Tag: وزارت خارجہ

اسلام آباد: پاکستان نے بھارتی قیادت کے غیر ذمہ دارانہ بیانات کو مسترد کر دیا، دفتر خارجہ نے کہا ہے کہ بھارتی صدر اور وزیر اعظم کے حالیہ بیانات توجہ ہٹانے کی کوشش ہے۔

اے آر وائی نیوز کے مطابق ترجمان دفتر خارجہ نے کہا ہے کہ بھارتی صدر رام ناتھ کووند اور وزیر اعظم نریندر مودی کے حالیہ بیانات بھارت اور مقبوضہ کشمیر کی صورت حال سے توجہ ہٹانے کی ایک کوشش ہے۔

ترجمان کا کہنا تھا کہ بھارت مقبوضہ کشمیر اور اقلیتوں کے خلاف مظالم دنیا سے چھپانا چاہتا ہے، پاکستان میں اقلیتوں کے ساتھ بد سلوکی کے الزامات منفی پروپیگنڈا ہے، آر ایس ایس اور بی جے پی نے بابری مسجد کی بے حرمتی کی، گجرات میں ہزاروں مسلمانوں کی نسل کشی کی گئی۔

پاکستان بھارتی مسلمانوں کو بھڑکانے کی کوشش کرتا ہے، مودی کا نیا الزام

وزارت خارجہ نے کہا کہ بھارت میں مسلمانوں کے خلاف نفرت انگیز جرائم کے واقعات ہو رہے ہیں، عدم رواداری اور انتہا پسند ہندووتوا نظریے نے بھارتی اداروں کو گھیر رکھا ہے، بھارت کی اقلیتوں سمیت علاقائی امن و استحکام کو بھی خطرہ لا حق ہو چکا ہے۔

دفتر خارجہ نے کہا کہ پاکستان دنیا سے بھارت میں اقلیتوں اور مقبوضہ کشمیر میں غیر قانونی اقدامات دیکھنے کا مطالبہ کرتا ہے۔

خیال رہے کہ بھارتی دارالحکومت نئی دہلی میں ریاستی انتخابات کے لیے پولنگ آج ہوگی، جہاں عام آدمی پارٹی اور بی جے پی میں کانٹے کا مقابلہ ہے، الیکشن میں کامیابی کے لیے بی جے پی کی جانب سے مسلم دشمنی کی بنیاد پر انتخابی مہم چلائی گئی۔

اسلام آباد: سابقہ خارجہ سیکریٹریز کے مشاورتی اجلاس میں خارجہ پالیسی امور پر مشاورتی سلسلہ جاری رکھنے پر اتفاق کیا گیا ہے۔

تفصیلات کے مطابق وزیر خارجہ شاہ محمود قریشی کی زیر صدارت سابقہ خارجہ سیکریٹریز کا مشاورتی اجلاس منعقد ہوا، جس میں خارجہ پالیسی امور پر مشاورتی سلسلہ تواتر سے جاری رکھنے پر اتفاق کیا گیا۔

اجلاس میں وزیر خارجہ شاہ محمود قریشی نے سابقہ خارجہ سیکریٹریز کو صدر سیکورٹی کونسل کو لکھے گئے حالیہ خط کے مندرجات سے آگاہ کیا۔ اجلاس میں مقبوضہ کشمیر میں بھارتی جارحیت اور خطے میں امن کی صورت حال پر تبادلہ خیال کیا گیا۔

وزیر خارجہ نے کہا کہ آج مقبوضہ کشمیر میں کرفیو کے نفاذ کو 145 دن ہو گئے، بھارت نے ذرایع مواصلات پر پابندی عائد کر رکھی ہے، بھارت نے دنیا کو کشمیر کے اصل حقائق تک رسائی سے محروم رکھا، مودی سرکار کی ہندوتوا سوچ نے بھارت کو تقسیم کر دیا۔

انھوں نے کہا کہ سیکولر بھارت کے حامی شہریت کے متنازع قانون، این آر سی کے خلاف سراپا احتجاج ہیں، مودی حکومت کی کشمیر میں لگائی آگ پورے بھارت میں پھیل گئی ہے، بھارت دنیا کی توجہ ہٹانے کے لیے ایل او سی کی خلاف ورزیاں کر رہا ہے۔ لیکن مسلح افواج اور قوم کا بچہ بچہ اس ارض وطن کی حفاظت کے لیے پر عزم ہے، پاکستان بھارتی مظالم کو ہر پلیٹ فارم پر بے نقاب کر رہا ہے۔

اسلام آباد: پاکستان نے افغان وزارت خارجہ کی جانب سے پشاور کی مارکیٹ سے متعلق بیان کو مسترد کر دیا ہے، ترجمان وزارت خارجہ کا کہنا ہے کہ پشاورکی مارکیٹ سے متعلق بیان میں حقائق توڑ مروڑ کر پیش کیے گئے ہیں۔

تفصیلات کے مطابق ترجمان وزارت خارجہ نے کہا ہے کہ افغان وزارت خارجہ نے حالات، واقعات اور حقائق مسخ کر کے پیش کیے، پشاور مارکیٹ کا مسئلہ مقامی شہریوں اور ایک افغان بینک کے درمیان ہے، کیس میں 1998 میں مقامی شہریوں کے حق میں فیصلہ دیا جا چکا ہے، مقامی انتظامیہ نے بھی فیصلے کی روشنی میں قانون کے مطابق قدم اٹھایا تھا۔

دفتر خارجہ کا کہنا ہے کہ اس صورت حال کو افغان حکام کی طرف سے غلط رنگ دیا گیا، پاکستان کے عدالتی نظام، اور فیصلے پر عمل کو غلط رنگ دینے کی کوشش مسترد کرتے ہیں، افغان قونصل خانے کو صورت حال سے جوڑنا اور احتجاجاً بند کرنا قابل مذمت ہے۔

یہ بھی پڑھیں:  وزیراعظم نے طور خم بارڈر 24 گھنٹے کھلا رکھنے کے منصوبے کا افتتاح کردیا

ترجمان نے کہا کہ توقع ہے افغان حکام قونصل خانے کی بندش کے فیصلے پر نظر ثانی کریں گے، نجی معاملے کو 2 ملکوں کے تعلقات پر اثر انداز نہیں ہونا چاہیے۔

واضح رہے کہ پاکستان ایک طرف امریکا، افغانستان اور طالبان کے درمیان مذاکرات کے سلسلے میں اہم ترین کردار ادا کر رہا ہے، دوسری طرف اس نے طور خم بارڈر 24 گھنٹے کھلا رکھنے کے اقدامات کر کے افغان عوام کو تحفہ دیا۔