ARYNews.tv | Urdu – Har Lamha Bakhabar

Tag: ورلڈ کپ سیمی فائنل

  • ورلڈ کپ سیمی فائنل، جنوبی افریقہ افغانستان کو 9 وکٹوں سے ہراکر فائنل میں پہنچ گیا

    ورلڈ کپ سیمی فائنل، جنوبی افریقہ افغانستان کو 9 وکٹوں سے ہراکر فائنل میں پہنچ گیا

    ٹی ٹوئنٹی ورلڈ کپ کے پہلے سیمی فائنل میں جنوبی افریقا نے 9 وکٹوں سے یکطرفہ مقابلے کے بعد افغانستان کو شکست دیکر پہلی مرتبہ فائنل کیلئے کوالیفائی کرلیا۔

    افغانستان کی بیٹنگ لائن جنوبی افریقی بولرز کے سامنے ریت کی دیوار ثابت ہوئی، جیت کیلئے صرف 57 رنز کا ہدف دیا، جنوبی افریقا نے مطلوبہ ہدف 1 وکٹ کے نقصان پر 8.4 اوورز میں با آسانی حاصل کرلیا۔

    جنوبی افریقا کیخلاف ٹاس جیتنے کے بعد پہلے بیٹنگ کرتے ہوئے 11.5 اوورز میں افغانستان کی پوری ٹیم محض 56 رنز بنا کر پویلین لوٹ گئی۔

    افغانستان کی جانب سے رحمان اللہ گر باز، محمد نبی اور نو ر احمد صفر پر آؤٹ ہو ئے جبکہ صرف عظمت اللہ عمر زئی 10 رنز بنا سکے ہیں۔

    جنوبی افریقا کی جانب سے مارکو جانسن اور تبریز شمسی نے 3، 3 جبکہ رباڈا اور اینرک نوکیا نے 2، 2 کھلاڑیوں کو پویلین کی راہ دکھائی۔

    افغانستان کیخلاف اننگز اوپن کرنے کیلئے آنے والے جنوبی افریقی بیٹر کوئنٹن ڈی کوک 5 رنز بنا کر آؤٹ ہوگئے۔

    جنوبی افریقا کے ریزا ہینڈرکس نے 29 اور کپتان ایڈرن مارکرم نے 23 رنز کی ناٹ آؤٹ اننگز کھیل کر اپنی ٹیم کو فائنل میں پہنچا دیا۔

    واضح رہے کہ ٹی ٹوئنٹی ورلڈ کپ کا دوسرا سیمی فائنل آج شام ساڑھے سات بجے بھارت اور انگلینڈ کے درمیان پروویڈینس میں کھیلا جائے گا۔ ایونٹ کا فائنل ہفتہ 29 جون کو برج ٹاؤن میں کھیلا جائے گا۔

  • ورلڈ کپ سیمی فائنل میں ہار کا ذمہ دار ٹھرانے پر دکھ ہوا، کوہلی

    ورلڈ کپ سیمی فائنل میں ہار کا ذمہ دار ٹھرانے پر دکھ ہوا، کوہلی

    نئی دہلی :  بھارتی بیٹسمین ویرات کوہلی نے خاموشی توڑ دی، انکا کہنا ہے کہ ورلڈ کپ سیمی فائنل میں آسٹریلیا سے شکست کا ذمہ دار ٹھرانے پر انہیں دکھ ہوا۔

    بھارتی ٹیم کے نائب کپتان ویرات کوہلی کو تنقید بری لگ گئی، کوہلی نے آسٹریلیا سے شکست پر تنقید کا جواب دے دیا، انھوں نے کہا کہ عوام کا رویہ مایوس کن تھا۔ وہ ہر میچ میں پرفارم کرتے آئے، ایک میچ میں نہ چلنے تو ایسا ردعمل افسوس ناک ہے۔

    کوہلی نے کہا کہ ایسے رویوں سے کھلاڑی مایوس ہوجاتے ہیں، بے جا تنقید سے دکھ پہنچتا ہے اور بے حد تکلیف ہوتی ہے۔

    یاد رہے کہ ورلڈ کپ کےسیمی فائنل میں آسٹریلیا سے شکست کے بعد ویرات کوہلی اور ان کی گرل فرینڈ بھارتی اداکارہ انوشکا شرما کو سخت تنقید کا نشانہ بنایا گیا تھا۔

  • پہلا سیمی فائنل: جنوبی افریقہ کی بیٹنگ جاری، بارش کے باعث میچ روک دیا گیا

    پہلا سیمی فائنل: جنوبی افریقہ کی بیٹنگ جاری، بارش کے باعث میچ روک دیا گیا

    آک لینڈ:  ورلڈ کپ کے پہلے سیمی فائنل میں جنوبی افریقہ اور نیوزی لینڈ مڈِ مقابل ہیں۔

    نیوزی لینڈ کے شہر آک لینڈ میں کھیلے جانے والے سیمی فائنل میں جنوبی افریقہ نے ٹاس جیتنے کے بعد پہلے  بیٹنگ کا فیصلہ کیا،  جنوبی افریقہ کی بیٹنگ جاری تھی کہ 38 اووروں کے اختتام پر بارش کے باعث کھیل روک دیا گیا۔

    اب تک جنوبی افریقہ نے  تین وکٹوں کے نقصان پر 216 رنز بنالئے ہیں اور اس وقت فاف ڈو پلیسی 82 اور کپتان اے بی ڈیویلیئرز انتہائی جارحانہ انداز میں کھیلتے ہوئے 60 رنز بنا کر وکٹ پر موجود ہیں۔

    فاف ڈو پلیسی اور کپتان اے بی ڈیویلیئرز کے درمیان 71 گیندوں پر 102 رنز کی شاندار پارٹنر شپ قائم ہوچکی ہے۔

    جنوبی افریقہ کی جانب سے ہاشم آملا اور کوئنٹن ڈی کوک ٹیم کو اچھا آغاز فراہم نہ کر سکے، آملا دس رنز بنا کر بولٹ کی گیند پر بولڈ ہو گئے، جس میں دو چوکے شامل تھے۔

    ہاشم آملہ کے آؤٹ ہونے کے بعد ڈی کوک بھی زیادہ دیر نہ ٹک سکے اور وہ بھی بولٹ کی گیند پر چھکا لگانے کی کوشش کی لیکن باؤنڈری پر کیچ آؤٹ ہو گئے۔

     اوپنرز کے آؤٹ ہونے کے بعد ڈوپلیسی اور رائلی روسو نے محتاط انداز میں بیٹنگ شروع کی اور ٹیم کا اسکور 114 تک پہنچا دیا مگر روسو کوری اینڈرسن کی گیند پر مارٹن گپٹل کے ہاتھوں پوائنٹ پر کیچ آؤٹ ہوگئے۔

    سیمی فائنل میچ میں نیوزی لینڈ  نے کئی کیچ اور رن آؤٹ کے موقعے ضائع کیے ہیں۔