کراچی: ایشین سکس ریڈ اسنوکر چیمپیئن شپ میں سنسنی خیز مقابلوں کا سلسلہ جاری ہے۔ ناک آؤٹ مرحلہ منگل کو کھیلا جائیگا۔
کراچی میں ہونے والی ایشین سکس ریڈ اسنوکر چیمپیئن شپ میں میزبان ملک پاکستان سمیت گیارہ ممالک حصہ لے رہے ہیں، مین راؤنڈ میچز میں سنسنی خیز مقابلے ہوئے، پاکستان کے محمد سجاد نے کامیابی کا سلسلہ برقرار رکھتے ہوئے فلسطین کے موتز سلیئما کو پانچ صفر سے شکست دی، شاہد آفتاب نے بحرین کے مجید سعید عبدالنبی کو پانچ دو سے مات دی، ایشین چیمپیئن افغانستان کے صالح محمد نے تھائی حریف کو پانچ تین سے زیر کیا، سابق عالمی چیمپیئن اور ایشین سکس ریڈ کے دفاع چیمپیئن کھلاڑی محمد آصف نے افغانستان کے محمد رئیس کو پانچ تین سے ہرایا۔
