ورلڈ کپ کے 43ویں میچ میں آسٹریلیا نے بنگلہ دیش کو باآسانی 8 وکٹوں سے شکست دے دی۔
پونے میں کھیلے گئے میچ میں آسٹریلیا نے بنگلہ دیش کی جانب سے دیا جانے والا 307 رنز کا ہدف 44.4 اوورز میں 2 وکٹوں کے نقصان پر حاصل کرلیا۔
مچل مارش نے 177 رنز کی میچ وننگ اننگز کھیلی، ڈیوڈ وارنر 53 رنز کے ساتھ نمایاں رہے، اسٹیو اسمتھ 63 رنز بنا کر ناٹ آؤٹ رہے۔
اوپنر ٹریوس ہیڈ کو 10 رنز پر تسکین احمد نے بولڈ کیا۔
بنگلہ دیش کی جانب سے تسکین احمد اور مستفیض الرحمان نے ایک، ایک وکٹ حاصل کی۔
آسٹریلیا اور بنگلادیش کے درمیان ہونے والا یہ میچ پونے میں کھیلا جارہا ہے جہاں آسٹریلیا نے ٹاس جیت کر بیٹنگ کا فیصلہ کیا تھا۔
بنگلادیش نے پہلے کھیلتے ہوئے آسٹریلیا کو جیت کیلئے 307 رنز کا ہدف دیا تھا، بنگلادیش نے 8 وکٹوں کے نقصان پر 306 رنز بنائے، جس میں توحید ہریدوئے 74 رنز بنا کر ٹاپ اسکورر رہے۔
اس کے علاوہ بنگلا دیش کی جانب سے نجم الحسین نے 45، تنزید حسن اور لٹن داس نے 36، 36 رنز بنائے جبکہ محمود اللہ 32 اور مہدی حسن میراز 29 رنز بنانے میں کامیاب رہے، دوسری جانب آسٹریلیا کے ایڈم زیمپا اور شان ایبٹ نے 2،2 وکٹیں حاصل کیں۔
آسٹریلوی ٹیم سیمی فائنل کے لیے کوالیفائی کرچکی ہے، جبکہ بنگلادیش اس ورلڈ کپ میں یہ نواں یعنی آخری میچ کھیل رہی ہے۔
پوائنٹس ٹیبل پر آسٹریلیا تیسرے اور بنگلادیش آٹھویں نمبر پر ہے۔ آج کے میچ کا کوئی بھی نتیجہ ورلڈ کپ کے سیمی فائنل مرحلے پر اثر انداز نہیں ہوگا۔
