پورٹ لنکن اِن: کرکٹ ورلڈ کپ دوہزار پندرہ کی ٹرافی خلا کے بعد سمندر کی گہرائیوں میں بھی پہنچ گئی، شارک نے بھی ٹرافی کا دیدار کیا۔
پوری دنیا کا چکر لگانے کے بعد ورلڈ کپ ٹرافی نے خلا کا رخ کیا اور اب ٹرافی نے پانی میں بھی ڈبکی لگا کر سب کو حیران کردیا، سابق آسٹریلوی کھلاڑی شان ٹیٹ ورلڈ کپ کی ٹرافی کے ہمراہ سمندر کی تہہ میں جاپہنچے، سونے اور چاندی سے بنی ٹرافی کا خطرناک شارک نے بھی دیدار کیا، شان ٹیٹ کا کہنا تھا کہ پانی میں ٹرافی کے ساتھ تجربہ اچھا رہا، کرکٹ کا عالمی میلہ آئندہ سال آسٹریلیا اور نیوزی لینڈ میں مشترکہ طور پر منعقد ہوگا۔
Tag: ورلڈ کپ
-
ورلڈ کپ کی ٹرافی خلا کے بعد سمندر کی گہرائیوں میں پہنچ گئی
-
ٹنڈولکر نے سابق آسٹریلوی کپتان کی سازش بے نقاب کردی
ممبئی: لیجنڈ کرکٹر سچن ٹنڈولکر نے بھارتی ٹیم کے سابق کوچ گریگ چیپل پرسازشی ہونے کا الزام عائد کردیا،ان کا کہنا تھا کہ ہیں چیپل نے انہیں بغاوت پر آمادہ کرنے کی کوشش کی۔
ٹنڈولکر نے سابق آسٹریلوی کپتان کی سازش بے نقاب کردی۔ سچن نے اپنی سوانح عمری( پلئینگ اٹ مائی وے) میں گریگ چیپل کیخلاف سنسنی خیز انکشافات کرتے ہوئے کہا کہ چیپل نےدوہزار سات ورلڈ کپ میں انہیں ڈریوڈ کی جگہ کپتان بنانے کی سازش رچی تھی،ٹنڈولکر کی کتاب چھ نومبر کو منظر عام پر آئے گی۔
سابق کرکٹر نے الزام عائد کیا ہے کہ دوہزار سات ورلڈ کپ میں بھارتی ٹیم کے کوچ چیپل میگا ایونٹ سے کچھ ماہ قبل ان کے گھر آئے تھے اور ان سے کہا تھا کہ اگروہ کپتان بن جاتے ہیں توکافی عرصے تک بھارتی کرکٹ پر دونوں حکمرانی کرسکتے ہیں۔ کپتان بننے میں وہ ان کی مدد کرنے کو بھی تیار ہیں۔
سابق بھارتی کرکٹر راہول ڈریوڈ نے ٹنڈولکر کے انکشافات پر تبصرہ کرنے سے گریزکیا ہے،جبکہ گریگ چیپل نے ٹنڈولکر کے الزامات کو مسترد کردیا ہے، دوہزار سات کے عالمی کپ میں بھارت ٹائٹل کیلئے فیورٹ تھا لیکن ٹیم پہلے ہی راؤنڈ میں میگا ایونٹ سے باہر ہوگئی تھی۔
-
پی سی بی کے گورننگ بورڈ کا اہم اجلاس کل لاہور میں ہوگا
لاہور: پی سی بی کے گورننگ بورڈ کا اہم اجلاس کل لاہور میں ہوگا، اجلاس میں پاکستان کرکٹ ٹیم کے چیف سلیکٹر اور منیجر معین خان سے ایک عہدہ واپس لینے کا بھی واضح امکان ہے۔
گوررننگ بورڈ کے اجلاس میں کئی اہم فیصلے متوقع ہیں، اجلاس میں پاکستان کرکٹ بورڈ کے آئین میں ترمیم کے حوالے سے قرار داد پیش کی جائے گی جس میں آئی سی سی کی صدارت کے لئے چیئرمین پی سی بی کی جگہ کسی دوسرے شخص کا نام تجویز کر کے کرکٹ کی عالمی تنظیم کو بھجوایا جائے گا۔
اجلاس میں پاکستان کرکٹ ٹیم کے معین خان کے چیف سلیکٹر اور ٹیم منیجر کے حوالے سے دو عہدوں پر بحث کی جائے گی جس کے بعد اراکین کی مشاورت سے نیوزی لینڈ سیریز سے قبل ان سے ایک عہدہ واپس لئے جانے کا امکان ہے ، پاکستان ون ڈے اور ٹیسٹ ٹیم کے لئے قومی ٹیم کے مستقل نائب کپتان کا تقرر کرنے کی منظوری بھی لی جائے گی جس کے لئے سابق کپتان محمد حفیظ مضبوط امیدوارہیں۔
پاکستان کرکٹ بورڈ کے سابق چیئرمین نجم سیٹھی جو اس وقت پی سی بی ایگزیکٹو بورڈ کے سربراہ بھی ہیں آئی سی سی کی صدارت کے لئے پاکستان کرکٹ بورڈ کی جانب سے مضبوط امیدوار بن گئے ہیں۔
-
پی سی بی کافٹنس پرعدم توجہ دینے والے 11 کھلاڑیوں پرجامانہ عائد
لاہور: پاکستان کرکٹ بورڈ نے فٹنس پر عدم توجہ دینے کے باعث گیارہ کھلاڑیوں پر جرمانہ عائد کردیا، بہترین فٹنس پر پانچ کھلاڑیوں کو بونس دیا جائے گا۔
پاکستان کرکٹ بورڈ نے سینٹرل کنٹریکٹ میں شامل کھلاڑیوں کا گذشتہ روز فٹنس ٹیسٹ لیا، جس میں گیارہ کھلاڑی معیار پر پورا نہ اترسکے، پی سی بی نے ان گیارہ کھلاڑیوں پر تنخواہ کا پچیس فیصد جرمانہ عائد کردیا۔ شاہد آفریدی، عبد الرحمان، عمرا کمل اور رضا حسن پر فٹنس پر توجہ نہ دینے کی وجہ سے تنخواہ کا پچیس فیصد جرمانہ عائد کردیا ہے۔
پاکستان کرکٹ بورڈ نے رواں سال سنڑل کنڑیکٹ میں شامل پانچ کھلاڑیوں کو بہترین فٹنس پر بونس دینے کا اعلان بھی کیا، سپرفٹ مصباح الحق، احمد شہزاد اور بلاول بھٹی کو دس فیصد اضافی بونس دیا جائے گا، عمرامین اور شام مسعود کی فٹنس سب کھلاڑیوں سے بہتر ہونے کی وجہ سے سترہ اعشاریہ پانچ فیصد انعامی بونس ملے گا۔
-
اجمل پرپابندی ختم کرانےکیلئے پی سی بی کی کوششیں تیز
لاہور: پابندی کا شکار پاکستانی آف اسپنر سعید اجمل قومی ٹی ٹوئنٹی میں بھی حصہ نہیں لیں گے۔ ورلڈ کپ میں اجمل کی شرکت یقینی بنانے کے لئے بورڈ نے حکمت عملی ترتیب دے دی ہے۔
پاکستان کرکٹ بورڈ اورسعید اجمل کے پاس وقت کم اورمقابلہ سخت ہے۔ اجمل آسٹریلیا کے خلاف سیریز سے تو باہر ہوگئے لیکن آئندہ سال ورلڈ کپ میں ان کی شرکت یقینی بنانے کے لئے پی سی بی نے کوششیں تیز کردیں ہیں۔
پی سی بی نے سعید اجمل پر عائد پابندی کے خلاف اپیل کرنے کا فیصلہ توترک کردیا ہے لیکن اب دنیا کے نمبر ون بولر کواپنا ایکشن درست کرنے کے لئے سخت محنت درکار ہے۔
اجمل ایکشن ٹھیک کرنے پر توجہ دینے کی وجہ سے قومی ٹی ٹوئنٹی ٹورنامنٹ میں بھی حصہ نہیں لے رہے۔ اب سوال یہ ہے کہ اجمل کو ایکشن بہتر کرنے میں کتنا وقت لگ سکتا ہے؟ کیا سعید آئی سی سی کی مقررہ کردہ 15 ڈگری کی حد میں گیند کراسکیں گے؟
اگر نہیں تو کیا آئی سی سی ان کی میڈیکل رپورٹس تسلیم کرے گا؟ اجمل کلئیر نہ ہوسکے تو بورڈ کے پاس ان کا متبادل کیا ہے؟ ورلڈ کپ میں ابھی پانچ ماہ باقی ہیں اورہرگزرتا دن پی سی بی اور سعید اجمل پر بھاری گزرے گا۔
-
ورلڈ کپ سے قبل سعید اجمل پر پابندی ،لمحہ فکریہ ہے، توصیف احمد
لاہور: پاکستان ٹیم کے مایہ ناز اسپنر توصیف احمد کا کہنا ہے کہ ورلڈ کپ سے قبل سعید اجمل کا بولنگ ایکشن متنازعہ قرار دینے پر مایوسی ضرور ہوئی ہے،جبکہ لمحہ فکریہ ہے کہ اجمل کا متبادل ٹیم کے پاس موجود نہیں۔
کرکٹر توصیف احمد کہتے ہیں کہ سعید اجمل کے بولنگ ایکشن کو دوسرا گیند پھینکنے کے انداز پر مشکوک قرار دیا گیا ہے، ون سابق اسپنر نے کہا کہ بولرز کے ایکشن زیادہ ٹی ٹوئنٹی کرکٹ کھیلنے سے متنازعہ ہوجاتے ہیں ،سعید اجمل کو ہر طرز کی کرکٹ کھیلانا صحیح نہیں تھا۔
توصیف احمد کے مطابق قومی ٹیم کو فرد واحد پر انحصار کرنے کے بجائے ٹیم ورک پر توجہ دینی چاہیے،تھری ٹیسٹ کرکٹر نے امید ظاہر کرتے ہوئے کہا ہے کہ سعید اجمل بولنگ ایکشن میں بہتری لاتے ہوئے قومی ٹیم میں جلد کم بیک کرینگے۔
