Tag: ورلڈ کپ 2019

لندن: آسٹریلوی لیگ اسپنر ایڈم زمپا بال ٹیمپرنگ کے الزامات کی زد میں آگئے، سوشل میڈیا پر زمپا کی گیند سے چھیڑ چھاڑ کی تصاویر اور ویڈیو وائرل ہوگئیں۔

تفصیلات کے مطابق گزشتہ روز کھیلے جانے والے میچ میں بھارت نے آسٹریلیا کو 36 رنز سے شکست دی تھی تاہم دوران میچ ہی آسٹریلوی لیگ اسپنر کی جانب سے گیند سے چھیڑ چھاڑ کی ویڈیو سوشل میڈیا پر وائرل ہوچکی تھیں۔

میچ کے دوران آسٹریلوی لیگ اسپنر بار بار جیب میں ہاتھ ڈالتے ہوئے دکھائی دئیے، ویڈیو میں دیکھا جاسکتا ہے کہ زمپا جیب میں ہاتھ ڈالتے پھر بال پر ہاتھ پھیرتے ہوئے نظر آرہے ہیں۔

This is something fishy…..what zampa did with the ballll#iccworldcup2019 #bcci🙄🙄🙄 pic.twitter.com/FILy5OyAze

— Sumit (@Sumit22218181) June 9, 2019

دوسری جانب آسٹریلوی کپتان ایرون فنچ نے بال ٹیمپرنگ کے الزامات کی تردید کرتے ہوئے کہا کہ تصاویر اور ویڈیوز نہیں دیکھیں اس لیے اس پر کچھ تبصرہ نہیں کرسکتے۔

ایرون فنچ نے کہا کہ ایڈم زمپا ہر میچ میں اپنے ساتھ ’ہینڈ وارمر‘ رکھتے ہیں اور میرے خیال میں ان کی جیب میں ہینڈ وارمر ہی تھا۔

Hey @ICC instead of just troubling players on putting the logo on keeper gloves, can you clarify what is this ? Are the aussies back to Old Trick ? #adamzampa #Tamperingtheball ?? pic.twitter.com/JHQ8tHv3bL

— Kishan Kumar Prajapati (@orientalsabers) June 9, 2019

انٹرنیشنل کرکٹ کونسل یا دونوں ٹیموں کے کرکٹ بورڈز کی جانب سے اب تک باضابطہ طور پر کوئی شکایت سامنے نہیں آئی اور نہ ہی اس کا کوئی نوٹس لیا گیا ہے۔

واضح رہے کہ آسٹریلوی ٹیم سے سابق کپتان اسٹیو اسمتھ اور ڈیوڈ وارنر بال ٹیمپرنگ پر ایک سال کی معطلی کی سزا بھگت چکے ہیں، کرکٹ آسٹریلیا نے مارچ 2018 میں دونوں کرکٹرز کو کیپ ٹاؤن ٹیسٹ میں بال ٹیمپرنگ کرنے پر ایک سال کی پابندی کی سزا دی تھی۔

دبئی: انٹرنیشنل کرکٹ کونسل (آئی سی سی) نے بھارتی کرکٹ بورڈ سے مہندر سنگھ دھونی کے گلوز سے بھارتی فوج کا نشان ہٹانے کا مطالبہ کردیا۔

بھارتی میڈیا رپورٹس کے مطابق ورلڈ کپ 2019 کے اپنے پہلے میچ میں بھارت کے وکٹ کیپر مہندر سنگھ دھونی کے گلوز پر بھارتی فوج کا نشان دیکھا گیا تھا جسے آئی سی سی نے ہٹانے کا مطالبہ کیا ہے۔

آئی سی سی کے جنرل منیجر برائے اسٹریٹیجک کمیونی کیشنز نے بتایا کہ بی سی سی آئی سے درخواست کی گئی ہے کہ دھونی کے گلوز سے اس نشان کو ہٹایا جائے۔

جنوبی افریقہ کے خلاف میچ میں جب دھونی نے فلک وائیو کو اسٹمپڈ آؤٹ کیا تو ان کے دستانوں پر ‘بلدان‘ کا نشان واضح طور پر دیکھا گیا تھا، بھارت کی خصوصی فوج کا نشان صرف پیرا ملٹری کمانڈوز کو پہننے کی اجازت ہے۔

مزید پڑھیں: بھارتی فوج کا کیپ پہننا ویرات کوہلی کو مہنگا پڑ گیا

واضح رہے کہ مہندر سنگھ دھونی کو 2011 میں پیراشوٹ رجمنٹ میں لیفٹیننٹ کرنل کا اعزازی عہدہ دیا گیا تھا، دھونی نے 2015 میں پیرا بریگیڈ ٹریننگ بھی حاصل کررکھی ہے۔

یاد رہے کہ رواں سال مارچ میں بھارتی کرکٹ ٹیم نے اپنے ہوم گراؤنڈ میں آسٹریلیا کے خلاف ون ڈے میچ میں فوجی کیپ پہن کر آئی تھی اور اسے شکست کا سامنا کرنا پڑا تھا۔

آسٹریلیا کے خلاف میچ سے قبل مہندر سنگھ دھونی نے ہی بھارتی ٹیم میں فوجی ٹوپیاں تقسیم کی تھیں۔

پاکستان کرکٹ بورڈ اور حکومتی سطح پر بھارتی ٹیم کے اس اقدام پر آئی سی سی سے سخت کارروائی کا مطالبہ کیا تھا، تاہم آئی سی سی کا کہنا تھا کہ بھارتی ٹیم کو فوجی کیپ پہننے کی اجازت دی گئی تھی۔

ناٹنگھم: قومی کرکٹ ٹیم کے کپتان سرفراز احمد نے کہا ہے کہ پاکستان ٹیم کو اس جیت کی ضرورت تھی۔

تفصیلات کے مطابق قومی کرکٹ ٹیم کے کپتان سرفراز احمد نے کہا ہے کہ انگلینڈ کے خلاف میچ میں فخر زمان اور امام الحق نے اچھا آغاز فراہم کیا، پاکستان ٹیم کو اس جیت کی ضرورت تھی۔

سرفراز احمد نے کہا کہ انگلینڈ کے خلاف جیت سے مورال میں اضافہ ہوا ہے، مستقبل میں اچھی کارکردگی دکھائیں گے۔

مین آف دی میچ آل راؤنڈر محمد حفیظ نے کہا کہ انگلینڈ میں شائقین بہت سپورٹ کرتے ہیں، انگلینڈ کے خلاف جیت میں پوری ٹیم نے اپنا حصہ ڈالا ہے۔

مزید پڑھیں: ورلڈ کپ میں پاکستان کا شاندار کم بیک، انگلینڈ کو 14 رنز سے شکست

سابق کھلاڑی ظہیر عباس نے کہا کہ ویسٹ انڈیز سے ہارنے کے بعد انگلینڈ سے بڑی فتح حاصل کی، انگلینڈ کے خلاف سرفراز احمد نے اچھی کپتانی کا مظاہرہ کیا۔

واضح رہے کہ قومی ٹیم اپنا تیسرا میچ سری لنکا کے خلاف 7 جون کو کھیلے گی، سری لنکا کو نیوزی لینڈ نے 10 وکٹوں سے شکست دی تھی۔

یاد رہے کہ قومی ٹیم نے انگلینڈ کو 14 رنز سے شکست دی ہے، اس سے قبل گرین شرٹس کو ویسٹ انڈیز نے 7 وکٹوں سے شکست دی تھی۔

پاکستان نے ورلڈ کپ میں دو میچ کھیلے ہیں جس میں ایک میں کامیابی ہوئی اور ایک میں شکست کا سامنا کرنا پڑا، انگلینڈ نے بھی دو میچز کھیلے ہیں، پہلے میچ انگلینڈ نے جنوبی افریقہ کو 104 رنز سے شکست دی تھی۔