Tag: وزارت خزانہ

اسلام آباد : وزارت خزانہ اور آئی ایم ایف مذاکرات کیلئے شیڈول تیار کرلیا گیا ، ایف بی آر، نیپرا، اوگرا کی رپورٹس آئی ایم ایف کو پیش کی جائیں گی۔

تفصیلات کے مطابق آئی ایم ایف سے ڈیٹا کا تبادلہ ودیگر معاشی اہداف کے حصول کے طریقہ کار کی تیاری مکمل کرلی گئی۔

ذرائع وزارت خزانہ نے بتایا کہ 9ویں اقتصادی جائزےکیلئے وزارت خزانہ اور آئی ایم ایف مذاکرات کیلئے شیڈول تیار کرلیا گیا ہے۔

ذرائع کا کہنا ہے کہ ایف بی آر، نیپرا، اوگرا کی رپورٹس آئی ایم ایف کو پیش کی جائیں گی۔

نیپرا رپورٹ میں ٹیرف میں اضافہ،گردشی قرضہ میں کمی کا پلان آئی ایم ایف کو دیا جائے گا جبکہ ایف بی آر رواں مالی سال ریونیو محصولات اور شارٹ فال پورا کرنے کا پلان دے گا۔

اس کے علاوہ اوگرارپورٹ میں گیس ٹیرف میں اضافہ،گردشی قرضہ میں کمی کاپلان وفد کا دیا جائے گا اور وزارت خزانہ حکام اہداف پرعملدرآمدرپورٹ آئی ایم ایف حکام کو پیش کریں گے۔

نجکاری کمیشن حکام کی جانب سے بھی آئی ایم ایف مشن کورپورٹ دی جائے گی۔

اسلام آباد: وفاقی وزارت صحت نے ملک میں دواؤں کے بحران کے خدشے کے پیش نظر وزارت خزانہ کو خط لکھ دیا۔

وزارت صحت  کے حکام کے مطابق ادویات کے خام مال کیلئے ایل سیز نہ کھولی گئیں تو ادویات کے بحران کا خدشہ ہے، ادویہ ساز کمپنیوں کے پاس صرف چند ہفتوں کا خام مال بچا ہے۔

حکام کی جانب سے بتایا گیا کہ ڈرگ ریگولیٹری اتھارٹی آف پاکستان کی سفارش پر وزارت خزانہ کو خط لکھا ہے۔

پاکستان فارماسوٹیکل مینوفیکچررز ایسوسی ایشن کا کہنا ہے کہ بھارتی ادویات خام مال ساز کمپنیوں نے پاکستان کوڈیفالٹ قراردیا ہے۔

پی پی ایم اے نے دعویٰ کیا ہے کہ بھارتی اورچینی کمپنیاں اب پاکستانیوں کو ادھارپرخام مال نہیں دے رہی ہیں، ایل سیزکھولنے کا مسئلہ نہ حل کیا گیا تو ملک میں ادویات اورمیڈیکل ڈیوائسزکا سنگین بحران ہوگا۔

دوسری جانب ذرائع اسٹیٹ بینک کا کہنا ہے کہ پیٹرولیم اور فارماسوٹیکل مصنوعات کی درآمد پر کوئی پابندی نہیں، گورنراسٹیٹ بینک کی واضح ہدایات ہیں کہ پٹرولیم، فارماسیوٹیکل کیلئےایل سی بندنہ کی جائیں۔

اسٹیٹ بینک کا کہنا ہے کہ نومبر کے مہینے میں اکتوبر سے زیادہ درآمدات ہوئیں۔