لاہور : لاہور میں اسموگ کی بگڑتی صورتحال کے باعث تمام نجی اداروں کے ملازمین کا ہفتے میں دو دن گھر سے کام کرنے کا نوٹیفکیشن جاری کردیا گیا۔
تفصیلات کے مطابق لاہور ہائی کورٹ میں اسموگ کے خلاف کیس کی سماعت ہوئی ، نجی اداروں کے ملازمین کو 2دن ہفتے میں گھر سے کام کرنے کا نوٹیفکیشن عدالت میں پیش کیا گیا۔
نوٹیفکیشن میں کہا گیا کہ اسکولوں میں چھٹیوں کے بعد نجی کمپنیوں کے ملازمین 2 روز گھر سے خدمات انجام دیں گے۔
نوٹیفکیشن میں بتایا گیا کمپنیاں، نجی ادارے اور افراد جمعہ اور ہفتہ کوگھر سے کام کریں گے، عدالتی حکم کے مطابق نوٹیفکیشن کا اطلاق آج سے کیا جائے گا۔
نوٹیفکیشن کے مطابق نجی اداروں کے ملازمین عدالتی حکم کےمطابق15 جنوری تک گھروں سے کام کریں گے،نوٹیفکیشن
یاد رہے لاہور ہائیکورٹ کے جسٹس شاہد کریم نے سموگ کے پھیلاو کے پیش نظر پنجاب حکومت کو ہدایات جاری کی تھی ، جس کے بعد پنجاب حکومت نے لاہور میں ہفتے کے تین روز جمعہ ،ہفتہ اور اتوار سکولز بند کرنے کا نوٹیفکیشن جاری کیا گیا۔
پی ڈی ایم نے نوٹیفیکیشن جاری کر دیا گیا جس میں کہا گیا ہے کہ لاہور میں سموگ کی وجہ سے سانس کے وجہ سے لوگ متاثر ہو رہے ہیں لاہور کی حدود میں کام کرنے والے تمام نجی ادارے، اور ان کے سب آفسز دو روز جمعہ ،ہفتہ کے لئے بند رہیں گے، موجودہ نوٹیفکیشن 15 جنوری تک نافذالعمل رہے گا ۔
