہلی اننگز میں 469 رنز بنائے تھے جبکہ دوسری اننگز 8 وکٹ 270 رنز پر ڈیکلیئر کی تھی، بھارتی ٹیم پہلی اننگز میں 296 رنز بناکر آؤٹ ہو گئی تھی۔