Tag: وریندر سہواگ

سابق بھارتی کرکٹر وریندر سہواگ نے نوجوان اوپنر شبمن گل کو بھارتی ٹی ٹوئنٹی ورلڈکپ اسکواڈ کا حصہ نہ بنانے پر لب کشائی کی ہے۔

بھارتی جارح مزاج اوپنر حالیہ فارم کے باعث عالمی کپ کے لیے منتخب ہونے والے کھلاڑیوں میں جگہ بنانے میں ناکام رہے ہیں۔ آئی پی ایل میں بھی وہ کوئی خاص کارکردگی نہیں دکھا پائے، رائل چیلنجرز بینگلورو کے خلاف آخری میچ میں بھی وہ صرف 7 گیندوں پر 2 رنز ہی بنا پائے تھے۔

سہواگ نے اپنے پرانے دنوں کو یاد کرتے ہوئے سچن ٹنڈولکر، راہول ڈریوڈ، ساروو گنگولی، اور وی وی ایس لکشمن کا حوالہ دیتے ہوئے شبمن گل کی جانب سے کم رن اسکور کرنے کے بارے میں تفصیل سے بات کی۔

انھوں نے کہا کہ مجھے لگتا ہے کہ وہ خوش قسمت ہے کہ ان کا نام ٹی ٹوئنٹی ورلڈکپ کے ریزرو میں آگیا ہے جبکہ کے ایل راہل اور رتوراج گائیکواڑ جیسے پلیئر بھی اس میں شامل نہیں ہیں۔

اس سے شبمن گل کی حوصلہ افزائی ہونی چاہیے۔ اگلی بار موقع ملنے پر اسے اپنی جگہ کو ٹیم میں پکا کرنا چاہیے۔ گل کو اچھے اسٹرائیک ریٹ سے رنز بنانے پر توجہ دینی ہوگی۔

سابق کرکٹر نے کہا کہ جب میں کھلتا تھا تو ہمارے پاس گنگولی، ٹنڈولکر، ڈریوڈ اور لکشمن جیسے پلیئر موجود تھے۔ یہ لوگ ٹیم سے کبھی آؤٹ نہیں ہوئے کیونکہ انھوں نے ہمیشہ رنز اسکور کیے۔

آسٹریلیا کے خلاف حالیہ ون ڈے سیریز میں شبمن گل کی فارم عروج پر ہے، پہلے میچ میں سنچری کے قریب پہنچ کر آؤٹ ہونے والے بیٹر نے دوسرے ون ڈے میں شاندار سنچری جڑی۔

جارحانہ بیٹنگ کی وجہ سے مشہور سابق بھارتی اوپنر وریندر سہواگ نوجوان اوپنر شبمن گل کی اتنی عمدہ پرفارمنس سے بھی ناخوش دکھائی دیتے ہیں۔ ان کا کہنا ہے کہ بیٹر نے دوسرے میچ میں سنچری اسکور کی لیکن وہ آرام سے 160 سے 180 رنز کے درمیان بنا سکتے تھے۔

سہواگ کا مزید کہنا تھا کہ شبمن ابھی صرف 25 سال کے ہیں اگر وہ 200 رنز بھی اسکور کرلیتے تو ان پر تھکن کے آثار ظاہر نہیں ہوتے اور وہ باآسانی فیلڈنگ کے لیے بھی آسکتے تھے۔

انھوں نے کہا کہ اگر شبمن 30 سال کے ہوتے تو ایسا ہوسکتا تھا کہ انھیں بڑی اننگز کھیلنے کے بعد دوسری اننگز میں تھکاوٹ گھیر لے اور وہ ریکور نہ کرپائیں لیکن اس عمر میں موقع ہے کہ وہ بڑی اننگز کھیل سکیں۔

رواں سال شبمن گل کے لیے شاندار رہا ہے، بالخصوص ون ڈے کرکٹ میں انھوں نے بہترین کاکردگی کا مظاہرہ کرتے ہوئے 1200 سے زائد رنز اسکور کیے ہیں جس نے انھیں اس فارمیٹ کا ٹاپ رن اسکورر بھی بنادیا ہے۔

مزید یہ کہ پنجاب سے تعلق رکھنے والے بیٹر ون ڈے میں ایک سال میں سب سے زیادہ رنز بنانے کا سچن ٹنڈولکر کا ریکارڈ توڑنے کے قریب ہیں، وہ آئی سی سی کرکٹ ورلڈکپ میں اپنی عمدہ پرفارمنس ے اس ریکارڈ کو توڑ سکتے ہیں۔