Tag: وزارت خارجہ

اسلام آباد: دفترِ خارجہ سے جاری اعلامیے میں کہا گیا ہے کہ تعلیمی اداروں میں منشیات کی روک تھام کے سلسلے میں آج ایک اہم اجلاس طلب کر لیا گیا ہے۔

تفصیلات کے مطابق دفترِ خارجہ کے ترجمان نے کہا ہے کہ تعلیمی اداروں میں انسدادِ منشیات سے متعلق اجلاس آج ہوگا۔

[bs-quote quote=”عالمی ماہرین کا 2 روزہ مشاورتی اجلاس بھی اسلام آباد میں منعقد ہوگا۔” style=”style-7″ align=”left” color=”#dd3333″][/bs-quote]

دفترِ خارجہ کے ترجمان نے کہا کہ اجلاس میں وزارتِ خارجہ، انسدادِ منشیات اور تعلیم کی وزارت سمیت دیگر حکام شریک ہوں گے۔

ترجمان کا کہنا ہے کہ اجلاس میں تعلیمی اداروں میں منشیات کی روک تھام کے لیے پالیسیوں کا جائزہ لیا جائے گا۔

ترجمان دفتر خارجہ کے مطابق عالمی ماہرین کا 2 روزہ مشاورتی اجلاس بھی اسلام آباد میں منعقد ہوگا، جس میں ایران، قازقستان، کرغستان، تاجکستان، ترکمانستان، ازبک، اور افغان حکام شرکت کریں گے۔

یہ بھی پڑھیں:  کراچی: اے این ایف کی کارروائی، 3 کلو آئس منشیات برآمد، ملزم گرفتار

واضح رہے کہ دو ماہ قبل وزیرِ مملکت برائے داخلہ شہریار آفریدی نے انکشاف کیا تھا کہ اسلام آباد کے تعلیمی اداروں میں آئس ہیروئن بک رہی ہے جس کے بعد ملک کے دیگر صوبوں کے تعلیمی اداروں میں بھی طلبہ میں منشیات کے استعمال کی خبریں آنے لگیں۔

تین دن قبل بھی اے این ایف نے کراچی کے علاقے سہراب گوٹھ میں کارروائی کرتے ہوئے تعلیمی اداروں میں آئس منشیات فروخت کرنے میں ملوث ملزم کو گرفتار کر کے کروڑوں روپے مالیت کی منشیات برآمد کیں۔

اسلام آباد: پاکستان نے کرتارپور راہ داری کے سلسلے میں ایک بار پھر کوشش کرتے ہوئے پڑوسی ملک کو مذاکرات کے لیے 2 تاریخیں دے دیں، ذرائع کا کہنا ہے کہ بھارت کی جانب سے اس بار مثبت جواب آیا ہے۔

تفصیلات کے مطابق ترجمان دفترِ خارجہ نے اعلامیہ جاری کرتے ہوئے کہا ہے کہ پاکستان نے بھارت کو کرتارپور راہ داری کے لیے 2 تاریخیں دے دی ہیں۔

[bs-quote quote=”بھارت نے اپنا وفد بھی پاکستان بھیجنے کی حامی بھر لی۔” style=”style-7″ align=”left” color=”#dd3333″ author_name=”ذرائع”][/bs-quote]

دفترِ خارجہ کے ترجمان نے بتایا کہ پاکستانی وفد 13 مارچ کو بھارت کا دورہ کر سکتا ہے، جب کہ دو طرفہ بنیاد پر بھارتی وفد 28 مارچ کو پاکستان کا دورہ کرے۔

ترجمان دفترِ خارجہ نے کہا کہ ملاقاتوں میں کرتارپور کے ڈرافٹ پر بات چیت کی جائے گی، ہمیں بھارت سے مثبت رویے کی توقع ہے۔

دوسری جانب ذرائع نے کہا ہے کہ پاکستان کی کرتارپور راہ دراری کے لیے تاریخوں کی تجویز پر بھارت نے مثبت جواب دیا ہے۔

سفارتی ذرائع نے بتایا کہ بھارت نے جواب میں پاکستان کی پیش کش پر خوش آمدید کہا، پاکستانی وفد 13 مارچ کو بھارت کا دورہ کرے گا، بھارت نے حامی بھر لی۔

یہ بھی پڑھیں:  کرتارپور راہداری: پاکستانی پیش کش پر بھارت کی ایک بار پھرہٹ دھرمی

ذرائع نے مزید بتایا ہے کہ بھارت نے اپنا وفد بھی پاکستان بھیجنے کی حامی بھر لی ہے، تاہم بھارت کی جانب سے راہ داری پر ٹیکنیکل میٹنگ کی تجویز دی گئی ہے، بھارت نے انجینئرز کی ملاقات کی تجویز ٹیکنیکل میٹنگ کے تحت دی۔

اسلام آباد: ترجمانِ دفتر خارجہ نے کہا ہے کہ مقبوضہ کشمیر فوجی جیل میں تبدیل ہوچکا ہے، بھارتی دعوے کی قلعی کھل گئی ہے۔

تفصیلات کے مطابق دفترِ خارجہ کے ترجمان نے کہا ہے کہ بھارتی فوج نے مقبوضہ کشمیر کو فوجی جیل میں تبدیل کر دیا ہے۔

[bs-quote quote=”مقبوضہ وادی میں کاروباری مراکز بند، موبائل، انٹرنیٹ سروس معطل ہے۔” style=”style-7″ align=”left” color=”#dd3333″ author_name=”دفتر خارجہ”][/bs-quote]

ترجمان کا کہنا تھا کہ وزیرِ خارجہ کی حریت رہنما سید علی گیلانی سے گفتگو کے بعد کشمیر پر بھارتی دعوے کی قلعی کھل گئی ہے۔

دفتر خارجہ کے مطابق مقبوضہ کشمیر میں حریت رہنما نظر بند ہیں، مقبوضہ وادی میں کاروباری مراکز بند، موبائل، انٹرنیٹ سروس معطل ہے۔

ترجمان دفترِ خارجہ نے کہا کہ بھارت کشمیریوں کی جدوجہد کو دبانے میں ناکام رہا ہے، وہ اپنی ناکامی کو تسلیم کرے۔

خیال رہے کہ آج وزیر خارجہ شاہ محمود قریشی نے لندن ایئر پورٹ پر میڈیا سے گفتگو کرتے ہوئے کہا کہ مسئلہ کشمیر حل طلب مسئلہ ہے، بھارت مقبوضہ کشمیر میں ظلم کر رہا ہے اور عالمی دنیا خاموش ہے۔

یہ بھی پڑھیں:  بھارت مقبوضہ کشمیر میں ظلم کررہا ہے، عالمی دنیا خاموش ہے، شاہ محمود قریشی

شاہ محمود قریشی عالمی کانفرنس میں شرکت کے لیے گئے ہیں، جہاں مقبوضہ کشمیر کی صورت حال پر تبادلہ خیال ہوگا، وزیرِ خارجہ پاکستان کا نقطہ نظر پیش کریں گے۔

انہوں نے کہا لندن میں سیاست پر بات نہیں کرنے آیا، پاکستانیوں کو جوڑنے آیا ہوں، مقبوضہ کشمیر پر کانفرنس میں شرکت کرنے کے لیے آیا ہوں۔

مسقط: وزیرِ خارجہ شاہ محمود قریشی اور عمان کے وزیرِ خارجہ نے مشترکہ اعلامیہ جاری کر دیا، شاہ محمود نے کہا ہے کہ جوائنٹ کمیشن میں پاک عمان تعلقات کے فروغ کے لیے اہم فیصلے کیے گئے ہیں۔

تفصیلات کے مطابق وزیرِ خارجہ نے کہا ہے کہ دونوں ممالک کے درمیان مفاہمتی یادداشتوں پر دستخط کیے گئے ہیں تاکہ ساتویں جوائنٹ منیسٹریل کمیشن کو عملی شکل ملے۔

[bs-quote quote=”تیس فی صد عمانی بنیادی طور پر پاکستان کے صوبہ بلوچستان سے ہیں۔” style=”style-7″ align=”left” color=”#dd3333″ author_name=”شاہ محمود قریشی” author_job=”وزیرِ خارجہ”][/bs-quote]

شاہ محمود قریشی نے کہا ’پاک عمان تعلقات مزید مستحکم کرنے کے لیے ہماری سوچ میں یکسانیت پائی جاتی ہے۔‘

وزیرِ خارجہ کا کہنا تھا کہ عرب ریاستوں میں عمان پاکستان کے سب سے قریب تر ہے، 30 فی صد عمانی بنیادی طور پر پاکستان کے صوبہ بلوچستان سے ہیں، 3 لاکھ تارکین وطن عمان کی تعمیر و ترقی میں کردار ادا کر رہے ہیں۔

شاہ محمود نے کہا صرف 2018 میں 25 ہزار پاکستانی عمان کی لیبر مارکیٹ کا حصہ بنے، ہم چاہتے ہیں عمان ہماری استعداد کار سے بھرپور فائدہ اٹھائے۔

انھوں نے بتایا کہ دونوں ممالک کے درمیان لیبر اور ٹریننگ سے متعلق مشترکہ مفاہمتی یادداشتوں پر دستخط کیے گئے ہیں، اس وقت ہماری باہمی دو طرفہ تجارت کا حجم کافی کم ہے، اس لیے ٹریڈ اور کامرس پر ایک مشترکہ ورکنگ گروپ بنانے کی تجویز دی ہے۔

یہ بھی پڑھیں:  وزیرخارجہ شاہ محمود قریشی کی عمانی ہم منصب سے ملاقات، دورہ پاکستان کی دعوت

وزیرِ خارجہ نے کہا کہ ہم عمان کی مارکیٹ کی ضروریات کے مطابق ترسیل کی اہلیت رکھتے ہیں، عمان کے نجی شعبے سے وابستہ کمپنیاں پاکستان میں سرمایہ کاری کر سکتی ہیں۔

شاہ محمود نے کہا کہ ہم آئل اور گیس دریافت کے لیے مشترکہ کاوشوں کے عزم کا خیر مقدم کرتے ہیں۔

یاد رہے کہ گزشتہ روز مسقط میں وزیر خارجہ شاہ محمود قریشی نے عمانی ہم منصب یوسف بن علوی سے ملاقات میں دورہ پاکستان کی دعوت دی تھی۔

اسلام آباد: سعودی سفیر نواف بن سعید المالکی نے وزارتِ خارجہ کا دورہ کیا، جہاں انھوں نے وزارتِ خارجہ کے اعلیٰ حکام سے ملاقات کی۔

ذرائع کے مطابق سعودی سفیر نواف بن سعید المالکی کی وزارتِ خارجہ آمد ہوئی، دفترِ خارجہ میں انھوں نے اعلیٰ حکام سے ملاقات کی ہے۔

[bs-quote quote=”شہزادہ محمد بن سلمان پاکستانی قوم سے خطاب بھی کریں گے۔” style=”style-7″ align=”left” color=”#dd3333″][/bs-quote]

ذرائع کا کہنا ہے کہ ملاقات میں سعودی ولی عہد شہزادہ محمد بن سلمان کے دورۂ پاکستان پر گفتگو کی گئی۔

سفیر نواف بن سعید نے کہا کہ سعودی ولی عہد 16 فروری کو پاکستان کا دورہ کریں گے، شہزادہ محمد بن سلمان پاکستانی قوم سے خطاب بھی کریں گے۔

سعودی سفیر کا کہنا تھا کہ ولی عہد شہزادہ محمد بن سلمان کے دورے سے متعلق سیکورٹی انتظامات جاری ہیں۔

ولی عہد کا دورہ پاکستان 2 روزہ ہوگا، وہ اسلام آباد میں منعقد ہونے والے دو روزہ بین الاقوامی سرمایہ کاری کانفرنس میں شرکت کریں گے، اور پاکستان کے بعد ملائشیا بھی جائیں گے۔

یہ بھی پڑھیں:  پاکستانی تاریخ کی سب سے بڑی سرمایہ کاری کا اعلان متوقع

ذرائع کا کہنا ہے کہ شہزادہ محمد بن سلمان کے دورۂ پاکستان کے موقع پر پاکستانی تاریخ کی سب سے بڑی سرمایہ کاری کا اعلان بھی متوقع ہے، توقع ہے کہ 14 ارب ڈالر کے معاہدے ہوں گے۔

واضح رہے کہ گزشتہ ہفتے ایک امریکی اخبار نے دعویٰ کیا تھا کہ سعودی عرب اور یواے ای نے پاکستان میں اربوں ڈالر سرمایہ کاری کی پیش کش کی ہے، دوست خلیجی ممالک 30 ارب ڈالر کے قرضے اور سرمایہ کاری کے لیے تیار ہیں۔

اسلام آباد: وزیرِ خارجہ مخدوم شاہ محمود قریشی نے وزارتِ خارجہ میں سائنسی سفارت کاری اجلاس سے خطاب کرتے ہوئے کہا ہے کہ حکومت سائنسی سفارت کاری کی جانب گام زن ہے۔

تفصیلات کے مطابق شاہ محمود قریشی نے سائنسی سفارت کاری اجلاس سے خطاب کرتے ہوئے کہا کہ وزیرِ اعظم کی ہدایت پر معاشی سفارت کاری کا آغاز کیا تھا، آج سائنسی سفارت کاری کی طرف گام زن ہیں۔

[bs-quote quote=”پاکستان کو اسموگ اور پانی کی کمی سمیت بہت سے ماحولیاتی چیلنجز کا سامنا ہے۔” style=”style-7″ align=”left” color=”#dd3333″ author_name=”وزیرِ خارجہ”][/bs-quote]

شاہ محمود قریشی کا کہنا تھا کہ بد قسمتی سے ہمارے ہاں صحت اور تعلیم پر کم توجہ دی جاتی رہی ہے، حالاں کہ ہمارے پاس بہترین لوگ ہیں جو ملک کے لیے سود مند ثابت ہو سکتے ہیں۔

وزیرِ خارجہ نے کہا ’ہم نے ایڈوائزری کونسل برائے خارجہ امور میں ماہرین کو شامل کیا ہے، اپنے اہداف کے حصول کے لیے مشاورت اور باہمی تعاون کو جاری رکھنا چاہیے۔‘

شاہ محمود قریشی کا کہنا تھا کہ ماحولیاتی تبدیلی کے مسئلے کی طرف توجہ کرنے اور اس کے اثرات سے نمٹنے کے لیے مشترکہ لائحہ عمل کی ضرورت ہے ۔

یہ بھی پڑھیں:  پالیسی سازی میں عالمی شہرت یافتہ سابق سفارت کاروں سے استفادہ کریں گے: شاہ محمود

وزیرِ خارجہ نے کہا کہ پاکستان کو اسموگ اور پانی کی کمی سمیت بہت سے ماحولیاتی چیلنجز کا سامنا ہے، مسائل سے نمٹنے کے لیے ہم نے سائنسی سفارت کاری کے پلیٹ فارم کو مؤثر اور نتیجہ خیز بنانا ہے۔

خیال رہے کہ گزشتہ روز بھی وزیرِ خارجہ نے عالمی شہرت یافتہ سابق سفارت کاروں کے تجربات سے ملکی پالیسی سازی میں استفادے کی بات کرتے ہوئے کہا تھا کہ ریٹائرڈ خارجہ سیکریٹریز سے مشاورت کا عمل جاری ہے، خارجہ پالیسی کے لیے ماہرین کی سفارشات پر عمل کیا جائے گا۔

اسلام آباد: وزیرِ اعظم کے معاونِ خصوصی زلفی بخاری نے کہا ہے کہ دیگر ملکوں میں قید پاکستانیوں کا معاملہ دفترِ خارجہ کے ساتھ مل کر حل کرنے کی کوشش کر رہے ہیں۔

تفصیلات کے مطابق وزیرِ اعظم کے معاون خصوصی سے دیگر ملکوں میں قید پاکستانیوں کے ورثا نے ملاقات کی، زلفی بخاری نے قیدیوں کے ورثا کو رہائی کے لیے کوششوں کی یقین دہانی کرا دی۔

[bs-quote quote=”معمولی جرائم کی وجہ سے قید پاکستانیوں کی جلد رہائی کے لیے کوششیں کی جا رہی ہیں۔” style=”style-7″ align=”left” color=”#dd3333″ author_name=”معاونِ خصوصی وزیرِ اعظم”][/bs-quote]

زلفی بخاری نے کہا کہ قیدیوں کا معاملہ دفترِ خارجہ سے مل کر حل کرنے کی کوشش کر رہے ہیں، بیرون ملک قید پاکستانیوں کی رہائی اوّلین ترجیح ہے۔

معاونِ خصوصی زلفی بخاری نے کہا کہ معمولی جرائم کی وجہ سے قید پاکستانیوں کی جلد رہائی کے لیے کوششیں کی جا رہی ہیں۔

ان کا کہنا تھا کہ قطر اور سعودی عرب سے قیدیوں کی واپسی پر بات ہو رہی ہے، بحرین کا 12 پاکستانی قیدیوں کو آزاد کرنے کا فیصلہ خوش آئند ہے۔

یاد رہے کہ گزشتہ ماہ وفاقی وزیرِ خارجہ شاہ محمود قریشی نے پڑوسی ملک افغانستان کے رویے کی شکایت کرتے ہوئے کہا تھا کہ وہ بار بار درخواست پر بھی پاکستانی قیدیوں کی تفصیلات نہیں دے رہا ہے۔

یہ بھی پڑھیں:  افغانستان بار بار درخواست پر بھی قیدیوں کی تفصیلات نہیں دے رہا: وزیرِ خارجہ

وزیرِ خارجہ نے قومی اسمبلی کو بتایا کہ افغانستان میں قید پاکستانیوں پر الزامات سے بھی آگاہ نہیں کیا جاتا، ہمارے سفارت خانے کو قیدیوں تک کونسلر رسائی بھی نہیں دی جاتی۔

انھوں نے مزید بتایا کہ افغانستان میں قید پاکستانیوں پر زیادہ تر دہشت گردی کے الزامات ہیں، حکومتِ پاکستان افغان سفارت خانے کو مکمل تعاون فراہم کرتی ہے لیکن وہاں سے تعاون نہیں کیا جا رہا ہے۔

اسلام آباد: وفاقی وزیرِ خارجہ شاہ محمود قریشی ایک روزہ دورۂ افغانستان کے بعد واپس پہنچ گئے، انھوں نے سہ فریقی مذاکرات میں پاکستان کی نمائندگی کی۔

تفصیلات کے مطابق وزیرِ خارجہ شاہ محمود پڑوسی ملک افغانستان کے ایک روزہ دورے کی تکمیل پر وطن واپس پہنچ گئے ہیں، وزیرِ خارجہ نے پاک چین افغانستان سہ فریقی مذاکرات میں ملک کی بھرپور نمائندگی کی۔

[bs-quote quote=”دورۂ افغانستان دو طرفہ تعلقات کے لیے اہم اور سود مند ثابت ہوگا۔” style=”style-7″ align=”left” color=”#dd3333″][/bs-quote]

شاہ محمود نے افغان صدر اشرف غنی، چیف ایگزیکٹو عبداللہ عبداللہ سے ملاقاتیں کیں، افغان وزیرِ خارجہ صلاح الدین ربّانی اور چینی ہم منصب وانگ ژی سے بھی ملاقات کی۔

وزارتِ خارجہ کے مطابق وزیرِ خارجہ کا دورۂ افغانستان دو طرفہ تعلقات کے لیے اہم اور سود مند ثابت ہوگا۔ دورے سے خطے میں امن و استحکام، تعمیر و ترقی اور انسدادِ دہشت گردی میں مدد ملے گی۔

یہ بھی پڑھیں:  وزیرِ خارجہ شاہ محمود قریشی کی افغان صدر اشرف غنی سے ملاقات

خیال رہے کہ وزیرِ خارجہ وفد کے ہم راہ سہ فریقی مذاکرات میں شرکت کے لیے آج کابل پہنچے تھے، جہاں پاکستان، افغانستان اور چین کے درمیان سہ فریقی مذاکرات ہوئے، پاکستانی وفد میں وزیرِ خارجہ، سیکریٹری خارجہ تہمینہ جنجوعہ سمیت سیاسی، سول اور عسکری حکام شامل تھے۔

وزیرِ خارجہ شاہ محمود اور افغان صدر اشرف غنی کے درمیان ملاقات میں دو طرفہ تعلقات کو بہتر بنانے، اہم علاقائی اور باہمی دل چسپی کے امور پر گفتگو ہوئی۔